Edizzjoni speċjali bil-Kroat: Kapitolu 11 Volum 128 P. 139 - 140
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32007D0549
2007/549/EC: Council Decision of 16 July 2007 modifying the Internal Agreement of 17 July 2006 between the Representatives of the Governments of the Member States, meeting within the Council, on the financing of Community aid under the multiannual financial framework for the period 2008-2013 in accordance with the ACP-EC Partnership Agreement and the allocation of the financial assistance for the Overseas Countries and Territories to which part Four of the EC Treaty applies
2007/549/KE: Deċiżjoni tal-Kunsill tas- 16 ta’ Lulju 2007 li timmodifika l-Ftehim Intern tas- 17 ta’ Lulju 2006 bejn ir-Rappreżentanti tal-Gvernijiet ta’ l-Istati Membri, imlaqqgħin fil-Kunsill, dwar il-finanzjament ta’ l-għajnuna Komunitarja taħt il-qafas finanzjarju multiannwali għall-perjodu 2008-2013 skond il-Ftehim ta’ Sħubija AKP-KE u l-allokazzjoni ta’ l-assistenza finanzarja għall-Pajjiżi u Territorji Extra -Ewropej li għalihom tapplika r-Raba’ Parti tat-Trattat KE
2007/549/KE: Deċiżjoni tal-Kunsill tas- 16 ta’ Lulju 2007 li timmodifika l-Ftehim Intern tas- 17 ta’ Lulju 2006 bejn ir-Rappreżentanti tal-Gvernijiet ta’ l-Istati Membri, imlaqqgħin fil-Kunsill, dwar il-finanzjament ta’ l-għajnuna Komunitarja taħt il-qafas finanzjarju multiannwali għall-perjodu 2008-2013 skond il-Ftehim ta’ Sħubija AKP-KE u l-allokazzjoni ta’ l-assistenza finanzarja għall-Pajjiżi u Territorji Extra -Ewropej li għalihom tapplika r-Raba’ Parti tat-Trattat KE
ĠU L 202, 3.8.2007, pp. 35–36
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
3.8.2007 |
MT |
Il-Ġurnal Uffiċjali ta’ l-Unjoni Ewropea |
L 202/35 |
DEĊIŻJONI TAL-KUNSILL
tas-16 ta’ Lulju 2007
li timmodifika l-Ftehim Intern tas-17 ta’ Lulju 2006 bejn ir-Rappreżentanti tal-Gvernijiet ta’ l-Istati Membri, imlaqqgħin fil-Kunsill, dwar il-finanzjament ta’ l-għajnuna Komunitarja taħt il-qafas finanzjarju multiannwali għall-perjodu 2008-2013 skond il-Ftehim ta’ Sħubija AKP-KE u l-allokazzjoni ta’ l-assistenza finanzarja għall-Pajjiżi u Territorji Extra-Ewropej li għalihom tapplika r-Raba’ Parti tat-Trattat KE
(2007/549/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea,
Wara li kkunsidra l-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, fuq naħa waħda, u l-Komunità Ewropea u l-Istati Membri tagħha, fuq in-naħa l-oħra, iffirmat f’Cotonou, fit-23 ta’ Ġunju 2000 (1) kif rivedut fil-Lussemburgu, fit-25 ta’ Ġunju 2005 (2),
