This document is an excerpt from the EUR-Lex website
Document 32007D0874
2007/874/EC: Commission Decision of 18 December 2007 approving the national programme for the control of salmonella in breeding flocks of Gallus gallus submitted by Romania (notified under document number C(2007) 6354)
2007/874/KE: Deċiżjoni tal-Kummissjoni tat- 18 ta’ Diċembru 2007 li tapprova l-programm nazzjonali għall-kontroll tas-salmonella f’qatgħat għat-tgħammir ta’ Gallus gallus ippreżentat mir-Rumanija (notifikata taħt id-dokument numru C(2007) 6354)
2007/874/KE: Deċiżjoni tal-Kummissjoni tat- 18 ta’ Diċembru 2007 li tapprova l-programm nazzjonali għall-kontroll tas-salmonella f’qatgħat għat-tgħammir ta’ Gallus gallus ippreżentat mir-Rumanija (notifikata taħt id-dokument numru C(2007) 6354)
ĠU L 344, 28.12.2007, p. 46–47
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
28.12.2007 |
MT |
Il-Ġurnal Uffiċjali ta’ l-Unjoni Ewropea |
L 344/46 |
DEĊIŻJONI TAL-KUMMISSJONI
tat-18 ta’ Diċembru 2007
li tapprova l-programm nazzjonali għall-kontroll tas-salmonella f’qatgħat għat-tgħammir ta’ Gallus gallus ippreżentat mir-Rumanija
(notifikata taħt id-dokument numru C(2007) 6354)
(It-test bir-Rumen biss huwa awtentiku)
(2007/874/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat t-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 2160/2003 tal-Parlament Ewropew u tal-Kunsill tas-17 ta’ Novembru 2003 dwar il-kontroll tas-salmonella u aġenti żoonotiċi oħra speċifikati li jinġarru fl-ikel (1) u, partikolarment l-Artikolu 6(2) tiegħu;
Billi:
|
(1) |
L-għan tar-Regolament (KE) Nru 2160/2003 huwa li jassigura li jittieħdu miżuri xierqa u effettivi għall-individwazzjoni u l-kontroll tas-salmonella u aġenti żoonotiċi oħra fl-istadji rilevanti kollha tal-produzzjoni, l-ipproċessar u d-distribuzzjoni, partikolarment fil-livell ta’ produzzjoni primarja, sabiex titnaqqas il-prevalenza tagħhom u r-riskju li dawn ifissru għas-saħħa pubblika. |
|
(2) |
Il-mira tal-Komunità ġiet stabbilità għat-tnaqqis tal-prevalenza ta’ kull serotip tas-salmonella b’sinifikat għas-saħħa pubblika f’qatgħat għat-tgħammir ta’ Gallus gallus fil-livell ta’ produzzjoni primarja bir-Regolament tal-Kummissjoni (KE) Nru 1003/2005 tat-30 ta’ Ġunju 2005 li jimplimenta r-Regolament (KE) Nru 2160/2003 fir-rigward ta’ mira Komunitarja għat-tnaqqis tal-prevalenza ta’ ċerti serotipi tas-salmonella f’qatgħat għat-tgħammir ta’ Gallus gallus u li jemenda r-Regolament (KE) Nru 2160/2003 (2). |
|
(3) |
Sabiex il-Komunità tikseb il-mira tagħha l-Istati Membri għandhom jistabbilixxu programmi nazzjonali għall-kontroll tas-salmonella f’qatgħat għat-tgħammir ta’ Gallus gallus u jissottomettuhom lill-Kummissjoni b’konformità mar-Regolament (KE) Nru 2160/2003. |
|
(4) |
Ir-Rumanija ppreżentat il-programm nazzjonali tagħha għall-kontroll tas-salmonella f’qatgħat għat-tgħammir ta’ Gallus gallus. |
|
(5) |
Il-programm ppreżentat mir-Rumanija nstab li hu konformi mal-leġiżlazzjoni rilevanti Veterinarja tal-Komunità u b’mod partikolari mar-Regolament (KE) Nru 2160/2003. |
|
(6) |
Il-programm nazzjonali ta’ kontroll ippreżentat mir-Rumanija għandu għalhekk jiġi approvat. |
|
(7) |
Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI
Artikolu 1
Il-programmi nazzjonali għall-kontroll ta’ salmonella f’qatgħat għat-tgħammir ta’ Gallus gallus ippreżentat mir-Rumanija hu approvat.
Artikolu 2
Din id-Deċiżjoni għandha tapplika mill-1 ta’ Jannar 2008.
Artikolu 3
Din id-Deċiżjoni hija indirizzata lir-Rumanija.
Magħmula fi Brussell, 18 ta’ Diċembru 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 325, 12.12.2003, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 1237/2007 (ĠU L 280, 24.10.2007, p. 5).
(2) ĠU L 170, 1.7.2005, p. 12. Regolament kif emendat bir-Regolament (KE) Nru 1168/2006 (ĠU L 211, 1.8.2006, p. 4).