EUR-Lex Access to European Union law
This document is an excerpt from the EUR-Lex website
Document 32007D0480
2007/480/EC: Commission Decision of 25 June 2007 on the compatibility with Community law of measures taken by France pursuant to Article 3a(1) of Council Directive 89/552/EEC on the coordination of certain provisions laid down by law, regulation or administrative action in Member States concerning the pursuit of television broadcasting activities
2007/480/KE: Deċiżjoni tal-Kummissjoni tal- 25 ta’ Ġunju 2007 dwar il-kompatibbiltà mal-liġi tal-Komunità, tal-miżuri meħuda minn Franza skond l-Artikolu 3a(1) tad-Direttiva tal-Kunsill 89/552/KEE dwar il-koordinazzjoni ta’ ċerti dispożizzjonijiet stabbiliti mil-liġi, b’regolament jew b’azzjoni amministrattiva fl-Istati Membri dwar it-twettiq ta’ attivitajiet ta’ xandir bit-televiżjoni
2007/480/KE: Deċiżjoni tal-Kummissjoni tal- 25 ta’ Ġunju 2007 dwar il-kompatibbiltà mal-liġi tal-Komunità, tal-miżuri meħuda minn Franza skond l-Artikolu 3a(1) tad-Direttiva tal-Kunsill 89/552/KEE dwar il-koordinazzjoni ta’ ċerti dispożizzjonijiet stabbiliti mil-liġi, b’regolament jew b’azzjoni amministrattiva fl-Istati Membri dwar it-twettiq ta’ attivitajiet ta’ xandir bit-televiżjoni
ĠU L 180, 10.7.2007, p. 33–37
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
10.7.2007 |
MT |
Il-Ġurnal Uffiċjali ta’ l-Unjoni Ewropea |
L 180/33 |
DEĊIŻJONI TAL-KUMMISSJONI
tal-25 ta’ Ġunju 2007
dwar il-kompatibbiltà mal-liġi tal-Komunità, tal-miżuri meħuda minn Franza skond l-Artikolu 3a(1) tad-Direttiva tal-Kunsill 89/552/KEE dwar il-koordinazzjoni ta’ ċerti dispożizzjonijiet stabbiliti mil-liġi, b’regolament jew b’azzjoni amministrattiva fl-Istati Membri dwar it-twettiq ta’ attivitajiet ta’ xandir bit-televiżjoni
(2007/480/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/552/KEE tat-3 ta’ Ottubru 1989 dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fi Stati Membri dwar it-twettiq ta’ attivitajiet ta’ xandir bit-televiżjoni (1), u b’mod partikulari l-Artikolu 3a(2) tagħha.
Wara li kkunsidrat l-opinjoni tal-Kumitat imwaqqaf skond l-Artikolu 23a tad-Direttiva 89/552/KEE,
Billi:
(1) |
B’ittra fit-30 ta’ Diċembru 2003, Franza nnotifikat lill-Kummissjoni dwar miżuri li għandhom jittieħdu skond l-Artikolu 3a(1) tad-Direttiva 89/552/KEE. |
(2) |
Il-Kummissjoni vverifikat, fi żmien tliet xhur minn din in-notifika, jekk miżuri tali humiex kompatibbli mal-liġi tal-Komunità, b’mod partikulari dwar il-proporzjon tal-miżuri u t-trasparenza tal-proċedura ta’ konsultazzjoni nazzjonali. |
(3) |
Fl-eżami tagħha, il-Kummissjoni ħadet in konsiderazzjoni d-dejta disponibbli fil-media Franċiża. |
(4) |
Il-lista ta’ avvenimenti ta’ importanza ewlenija għas-soċjetà, inklużi fil-miżuri Franċiżi, tfasslet b’mod ċar u trasparenti u tnieda proċess ta’ konsultazzjoni wiesa’ fi Franza. |
(5) |
