Edizzjoni Speċjali bil-Bulgaru: Kapitolu 02 Volum 022 P. 221 - 222
Edizzjoni Speċjali bir-Rumen: Kapitolu 02 Volum 022 P. 221 - 222
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32006R2018
Commission Regulation (EC) No 2018/2006 of 20 December 2006 laying down transitional measures as regards import licences for milk and milk products pursuant to Regulation (EC) No 2535/2001, by reason of the accession of Bulgaria and Romania to the European Union
2018/2006/KE: Regolament tal-Kummissjoni (KE) Nru 2018/2006 ta' l- 20 ta' Diċembru 2006 li jistabbilixxi miżuri tranżizzjonali dwar liċenzji għall-importazzjoni tal-ħalib u prodotti tal-ħalib skont ir-Regolament (KE) Nru 2535/2001, minħabba l-adeżjoni tal-Bulgarija u tar-Rumanija fl-Unjoni Ewropea
2018/2006/KE: Regolament tal-Kummissjoni (KE) Nru 2018/2006 ta' l- 20 ta' Diċembru 2006 li jistabbilixxi miżuri tranżizzjonali dwar liċenzji għall-importazzjoni tal-ħalib u prodotti tal-ħalib skont ir-Regolament (KE) Nru 2535/2001, minħabba l-adeżjoni tal-Bulgarija u tar-Rumanija fl-Unjoni Ewropea
ĠU L 384, 29.12.2006, p. 46–47
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 330M, 9.12.2008, p. 481–482
(MT)
No longer in force, Date of end of validity: 11/12/2010
Language
HTML
PDF
Official Journal
|
9.12.2008 |
MT |
Il-Ġurnal Uffiċjali ta’ l-Unjoni Ewropea |
481 |
REGOLAMENT TAL-KUMMISSJONI (KE) Nru 2018/2006
ta' l-20 ta' Diċembru 2006
li jistabbilixxi miżuri tranżizzjonali dwar liċenzji għall-importazzjoni tal-ħalib u prodotti tal-ħalib skont ir-Regolament (KE) Nru 2535/2001, minħabba l-adeżjoni tal-Bulgarija u tar-Rumanija fl-Unjoni Ewropea
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat ta’ Adeżjoni tal-Bulgarija u r-Rumanija, u b'mod partikolari l-Artikolu 4(3) tiegħu,
Wara li kkunsidrat l-Att ta’ Adeżjoni tal-Bulgarija u tar-Rumanija, u b’mod partikolari l-Artikolu 41 tiegħu
Billi:
|
(1) |
It-Taqsima 2 tal-Kapitolu I tat-Titolu 2 tar-Regolament tal-Kummissjoni (KE) Nru 2535/2001 tal-14 ta' Diċembru 2001 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1255/1999 fir-rigward tal-arranġamenti għall-importazzjoni tal-ħalib u prodotti tal-ħalib u biex jinfetħu kwoti tat-tariffa (1) li jistabbilixxi dispożizzjonijiet speċifiċi dwar l-approvazzjoni ta' applikanti għal liċenzi ta' importazzjoni. Sabiex jiġi żgurat aċċess għal operaturi mill-Bulgarija u r-Rumanija (minn hawn 'il quddiem l-“Istati Membri ġodda”) biex jimportaw liċenzi sa mid-data tal-adeżjoni ta' dawk il-pajjiżi fl-Unjoni Ewropea, għandhom jiġu adottati miżuri tranżitorji. |
|
(2) |
Għall-perjodu mill-1 ta' Jannar 2007 sat-30 ta' Ġunju 2007, operaturi tal-Istati Membri l-ġodda għandhom jitħallew japplikaw, għal liċenzi ta' importazzjoni taħt kwoti tat-tariffi kif imsemmija fl-Annessi għar-Regolament (KE) Nru 2535/2001, mingħajr approvazzjoni minn qabel. |
|
(3) |
Dawn l-operaturi għandhom jagħtu prova tal-istatus tagħhom u li ħadmu regolarment bħala negozjanti. Fir-rigward tar-rekwiżit dwar il-prova fuq il-prestazzjoni kummerċjali, l-applikanti fl-Istati Membri l-ġodda għandu jkollhom l-opportunità jagħżlu bħala s-sena ta' referenza għall-prestazzjoni kummerċjali s-sena 2005 minflok is-sena 2006 jekk jistgħu jippruvaw li ma setghux jimportaw jew jesportaw il-kwantitajiet meħtieġa ta' prodotti tal-ħalib matul is-sena 2006 minħabba ċirkostanzi eċċezzjonali. |
|
(4) |
L-awtoritajiet tal-Istati Membri l-ġodda għandhom sal-20 ta' Jannar 2007 jgħaddu lill-Kummissjoni lista li tinkludi l-operaturi kollha eliġibbli. Sabiex kull applikannt ikun jista' jiġi identifikat aktar faċilment, u biex jiġi ffaċilitat it-trasferiment tal-liċenzi, id-dejta li trid tintbagħat għal kull operatur għandha tkun speċifikata. Barra minn hekk, operaturi eliġibbli fl-Istati Membri l-ġodda għandhom jitħallew jagħmlu trasferiment ta’ liċenzi ta' importazzjoni. |
|
(5) |
Għaldaqstant hu neċessarju li jingħataw ċerti derogi mir-Regolament (KE) Nru 2535/2001. |
|
(6) |
Il-miżuri pprovduti f'dan ir-Regolament huma skont l-opinjoni tal-Kumitat ta' Ġestjoni għall-Ħalib u l-Prodotti tal-Ħalib, |
ADOTTAT DAN IR-REGOLAMENT:
Artikolu 1
B'deroga mit-Taqsima 2 tal-Kapitolu I tat-Titolu 2 tar-Regolament (KE) Nru 2535/2001, operaturi stabbiliti fil-Bulgarija u r-Rumanija (minn hawn 'il quddiem l-“Istati Membri ġodda”) jistgħu japplikaw għal-liċenzi ta' importazzjoni għal kwoti li jkopru l-perjodu mill-1 ta' Jannar 2007 sat-30 ta' Ġunju 2007 mingħajr l-approvazzjoni minn qabel tal-awtoritajiet kompetenti tal-Istat Membru li fih huma stabbiliti.
