1.12.2007   

MT

Il-Ġurnal Uffiċjali ta’ l-Unjoni Ewropea

621

(1)

Bir-Regolament (KE) Nru 76/2002 (3) tas-17 ta' Jannar 2002, il-Kummissjoni introduċiet sorveljanza Komunitarja minn qabel ta' importazzjonijiet ta' ċerti prodotti tal-ħadid u ta' l-azzar li joriġinaw minn pajjiżi terzi. Dan ir-Regolament kien emendat mir-Regolament tal-Kummissjoni (KE) Nru 1337/2002 (4) ta' l-24 ta' Lulju 2002 sabiex ikabbar il-firxa tas-sorveljanza, mir-Regolament tal-Kummissjoni (KE) Nru 2385/2002 tat-30 ta' Diċembru 2002 (5), u mir-Regolament tal-Kummissjoni (KE) 469/2005 tat-23 ta' Marzu 2005 (6).

(2)

L-istatistika tal-kummerċ estern tal-Komunità mhix disponibbli fi ħdan il-perjodi stabbiliti mir-Regolament tal-Kummissjoni (KE) Nru 1917/2000 kif emendat bir-Regolament (KE) Nru 1669/2001 (7).

(3)

Għalkemm is-sitwazzjoni nbidlet minn mindu ġiet introdotta s-sorveljanza fl-2002, l-iżviluppi fis-suq dinji ta' l-azzar għadhom jeħtieġu sistema ta' informazzjoni rapida u affidabbli dwar l-importazzjonijiet tal-Komunità fil-ġejjieni.

(4)

Sa mill-2003, is-suq Ċiniż kien il-mutur prinċipali taż-żjieda konsiderevoli fid-domanda għall-prodotti ta' l-azzar. Madankollu, iċ-Ċina qed iżżid il-kapaċità ta' produzzjoni tagħha b'pass verament mgħaġġel. Il-produzzjoni Ċiniża ta' azzar mhux maħdum żdiedet minn 129 miljun tunnellata fis-sena 2000 għal 349 miljun tunnellata fl-2005, li wasslet biex is-sehem ta' produzzjoni dinjija jiżdied minn 15,4 % għal 36 % matul l-istess perjodu, u qed jiżdiedu iktar kapaċitajiet ta' produzzjoni li jistgħu jżidu 'l-kapaċità ta' produzzjoni Ċiniża fl-2006. L-importazzjonijiet ta' l-UE miċ-Ċina ammontaw għal madwar 0,9 miljun tunnellati fl-2004 u 1,6 miljun tunnellati fl-2005. Iċ-Ċina kienet importatur nett ta' 15-il miljun tunnellata fl-2004 iżda se ssir esportatur nett fl-2006. Jista' jiġi mbassar li fiċ-Ċina din it-tendenza ta' tnaqqis fl-importazzjonijiet u żieda fl-esportazzjoni se tkompli, u permezz ta' dan jidħlu fis-suq dinji kwantitajiet konsiderevoli ta' prodotti ta' l-azzar li jkunu qed ifittxu suq ġdid.

(5)

Għall-ewwel nofs ta' l-2006, l-aktar statistika reċenti ta' importazzjoni disponibbli għal erba' tipi ta' prodotti ewlenin, primarjament prodotti ċatti, prodotti twal, tubi u pajpijiet, u prodotti parzjalment mitmuma, wriet żieda kumplessiva medja ta' 11 % meta mqabbel ma' l-istess perjodu fl-2005, u 18 % u 13 % rispettivament għal prodotti twal u prodotti parzjalment mitmuma. It-total ta' l-importazzjonijiet fl-2005 kien ta' 26,2 miljun tunnellata, meta mqabbel ma' l-20 miljun tunnellata fl-2002, li juri żieda totali ta' 31 % fl-importazzjonijiet għal tliet snin.

(6)

Analiżi ta' l-ewwel sitt xhur ta' l-2006 turi livell għoli sostnut ta' importazzjonijiet, b'żieda kumplessiva ta' 29 % f'dak il-perjodu, filwaqt li ċ-ċifri għat-tielet kwart ta' dik is-sena qed jindikaw xejra pożittiva oħra.