Il-Kummissjoni kienet sodisfatta li l-attivitajiet elenkati fil-miżuri Franċiżi laħqu minn ta’ l-anqas tnejn mill-kriterji li ġejjin, kunsidrati bħala indikaturi ta’ min joqgħod fuqhom ta’ l-importanza ta’ l-avvenimenti, għas-soċjetà: (i) reżonanza ġenerali u speċjali fi ħdan l-Istat Membru, u mhux sempliċement sinifikat għal dawk li normalment isegwu l-isport jew attività konċernata; (ii) importanza kulturali distinta u ġeneralment rikonoxxuta għall-popolazzjoni fl-Istat Membru, b’mod partikulari bħala katalista għall-identità kulturali; (iii) l-involviment tat-tim nazzjonali fl-avveniment ikkonċernat fil-kuntest ta’ kompetizzjoni jew turnew ta’ importanza internazzjonali; u (iv) il-fatt li dak l-avveniment kien tradizzjonalment imxandar b’xejn fuq it-televiżjoni u kienu jarawh udjenzi kbar. |
(6) |
Numru ta’ avvenimenti elenkati fil-miżuri Franċiżi, fosthom l-Olimpjadi tas-sajf u tax-xitwa, il-logħba tal-ftuħ, is-semifinali u l-finali tat-Tazza tad-Dinja tal-Futbol kif ukoll is-semifinali u l-finali tal-Kampjonati Ewropej tal-Futbol, jaqgħu taħt din il-kategorija ta’ avvenimenti tradizzjonalment ikkunsidrati ta’ importanza kbira għas-soċjetà, kif riferut għalihom b’mod espliċitu fi premessa 18 tad-Direttiva 97/36/KE. Dawn l-avvenimenti għandhom reżonanza ġenerali u speċjali fi Franza, għax huma partikolarment popolari mal-pubbliku in ġenerali, mhux biss ma’ dawk li normalment isegwu avvenimenti sportivi; |
(7) |
L-avvenimenti tal-futbol, oħrajn, elenkati, fosthom il-logħob uffiċjali tat-tim nazzjonali Franċiż tal-futbol fil-kalendarju tal-futbol tal-FIFA, il-finali tat-tazza UEFA, fejn ikun qed jilgħab xi tim mill-kampjonati Franċiżi, il-finali tat-tazza Franċiża tal-futbol, u l-finali taċ-Champions League, għandhom reżonanza ġenerali u speċjali fi Franza, peress li l-futbol huwa l-aktar Sport popolari f’dak il-pajjiż. |
(8) |
Ir-Ragbi huwa sport importanti u jiġbed udjenza konsiderevoli, speċjalment fil-Lbiċ ta’ Franza u għalhekk f’parti kbira tal-pajjiż. Il-finali tal-Kampjonat Franċiż tar-Ragbi, il-Finali tat-Tazza Ewropea tar-Ragbi fejn ikun qed jilgħab xi tim mill-kampjonati Franċiżi, it-Turnew tar-Ragbi tas-sitt Nazzjonijiet, u s-semifinali u l-finali tat-tazza tad-Dinja tar-Ragbi għalhekk, għandhom reżonanza ġenerali u speċjali fi Franza. |
(9) |
L-avvenimenti tat-tenis elenkati għandhom reżonanza ġenerali u speċjali fi Franza peress li t-Tenis huwa l-aktar sport individwali importanti f’dak l-Istat Membru. |
(10) |
Il-Grand Prix Franċiża tal-Formula 1 għandha reżonanza ġenerali u speċjali fi Franza minħabba l-importanza ta’ dan l-avveniment għall-industrija Franċiża tal-karozzi tat-tlielaq. |
(11) |
It-Tour de France (irġiel) għandu reżonanza ġenerali u speċjali fi Franza u ġeneralment għandu importanza kulturali distinta u rikonoxxuta għall-popolazzjoni Franċiża bħala katalista għall-identità kulturali, minħabba l-fatt li huwa l-aktar avveniment taċ-ċikliżmu importanti fid-dinja. Huwa jixhed il-popolarità taċ-ċikliżmu fi Franza u għandu impatt fuq it-turiżmu bħala okkażjoni li jippromwovi l-pajjiż. |
(12) |
It-tellieqa tar-roti Pariġi–Roubaix għandha reżonanza ġenerali u speċjali fi Franza peress li hija parti mill-patrimonju Franċiż. |
(13) |
