Edizzjoni Speċjali bil-Bulgaru: Kapitolu 03 Volum 081 P. 319 - 320
Edizzjoni Speċjali bir-Rumen: Kapitolu 03 Volum 081 P. 319 - 320
Edizzjoni speċjali bil-Kroat: Kapitolu 03 Volum 051 P. 161 - 162
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32007D0029
Commission Decision of 22 December 2006 laying down transitional measures for certain products of animal origin covered by Regulation (EC) No 853/2004 of the European Parliament and of the Council introduced into Bulgaria and Romania from third countries before 1 January 2007 (notified under document number C(2006) 7019) (Text with EEA relevance)
Deċiżjoni tal-Kummissjoni tat- 22 ta' Diċembru 2006 li tistipula miżuri tranżitorji għal ċerti prodotti li joriġinaw mill-annimali koperti mir-Regolament (KE) Nru 853/2004 tal-Parlament Ewropew u tal-Kunsill introdotti fil-Bulgarija u r-Rumanija minn pajjiżi terzi qabel l- 1 ta' Jannar 2007 (notifikat bid-dokument numru C(2006) 7019) Test b'rilevanza għaż-ŻEE
Deċiżjoni tal-Kummissjoni tat- 22 ta' Diċembru 2006 li tistipula miżuri tranżitorji għal ċerti prodotti li joriġinaw mill-annimali koperti mir-Regolament (KE) Nru 853/2004 tal-Parlament Ewropew u tal-Kunsill introdotti fil-Bulgarija u r-Rumanija minn pajjiżi terzi qabel l- 1 ta' Jannar 2007 (notifikat bid-dokument numru C(2006) 7019) Test b'rilevanza għaż-ŻEE
ĠU L 8, 13.1.2007, p. 57–58
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 219M, 24.8.2007, p. 81–82
(MT)
In force
Language
HTML
PDF
Official Journal
|
24.8.2007 |
MT |
Il-Ġurnal Uffiċjali ta’ l-Unjoni Ewropea |
81 |
DEĊIŻJONI TAL-KUMMISSJONI
tat-22 ta' Diċembru 2006
li tistipula miżuri tranżitorji għal ċerti prodotti li joriġinaw mill-annimali koperti mir-Regolament (KE) Nru 853/2004 tal-Parlament Ewropew u tal-Kunsill introdotti fil-Bulgarija u r-Rumanija minn pajjiżi terzi qabel l-1 ta' Jannar 2007
(notifikat bid-dokument numru C(2006) 7019)
(Test b'rilevanza għaż-ŻEE)
(2007/29/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat it-Trattat ta' Adeżjoni tal-Bulgarija u r-Rumanija, u partikolarment l-Artikolu 4(3) tiegħu,
Wara li kkunsidrat l-Att ta' Adeżjoni tal-Bulgarija u r-Rumanija, u partikolarment l-Artikolu 42 tiegħu,
Billi:
|
(1) |
Il-Bulgarija u r-Rumanija għandhom jissieħbu mal-Komunità fl-1 ta' Jannar 2007. Ċerti prodotti li jiġu minn pajjiżi terzi li joriġinaw mill-annimali introdotti fil-Bulgarija u r-Rumanija minn pajjiżi terzi qabel dik id-data ma jkunux konformi mar-regoli Komunitarji rilevanti stipulati fir-Regolament (KE) Nru 853/2004 tal-Parlament Ewropew u tal-Kunsill ta' l-24 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (1). |
|
(2) |
Xi wħud minn dawn il-prodotti ġew rilaxxati f'ċirkolazzjoni ħielsa fil-Bulgarija u r-Rumanija filwaqt li oħrajn għadhom ma tqegħdux taħt il-proċedura doganali u għadhom taħt superviżjoni doganali f'dawn iż-żewġ pajjiżi. |
|
(3) |
Sabiex tkun iffaċilitata t-tranżizzjoni mir-reġim eżistenti fil-Bulgarija u r-Rumanija għal dak li jirriżulta mill-applikazzjoni ta' leġiżlazzjoni tal-Komunità, jixraq li jiġu stipulati miżuri tranżitorji għat-tqegħid fis-suq ta' dawn il-prodotti. |
|
(4) |
Jixraq ukoll li jiġi pprovdut li prodotti li ma jkunux konformi mal-leġiżlazzjoni Komunitarja ma jiġux introdotti fi Stati Membri oħrajn. Għandhom jitqiegħdu biss fis-swieq domestiċi tal-Bulgarija u r-Rumanija jew esportati lejn pajjiżi terzi taħt kundizzjonijiet xierqa. Barra minn hekk, fid-dawl tal-fatt li s-sistema ta' traċċabilità mhijiex biżżejjed, dawk il-prodotti li mhumiex konformi ma għandhomx jiġu pproċessati mill-istabbilimenti awtorizzati li jibagħtu l-prodotti tagħhom lill-Komunità. |
|
(5) |
Wara sena mid-data ta' l-Adeżjoni, prodotti li jkunu għadhom ma ġewx rilaxxati f'ċirkolazzjoni ħielsa f'dawk iż-żewġ pajjiżi jew esportati, u jkunu għandhom maħżuna taħt superviżjoni doganali għandhom jinqerdu. |
|
(6) |
Il-miżuri pprovduti f'din id-Deċiżjoni huma konformi ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DECIZJONI:
Artikolu 1
Ambitu
Din id-Deċiżjoni għandha tapplika għal prodotti li joriġinaw mill-annimali li:
|
(a) |
jaqgħu fl-ambitu tar-Regolament (KE) Nru 853/2004 iżda li ma jkunux konformi mar-rekwiżit ta' dak ir-Regolament; u |
|
(b) |
ġew introdotti fil-Bulgarija u r-Rumanija minn pajjiżi terzi qabel l-1 ta' Jannar 2007; |
|
(ċ) |
mhumiex konformi mar-rekwiżiti Komunitarji. |
Artikolu 2
Prodotti li joriġinaw mill-annimali rilaxxati f'ċirkolazzjoni ħielsa qabel l-1 ta' Jannar 2007
1. Il-prodotti msemmija fl-Artikolu 1 (’prodotti li joriġinaw mill-annimali’) li ġew rilaxxati f'ċirkolazzjoni ħielsa fil-Bulgarija u r-Rumanija (’l-Istati Membri l-ġodda’) qabel l-1 ta' Jannar 2007 jistgħu jitqiegħdu fis-swieq nazzjonali tagħhom sal-31 ta' Diċembru 2007 biss.
