ANNESS

Regoli li jikkonċernaw l-assistenza reċiproka bejn l-awtoritajiet kompetenti skond il-Kapitoli II u III tar-Regolament (KE) Nru 2006/2004

1.   KAPITOLU 1 – KONDIZZJONIJIET DWAR INFORMAZZJONI

1.1.   Oqsma fl-informazzjoni li għandhom ikunu disponibbli għall-awtoritajiet kompetenti fil-formoli standard tal-bażi tad-data

L-oqsma li għandhom ikunu disponibbli fil-formoli standard differenti tal-bażi tad-data jistgħu jiġu definiti kif ġej:

(a)   Dettalji ta' l-awtoritajiet u l-uffiċjali li jittrattaw l-infrazzjonijiet intra-Komunitarji

(i)	l-awtorità kompetenti,

(ii)	uffiċċju uniku ta' kooperazzjoni,

(iii)

uffiċjal kompetenti,

(b)   Dettalji dwar il-bejjiegħ jew il-fornitur responsabbli għall-infrazzjoni intra-Komunitarja jew infrazzjoni suspetta intra-Komunitarja

(i)

isem,

(ii)	ismijiet kummerċjali oħrajn,

(iii)

isem tal-kumpanija oriġinali, jekk eżistenti,

(iv)	tip ta' kummerċ,

(v)	indirizz(i),

(vi)

E-mail,

(vii)

numru tat-telefon,

(viii)

fax,

(ix)

portal,

(x)	indirizz IP,

(xi)	isem(ismijiet) tad-direttur(i) tal-kumpanija, jekk eżistenti.

(ċ)   L-informazzjoni li tirrigwarda l-iskambji ta' informazzjoni mingħajr rikjesti (twissijiet) (Artikolu 7 tar-Regolament (KE) Nru 2006/2004)

(i)	tip ta' infrazzjoni intra-Komunitarja,

(ii)	stat ta' infrazzjoni intra-Komunitarja (ivverfikata, suspett raġonevoli),

(iii)

bażi legali,

(iv)	taqsira fil-qosor,

(v)	numru stmat ta' konsumaturi li huwa probabbli li ġew ipperikolati u danni finanzjarji stmati,

(vi)	kull kondizzjoni għat-trattament kunfidenzjali.

(vii)

dokumenti mehmuża (partikolarment dawk li jirrigwardaw l-istqarrijiet u evidenza oħra.)

(d)   L-informazzjoni li tirrigwarda r-rikjesti għall-assistenza reċiproka (l-Artikoli 6 u 8 tar-Regolament (KE) Nru 2006/2004)

(i)	post tal-konsumaturi li jistgħu jiġu pperikolati,

(ii)	isem tal-prodott jew tas-servizz,

(iii)

kodiċi COICOP, [Classification of Individual Consumption According to Purpose (United Nations statistical methodology, http://unstats.un.org/unsd/cr/registry/regcst.asp?Cl=5)]]

(iv)	bażi legali,

(v)	mezz ta' reklamar jew ta' bejgħ involut,

(vi)	tip ta' infrazzjoni intra-Komunitarja,

(vii)

stat ta' infrazzjoni intra-Komunitarja (ivverfikata, suspett raġonevoli),

(vii)

numru stmat ta' konsumaturi li huwa probabbli li jiġu pperikolati u danni finanzjarji stmati,

(ix)	qafas ta' żmien propost għar-rispons,

(x)	dokumenti mehmuża (partikolarment dawk li jirrigwardaw l-istqarrijiet, u evidenzi oħrajn) u kull kondizzjoni għal trattament kunfidenzjali,

(xi)	indikazzjoni għall-assistenza rikjesta,

(xii)

referenza għat-twissija (jekk hija applikabbli),

(xiii)

lista ta' awtoritajiet rikjesti u Stati Membri kkonċernati,

(xiv)

rikjesta għal uffiċjal kompetenti biex jipparteċipa fl-investigazzjoni (l-Artikolu 6(3) tar-Regolament (KE) Nru 2006/2004).

1.2.   L-informazzjoni minima li għandha tiġi inkluża fir-rikjesti għall-assistenza reċiproka u t-twissijiet (l-Artikoli 6, 7 u 8 tar-Regolament (KE) Nru 2006/2004)

1.2.1.