L-avvenimenti tal-baskitbal elenkati għandhom importanza kulturali distinta u ġeneralment rikonoxxuta għall-popolazzjoni Franċiża, b’mod partikulari bħala katalista għall-identità kulturali, minħabba li l-Baskitbal huwa fattur importanti għall-koeżjoni soċjali fi Franza. |
(14) |
Il-lista ta’ avvenimenti tal-handball elenkati jinvolvu t-tim nazzjonali Franċiż f’turnew ewlieni internazzjonali u għalhekk għandu importanza kulturali konsiderevoli għall-popolazzjoni Franċiża. |
(15) |
Il-Kampjonati Mondjali ta’ l-Atletika għandhom importanza kulturali distinta u ġeneralment rikonoxxuta għall-popolazzjoni Franċiża, b’mod partikulari bħala katalista għall-identità kulturali, minħabba s-soltu suċċess tal-parteċipanti Franċiżi. |
(16) |
L-avvenimenti elenkati kienu tradizzjonalment imxandra fuq it-televiżjoni bla ħlas u kienu jarawhom udjenzi televiżivi kbar. |
(17) |
Il-miżuri Franċiżi jidhru li huma proporzjonati sabiex jiġġustifikaw deroga mil-libertà fundamentali tat-Trattat tal-KE li servizzi jiġu provduti abbażi ta’ raġuni għolja ta’ interess għall-pubbliku, li għandha tiżgura aċċess wiesa’ għall-pubbliku għal xandiriet ta’ avvenimenti ta’ importanza kbira għas-soċjetà. |
(18) |
Il-miżuri Franċiżi huma kompatibbli mar-regoli tal-kompetizzjoni tal-KE għall-fatt li d-definizzjoni ta’ xandâra kwalifikati li jxandru avvenimenti elenkati hija bbażata fuq kriterji oġġettivi li jippermettu kompetizzjoni attwali u potenzjali għall-kisba tad-drittijiet tax-xandir ta’ dawn l-avvenimenti. Barra minn hekk, in-numru ta’ avvenimenti elenkati mhux sproporzjonat tant li jgħawweġ il-kompetizzjoni għas-swieq tat-televiżjoni b’xejn u bi ħlas. |
(19) |
Wara komunikazzjoni mill-Kummissjoni lill-Istati Membri l-oħra dwar il-miżuri meħuda minn Franza u l-konsultazzjoni tal-Kumitat imwaqqaf skond l-Artikolu 23a tad-Direttiva tal-Kunsill 89/552/KEE, id-Direttur Ġenerali għall-Edukazzjoni u l-Kultura informa lil Franza permezz ta’ ittra fis-7 ta’ April 2004, li l-Kummissjoni Ewropea ma hi bi ħsiebha toġġezzjona għal ebda waħda mill-miżuri notifikati. |
(20) |
Franza addottat il-miżuri fit-22 ta’ Diċembru 2004. |
(21) |
Mis-Sentenza tal-Qorti ta’ Prim Istanza Każ T-33/01 Infront WM v Kummissjoni jirriżulta, li d-dikjarazzjoni li l-miżuri meħuda skond l-Artikolu 3a(1) tad-Direttiva 89/552/KEE huma kompatibbli mal-liġi tal-Komunità, u jikkostitwixxu deċiżjoni fi ħdan it-tifsira ta’ l-Artikolu 249 tat-Trattat tal-KE, li għalhekk jeħtieġ li tiġi adottata mill-Kummissjoni. Skond dan, hemm bżonn li permezz ta’ din id-Deċiżjoni jiġi dikjarat li l-miżuri notifikati minn Franza huma kompatibbli mal-liġijiet tal-Komunità. Il-miżuri, kif finalment meħuda minn Franza u stabbiliti fl-Anness ta’ din id-Deċiżjoni għandhom jiġu ppubblikati fil-Ġurnal Uffiċjali ta’ l-Unjoni Ewropea skond l-Artikolu 3a(2) tad-Direttiva 89/552/KEE |
IDDEĊIEDA KIF ĠEJ:
Artikolu 1
Il-miżuri notifikati minn Franza lill-Kummissjoni fit-30 ta’ Diċembru 2003 skond l-Artikolu 3a(1) tad-Direttiva tal-Kunsill 89/552/KEE huma kompatibbli mal-liġijiet tal-Komunità.
