This document is an excerpt from the EUR-Lex website
Document 32007D0372
2007/372/EC: Commission Decision of 31 May 2007 amending Decision 2004/20/EC in order to transform the Intelligent Energy Executive Agency into the Executive Agency for Competitiveness and Innovation
2007/372/KE: Deċiżjoni tal-Kummissjoni tal- 31 ta’ Mejju 2007 li temenda d-Deċiżjoni 2004/20/KE sabiex tittrasforma L-Aġenzija Eżekuttiva għall-Enerġija Intelliġenti f’Aġenzija Eżekuttiva għall-Kompetittività u l-Innovazzjoni
2007/372/KE: Deċiżjoni tal-Kummissjoni tal- 31 ta’ Mejju 2007 li temenda d-Deċiżjoni 2004/20/KE sabiex tittrasforma L-Aġenzija Eżekuttiva għall-Enerġija Intelliġenti f’Aġenzija Eżekuttiva għall-Kompetittività u l-Innovazzjoni
ĠU L 140, 1.6.2007, p. 52–54
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2013; Imħassar b' 32013D0771
1.6.2007 |
MT |
Il-Ġurnal Uffiċjali ta’ l-Unjoni Ewropea |
L 140/52 |
DEĊIŻJONI TAL-KUMMISSJONI
tal-31 ta’ Mejju 2007
li temenda d-Deċiżjoni 2004/20/KE sabiex tittrasforma “L-Aġenzija Eżekuttiva għall-Enerġija Intelliġenti” f’Aġenzija Eżekuttiva għall-Kompetittività u l-Innovazzjoni
(2007/372/KE)
IL-KUMMISSJONI TAL-KOMUNITAJIET EWROPEA,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 58/2003 tad-19 ta’ Diċembru 2002 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (1),
Billi:
(1) |
Fil-qafas ta’ l-istrateġija ta’ Liżbona għat-tkabbir u l-impjiegi, il-Komunità ħadet numru ta’ miżuri mmirati li jippromwovu u jiżviluppaw il-kompetittività u l-innovazzjoni sabiex jikkontribwixxu għat-tkabbir u biex jagħmlu lill-Ewropa post aktar attraenti għall-investiment u x-xogħol. |
(2) |
Dawk il-miżuri jinkludu Deċiżjoni Nru 1639/2006/KE tal-Parlament Ewropew u tal-Kunsill ta’ l-24 ta’ Ottubru 2006 li tistabbilixxi Programm Kwadru għall-Kompetittività u l-Innovazzjoni (2007 sa 2013) (2). L-għanijiet tal-Programm Kwadru għall-Kompetittività u l-Innovazzjoni (minn issa ‘l quddiem imsejjaħ bħala s-“CIP”) huma li jrawmu l-kompetittività fl-intrapriżi, b’mod partikolari intrapriżi żgħar u ta’ daqs medju (minn issa ‘l quddiem imsejħa “SMEs”), biex jippromwovu l-forom kollha ta’ innovazzjoni, inkluż eko-innovazzjoni, biex jiġi aċċelerat l-iżvilupp ta’ soċjetà ta’ l-informazzjoni u biex tiġi promossa l-effiċjenza ta’ l-enerġija u sorsi ta’ enerġija ġodda u rinnovabbli. Dawn l-għanijiet għandhom jiġu segwiti permezz ta’ l-implimentazzjoni tal-programmi speċifiċi li ġejjin: il-Programm ta’ Imprenditorjat u Innovazzjoni, il-Programm għall-appoġġ tal-politika tat-Teknoloġija ta’ l-Informazzjoni u l-Informazzjoni u l-Programm Ewropa - Enerġija Intelliġenti |
(3) |
Dawn il-miżuri li ttieħdu fil-qafas ta’ l-istrateġija ta’ Liżbona jinkludu wkoll ir-Regolament (KE) Nru 1692/2006 tal-Parlament Ewropew u tal-Kunsill ta’ l-24 ta’ Ottubru 2006 li jistabbilixxi t-tieni programm Marco Polo għall-għoti ta’ l-għajnuna finanzjarja tal-Komunità sabiex jittejjeb ir-rendiment ambjentali tas-sistema tat-trasport tal-merkanzija (Marco Polo II) (3) u li jħassar r-Regolament (KE) Nru 1382/2003. L-għanijiet tal-Marco Polo II huma li titnaqqas il-konġestjoni, jittejjeb ir-rendiment ambjentali lis-sistema tat-trasport u biex jittejjeb it-trasport inter-modali, b’hekk jingħata kontribut lis-sistemi ta’ trasport effiċjenti u sostenibbli u lill-kompetittività u l-innovazzjoni, speċjalment l-SMEs, fi ħdan il-Komunità. |
