Edizzjoni Speċjali bil-Bulgaru: Kapitolu 10 Volum 004 P. 3 - 4
Edizzjoni Speċjali bir-Rumen: Kapitolu 10 Volum 004 P. 3 - 4
Edizzjoni speċjali bil-Kroat: Kapitolu 10 Volum 003 P. 108 - 109
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32006R1647
Council Regulation (EC) No 1647/2006 of 7 November 2006 amending Regulation (EC) No 974/98 on the introduction of the euro
Regolament tal-Kunsill (KE) Nru 1647/2006 tas- 7 ta’ Novembru 2006 li jemenda r-Regolament (KE) Nru 974/98 dwar l-introduzzjoni ta’ l-euro
Regolament tal-Kunsill (KE) Nru 1647/2006 tas- 7 ta’ Novembru 2006 li jemenda r-Regolament (KE) Nru 974/98 dwar l-introduzzjoni ta’ l-euro
ĠU L 309, 9.11.2006, pp. 2–3
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 200M, 1.8.2007, pp. 143–144
(MT)
In force
Language
HTML
PDF
Official Journal
|
1.8.2007 |
MT |
Il-Ġurnal Uffiċjali ta’ l-Unjoni Ewropea |
143 |
REGOLAMENT TAL-KUNSILL (KE) Nru 1647/2006
tas-7 ta’ Novembru 2006
li jemenda r-Regolament (KE) Nru 974/98 dwar l-introduzzjoni ta’ l-euro
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 123(5) tiegħu,
Wara li kkunsidra l-proposta mill-Kummissjoni,
Wara li kkonsulta lill-Parlament Ewropew,
Wara li kkunsidra l-opinjoni tal-Bank Ċentrali Ewropew (1),
Billi:
|
(1) |
Ir-Regolament tal-Kunsill (KE) Nru 974/98 tat-3 ta’ Mejju 1998 dwar l-introduzzjoni ta’ l-euro (2) jipprovdi għas-sostituzzjoni ta’ l-euro mal-muniti ta’ l-Istati Membri li jkunu wettqu l-kundizzjonijiet neċessarji għall-adozzjoni tal-munita unika fiż-żmien meta l-Komunità daħlet fit-tielet stadju ta' l-unjoni ekonomika monetarja. |
|
(2) |
Ir-Regolament (KE) Nru 2596/2000 (3) emenda r-Regolament (KE) Nru 974/98 biex jipprovdi għas-sostituzzjoni ta' l-euro mal-munita tal-Greċja. |
|
(3) |
Ir-Regolament (KE) Nru 2169/2005 emenda r-Regolament (KE) Nru 974/98 sabiex iħejji għal introduzzjonijiet sussegwenti ta’ l-euro fl-Istati Membri li għadhom ma adottawx l-euro bħala l-munita unika. |
|
(4) |
Skond l-Artikolu 4 ta’ l-Att ta’ l-Adeżjoni ta’ l-2003, is-Slovenja hija Stat Membru b’deroga fit-tifsira ta' l-Artikolu 122 tat-Trattat. |
|
(5) |
Skond id-Deċiżjoni tal-Kunsill 2006/495/KE tal-11 ta’ Lulju 2006 skond l-Artikolu 122(2) tat-Trattat dwar l-adozzjoni mis-Slovenja tal-munita unika fl-1 ta' Jannar 2007 (4), is-Slovenja issa tissodisfa l-kundizzjonijiet meħtieġa għall-adozzjoni tal-munita waħdanija u d-deroga favur is-Slovenja għandha tkun revokata b'seħħ mill-1 ta' Jannar 2007. |
|
(6) |
L-introduzzjoni ta’ l-euro fis-Slovenja teħtieġ l-estensjoni tad-dispożizzjonijiet eżistenti dwar l-introduzzjoni ta’ l-euro stabbiliti fir-Regolament (KE) Nru 974/98 għas-Slovenja. |
|
(7) |
Il-pjan ta’ bidla tas-Slovenja jispeċifika li n-noti bankarji u l-muniti ta’ l-euro għandhom isiru valuta legali f'dak l-Istat Membru fil-ġurnata ta' l-introduzzjoni ta' l-euro bħala l-munita tiegħu. B’konsegwenza ta’ dan, id-data ta' l-introduzzjoni ta' l-euro u d-data ta' bidla fil-munita għandha tkun l-1 ta’ Jannar 2007. M'għandu japplika l-ebda “perjodu ta’ tneħħija gradwali”. |
|
(8) |
Ir-Regolament (KE) Nru 974/98 għandu jiġi emendat għaldaqstant, |
ADOTTAT DAN IR-REGOLAMENT:
Artikolu 1
L-Anness mar-Regolament (KE) Nru 974/98 għandu jiġi emendat skond l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-1 ta' Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha skond it-Trattat li jistabbilixxi l-Komunità Ewropea.
Magħmul fi Brussell, 7 ta’ Novembru 2006.
Għall-Kunsill
Il-President
E. HEINÄLUOMA
(1) ĠU C 163, 14.7.2006, p. 10.
(2) ĠU L 139, 11.5.1998, p. 1. Ir-Regolament kif emendat l-aħħar bir-Regolament (KE) Nru 2169/2005 (ĠU L 346, 29.12.2005, p. 1).
ANNESS
Fl-Anness tar-Regolament (KE) Nru 974/98, il-linja li jmiss għandha tiddaħħal bejn l-entrati għall-Portugall u l-Finlandja.
|
Stat Membru |
Data ta’ l-adozzjoni ta’ l-euro |
Data ta’ tibdil |
Stat Membru bil-perjodu ta’ “tneħħija gradwali” |
|
“Slovenja |
1 ta' Jannar 2007 |
1 ta' Jannar 2007 |
Le” |