Artikolu 2
Il-miżuri, kif finalment meħuda minn Franza u stabbiliti fl-Anness ta’ din id-Deċiżjoni għandhom jiġu ppubblikati fil-Ġurnal Uffiċjali ta’ l-Unjoni Ewropea skond l-Artikolu 3a(2) tad-Direttiva 89/552/KEE.
Magħmul fi Brussell, 25 ta’ Ġunju 2007.
Għall-Kummissjoni
Membru tal-Kummissjoni
Viviane REDING
(1) ĠU L 298, 17.10.1989, p. 23. Id-Direttiva kif emendata bid-Direttiva 97/36/KE tal-Parlament Ewropew u tal-Kunsill (ĠU L 202, 30.7.1997, p. 60).
ANNESS
Pubblikazzjoni skond l-Artikolu 3a(2) tad-Direttiva tal-Kunsill 89/552/KEE dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fl-Istati Membri dwar it-twettiq ta’ attivitajiet ta’ xandir bit-televiżjoni.
Il-miżuri meħuda minn Franza li għandhom jiġu ppubblikati skond l-Artikolu 3a(2) tad-Direttiva 89/552/KEE huma kif ġej:
“Digriet Nru 2004-1392 tat-22 ta’ Diċembru 2004 li japplika l-Artikolu 20-2 tal-Liġi Nru 86-1067 tat-30 ta’ Settembru 1986 dwar il-libertà tal-komunikazzjoni
Il-Prim Ministru,
Wara li kkonsulta r-rapport tal-Ministru għall-Kultura u l-Komunikazzjoni,
Wara li kkunsidra id-Direttiva tal-Kunsill 89/552/KEE dwar il-koordinazzjoni ta’ ċerti dispożizzjonijiet stabbiliti bil-liġi, b’regolament jew b’azzjoni amministrattiva fl-Istati Membri dwar it-twettiq ta’ attivitajiet ta’ xandir bit-televiżjoni, kif emendata bid-Direttiva 97/36/KE tal-Parlament Ewropew u tal-Kunsill tat-30 ta’ Ġunju 1997, u b’mod partikulari l-Artikolu 3a(2) tagħha,
Wara li kkunsidra il-Konvenzjoni Ewropea dwar it-Televiżjoni transfrunterjali, miftuħa għall-firem fil-5 ta’ Mejju 1989, kif emendata bil-protokol addottat mill-Kumitat tal-Ministri tal-Kunsill fid-9 ta’ Settembru 1998, miftuħa għall-aċċettazzjoni mill-partijiet tal-Konvenzjoni fl-1 ta’ Ottubru 1998, u b’mod partikulari Artikolu 9(a) tagħha, flimkien mal-liġi Nru 94-542 tat-28 ta’ Ġunju 1994 u l-liġi Nru 2001-1210 tal-20 ta’ Diċembru 2001, li jawtorizzaw l-approvazzjoni tagħha, u d-Digrieti Nru 95-438 ta’ l-14 ta’ April 1995 u Nru 2002-739 tat-30 April 2002, li ppubblikawha;
Wara li kkunsidra il-Ftehim dwar iż-Żona Ekonomika Ewropea iffrimat f’Porto fit-2 ta’ Mejju 1992 u l-Protokol li jaġġusta l-ftehim dwar iż-Żona Ekonomika Ewropea ffirmat fi Brussell fis-17 ta’ Marzu 1993, u b’mod partikolari Anness X tagħha, flimkien mal-Liġi Nru 93-1274 tat-2 ta’ Diċembru 1993, li tawtorizza r-ratifikazzjoni tagħha, u d-Digriet Nru 94-43 ta’ l-1 ta’ Frar 1994, li ippubblikaha;
Wara li kkunsidra il-Liġi Nru 86-1067 tat-30 ta’ Settembru 1986, kif emendata, dwar il-libertà tal-komunikazzjoni, u b’mod partikolari l-Artikolu 20-2 tagħha;