Artikolu 2
1. B'deroga mill-Artikolu 11 tar-Regolament (KE) Nru 2535/2001, operaturi stabbiliti fl-Istati Membri l-ġodda jistgħu japplikaw għal-liċenzi ta' importazzjoni għall-kwoti msemmija fl-Artikolu 1 biss fl-Istati Membri fejn huma stabbiliti.
2. Applikazzjonijiet għal liċenzi jkunu ammissibbli biss fejn l-applikant jehmeż id-dokumenti li ġejjin:
|
(a) |
prova li fl-2006 l-applikant importa jew esporta mill-anqas 25 tunnellata ta' prodotti tal-ħalib koperti mill-Kapitolu 04 tan-Nomenklatura Magħquda f'mill-inqas erba' tranżazzjonijiet separati; |
|
(b) |
kwalunkwe dokument u informazzjoni li jissostanzjaw adegwatament l-identità u l-istatus tal-applikant, b'mod partikolari:
|
3. Fil-każ tal-punt (a) is-subparagrafu 2, is-sena ta' referenza għandha tkun is-sena 2005 jekk l-importatur ikkonċernat jista' jipprova li hu ma setax jimporta jew jesporta l-kwantitajiet mitluba ta' prodotti tal-ħalib matul l-2006 minħabba ċirkostanzi eċċezzjonali.
4. Għall-iskopijiet tal-applikazzjoni ta' dan l-Artikolu, l-ipproċessar attiv u passiv tat-tranżazzjonijiet ma għandhomx jitqiesu bħala importazzjonijiet u esportazzjonijiet.
Artikolu 3
1. L-awtoritajiet kompetenti tal-Istati Membri l-ġodda għandhom jibagħtu lill-Kummissjoni sal-20 ta' Jannar 2007 l-lista ta' operaturi li applikaw għal liċenzi ta' importazzjoni għall-kwoti li jkopru l-perjodu mill-1 ta' Jannar 2007 sat-30 ta' Ġunju 2007 skont l-Artikolu 1 u li jkunu konformi mal-kondizzjonijiet preskritti fl-Artikolu 2. Dawn il-listi għandhom jiġu stabbiliti skont il-mudell għall-Anness XIV għar-Regolament (KE) Nru 2535/2001, b’eċċezzjoni għan-numru tal-approvazzjoni.
2. Il-Kummissjoni għandha tgħaddi l-listi msemmija fil-paragrafu 1 lill-awtoritajiet kompetenti tal-Istati Membri l-oħra.
Artikolu 4
B'deroga mill-Artikolu 16(4) tar-Regolament (KE) Nru 2535/2001, liċenzi ta' importazzjoni maħruġa għall-kwoti li jkopru l-perjodu mill-1 ta' Jannar 2007 sat-30 ta’ Ġunju 2007 jistgħu jiġu trasferiti biss lil persuni naturali jew legali approvati skont it-Taqsima 2 ta' dak ir-Regolament u lil persuni naturali jew legali li jidhru fil-listi msemmija fl-Artikolu 3 ta’ dan ir-Regolament.
Artikolu 5
Ir-Regolament għandu jidħol fis-seħħ suġġett għal, u fid-data, tad-dħul fis-seħħ tat-Trattat tal-Adeżjoni tal-Bulgarija u r-Rumanija.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 20 ta' Diċembru 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 341, 22.12.2001, p. 29. Ir-Regolament kif emendat bl-aħħar bir-Regolament (KE) Nru 926/2006 (ĠU L 170, 23.6.2006, p. 8).