This document is an excerpt from the EUR-Lex website
Document 32007D0457
2007/457/EC: Commission Decision of 21 June 2007 amending Decisions 2001/689/EC, 2002/739/EC, 2002/740/EC, 2002/741/EC and 2002/747/EC in order to prolong the validity of the ecological criteria for the award of the Community eco-label to certain products (notified under document number C(2007) 3128) (Text with EEA relevance)
2007/457/KE: Deċiżjoni tal-Kummissjoni tal- 21 ta’ Ġunju 2007 li temenda d-Deċiżjonijiet 2001/689/KE, 2002/739/KE, 2002/740/KE, 2002/741/KE u 2002/747/KE sabiex ittawwal il-validità tal-kriterji ekoloġiċi għall-għoti ta’ l-ekotikketta Komunitarja għal ċerti prodotti (notifikata taħt id-dokument numru C(2007) 3128) Test b’relevanza għaż-ŻEE
2007/457/KE: Deċiżjoni tal-Kummissjoni tal- 21 ta’ Ġunju 2007 li temenda d-Deċiżjonijiet 2001/689/KE, 2002/739/KE, 2002/740/KE, 2002/741/KE u 2002/747/KE sabiex ittawwal il-validità tal-kriterji ekoloġiċi għall-għoti ta’ l-ekotikketta Komunitarja għal ċerti prodotti (notifikata taħt id-dokument numru C(2007) 3128) Test b’relevanza għaż-ŻEE
ĠU L 173, 3.7.2007, pp. 29–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/02/2009
|
3.7.2007 |
MT |
Il-Ġurnal Uffiċjali ta’ l-Unjoni Ewropea |
L 173/29 |
DEĊIŻJONI TAL-KUMMISSJONI
tal-21 ta’ Ġunju 2007
li temenda d-Deċiżjonijiet 2001/689/KE, 2002/739/KE, 2002/740/KE, 2002/741/KE u 2002/747/KE sabiex ittawwal il-validità tal-kriterji ekoloġiċi għall-għoti ta’ l-ekotikketta Komunitarja għal ċerti prodotti
(notifikata taħt id-dokument numru C(2007) 3128)
(Test b’relevanza għaż-ŻEE)
(2007/457/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat ir-Regolament (KE) Nru 1980/2000 tal-Parlament Ewropew u tal-Kunsill tas-17 ta’ Lulju 2000 dwar skema riveduta għall-għoti ta’ l-ekotikketta Komunitarja (1), u b’mod partikolari t-tieni subparagrafu ta’ l-Artikolu 6(1) tiegħu,
Wara li kkonsultat mal-Bord ta’ l-Itikkettjar Ekoloġiku ta’ l-Unjoni Ewropea,
Billi:
|
(1) |
Il-kriterji ekoloġiċi stipulati fid-Deċiżjoni tal-Kummissjoni 2001/689/KE tat-28 ta’ Awwissu 2001 li tistabbilixxi l-kriterji ekoloġiċi għall-għoti ta’ l-ekotikketta Komunitarja għall-magni tal-ħasil tal-platti (2) jiskadu fit-28 ta’ Awwissu 2007. |
|
(2) |
Id-Deċiżjoni tal-Kummissjoni 2002/739/KE tat-3 ta’ Settembru 2002 li tistabbilixxi kriterji ekoloġiċi riveduti għall-għoti ta’ l-ekotikketta Komunitarja għaż-żebgħa u verniċ ta’ ġewwa u li temenda d-Deċiżjoni 1999/10/KE (3) tiskadi fil-31 ta’ Awwissu 2007. |
|
(3) |
Id-Deċiżjoni tal-Kummissjoni 2002/740/KE tat-3 ta’ Settembru 2002 li tistabbilixxi kriterji ekoloġiċi riveduti għall-għoti ta’ l-ekotikketta Komunitarja għas-saqqijiet u li temenda d-Deċiżjoni 1998/634/KE (4) tiskadi fil-31 ta’ Awwissu 2007. |
|
(4) |
Id-Deċiżjoni tal-Kummissjoni 2002/741/KE ta’ l-4 ta’ Settembru 2002 li tistabbilixxi kriterji ekoloġiċi riveduti għall-għoti ta’ l-ekotikketta Komunitarja għall-karta għall-ikkuppjar u karta grafika u li temenda d-Deċiżjoni 1999/554/KE (5) tiskadi fil-31 ta’ Awwissu 2007. |
|
(5) |