Wara li kkunsidra l-ittra tas-7 ta’ April 2004 mill-Kummissjoni Ewropea dwar l-abbozz ta’ miżuri komunikati minn Franza għall-implimentazzjoni ta’ l-Artikolu 3a tad-Direttiva 89/552/KEE, kif emendat bid-Direttiva 97/36/KE;
Wara li kkonsulta l-Kunsill ta’ l-Istat (Sezzjoni ta’ l-Intern),
HAWNHEKK JIDDIGRIETA KIF ĠEJ:
Artikolu 1 Dan id-Digriet jistipula il-kundizzjonijiet taħt liema s-servizzi tat-televiżjoni għandhom iġestu x-xandir esklussiv ta’ avvenimenti ta’ importanza kbira, b’tali mod li parti sostanzjali mill-pubbliku ma tiċċaħħadx minn dawn l-avvenimenti permezz ta’ televiżjoni bla ħlas.
Titolu I
Dispożizzjonijiet applikabbli għax-xandir ta’ avvenimenti ta’ importanza kbira fit-territorju Franċiż
Artikolu 2 Għall-applikazzjoni ta’ dan it-Titolu, id-definizzjonijiet li ġejjin għandhom jgħoddu:
(a) |
‘aċċess bla ħlas għal servizz ta’ televiżjoni’: is-servizzi kollha tat-televiżjoni li ma jfittxux ħlas mill-utenti tagħhom u li jistgħu jinqabdu minn ta’ l-anqas 85 % tad-djar fi Franza metropolitana; |
(b) |
‘aċċess kundizzjonali għal servizz ta’ televiżjoni’: kull servizz tat-televiżjoni li ma jilħaqx iż-żewġ kundizzjonijiet imsemmija fis-subparagrafu ta’ qabel. |
Artikolu 3 Il-lista ta’ avvenimenti speċifikati fl-Artikolu 20-2 tal-Liġi 86-1067 tat-30 ta’ Settembru 1986 hija kif ġej:
1. |
L-Olimpjadi tas-sajf u tax-xitwa; |
2. |
Logħob uffiċjali tat-tim Nazzjonali tal-futbol Franċiż fil-kalendarju tal-FIFA (Fédération Internationale de Football Association); |
3. |
Il-logħba tal-ftuħ, is-semifinali u l-finali tat-Tazza tad-Dinja tal-futbol; |
4. |
Is-semifinali u l-finali tal-Kampjonati Ewropej tal-futbol; |
5. |
Il-finali tat-tazza UEFA fejn ikun qed jilgħab xi tim Franċiż mill-kampjonati Franċiżi; |
6. |
Il-finali taċ-Champions League tal-futbol; |
7. |
Il-Finali tat-Tazza Franċiża tal-Futbol; |
8. |
It-Turnew tar-Ragbi tas-sitt Nazzjonijiet; |
9. |
Is-semifinali u l-finali tat-Tazza tad-Dinja tar-Ragbi; |
10. |
Il-finali tal-Kampjonat Franċiż tar-Ragbi; |
11. |
Il-finali tat-Tazza Ewropea tar-Ragbi, fejn ikun qed jilgħab xi tim Franċiż mill-kampjonati Franċiżi; |
12. |
Il-finali ta’ l-irġiel u tan-nisa tat-turnew tat-tennis Roland Garros; |
13. |
Is-semifinali u l-finali tat-tazza Davis u tat-Tazza Fed, fejn ikun qed jilgħab it-tim Franċiż tat-Tennis; |
14. |
Il-Grand Prix Franċiża tal-Formula 1; |
15. |
It-Tour de France (ċikliżmu, irġiel); |
16. |
It-tellieqa tar-roti Pariġi-Roubaix; |
17. |
Il-finali ta’ l-irġiel u tan-nisa tal-Kampjonati Ewropej tal-Basketball, fejn ikun qed jilgħab it-tim Franċiż; |
