This document is an excerpt from the EUR-Lex website
Document 32007D0394
2007/394/EC: Commission Decision of 7 June 2007 amending Council Directive 90/377/EEC with regard to the methodology to be applied for the collection of gas and electricity prices charged to industrial end-users (Text with EEA relevance)
2007/394/KE: Deċiżjoni tal-Kummissjoni tas- 7 ta’ Ġunju 2007 li temenda d-Direttiva tal-Kunsill 90/377/KEE li tikkonċerna l-proċedura Komunitarja biex tittejjeb it-trasparenza ta’ prezzijiet tal-gass u ta’ l-elettriku imposti fuq konsumaturi industrijali Test b’relevanza għaż-ŻEE
2007/394/KE: Deċiżjoni tal-Kummissjoni tas- 7 ta’ Ġunju 2007 li temenda d-Direttiva tal-Kunsill 90/377/KEE li tikkonċerna l-proċedura Komunitarja biex tittejjeb it-trasparenza ta’ prezzijiet tal-gass u ta’ l-elettriku imposti fuq konsumaturi industrijali Test b’relevanza għaż-ŻEE
ĠU L 148, 9.6.2007, p. 11–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/11/2008; Imħassar b' 32008L0092
9.6.2007 |
MT |
Il-Ġurnal Uffiċjali ta’ l-Unjoni Ewropea |
L 148/11 |
DEĊIŻJONI TAL-KUMMISSJONI
tas-7 ta’ Ġunju 2007
li temenda d-Direttiva tal-Kunsill 90/377/KEE li tikkonċerna l-proċedura Komunitarja biex tittejjeb it-trasparenza ta’ prezzijiet tal-gass u ta’ l-elettriku imposti fuq konsumaturi industrijali
(Test b’relevanza għaż-ŻEE)
(2007/394/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 90/377/KEE tad-29 ta’ Ġunju 1990 li tikkonċerna l-proċedura Komunitarja biex tittejjeb it-trasparenza ta’ prezzijiet tal-gass u ta’ l-elettriku imposti fuq konsumaturi industrijali (1), u b’mod partikolari l-Artikolu 6 tagħha,
Billi:
(1) |
Id-Direttiva 90/377/KEE tistipula dettalji li jikkonċernaw il-forma, il-kontenut u l-karatteristiċi l-oħrajn kollha ta’ l-informazzjoni li għandha tiġi pprovduta mill-impriżi li jfornu l-gass jew l-elettriku lill-konsumaturi industrijali. |
(2) |
Il-metodoloġija użata biex tinġabar l-informazzjoni dwar il-prezz, jeħtieġ tinżamm aġġornata biex tirrifletti r-realtà tas-swieq kompetittivi ta’ l-elettriku u tal-gass, żviluppati skond id-Direttiva 2003/54/KE tal-Parlament Ewropew u tal-Kunsill tas-26 ta’ Ġunju 2003 dwar ir-regoli komuni għas-suq intern fil-qasam ta’ l-elettriku u li tħassar id-Direttiva 96/92/KE (2), u d-Direttiva 2003/55/KE tal-Parlament Ewropew u tal-Kunsill tas-26 ta’ Ġunju 2003 rigward regoli komuni għas-suq intern fil-gass naturali u li tħassar id-Direttiva 98/30/KE (3), inkluż il-fatt li bosta fornituri issa huma attivi f’kull wieħed mis-swieq. |
(3) |
Id-Direttiva 90/377/KEE għandha għalhekk tiġi emendata skond dan. |
(4) |
Il-miżuri previsti f’din id-Deċiżjoni huma skond l-opinjoni tal-Kumitat imsemmi fl-Artikolu 7 tad-Direttiva 90/377/KEE. |
IDDEĊIDIET:
Artikolu 1
L-Annessi tad-Direttiva 90/377/KEE jinbidlu bit-test fl-Anness ta’ din id-Deċiżjoni.
Artikolu 2
Din id-Deċiżjoni se tidħol fis-seħħ fl-għoxrin ġurnata wara dik tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Magħmula fi Brussell, 7 ta’ Ġunju 2007.
Għall-Kummissjoni
Andris PIEBALGS
Membru tal-Kummissjoni
(1) ĠU L 185, 17.7.1990, p. 16-24. Id-Direttiva kif emendata l-aħħar mid-Direttiva 2006/108/KE (ĠU L 363, 20.12.2006, p. 414)
(2) ĠU L 176, 15.7.2003, p. 37. Id-Direttiva kif emendata l-aħħar mid-Deċiżjoni tal-Kummissjoni 2006/653/KE (ĠU L 270, 29.9.2006, p. 72).