(4) |
L-Aġenzija Eżekuttiva għall-Enerġija Intelliġenti (minn issa ‘l quddiem imsejħa l-“IEEA”) twaqqfet bid-Deċiżjoni tal-Kummissjoni 2004/20/KE (4), biex timmaniġġja l-azzjoni tal-Komunità fil-qasam ta’ l-enerġija mwettqa fil-qafas ta’ Enerġija Intelliġenti – Programm Ewropa 2003-2006 (minn issa ‘l quddiem imsejjaħ bħala “il-Programm IEE 2003-2006”) adottat bid-Deċiżjoni Nru 1230/2003 tal-Parlament Ewropew u tal-Kunsill (5). Id-Deċiżjoni 2004/20/KE tipprovdi għall-IEEA li twettaq il-funzjonijiet tagħha sal-31 ta’ Diċembru 2008 sabiex tesegwixxi kuntratti u għotjiet iffirmati taħt il-programm IEE 2003-2006. |
(5) |
Analiżi tal-benefiċċju kumparat ma’ l-ispiża mwettaq mill-konsulenti esterni wriet li jekk ix-xogħol ta’ implimentazzjoni tal-programm relatat mal-programm il-ġdid ta’ l-IEE 2007-2013 jiġi afdat lill-IEEA eżistenti din tkun l-aktar għażla li tipproduċi benefiċċju għall-ispiża. |
(6) |
L-analiżi tal-benefiċċju kkumparat ma’ l-ispiża wriet ukoll li l-ħidmiet ta’ implimentazzjoni tal-programm relatati mal-Programm ta’ Imprenditorjat u Innovazzjoni fi ħdan il-qafas tas-CIP, kif ukoll Marco Polo II, jistgħu jitwettqu b’mod aktar effiċjenti minn aġenzija eżekuttiva, filwaqt li jiġi żgurat l-immaniġġjar ġenerali mill-Kummissjoni ta’ dawn il-programmi. |
(7) |
Minħabba li l-Programm IEE għall-2007-2013 ġie integrat fis-CIP, u sabiex tiġi żgurata l-konsistenza bil-mod li l-proġetti huma implimentati taħt is-CIP, l-IEEA għandha tiġi afdata b’ċertu ħidmiet ta’ implimentazzjoni relatati mal-Programm Imprenditorjat u Innovazzjoni, li wkoll jifforma parti mis-CIP, flimkien ma’ l-eżekuzzjoni tal-Programm IEE għall-2007-2013. Aktar minn hekk, minħabba li Marco Polo II jikkondividi għanijiet komuni mas-CIP, u b’mod partikolari mal-programm IEE, jiġifieri li tittejjeb l-effiċjenza ta’ l-enerġija fit-trasport u jitnaqqas l-impatt ambjentali tiegħu, u ż-żewġ programmi jistgħu jibbenefikaw minn sinerġiji importanti, ċertu ħidmiet ta’ implimentazzjoni relatati mal-Marco Polo II għandhom ukoll jiġu delagti lill-IEEA. |
(8) |
Sabiex jiġu riflessi l-ħidmiet addizzjonali, l-IEEA għandha tiġi mibdula f’Aġenzija Eżekuttiva għall-Kompetittività u l-Innovazzjoni. |
(9) |
Id-Deċiżjoni 2004/20/KE għandha għalhekk tiġi emendata skond dan. |
(10) |
Id-dispożizzjonijiet stabbiliti f’din id-Deċiżjoni huma konformi ma’ l-opinjoni tal-Kumitat għall-Aġenziji Eskuttivi, |
IDDEĊIEDA KIF ĠEJ:
Artikolu 1
Id-Deċiżjoni 2004/20/KE qed tiġi emendata kif ġej:
(1) |
Fl-Artikolu 1, il-paragrafu 2 huwa sostitwit b’dan li ġej: “2. L-isem ta’ l-Aġenzija għandu jkun ‘L-Aġenzija Eżekuttiva għall-Kompetittività u l-Innovazzjoni’ ”. |
(2) |