18. |
Il-finali ta’ l-irġiel u tan-nisa tal-Kampjonati Mondjali tal-Basketball, fejn ikun qed jilgħab it-tim Franċiż; |
19. |
Il-finali ta’ l-irġiel u tan-nisa tal-Kampjonati Ewropej tal-Handball, fejn ikun qed jilgħab it-tim Franċiż; |
20. |
Il-finali ta’ l-irġiel u tan-nisa tal-Kampjonati Mondjali tal-Handball, fejn ikun qed jilgħab it-tim nazzjonali Franċiż; |
21. |
Il-Kampjonati dinjija ta’ l-Atletika. |
Artikolu 4 L-eżerċizzju minn servizz ta’ televiżjoni fi Franza ta’ drittijiet esklussivi miksuba wara t-23 ta’ Awwissu 1997 sabiex ixandar avveniment ta’ importanza kbira elenkat fl-Artikolu 3 ma jistax jipprevjeni servizz ta’ televiżjoni bla ħlas milli jxandar dan l-avveniment, li għandu jintwera dirett u sħiħ, minbarra f’dawn il-każi:
1. |
Xandir ta’ l-avveniment indikat f’punt 15 ta’ l-Artikolu 3 jista’ jiġi limitat għal siltiet, skond it-tradizzjoni tax-xandir ta’ dan l-avveniment; |
2. |
Xandir ta’ l-avvenimenti indikati f’punt 1 u 21 ta’ l-Artikolu 3 jistgħu jiġi limitati għal siltiet rappreżentattivi li jirriflettu d-diversità tad-dixxiplini sportivi u l-pajjiżi parteċipanti u jistgħu jinkludu materjal irrekordjat meta l-avvenimenti jseħħu fl-istess waqt; |
3. |
Avvenimenti ta’ importanza kbira jistgħu jixxandru b’mod prerekordjat meta jseħħu bejn nofsillejl u s-6 ta’ filgħodu, ħin Franċiż, bil-kundizzjoni li x-xandira fi Franza tibda qabel l-10 ta’ filgħodu; |
Il-fatt li servizz ta’ televiżjoni b’aċċess kundizzjonali li jfittex li jitħallas mill-utenti tiegħu u li l-programmi tiegħu jistgħu jinqabdu skond il-kundizzjonijiet speċifikati fl-Artikolu 2(a) ta’ dan id-Digriet ixandar avveniment ta’ importanza kbira dirett u b’mod sħiħ, suġġett għad-dispożizzjonijiet imsemmija qabel, mingħajr ma jissuġġettah għall-kundizzjonijiet speċifiċi għall-aċċess, mhux meqjus li jikkostitwixxi ostaklu għax-xandir ta’ dak l-avveniment minn servizz ta’ aċċess għal televiżjoni bla ħlas.
Artikolu 5 Sabiex servizz ta’ aċċess għal televiżjoni bla ħlas jitħalla jxandar avveniment ta’ importanza kbira skond il-kundizzjonijiet speċifikati fl-Artikolu 4, servizz tat-televiżjoni bi drittijiet esklussivi ta’ xandir għal parti jew għall-avveniment ta’ importanza kbira kollu u li ma jilħaqx il-kundizzjonijiet irid, fi żmien raġonevoli qabel l-avveniment, jinforma is-servizzi ta’ aċċess ta’ televiżjoni bla ħlas li jipproponi li jċedi id-drittijiet li jxandar dan l-avveniment skond il-kundizzjonijiet speċifikati fl-Artikolu 4. Din l-offerta għandha ssir taħt kundizzjonijiet u termini ġusti, raġonevoli u nondiskriminatorji tas-suq.