Il-kriterji ekoloġiċi stipulati fid-Deċiżjoni tal-Kummissjoni 2002/747/KE tad-9 ta’ Settembru 2002 li tistabbilixxi l-kriterji ekoloġiċi għall-għoti ta’ l-ekotikketta Komunitarja għall-bozoz ta’ l-elettriku u li temenda d-Deċiżjoni 1999/568/KE (6) jiskadu fil-31 ta’ Awwissu 2007. |
|
(6) |
B’konformità mar-Regolament (KE) Nru 1980/2000, saret reviżjoni f’waqtha tal-kriterji ekoloġiċi, kif ukoll tar-rekwiżiti korrispondenti ta’ evalwazzjoni u verifikazzjoni, stabbiliti minn dawk id-Deċiżjonijiet. |
|
(7) |
Fid-dawl tar-reviżjoni ta’ dawk il-kriterji u rekwiżiti, fil-ħames każijiet kollha ikun xieraq li l-perjodu ta’ validità tal-kriterji ekoloġiċi u r-rekwiżiti jiġi mtawwal għal perjodu ta’ 18-il xahar. |
|
(8) |
Peress li l-obbligu ta’ reviżjoni prevista fir-Regolament (KE) Nru 1980/2000 huwa limitat biss għall-kriterji ekoloġiċi u għar-rekwiżiti ta’ evalwazzjoni u verifikazzjoni, jaqbel li d-Deċiżjonijiet 2001/689/KE, 2002/739/KE, 2002/740/KE, 2002/741/KE u 2002/747/KE jibqgħu fis-seħħ. |
|
(9) |
Għalhekk, id-Deċiżjonijiet 2001/689/KE, 2002/739/KE, 2002/740/KE 2002/741/KE u 2002/747/KE għandhom jiġu emendati skond dan. |
|
(10) |
Il-miżuri previsti f’din id-Deċiżjoni huma skond l-opinjoni tal-Kumitat imwaqqaf bl-Artikolu 17 tar-Regolament (KE) Nru 1980/2000, |
ADOTTAT DIN ID-DEĊIŻJONI:
Artikolu 1
L-Artikolu 3 tad-Deċiżjoni 2001/689/KE hu mibdul b’dan li ġej:
“Artikolu 3
Il-kriterji ekoloġiċi għall-grupp ta’ prodotti tal-magni tal-ħasil tal-platti, kif ukoll ir-rekwiżiti korrispondenti ta’ evalwazzjoni u verifikazzjoni, se jibqgħu validi sat-28 ta’ Frar 2009.”
Artikolu 2
L-Artikolu 5 tad-Deċiżjoni 2002/739/KE hu mibdul b’dan li ġej:
“Artikolu 5
Il-kriterji ekoloġiċi għall-grupp ta’ prodotti taż-żebgħa u verniċ ta’ ġewwa, kif ukoll ir-rekwiżiti korrispondenti ta’ evalwazzjoni u verifikazzjoni, se jibqgħu validi sat-28 ta’ Frar 2009.”
Artikolu 3
L-Artikolu 5 tad-Deċiżjoni 2002/740/KE hu mibdul b’dan li ġej:
“Artikolu 5
Il-kriterji ekoloġiċi għall-grupp ta’ prodotti tas-saqqijiet, kif ukoll ir-rekwiżiti korrispondenti ta’ evalwazzjoni u verifikazzjoni, se jibqgħu validi sat-28 ta’ Frar 2009.”
Artikolu 4
L-Artikolu 5 tad-Deċiżjoni 2002/741/KE hu mibdul b’dan li ġej:
“Artikolu 5
Il-kriterji ekoloġiċi għall-grupp ta’ prodotti tal-karta għall-ikkuppjar u karta grafika, kif ukoll ir-rekwiżiti korrispondenti ta’ evalwazzjoni u verifikazzjoni, se jibqgħu validi sat-28 ta’ Frar 2009.”
Artikolu 5
L-Artikolu 5 tad-Deċiżjoni 2002/747/KE hu mibdul b’dan li ġej:
“Artikolu 5
Il-kriterji ekoloġiċi għall-grupp ta’ prodotti tal-bozoz ta’ l-elettriku, kif ukoll ir-rekwiżiti korrispondenti ta’ evalwazzjoni u verifikazzjoni, se jibqgħu validi sat-28 ta’ Frar 2009.”
Artikolu 6
Din id-Deċiżjoni hija indirizzata lill-Istati Membri.
Magħmul fi Brussell, 21 ta’ Ġunju 2007.
Għall-Kummissjoni
Stavros DIMAS
Membru tal-Kummissjoni
(1) ĠU L 237, 21.9.2000, p. 1.
(2) ĠU L 242, 12.9.2001, p. 23. Id-Deċiżjoni kif emendata bid-Deċiżjoni 2005/783/KE (ĠU L 295, 11.11.2005, p. 51).
(4) ĠU L 236, 4.9.2002, p. 10.
(6) ĠU L 242, 10.9.2002, p. 44. Id-Deċiżjoni kif emendata bid-Deċiżjoni 2005/384/KE (ĠU L 127, 20.5.2005, p. 20).