EUR-Lex Access to European Union law
This document is an excerpt from the EUR-Lex website
Document 32007D0322
2007/322/EC: Commission Decision of 4 May 2007 laying down protective measures concerning uses of plant protection products containing tolylfluanid leading to the contamination of drinking water (notified under document number C(2007) 1865) (Text with EEA relevance)
2007/322/KE: Deċiżjoni tal-Kummissjoni ta’ l- 4 ta’ Mejju 2007 li tistipula miżuri ta’ ħarsien dwar l-użi ta’ prodotti għall-ħarsien tal-pjanti li fihom it- tolylfluanid li jwassal għall-kontaminazzjoni ta’ l-ilma għax-xorb (notifikata taħt id-dokument numru C(2007) 1865) Test b’relevanza għaż-ŻEE
2007/322/KE: Deċiżjoni tal-Kummissjoni ta’ l- 4 ta’ Mejju 2007 li tistipula miżuri ta’ ħarsien dwar l-użi ta’ prodotti għall-ħarsien tal-pjanti li fihom it- tolylfluanid li jwassal għall-kontaminazzjoni ta’ l-ilma għax-xorb (notifikata taħt id-dokument numru C(2007) 1865) Test b’relevanza għaż-ŻEE
ĠU L 119, 9.5.2007, p. 49–50
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.5.2007 |
MT |
Il-Ġurnal Uffiċjali ta’ l-Unjoni Ewropea |
L 119/49 |
DEĊIŻJONI TAL-KUMMISSJONI
ta’ l-4 ta’ Mejju 2007
li tistipula miżuri ta’ ħarsien dwar l-użi ta’ prodotti għall-ħarsien tal-pjanti li fihom it-tolylfluanid li jwassal għall-kontaminazzjoni ta’ l-ilma għax-xorb
(notifikata taħt id-dokument numru C(2007) 1865)
(Test b’relevanza għaż-ŻEE)
(2007/322/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tqegħid fis-suq ta’ prodotti għall-ħarsien tal-pjanti (1), u b’mod partikolari l-Artikolu 11(2) tagħha,
Billi:
(1) |
It-tolylfluanid hija sustanza attiva inkluża fl-Anness I tad-Direttiva 91/414/KEE bid-Direttiva tal-Kummissjoni 2006/6/KE (2). |
(2) |
Fit-23 ta’ Frar 2007 il-Ġermanja għarrfet lill-Kummissjoni li sar magħruf dan l-aħħar li t-tolylfluanid jista’ jkollu effett mhux mistenni fuq l-ilma għax-xorb. B’mod speċifiku, l-użu ta’ ċertu prodott ta’ ħarsien għall-pjanti “Euparen M WG” li fih it-tolylfluanid, iwassal għall-formazzjoni ta’ prodott metaboliku tat-tolylfluanid, jiġifieri dimethylsulfamide, li wisq probabbli jinsab fil-ħamrija, u fl-ilma ta’ taħt l-art u l-ilma tal-wiċċ. Permezz ta’ proċess ta’ preparazzjoni għall-ilma għax-xorb (ożonizzazzjoni) dan il-metabolit jinbidel f’nitrosamin (NDMA) li huwa ta’ ħsara għas-saħħa. |
(3) |
Sustanzi oħra attivi bi struttura molekulari simili bħat-tolylfluanid jistgħu jgħaddu mill-istess mogħdija ta’ degradazzjoni. |
(4) |
In-nitrosamini huma suspettati jew pruvati bħala sustanzi ġenotossiċi u karċinoġeniċi u l-preżenza tagħhom fl-ilma għax-xorb tista’ tiġi evitata. |
(5) |
L-Artikolu 11(1) tad-Direttiva 91/414/KEE jistipula li jekk Stat Membru għandu raġuni valida biex iqis li prodott li awtorizza jew hu obbligat li jawtorizza skond l-Artikolu 10 jikkostitwixxi riskju għas-saħħa tal-bniedem jew ta’ l-annimali jew għall-ambjent, jista’ jirrestrinġi b’mod proviżorju jew jipprojbixxi l-użu u/jew il-bejgħ ta’ dak il-prodott fuq it-territorju tiegħu. Għandu minnufih jgħarraf lill-Kummissjoni u lill-Istati Membri l-oħra b’dan filwaqt li jagħti r-raġunijiet għad-deċiżjoni tiegħu. |
(6) |
Skond tagħrif li wasal, ir-Repubblika Ċeka, il-Ġermanja, l-Irlanda, Spanja, l-Italja, il-Lussemburgu, l-Awstrija, il-Polonja, l-Iżvezja u r-Renju Unit diġà ssospendew l-użu għal barra ta’ prodotti li fihom it-tolylfluanid. |
(7) |
