This document is an excerpt from the EUR-Lex website
Document 32007D0083
2007/83/EC: Commission Decision of 5 February 2007 amending Decision 2006/415/EC concerning certain protection measures in relation to highly pathogenic avian influenza of the subtype H5N1 in poultry in the United Kingdom (notified under document number C(2007) 404) (Text with EEA relevance )
Deċiżjoni tal-Kummissjoni tal- 5 ta' Frar 2007 li temenda d-Deċiżjoni 2006/415/KE dwar ċerti miżuri ta' ħarsien marbuta ma' l-influwenza tat-tjur li għandha patoġeniċità għolja, tas-subtip H5N1, fit-tjur ta' l-irziezet fir-Renju Unit (notifikat bid-dokument numru C(2007) 404) Test b'rilevanza għaż-ŻEE
Deċiżjoni tal-Kummissjoni tal- 5 ta' Frar 2007 li temenda d-Deċiżjoni 2006/415/KE dwar ċerti miżuri ta' ħarsien marbuta ma' l-influwenza tat-tjur li għandha patoġeniċità għolja, tas-subtip H5N1, fit-tjur ta' l-irziezet fir-Renju Unit (notifikat bid-dokument numru C(2007) 404) Test b'rilevanza għaż-ŻEE
ĠU L 33, 7.2.2007, p. 4–6
(BG, ES, CS, DA, DE, ET, EL, EN, FR, IT, LV, LT, HU, NL, PL, PT, RO, SK, SL, FI, SV)
ĠU L 219M, 24.8.2007, p. 197–199
(MT)
No longer in force, Date of end of validity: 31/12/2018
24.8.2007 |
MT |
Il-Ġurnal Uffiċjali ta’ l-Unjoni Ewropea |
197 |
DEĊIŻJONI TAL-KUMMISSJONI
tal-5 ta' Frar 2007
li temenda d-Deċiżjoni 2006/415/KE dwar ċerti miżuri ta' ħarsien marbuta ma' l-influwenza tat-tjur li għandha patoġeniċità għolja, tas-subtip H5N1, fit-tjur ta' l-irziezet fir-Renju Unit
(notifikat bid-dokument numru C(2007) 404)
(Test b'rilevanza għaż-ŻEE)
(2007/83/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intrakomunitarju bil-ħsieb tat-tlestija tas-suq intern (1), u b'mod partikolari l-Artikolu 9(3) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar il-kontrolli veterinarji u żootekniċi applikabbli għall-kummerċ intrakomunitarju ta' ċerti annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(3) tagħha,
Billi:
(1) |
Id-Deċiżjoni tal-Kummissjoni 2006/415/KE ta' l-14 ta' Ġunju 2006 li għandha x'taqsam ma' ċerti miżuri ta' ħarsien fir-rigward ta' influwenza tat-tjur ta' patoġeniċità għolja tas-subtip H5N1 fit-tjur ta' l-irziezet fil-Komunità u li tirrevoka d-Deċiżjoni 2006/135/KE (3) tistipula ċerti miżuri ta' ħarsien sabiex tipprevjeni l-firxa ta' l-influwenza tat-tjur fil-partijiet ħielsa mill-marda tal-Komunità permezz taċ-ċaqliq ta' għasafar kif ukoll ta' prodotti tagħhom. |
(2) |
Ir-Renju Unit innotifika tifqigħa ta' influwenza tat-tjur H5N1 ta' patoġeniċità għolja fit-tjur ta' l-irziezet fit-territorju tiegħu u ħa l-miżuri xierqa fil-qafas tad-Deċiżjoni 2006/415/KE, inkluż it-twaqqif ta' Zoni A u B kif previsti fl-Artikolu 4 ta' din id-Deċiżjoni. |
(3) |
Il-Kummissjoni hija sodisfatta li l-fruntieri taż-Żoni A u B stabbiliti mill-awtorità kompetenti tar-Renju Unit huma biżżejjed 'il bogħod mill-post attwali tat-tifqigħa. Iż-żoni A u B fir-Renju Unit għalhekk jistgħu jiġu kkonfermati u jista' jiġi ffissat it-tul ta' żmien ta' dik ir-reġjonalizzazzjoni. |
(4) |
Għalhekk, jeħtieġ li d-Deċiżjoni 2006/415/KE tiġi emendata skond dan. |
(5) |
Il-miżuri previsti f'din id-Deċiżjoni għandhom jiġu riveduti fil-laqgħa li jmiss tal-Kumitati Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Anness tad-Deċiżjoni 2006/415/KE huwa emendat skond it-test fl-Anness għal din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, 5 ta' Frar 2007.
Għall-Kummissjoni
Markos KYPRIANOU
Membru tal-Kummissjoni
(1) ĠU L 395, 30.12.1989, p. 13. Id-Direttiva kif emendata l-aħħar bid-Deċiżjoni 2004/41/KE (ĠU L 157, 30.4.2004, p. 33); verżjoni kkoreġuta (ĠU L 195, 2.6.2004, p. 12).
(2) ĠU L 224, 18.8.1990, p. 29. Id-Direttiva kif emendata l-aħħar bid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).
(3) ĠU L 164, 16.6.2006, p. 51. Id-Deċiżjoni kif emendata l-aħħar bid-Deċiżjoni 2007/79/KE (ĠU L 26, 2.2.2007, p. 5).
ANNESS
L-Anness tad-Deċiżjoni 2006/415/KE huwa emendat kif ġej:
1. |
It-test li ġej jinżied mal-Parti A:
|
2. |
It-test li ġej jinżied mal-Parti B:
|
(*) Il-koordinati ta' referenza hija referenza tal-Koordinati Nazzjonali taRenju Unit.
(**) Il-koordinati ta' referenza hija referenza tal-Koordinati Nazzjonali taRenju Unit.