L-Artikolu 3 jinbidel b’dan li ġej: “Artikolu 3 It-Terminu L-Aġenzija għandha twettaq il-ħidmiet tagħha mill-1 ta’ Jannar 2004 sal-31 ta’ Diċembru 2015.” |
(3) |
L-Artikolu 4 jinbidel b’dan li ġej: “Artikolu 4 Għanijiet u dmirijiet 1. L-aġenzija għandha tkun responsabbli sabiex twettaq il-ħidmiet li ġejjin ta’ implimentazzjoni għall-immaniġġjar ta’ l-azzjonijiet tal-Komunità fl-oqsma ta’ l-enerġija, imprenditorjat u l-innovazzjoni, inkluż eko-innovazzjoni, u trasport sostenibbli tal-merkanzija, taħt il-Programm Kwadru Kompetittività u Innovazzjoni 2007-2013 stabbilit bid-Deċiżjoni Nru 1639-2006/KE tal-Parlament Ewropew u tal-Kunsill (*) (minn issa ‘l quddiem imsejjaħ bħala ‘s-CIP’), u t-tieni Programm Marco Polo 2007-2013 stabbilit bir-Regolament (KE) Nru 1692/2006 tal-Parlament Ewropew u tal-Kunsill (**):
2. L-Aġenzija għandha wkoll timmaniġġja l-fażijiet kollha fil-perjodu tal-miżuri ta’ implimentazzjoni delegati lilha fil-qafas tal-programmi li ġejjin:
Id-drittijiet u l-obbligi tal-Kummissjoni fir-rigard tal-miżuri ta’ implimentazzjoni msemmija fil-punt (b) ta’ l-ewwel sottoparagrafu huma assenjati lill-Aġenzija. 3. L-aġenzija tista’ tiġi inkarigata mill-Kummissjoni, wara opinjoni tal-kumitat stabbilita mill-Artikolu 24 tar-Regolament (KE) Nru 58/2003, sabiex twettaq ħidmiet ta’ l-istess tip taħt is-CIP jew programmi oħra tal-Komunità, fi ħdan it-tifsira ta’ l-Artikolu 2 ta’ dak ir-Regolament, fl-oqsma msemmija fil-paragrafu 1. 4. 3. Id-deċiżjoni tal-Kummissjoni li tiddelega l-awtorità lill-Aġenzija għandha tiddefinixxi fid-dettal ix-xogħlijiet kollha fdati lilha u għandha tkun adattata fid-dawl ta’ kull xogħol addizzjonali li jista’ jkun fdat lill-Aġenzija. Id-deċiżjoni tal-Kummissjoni tkun trasmessa, bħala informazzjoni, lill-kumitat stabbilit mill-Artikolu 24 tar-regolament (KE) Nru 58/2003. (*) ĠU L 310, 9.11.2006, p. 15." (**) ĠU L 328, 24.11.2006, p. 1." |
(4) |
L-Artikolu 6 jinbidel b’dan li ġej: “Artikolu 6 L-għotjiet L-Aġenzija għandha tirċievi għotja ta’ flus li għandha tiddaħħal fil-budget ġenerali tal-Komunitajiet Ewropej mill-fondi allokati għall-programm tal-Komunità Enerġija Intelliġenti – Ewropa u, meta jkun xieraq, minn programmi jew azzjonijiet oħra tal-Komunità li l-implimentazzjoni tagħhom tkun fdata lill-Aġenzija skond l-Artikolu 4(3).” |
(5) |
L-Artikolu 8 jinbidel b’dan li ġej: “Artikolu 8 Implimentazzjoni tal-budget amministrattiv L-Aġenzija għandha timplimenta l-baġit amministrattiv tagħha skond id-dispożizzjonijiet tar-Regolament tal-Kummissjoni (KE) Nru 1653/2004 (*****). |
Artikolu 2
Ir-referenzi kollha għall-Aġenzija Eżekuttiva għall-Enerġija Intelliġenti għandhom jiġu interpretati bħala għall-Aġenzija Eżekuttiva għall-Kompetittività u l-Innovazzjoni b’effett mid-data ta’ l-adozzjoni ta’ din id-Deċiżjoni.
Magħmul fi Brussell, 31 ta’ Mejju 2007
Għall-Kummissjoni
Günter VERHEUGEN
Viċi-President
(2) ĠU L 310, 9.11.2006, p. 15
(3) ĠU L 328, 24.11.2006, p. 1.
(5) ĠU L 176, 15.7.2003, p. 29. Id-Deċiżjoni modifikata bid-Deċiżjoni Nru 787/2004/KE (ĠU L 138, 30.4.2004, p. 12).