Wara li kkunsidra l-Ftehim Intern bejn ir-Rappreżentanti tal-Gvernijiet ta’ l-Istati Membri, imlaqqgħin fil-Kunsill, dwar il-finanzjament ta’ l-għajnuna Komunitarja taħt il-qafas finanzjarju multi-annwali għall-perjodu 2008-2013 skond il-Ftehim ta’ Sħubija AKP-KE u dwar l-allokazzjoni ta’ l-assistenza finanzarja għall-Pajjiżi u Territorji Extra-Ewropej li għalihom tapplika r-Raba’ Parti tat-Trattat KE (minn hawn ’il quddiem imsejjaħ il-“Ftehim Intern”) (3), u partikolarment l-Artikoli 1(7) u l-Artikolu 8(4) tiegħu,
Wara li kkunsidra l-Att ta’ Adeżjoni ta’ l-2005 (4), partikolarment l-Artikolu 6(11) tiegħu,
Wara li kkunsidra l-proposta mill-Kummissjoni,
Billi:
|
(1) |
Skond l-Artikolu 6(11) ta’ l-Att ta’ Adeżjoni ta’ l-2005, il-Bulgarija u r-Rumanija awtomatikament issieħbu mal-Ftehim Intern mid-data ta’ l-Adeżjoni. |
|
(2) |
Skond l-Artikolu 1(7) tal-Ftehim Intern, l-allokazzjonijiet tal-kontribuzzjonijiet imsemmija fil-paragrafu (2a) ta’ dak l-Artikolu, li attwalment huma biss ammonti stmati fil-każ tal-Bulgarija u tar-Rumanija, għandhom jiġu emendati b’deċiżjoni tal-Kunsill jekk jidħol Stat ġdid fl-UE. |
|
(3) |
Skond l-Artikolu 8(4) tal-Ftehim Intern, il-piżijiet tal-voti stipulati fil-paragrafu (2) ta’ dak l-Artikolu, li attwalment huma biss voti stmati fil-każ tal-Bulgarija u tar-Rumanija, għandhom jiġu emendati b’deċiżjoni tal-Kunsill jekk jidħol Stat ġdid ma’ l-UE. |
|
(4) |
Il-kontribuzzjonijiet u l-piżijiet għandhom jiġu konfermati, |
IDDEĊIEDA KIF ĠEJ
Artikolu 1
Il-metodu tal-kontribuzzjoni u l-kontribuzzjoni tal-Bulgarija u tar-Rumanija għall-għaxar Fond Ewropew għall-Iżvilupp kif stipulat fl-Artikolu 1(2)a) tal-Ftehim Intern kif ukoll il-voti tagħhom fi ħdan il-Kumitat tal-Fond Ewropew għall-Iżvilupp kif stipulat fl-Artikolu 8(2) tal-Ftehim Intern huma b’dan konfermati.
Artikolu 2
Il-Ftehim Intern huwa b’dan emendat kif ġej:
|
(1) |
Fit-tabella fl-Artikolu 1(2)a, il-parentesi tondi u l-asterisk wara l-kliem “Bulgarija u Rumanija” kif ukoll in-nota ta’ qiegħ il-paġna “ (*) Ammont stmat” għandhom jitħassru. |
|
(2) |
Fit-tabella fl-Artikolu 8(2), dan li ġej għandu jitħassar:
|
|
(3) |
L-Artikolu 8(3) għandu jiġi sostitwit minn dan li ġej: “Il-Kumitat ta’ l-EDF għandu jaġixxi b’maġġoranza kwalifikata ta’ 724 vot minn 1 004, bl-espressjoni tal-vot favur ta’ mill-anqas erbatax-il Stat Membru. Il-minoranza li timpedixxi għandha tikkonsisti f’281 vot.” |
Artikolu 3
Din id-Deċiżjoni għandha tidħol fis-seħħ fil-jum wara dak ta’ l-adozzjoni tagħha.
Magħmul fi Brussell, 16 ta’ Lulju 2007.
Għall-Kunsill
Il-President
J. SILVA
(1) ĠU L 317, 15.12.2000, p. 3. Ftehim kif emendat l-aħħar mid-Deċiżjoni Nru 1/2006 tal-Kunsill tal-Ministri ta’ l-AKP-KE (ĠU L 247, 9.9.2006, p. 22).
(2) Deċiżjoni tal-Kunsill tal-21 ta’ Ġunju 2005 dwar l-iffirmar, f’isem il-Komunità Ewropea, tal-Ftehim li jemenda l-Ftehim ta’ Sħubija AKP-KE (ĠU L 209, 11.8.2005, p. 26).