Meta tinħareġ rikjesta għall-assistenza reċiproka dwar twissija, l-awtorità kompetenti għandha twassal kull informazzjoni li jkollha li tista tkun ta' użu għall-awtoritajiet kompetenti oħrajn sabiex tiġi indirizzata r-rikjesta b'mod effiċenti u jkun aċċertat segwiment xieraq tat-twissija u jiġi indikat dwar jekk l-informazzjoni pprovduta għandhiex tingħata trattament kunfidenzjali.

1.2.2.

Meta tintalab l-informazzjoni skond l-Artikolu 6 tar-Regolament (KE) Nru 2006/2004, l-awtorità applikanti għandha ta' l-anqas: a) tinforma lill-awtorita rikjesta dwar in-natura ta' l-infrazzjoni intra-Komunitarja suspetta u l-bażi legali tagħha b) tipprovdi biżżejed elementi għall-identifikazzjoni tal-kondotta u l-prattika li qed tiġi investigata; ċ) tispeċifika l-informazzjoni rikjesta.

1.2.3.

Meta tinħareġ rikjesta għall-infuzar tal-miżuri skond l-Artikolu 8 tar-Regolament (KE) Nru 2006/2004, l-awtorità applikanti għandha tipprovdi lill-awtorità mitluba ta' l-anqas b'dan li ġej: a) identifikazzjoni dwar il-bejjiegħ jew il-fornitur li kontrih ġew rikjesti l-miżuri; b) dettalji dwar il-kondotta jew il-prattika kkonċernata; ċ) kwalifiki legali ta' l-infrazzjoni intra-Komunitarja skond il-liġi applikabbli, u l-bażi legali tagħha. d) evidenza dwar perikolu għall-interessi kollettivi, inklużi jekk huwa possibbli stima dwar in-numru ta' konsumaturi li jistgħu jiġu pperikolati.

1.3.   Rispons għar-rikjesta ta' assistenza reċiproka

1.3.1.

Meta tirrispondi għal rikjesta dwar informazzjoni skond l-artikolu 6 tar-Regolament (KE) Nru 2006/2004, awtorità li tiġi mitluba għal dan għandha twassal kull informazjoni speċifikata mill-awtorita applikanti li hija meħtieġa biex tistabbilixxi jekk l-infrazzjoni intra-Komunitarja tkunx saret jew jekk ikun hemm suspett raġonevoli li din tista' ssir.

1.3.2.

Meta ssir risposta għal rikjsta għall-miżuri ta' l-infurzar skond l-Artikolu 8 tar-Regolament (KE) Nru 2006/2004, l-awtorità rikjesta għandha tinforma lill-awtorità applikanti dwar l-azzjonijiet li ttieħdu jew ġew ippjanati u l-poteri eżerċitati fl-indirizzar tar-rikjesta.

1.3.3.

F'kull każ, l-awtorità rikjesta għandha tindika jekk kull xorta ta' informazzjoni li tressqet għandhiex tingħata trattament kunfidenzjali.

1.3.4.

Jekk awtorità kompetenti tirrifjuta li tikkonforma ma' rikjesta kif inhu previst fl-Artikolu 15(2), (3) u (4) tar-Regolament (KE) Nru 2006/2004, din għandha tinkludi fir-rispons tagħha stqarrija tal-kriterji dwar ir-revoka.

1.4.   Poteri addizzjonali mogħtija lill-awtoritajiet kompetenti skond il-liġi nazzjonali

L-Istati Membri għandhom jinformaw lill-Kummissjoni u l-Istati Membri l-oħrajn, permezz ta' forum ta' diskussjoni li għandu jkun disponibbli fil-bażi tad-data, dwar kull investigazzjoni u poteri ta' infurzar addizzjonali mogħtija lill-awtoritajiet kompetenti flimkien ma' dawk li huma stipulati fl-Artikolu 4(6) tar-Regolament (KE) Nru 2006/2004.

1.5.   Ħatra tal-korpi li għandhom interess leġittimu fil-waqfien jew il-projbizzjoni ta' l-infrazzjonijiet intra-Komunitarji skond l-Artikolu 8(3) tar-Regolament (KE) Nru 2006/2004

1.5.1.