(3) ĠU L 176, 15.7.2003, p. 57.
ANNESS
ANNESS I
PREZZIJIET TAL-GASS
Il-prezzijiet tal-gass għall-konsumaturi industrijali (1) għandhom jinġabru u jiġu kkompilati skond il-metodoloġija li ġejja:
(a) |
Il-prezzijiet li għandhom jiġu rrapportati huma dawk imħallsa mill-konsumaturi industrijali li jixtru l-gass naturali mqassam permezz tal-mains għall-użu tagħhom stess. |
(b) |
Huma meqjusa l-użi industrijali kollha tal-gass. Madankollu, is-sistema teskludi konsumaturi li jużaw il-gass:
|
(ċ) |
Il-prezzijiet reġistrati għandhom ikunu bbażati fuq sistema ta’ kategoriji ta’ konsum standard definiti minn firxa ta’ konsum annwali tal-gass. |
(d) |
Il-prezzijiet se jinġabru darbtejn fis-sena, fil-bidu ta’ kull perjodu ta’ sitt xhur, (Jannar u Lulju) u se jirreferu għall-medja tal-prezz imħallsa mill-konsumaturi industrijali għall-gass fuq is-sitt xhur preċedenti. L-ewwel komunikazzjoni tad-dejta dwar il-prezz lill-Uffiċċju ta’ l-Istatistika tal-Komunitajiet Ewropej se tirreferi għas-sitwazzjoni fl-1 ta’ Jannar 2008. |
(e) |
Il-prezzijiet għandhom ikunu fil-valuta nazzjonali għal kull Gigajoule. Il-kejl ta’ l-unità ta’ l-enerġija użata jsir fuq bażi ta’ valur kalorifiku gross (GCV). |
(f) |
Il-prezzijiet għandhom jinkludu t-tariffi kollha li għandhom jitħallsu: it-tariffi tan-netwerk jingħaddu flimkien ma’ l-enerġija kkonsmata, jitnaqqas kwalunkwe roħs jew primjum, u jiżdiedu kwalunkwe tariffi oħra (il-kiri tal-meter, it-tariffi effettivi, eċċ.). It-tariffi tal-bidu għall-konnessjoni m’għandhomx jiġu inklużi. |
(g) |
Il-prezzijiet għandhom jiġu reġistrati bħala prezzijiet nazzjonali medji. |
(h) |
L-Istati Membri għandhom jiżviluppaw u jimplimentaw proċeduri effettivi f’termini ta’ nfiq sabiex jiżguraw sistema ta’ kompilazzjoni tad-dejta rappreżentattiva bbażata fuq ir-regoli li ġejjin:
|
(i) |
Tliet livelli ta’ prezzijiet għandhom jiġu pprovduti:
|
(j) |
Se jsir stħarriġ fuq il-prezzijiet tal-gass għall-kategoriji ta’ konsumaturi industrijali li ġejjin:
|
(k) |
Darba kull sentejn, flimkien mar-rapportar dwar il-prezz f’Jannar, għandha tiġi kkomunikata informazzjoni dwar is-sistema ta’ kompilazzjoni applikata, lill-Uffiċċju ta’ l-Istatistika tal-Komunitajiet Ewropej, b’mod partikolari: deskrizzjoni ta’ l-istħarriġ u l-ambitu tiegħu (numru ta’ l-impriżi ta’ forniment li sar l-istħarriġ fuqhom, perċentwal aggregat tas-suq rappreżentat, eċċ.) u l-kriterji użati għall-kalkolu tal-prezzijiet medji differenzjati kif ukoll il-volumi aggregati ta’ konsum rappreżentati minn kull kategorija. L-ewwel komunikazzjoni relatata mas-sistema ta’ kompilazzjoni għandha tikkonċerna s-sitwazzjoni fl-1 ta’ Jannar 2008. |
(l) |
Darba fis-sena, flimkien mar-rapportar dwar il-prezz f’Jannar, għandhom jiġu kkomunikati l-karatteristiċi u l-fatturi medji ewlenin li jaffettwaw il-prezzijiet irrapportati għal kull kategorija ta’ konsum, lill-Uffiċċju ta’ l-Istatistika tal-Komunitajiet Ewropej. L-informazzjoni għandha tinkludi:
|
(m) |