L-Artikolu 11(2) tad-Direttiva 91/414/KEE jistipula li għandha tittieħed deċiżjoni dwar il-kwistjoni f’livell Komunitarju. F’dan il-każ, jeħtieġu miżuri urġenti biex jiżguraw li l-użu ta’ prodotti għall-ħarsien tal-pjanti li fihom it-tolylfluanid ma jwasslux għall-kontaminazzjoni ta’ l-ilma għax-xorb. Il-problema mhijiex ristretta għal Stat Membru wieħed biss, billi l-kontaminazzjoni ta’ l-ilma ta’ taħt l-art jew ta’ l-ilma għax-xorb jista’ jkollhom effetti tul il-fruntieri nazzjonali. Kif stipulat fid-disa’ premessa, id-Direttiva 91/414/KEE timmira lejn livell għoli ta’ ħarsien fir-rigward tas-saħħa, ta’ l-ilma ta’ taħt l-art u ta’ l-ambjent. Il-ħames premessa tad-Direttiva 91/414/KEE turi li din għandha l-għan ukoll li tipprevjeni ostakoli żejda għall-kummerċ. Miżuri unilaterali mill-Istati Membri jistgħu jwasslu għal livelli differenti ta’ ħarsien, u jistgħu wkoll ifixklu l-kummerċ fil-prodotti għall-ħarsien tal-pjanti. B’konsegwenza ta’ dan, jeħtieġ li jiġu adottati miżuri f’livell Komunitarju. |
(8) |
Fil-każ preżenti, it-twissija permezz tat-tikkettjar mhijiex biżżejjed biex tħares is-saħħa tal-bniedem. |
(9) |
Jista’ jinġabar tagħrif addizzjonali li jippermetti lill-Kummissjoni tirrevedi d-Direttiva 91/414/KEE jekk meħtieġ fir-rigward tat-tolylfluanid. Għandu wkoll jiġi investigat jekk l-istess problemi jistgħux jitfaċċaw fir-rigward ta’ sustanzi oħrajn li attwalment qed jiġu valutati jew li diġà ġew valutati f’livell Komunitarju. B’konsegwenza ta’ dan, kull Stat Membru li nħatar bħala relatur għall-valutazzjoni ta’ sustanza attiva skond id-Direttiva 91/414/KEE għandu jinvestiga mingħajr dewmien jekk l-użu tal-prodotti għall-ħarsien tal-pjanti li fihom dik is-sustanza jistgħux iwasslu għal tħassib simili għal dan. |
(10) |
Il-miżuri previsti f’din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
L-Istati Membri li fihom jintuża l-ożonu għat-trattament ta’ l-ilma għax-xorb għandhom ivarjaw jew jirtiraw l-awtorizzazzjonijiet tagħhom ta’ prodotti għall-ħarsien tal-pjanti li fihom it-tolylfluanid billi jipprojbixxu kwalunkwe użu li jista’ jwassal għall-kontaminazzjoni ta’ l-ilma ta’ taħt l-art jew ta’ l-ilma tal-wiċċ minħabba fit-tolylfluanid jew il-prodottii metaboliċi tiegħu, li jirriżulta fil-kontaminazjoni ta’ l-ilma għax-xorb bin-nitrosamini matul il-proċess ta’ ożonizzazzjoni.
Artikolu 2
Għas-sustanzi attivi li għalihom huma relaturi, l-Istati Membri għandhom jinvestigaw mingħajr dewmien jekk l-użu tal-prodotti għall-ħarsien tal-pjanti li fihom sustanzi bħal dawn, jistgħux iwasslu għal tħassib simili. Jekk l-Istati Membri msemmija fl-Artikolu 1 għandhom xi indikazzjonijiet li n-nitrosamini huma ffurmati u qed jikkontaminaw l-ilma għax-xorb huma għandhom jieħdu miżuri simili bħal dawk stipulati fl-Artikolu 1.
Artikolu 3
L-Istati Membri msemmija fl-Artikolu 1 għandhom jiżguraw li n-notifikaturi, li fuq it-talba tagħhom it-tolylfluanid ġie inkluż fl-Anness I tad-Direttiva 91/414/KEE iressqu lill-Istat Membru Relatur fi żmien tliet xhur mid-data ta’ notifika ta’ din id-deċiżjoni, studji dwar
(a) |
l-imġiba lissija ta’ din is-sustanza attiva, u |
(b) |
il-kundizzjonijiet li fihom il-formazzjoni ta’ nitrosamini jistgħu jiġu esklużi. |
Artikolu 4
L-Istati Membri ikkonċernati bl-Artikoli 1 u 2 għandhom jgħarrfu lill-Kummissjoni minnufih dwar il-miżuri mittieħda. Fi żmien tliet xhur mid-data ta’ notifika ta’ din id-deċiżjoni, huma għandhom ukoll iressqu quddiem il-Kummissjoni deskrizzjoni ġenerali ta’ l-azzjonijiet li ħadu minħabba f’din id-Deċiżjoni.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, 4 ta’ Mejju 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 230, 19.8.1991, p. 1. Id-Direttiva kif emendata l-aħħar bid-Direttiva tal-Kummissjoni 2007/25/KE (ĠU L 106, 24.4.2007, p. 34).
(2) ĠU L 12, 18.1.2006, p. 21.