Fejn, skond l-Artikolu 5(1) tar-Regolament (KE) Nru 2006/2004, Stat Membru jikkomunika lill-Kummissjoni u lil Stati Membri oħrajn dwar l-identità ta' korp nominat skond it-tieni sentenza ta' l-Artikolu 4(2) ta' dan ir-Regolament li għandu interess leġittimu fil-waqfien jew fil-projbizzjoni ta' l-infrazzjonijiet intra-Komunitarji, din għandha tispeċifika l-poteri investigattivi u infurzanti mogħtija lil dan il-korp.

1.5.2.

L-awtorità rikjesta li hija intenzjonata, skond l-Artikolu 8(3) tar-Regolament (KE) Nru 2006/2004, li tagħti struzzjonijiet lil korp li għandu interess leġittimu li jwaqqaf jew jipprojbixxi l-infrazzjonijiet intra-Komunitarji, għandha tipprovdi lill-awtorità applikanti b'informazzjoni suffiċenti dwar dan il-korp sabiex tagħti s-setgħa lill-awtorità applikanti li tistabbilixxi l-kondizzjonijiet stipulati fl-Artikolu 8(4) jiġu rispettati. Din għandha wkoll tikseb il-kunsens minn qabel ta' l-awtorità applikanti fir-rigward ta' l-istruzzjoni ta' dak il-korp, u tispeċifika n-natura u d-dettalji ta' l-infomazzjoni kkomunikata mill-awtorità applikanti li l-awtorità rikjesta tista' tagħti lil dak il-korp.

2.   KAPITOLU 2 – SKADENZA TA' ŻMIEN

2.1.   Rikjesti għall-assistenza reċiproka u tweġibiet

2.1.1.

L-awtoritajiet rikjesti għandhom jirrispondu lir-rikjesti ta' assistenza reċiproka mill-awtoritajiet applikanti bl-aħjar mod possibbli skond l-abbiltà tagħhom, billi jagħmlu użu tal-poteri infurzanti u mingħajr dewmien.

2.1.2.

L-iskadenza taż-żmien għall-indirizzar tar-rikjesti għall-assistenza reċiproka skond l-Artikoli 6 u 8 tar-Regolament (KE) Nru 2006/2004 għandhom isiru bi qbil bejn l-awtorita applikanti u l-awtorità rikjesta fuq bażi ta' skond kif inhu l-każ permezz tal-formoli standard tal-bażi tad-data.

2.1.3.

Jekk ebda ftehim ma jista' jintlaħaq, l-awtrorità rikjesta għandha toħroġ tweġiba fejn tagħti kull informazzjoni rilevanti li jkollha u tindika l-azzjonijiet ta' investigazzjoni u ta' infurzar li ttieħdu jew li huma ppjanati (inklużi skadenzi taż-żmien) sa mhux iktar tard minn erbatax-il ġurnata mid-data ta' wassla ta' rikjesta permezz ta' l-uffiċċju uniku ta' kooprazzjoni tagħha. L-awtorità rikjesta għandha taġġorna lill-awtorita applikanti dwar dawn l-azzjonijiet ta' l-anqas fuq bażi ta' kull xahar sakemm: (a) kull informazzjoni rilevanti meħtieġa biex tistabbilixxi jekk l-infrazzjoni intra-Komunitarja tkunx saret jew biex tistabbilixxi jekk ikun hemm suspett raġonevoli li dan jista' jsir tkun intbagħtet lill-awtorità applikanti jew (b) jekk tkun waqfet l-infrazzjoni intra-Komunitarja jew rikjesta tkun irriżultat infondata.

2.1.4.

L-uffiċċju uniku ta' kooperazzjoni għall-awtorità rikjesta għandha tressaq kull rikjesta li tirċievi permezz ta' l-uffiċċju uniku ta' kooperazzjoni għall-awtorità applikanti lill-awtorità kompetenti xierqa meta dan ikun teknikament possibbli u għal kull każ sa mhux iktar tard minn jumejn ta' xogħol wara d-data ta' twassil tar-rikjesta.

2.1.5.

L-awtorita ta' rikjesta għandha tinnotifika lill-Kummissjoni u tneħħi l-informazzjoni minn fuq il-bażi tad-data meta dan ikun teknikament possibbli u f'kull każ sa mhux iktar tard minn sebat ijiem mill-għeluq tal-każ jekk, ikun hemm rikjesta skond l-Artikolu 6 tar-Regolament (KE) Nru 2006/2004: (a) l-informazzjoni ta' skambju ma tiġġenera ebda twissija jew rikjesta skond l-Artikolu 8, jew (b) ikun stabbilit li ebda infrazzjoni intra-Komunitarja ma tkun saret.