Darba fis-sena, flimkien mar-rapportar ta’ Jannar, għandhom jiġu rrapportati wkoll ir-rati u l-metodu ta’ kalkolu kif ukoll deskrizzjoni tat-taxxi imposti fuq il-konsumaturi industrijali. Id-deskrizzjoni għandha tinkludi kwalunkwe levy mhux fiskali li tkopri l-ispejjeż tas-sistema u l-obbligi tas-servizz pubbliku. Id-deskrizzjoni tat-taxxi li għandha tiġi pprovduta se tinkludi tliet taqsimiet separati b’mod ċar:
Deskrizzjoni tat-taxxi, levies, levies mhux fiskali, drittijiet u kwalunkwe tariffi fiskali differenti applikabbli:
Taxxi fuq d-dħul, taxxi fuq proprjetà, żejt għall-karozzi, taxxi għall-użu tat-toroq, taxxi fuq liċenzji tat-telekomunikazzjoni, radju, reklamar, tariffi għal-liċenzji, taxxi fuq l-iskart, eċċ. mhux se jitqiesu u huma esklużi minn din id-deskrizzjoni peress li dawn huma, bla ebda dubju, parti mill-ispejjeż ta’ l-operaturi u japplikaw ukoll għal industriji jew attivitajiet oħra. |
(n) |
Fi Stati Membri fejn kumpanija waħda tkopri l-bejgħ industrijali kollu, it-tagħrif jista’ jiġi nnotifikat minn dik il-kumpanija. Fi Stati Membri fejn joperaw iktar minn kumpanija waħda, it-tagħrif għandu jiġi nnotifikat minn korp indipendenti ta’ l-istatistika. |
ANNESS II
PREZZIJIET TA’ L-ELETTRIKU
Il-prezzijiet ta’ l-elettriku għall-konsumaturi industrijali (2) li għandhom jinġabru u jiġu kkompilati skond il-metodoloġija li ġejja:
(a) |
Il-prezzijiet li għandhom jiġu rrapportati huma prezzijiet imħallsa mill-konsumaturi industrijali li jixtru l-elettriku għall-użu tagħhom stess. |
(b) |
Għandhom jitqiesu l-użi kollha industrijali ta’ l-elettriku. |
(ċ) |
Il-prezzijiet reġistrati għandhom ikunu bbażati fuq sistema ta’ kategoriji ta’ konsum standard definiti minn firxa ta’ konsum annwali ta’ l-elettriku. |
(d) |
Il-prezzijiet se jinġabru darbtejn fis-sena, fil-bidu ta’ kull perjodu ta’ sitt xhur, (Jannar u Lulju) u se jirreferu għall-medja tal-prezz imħallsa mill-konsumaturi industrijali għall-elettriku fuq is-sitt xhur preċedenti. L-ewwel komunikazzjoni tad-dejta dwar il-prezz lill-Uffiċċju ta’ l-Istatistika tal-Komunitajiet Ewropej se tirreferi għas-sitwazzjoni fl-1 ta’ Jannar 2008. |
(e) |
Il-prezzijiet għandhom ikunu fil-valuta nazzjonali għal kull kWh. |
(f) |
Il-prezzijiet għandhom jinkludu t-tariffi kollha applikabbli: it-tariffi tan-netwerk jingħaddu flimkien ma’ l-enerġija kkonsmata, jitnaqqas kwalunkwe roħs jew primjum, u jiżdiedu kwalunkwe tariffi oħra (tariffi skond id-domanda, il-kummerċjalizzazzjoni, il-kiri tal-meter, eċċ.). It-tariffi tal-bidu għall-konnessjoni m’għandhomx jiġu inklużi. |
(g) |
Il-prezzijiet għandhom jiġu reġistrati bħala prezzijiet nazzjonali medji. |
(h) |
L-Istati Membri għandhom jiżviluppaw u jimplimentaw proċeduri effettivi f’termini ta’ nfiq sabiex jiżguraw sistema ta’ kompilazzjoni tad-dejta rappreżentattiva bbażata fuq ir-regoli li ġejjin:
|
(i) |
Għandhom jiġu pprovduti tliet livelli ta’ prezzijiet:
|
(j) |
Se jsir stħarriġ fuq il-prezzijiet ta’ l-elettriku għall-kategoriji ta’ konsumaturi industrijali li ġejjin:
|
(k) |
