This document is an excerpt from the EUR-Lex website
Document 32007D0095
2007/95/EC: Council Decision of 22 January 2007 regarding the position to be taken by the Community within the International Coffee Council on the extension of the International Coffee Agreement, 2001
2007/95/KE: Deċiżjoni tal-Kunsill tat- 22 ta’ Jannar 2007 dwar il-pożizzjoni li għandha tiġi adottata mill-Komunità fi ħdan il-Kunsill Internazzjonali tal-Kafè dwar l-estensjoni tal-Ftehim Internazzjonali dwar il-Kafè ta' l-2001
2007/95/KE: Deċiżjoni tal-Kunsill tat- 22 ta’ Jannar 2007 dwar il-pożizzjoni li għandha tiġi adottata mill-Komunità fi ħdan il-Kunsill Internazzjonali tal-Kafè dwar l-estensjoni tal-Ftehim Internazzjonali dwar il-Kafè ta' l-2001
ĠU L 42, 14.2.2007, p. 22–22
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 4M, 8.1.2008, p. 74–74
(MT)
In force
|
8.1.2008 |
MT |
Il-Ġurnal Uffiċjali ta’ l-Unjoni Ewropea |
74 |
DEĊIŻJONI TAL-KUNSILL
tat-22 ta’ Jannar 2007
dwar il-pożizzjoni li għandha tiġi adottata mill-Komunità fi ħdan il-Kunsill Internazzjonali tal-Kafè dwar l-estensjoni tal-Ftehim Internazzjonali dwar il-Kafè ta' l-2001
(2007/95/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu b'rabta ma' l-Artikolu 300(2) tiegħu,
Wara li kkunsidra l-proposta mill-Kummissjoni,
Billi:
|
(1) |
Il-Ftehim Internazzjonali dwar il-Kafè ta' l-2001 kien iffirmat u konkluż f'isem il-Komunità Ewropea fl-24 ta' Settembru 2001 permezz tad-Deċiżjoni 2001/877/KE (1), |
|
(2) |
Skond id-dispożizzjonijiet ta' l-Artikolu 52(1) u (2) tiegħu, il-Ftehim Internazzjonali dwar il-Kafè ser jiskadi fit-30 ta' Settembru 2007 sakemm ma jkunx estiż b'deċiżjoni tal-Kunsill Internazzjonali tal-Kafè għal perijodu wieħed jew diversi perijodi suċċessivi li ma jaqbżux is-sitt snin b'kollox, |
|
(3) |
L-estensjoni ta' dan il-Ftehim hija fl-interess tal-Komunità Ewropea, |
|
(4) |
Il-pożizzjoni tal-Komunità Ewropea fil-Kunsill Internazzjonali tal-Kafè għandha tkun stabbilita, |
IDDEĊIEDA KIF ĠEJ:
Artikolu uniku
Il-pożizzjoni tal-Komunità Ewropea fi ħdan il-Kunsill Internazzjonali tal-Kafè ser tkun li tivvota favur l-estensjoni tal-Ftehim Internazzjonali dwar il-Kafè ta' l-2001 għal perijodu jew perijodi li ma jaqbżux is-sitt snin.
Magħmul fi Brussell, 22 ta’ Jannar 2007.
Għall-Kunsill
Il-President
F.-W. STEINMEIER
(1) ĠU L 326, 11.12.2001, p. 22.