Il-prodotti li joriġinaw mill-annimali:
|
(a) |
ma għandhomx jiġu pproċessati minn stabbilimenti awtorizzati li jibagħtu l-prodotti tagħhom lil Stati Membri oħra; u |
|
(b) |
għandu jkollhom il-marka nazzjonali pprovduta fir-regoli nazzjonali ta' dak l-Istat Membru l-ġdid fid-data tar-rilaxx f'ċirkolazzjoni ħielsa. |
2. L-Istati Membri għandhom jiżguraw, skond id-Direttiva tal-Kunsill 89/662/KEE (2), u partikolarment l-Artikolu 3 tagħha, li l-prodotti li joriġinaw mill-annimali ma jkunux involuti f'kummerċ bejn l-Istati Membri.
3. B'deroga mill-paragrafu 1, sal-31 ta' Diċembru 2007, l-Istati Membri l-ġodda jistgħu jawtorizzaw l-esportazzjoni ta' prodotti li joriġinaw mill-annimali lil pajjiż terz taħt il-kundizzjonijiet li ġejjin:
|
(a) |
l-esportazzjoni għandha ssir skond l-Artikolu 12 tar-Regolament (KE) Nru 178/2002 tal-Parlament Ewropew u tal-Kunsill (3); |
|
(b) |
kull konsenja għandha tiġi ttrasportata direttament lill-pajjiż terz taħt is-superviżjoni ta' l-awtorità kompetenti mingħajr ma tgħaddi mit-territorju ta' Stati Membri oħra; |
|
(ċ) |
kull konsenja għandha tiġi esportata f'mezz ta' trasport issiġillat mill-awtorità kompetenti, u s-siġilli għandhom jiġu ċċekkjati fil-punt tal-ħruġ ta' l-Istat Membru l-ġdid. |
Artikolu 3
Prodotti li joriġinaw mill-annimali introdotti fl-Istati Membri l-ġodda iżda mhux rilaxxati f'ċirkolazzjoni ħielsa qabel l-1 ta' Jannar 2007
1. Prodotti li joriġinaw mill-annimali li kienu introdotti fl-Istati Membri l-ġodda iżda mhux rilaxxati f'ċirkolazzjoni ħielsa fl-Istati Membri l-ġodda qabel l-1 ta' Jannar 2007, għandhom ikunu soġġetti għar-regoli stipulati fil-paragrafi 2 u 3.
2. Il-prodotti li joriġinaw mill-annimali jistgħu jiġu rilaxxati f'ċirkolazzjoni ħielsa fl-Istati Membri l-ġodda jew mibgħuta lil pajjiż terz skond il-kundizzjonijiet stipulati fl-Artikolu 2.
3. Mill-1 ta' Jannar 2008, kwalunkwe konsenja ta' prodotti li joriġinaw mill-annimali taħt is-superviżjoni doganali għandha tinqered taħt il-kontroll ta' l-awtorità kompetenti.
L-ispejjeż kollha ta' din il-qerda għandhom jiġġarrbu minn sid il-konsenja.
Artikolu 4
L-Applikazzjoni
Din id-Deċiżjoni għandha tapplika soġġetta għal u mid-data tad-dħul fis-seħħ ta' l-Att ta' Adeżjoni tal-Bulgarija u r-Rumanija.
Artikolu 5
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, 22 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 139, 30.4.2004, p. 55; il-verżjoni kkoreġuta bil-ĠU L 226, 25.6.2004, p. 22. Ir-Regolament kif emendat l-aħħar bir-Regolament tal-Kummissjoni (KE) Nru 2076/2005 (ĠU L 338, 22.12.2005, p. 83).
(2) ĠU L 395, 30.12.1989, p. 13.