Darba kull sentejn, flimkien mar-rapportar dwar il-prezz f’Jannar, għandha tiġi kkomunikata informazzjoni dwar is-sistema ta’ kompilazzjoni applikata lill-Uffiċċju ta’ l-Istatistika tal-Komunitajiet Ewropej, b’mod partikolari: Deskrizzjoni ta’ l-istħarriġ u l-ambitu tiegħu (l-għadd ta’ fornituri mistħarrġa, il-perċentwal aggregat tas-suq rappreżentat, eċċ.) u l-kriterji użati għall-kalkolu tal-prezzijiet medji differenzjati kif ukoll tal-volumi aggregati ta’ konsum li kull kategorija tirrappreżenta. L-ewwel komunikazzjoni relatata mas-sistema ta’ kompilazzjoni għandha tikkonċerna s-sitwazzjoni fl-1 ta’ Jannar 2008. |
(l) |
Darba fis-sena, flimkien mar-rapportar dwar il-prezz f’Jannar, għandhom jiġu kkomunikati l-karatteristiċi u l-fatturi medji ewlenin li jaffettwaw il-prezzijiet reġistrati għal kull kategorija ta’ konsum, lill-Uffiċċju ta’ l-Istatistika tal-Komunitajiet Ewropej. L-informazzjoni li għandha tingħata għandha tinkludi:
|
(m) |
Darba fis-sena, flimkien mar-rapportar dwar il-prezz ta’ Jannar, għandhom jiġu rapportati wkoll ir-rati u l-metodu ta’ kalkolu kif ukoll deskrizzjoni tat-taxxi imposti għall-bejgħ ta’ l-elettriku fuq il-konsumaturi industrijali. Id-deskrizzjoni għandha tinkludi kwalunkwe levy mhux fiskali li tkopri l-ispejjeż tas-sistema u l-obbligi tas-servizz pubbliku. Id-deskrizzjoni dwar it-taxxi li għandha tiġi pprovduta se tinkludi tliet taqsimiet separati b’mod ċar:
Deskrizzjoni tat-taxxi, levies, levies mhux fiskali, drittijiet u kwalunkwe tariffi fiskali differenti li jistgħu jkunu applikabbli:
Taxxi fuq id-dħul, taxxi fuq proprjetà, taxxi tas-sisa fuq il-prodotti taż-żejt u l-fjuwil li mhumiex għall-ġenerazzjoni ta’ l-elettriku, żejt għall-karozzi, taxxi għall-użu tat-toroq, taxxi fuq il-liċenzji għat-telekomunikazzjoni, radju, reklamar, tariffi għal-liċenzji, taxxi fuq l-iskart, eċċ., mhux se jitqiesu u huma esklużi minn din id-deskrizzjoni peress li huma parti, mingħajr ebda dubju, mill-ispejjeż ta’ l-operaturi u japplikaw għal industriji jew attivitajiet oħra. |
(n) |
Darba fis-sena, flimkien mar-rapportar dwar il-prezz f’Jannar, għandu jiġi nnotifikat lill-Uffiċċju ta’ l-Istatistika tal-Komunitajiet Ewropej, it-tqassim tal-prezzijiet ta’ l-elettriku fil-komponenti ewlenin tagħhom. Dan it-tqassim tal-prezzijiet ta’ l-elettriku fil-komponenti ewlenin tagħhom se jkun ibbażat fuq il-metodoloġija li ġejja: Il-prezz sħiħ ta’ l-elettriku għall-kategorija ta’ konsum jista’ jitqies bħala s-somma globali tal-prezzijiet tan-‘Netwerk’, il-prezzijiet għall-‘Enerġija u l-Forniment’ (jiġifieri, mill-ġenerazzjoni għall-kummerċjalizzazzjoni, minbarra n-netwerks) u t-taxxi u l-levies kollha.
NOTA: Jekk is-servizzi komplementari jiġu identifikati separatament, dawn jistgħu jiġu allokati f’wieħed miż-żewġ komponenti ewlenin kif ġej:
|
(o) |
Fl-Istati Membri, meta kumpanija waħda tkopri l-bejgħ industrijali kollu, l-informazzjoni għandha tkun ikkomunikata minn dik il-kumpanija. Fi Stati Membri fejn joperaw iktar kumpaniji, l-informazzjoni għandha tkun ikkomunikata minn korp indipendenti ta’ l-istatistika. |
(1) Konsumaturi industrijali jistgħu jinkludu utenti mhux residenzjali.
(2) Konsumaturi industrijali jistgħu jinkludu wkoll konsumaturi mhux residenzjali.