Jekk, bħala tweġiba għal din l-offerta, ma jkun hemm l-ebda proposta minn servizz televiżiv jew jekk il-proposta ma tkunx skond kundizzjonijiet u termini ġusti, raġonevoli u nondiskriminatorji tas-suq, is-servizz televiżiv li jkollu d-drittijiet esklussivi jista’ jeżerċita dawk id-drittijiet mingħajr ma joqgħod għall-kundizzjonijiet ta’ l-Artikolu 4.
Titolu II
Dispożizzjonijiet applikabbli għax-xandir ta’ avvenimenti ta’ importanza kbira f’pajjiżi ewropej oħrajn
Artikolu 6 Id-dispożizzjonijiet ta’ dan it-Titlu japplikaw għal servizzi televiżivi li jaqgħu taħt il-ġurisdizzjoni Franċiża u li jxandru, lejn Stat Membru ieħor ta’ l-Unjoni Ewropea, pajjiż fiż-żona Ekonomika Ewropea jew Stat li jagħmel parti mill-Konvenzjoni Ewropea dwar Televiżjoni Transfronterjali, avveniment magħruf minn dak l-Istat bħala ta’ importanza kbira għas-soċjeta tiegħu skond it-tifsira tad-Direttiva 89/552/KEE tat-3 ta’ Ottubru 1989 u li jkunu kisbu d-drittijiet tax-xandir tiegħu wara t-23 ta’ Awwissu 1997.
Artikolu 7 Servizzi televiżivi li jaqgħu taħt il-ġurisdizzjoni Franċiża għandhom jeżerċitaw, fl-Istati speċifikati fl-Artikolu 6, id-drittijiet tagħhom ta’ xandir ta’ avvenimenti ta’ importanza kbira, kif definiti, f’dawk l-Istati, b’tali mod li ma jinnegawx lil parti sinifikanti tal-pubbliku l-għażla li jaraw avvenimenti bħal dawn, kemm diretti kif ukoll rekordjati, permezz ta’ servizz ta’ aċċess għal televiżjoni bla ħlas kif imsemmi fl-Artikolu 3a tad-Direttiva msemmija tat-3 ta’ Ottubru 1989.
Artikolu 8 Fejn servizz televiżiv li jaqa’ taħt ġurisdizzjoni Franċiża ixandar avveniment ta’ importanza kbira f’wieħed mill-Istati msemmija fl-Artikolu 6, irid jikkonforma mal-kundizzjonijiet imsemmija minn dak l-Istat dwar xandir mis-servizz televiżiv.
Titolu III
Dispożizzjonijiet finali
Artikolu 9 Fejn imsemmi minn servizz televiżiv, jew fuq inizjattiva tiegħu, il-Kunsill Awdjoviżiv jista’ jagħti opinjoni dwar il-kundizzjonijiet ta’ l-applikazzjoni tad-dispożizzjonijiet ta’ dan id-Digriet.
Artikolu 10 Digriet sussegwenti tal-Kunsill ta’ l-Istat għandu jistabbilixxi lista ta’ avvenimenti ta’ importanza kbira u l-kundizzjonijiet ta’ xandir bit-televiżjoni għad-dipartimenti barranin Saint Pierre-et-Miquelon, Mayotte, New Caledonia, French Polynesia u l-gżejjer Wallis u Futuna.
Artikolu 11 Il-Ministru tal-Kultura u l-Komunikazzjoni u l-Ministru għat-Territorji Barranin huma responsabbli għat-twettiq ta’ dan id-Digriet, li għandu jiġi ppubblikat fil-Ġurnal Uffiċjali tar-Repubblika Franċiża.
Magħmul f’Pariġi, fit-22 ta’ Diċembru 2004.
Mill-Prim Ministru
Jean-Pierre RAFFARIN
Ministru għall-Kultura u l-Komunikazzjoni
Renaud DONNEDIEU DE VABRES
Ministru għat-Territorji Barranin
Brigitte GIRARDIN.”