2.2.   Twissijiet

2.2.1.

Awtorità kompetenti għandha toħroġ bi twissija meta dan ikun teknikament possibbli u f'kull każ mhux iktar tard minn sebat ijiem wara li ssir konxja ta' infrazzjoni intra-Komunitarja, jew li kollha suspett raġonevoli li tali infrazzjoni tkun tista' ssir.

2.2.2.

L-awtorità kompetenti għandha, meta t-twissijiet jirriżultaw infondati, tirtiraha meta dan ikun teknikament possibbli, u f'kull każ fi żmien sebat ijiem. Il-Kummissjoni għandha tneħħi kull informazzjoni fir-rigward ta' twissijiet li jirriżultaw infondati u li huma maħżuna fil-bażi tad-data meta dan ikun teknikament possibbli u għal kull każ sa mhux iktar tard minn sebat ijiem mil-irtirar tat-twissija mill-awtorità kompetenti.

3.   KAPITOLU 3 – TRAŻMISSJONI TAT-TWISSIJIET

L-awtorità kompetenti li toħroġ bi twissija għandha tittrażmettiha, pemezz tal-formoli standard xierqa tal-bażi tad-data, lill-Kummissjoni u lill-awtoritajiet kompetenti fl-Istati Membri l-oħrajn għall-infurzar tal-leġislazzjoni skond kif tkun saret it-twissija. L-awtorità kompetenti notifikanti għandha jkollha r-responsabbiltà ewlenija li tgħarraf liema mill-Istati Membri l-oħrajn jirċievu t-twissija.

4.   KAPITOLU 4 – AĊĊESS GĦALL-ISKAMBJU TA' L-INFORMAZZJONI

4.1.   L-awtoritajiet kompetenti

L-awtorità kompetenti għandha tkun fis-setgħa li taċċessja u tikkonsulta biss l-informazzjoni fil-bażi tad-data li tirrigwarda l-liġijiet għall-protezzjoni tal-konsumaturi li għalihom għandha jkollha responsabbiltajiet diretti l-infurzar skond in-nominazzjonijiet trażmessi mill-Istat Membru skond l-Artikolu 4(1) tar-Regolament (KE) Nru 2006/2004.

4.2.   Uffiċċji uniċi ta' kooperazzjoni

Fit-twettiq tax-xogħlijiet tagħhom ta’ koordinazzjoni kif definiti b'mod partikolari fl-Artikolu 9(2) u l-Artikolu 12(2) u (5) tar-Regolament (KE) Nru 2006/2004, l-uffiċċji uniċi ta' kooperazzjoni għandhom ikunu jistgħu jaċċessjaw l-informazzjoni li hija relatata ma' rikjesti ta' assistenza konġunta li ma ngħatatx trattament kunfidenzjali.

5.   KAPITOLU 5 – LINGWI LI GĦANDHOM JINTUŻAW GĦAR-RIKJESTI TA' L-ASSISTENZA KONĠUNTA U GĦALL-KOMUNIKAZZJONI TA' L-INFORMAZZJONI

5.1.

Il-ftehim dwar l-użu tal-lingwi għar-rikjesti u għall-komunikazzjoni ta' l-informazzjoni li sar bejn l-awtoritajiet kompetenti skond l-ewwel sentenza ta' l-Artikolu 12(4) tar-Regolament (KE) Nru 2006/2004 għandu jiġi rreġistrat f'tabella li għandha tkun disponibbli għall-awtroitajiet kompetenti permezz tal-bażi tad-data.

5.2.

Dak il-ftehim għandu jinkludi klawżola li tippermetti lill-awtorità kompetenti li tipproponi l-użu għal każ speċifiku ta' lingwa oħra bil-ħsieb tal-kompetenzi lingwistiċi ta' l-uffiċjal kompetenti kkonċernat.

5.3.

Il-formoli standard tal-bażi tad-data jinkludu tip ta' data li tippemetti lill-awtorità kompetenti li tipproponi lil awtorità oħra l-użu ta' lingwa oħra. Jekk ma jintlaħaq ebda ftehim, it-tieni sentenza ta' l-Artikolu 12(4) tar-Regolament (KE) Nru 2006/2004 għandha tapplika.