(7)

Barra minn hekk, il-prezzijiet fis-suq Komunitarju, l-istess bħalma huma fis-suq ta' l-Istati Uniti, għadhom għoljin u, ġeneralment, huma bejn 20 % u 30 % ogħla minn dawk osservati fis-swieq Ażjatiċi. Din id-differenzjazzjoni fil-prezz x'aktarx tattira l-interess ta' esportaturi minn pajjiżi terzi u, matul l-2006, ġew osservati l-ewwel indikazzjonijiet ta' tnaqqis fil-prezz fis-suq Amerikan u fis-suq ta' xi pajjiżi Ewropej.

(8)

Barra minn hekk, l-istatistika dwar l-impjiegi li joffru l-produtturi ta' l-UE turi tnaqqis ċar, u minn 414 500 persuna fis-sena 2000 naqsu għal 404 700 fl-2001, 390 200 fl-2002, 383 800 fl-2003, 375 900 fl-2004 u 347 000 fl-2005 — fi kliem ieħor tnaqqis ta' madwar 16 % fuq medda ta' ħames snin.

(9)

Fuq il-bażi ta' tendenzi reċenti fl-importazzjonijiet ta' prodotti ta' l-azzar, ta' żviluppi reċenti fis-suq Ċiniż, tal-pass aktar mgħaġġel fiż-żieda ta' l-importazzjoni, tad-differenzi kbar fil-prezzijiet bejn il-prodotti ta' l-azzar fis-suq ta' l-UE u dawk fi swieq terzi u tat-telf diġà konsiderevoli ta' impjiegi matul dawn l-aħħar snin, jista' għalhekk jitqies li teżisti theddida ta' ħsara lill-produtturi tal-Komunità għall-finijiet ta' l-Artikolu 11 tar-Regolament (KE) Nru 3285/94.

(10)

Għalhekk, l-interessi tal-Komunità jeħtieġu li l-importazzjonijiet ta' ċerti prodotti ta' l-azzar għandhom ikomplu jkunu suġġetti għal sorveljanza Komunitarja minn qabel sabiex tkun ipprovduta informazzjoni statistika avvanzata li tippermetti analiżi rapida tat-tendenzi fl-importazzjonijiet. Fid-dawl ta' l-iżviluppi mistennija msemmija hawn fuq, u fid-dawl tal-fatt li pajjiżi produtturi ewlenin ta' l-azzar issa daħħlu fis-seħħ jew estendew sistemi ta' sorveljanza simili sa l-2009, jixraq li dik is-sistema tissokkta fuq bażi eċċezzjonali sal-31 ta' Diċembru 2009.

(11)

Barra minn hekk, sabiex jitnaqqas kemm jista' jkun it-tfixkil żejjed u sabiex l-attivitajiet tal-kumpaniji qrib il-fruntieri ma jiġux iddisturbati eċċessivament, huwa mixtieq li titwessa' l-firxa ta' kwantitajiet żgħar esklużi mill-ambitu tas-sorveljanza Komunitarja minn qabel. Għaldaqstant, il-piż nett ta' importazzjonijiet li għandhom jiġu esklużi mill-applikazzjoni ta' dan ir-Regolament għandu jiżdied għal 2 500 kilogramma.

(12)

Huwa mixtieq li dan ir-Regolament jidħol fis-seħħ fil-jum tal-pubblikazzjoni tiegħu sabiex tinġabar id-data kemm jista' jkun malajr,

1.

Fi tmiem l-Artikolu 1 ħassar

“3.   L-importazzjonijiet li l-piżijiet netti tagħhom ma jisbqux il-500 kilogramma huma esklużi mill-applikazzjoni ta’ dan ir-Regolament” u ssostittwixxi b'“3. L-importazzjonijiet li l-piżijiet netti tagħhom ma jisbqux il-2 500 kilogramma huma esklużi mill-applikazzjoni ta’ dan ir-Regolament.”

2.

Fl-Artikolu 6 ħassar “31 ta' Diċembru 2006” u minflok ikteb “31 ta' Diċembru 2009”.