EUR-Lex Access to European Union law
This document is an excerpt from the EUR-Lex website
Document 32006R1366
Regulation (EC) No 1366/2006 of the European Parliament and of the Council of 6 September 2006 amending Regulation (EC) No 2037/2000 as regards the base year for the allocation of quotas of hydrochlorofluorocarbons with respect to the Member States that acceded to the European Union on 1 May 2004
Regolament (KE) Nru 1366/2006 tal-Parlament Ewropew u tal-Kunsill tas- 6 ta' Settembru 2006 li jemenda r-Regolament (KE) Nru 2037/2000 fir-rigward tas-sena bażi għall-allokazzjoni tal-kwoti ta' idroklorofluworokarbonji fir-rigward ta' l-Istati Membri li aderew ma' l-Unjoni Ewropea fl- 1 ta' Mejju 2004
Regolament (KE) Nru 1366/2006 tal-Parlament Ewropew u tal-Kunsill tas- 6 ta' Settembru 2006 li jemenda r-Regolament (KE) Nru 2037/2000 fir-rigward tas-sena bażi għall-allokazzjoni tal-kwoti ta' idroklorofluworokarbonji fir-rigward ta' l-Istati Membri li aderew ma' l-Unjoni Ewropea fl- 1 ta' Mejju 2004
ĠU L 264, 25.9.2006, p. 12–12
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
No longer in force, Date of end of validity: 31/12/2009; Impliċitament imħassar minn 32009R1005
25.9.2006 |
MT |
Il-Ġurnal Uffiċjali ta’ l-Unjoni Ewropea |
12 |
REGOLAMENT (KE) Nru 1366/2006 TAL-PARLAMENT EWROPEW U TAL-KUNSILL
tas-6 ta' Settembru 2006
li jemenda r-Regolament (KE) Nru 2037/2000 fir-rigward tas-sena bażi għall-allokazzjoni tal-kwoti ta' idroklorofluworokarbonji fir-rigward ta' l-Istati Membri li aderew ma' l-Unjoni Ewropea fl-1 ta' Mejju 2004
IL-PARLAMENT EWROPEW U L-KUNSILL TA’ L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea u b'mod partikolari l-Artikolu 175(1) tiegħu,
Wara li kkunsidraw il-proposta tal-Kummissjoni,
Wara li kkunsidraw l-Opinjoni tal-Kumitat Ekonomiku u Soċjali Ewropew (1),
Wara li kkonsultaw ill-Kumitat tar-Reġjuni,
Waqt li jaġixxu skond il-proċedura stabbilita fl-Artikolu 251 tat-Trattat (2),
Billi:
(1) |
Ir-Regolament (KE) Nru 2037/2000 tal-Parlament Ewropew u tal-Kunsill tad-29 ta' Ġunju 2000 dwar sustanzi li jnaqqsu s-saff ta’ l-ożonu (3) jieħu s-sena 1999 bħala s-sena bażi għall-allokazzjoni tal-kwoti ta' l-idroklorofluworokarbonji (HCFCs). Is-suq ta' l-HCFC fl-għaxar Stati Membri l-ġodda inbidel konsiderevolment mill-1999, bil-wasla ta' kumpanniji ġodda u tibdil fis-sehem tas-suq. Meta tieħu s-sena 1999 bħala s-sena bażi għall-allokazzjoni tal-kwoti ta' l-HCFCs f'dawn l-Istati Membri l-ġodda jirriżulta li numru kbir ta' kumpanniji ma jirċevux kwota ta' importazzjoni. Dan jista' jiġi kkunsidrat bħala arbitrarju u jista' jirriżulta fi ksur tal-prinċipji tan-non-diskriminazzjoni u aspettativi leġittimi. |
(2) |
Bħala regola ġenerali, il-kwoti għandhom ikunu bbażati fuq il-figuri l-aktar riċenti u rappreżentattivi disponibbli sabiex jiġi żgurat li numru ta' kumpanniji importaturi fl-Istati Membri l-ġodda ma jiġux esklużi. Għalhekk huwa xieraq li jintagħżlu s-snin li għalihom hemm disponibbli l-aktar data riċenti. Sabiex is-sitwazzjoni kummerċjali dwar is-suq ta' l-HCFC fl-għaxar Stati Membri l-ġodda tiġi riflessa aħjar, għandha tintuża l-medja tas-sehem mis-suq fl-2002 u l-2003 għall-kumpanniji minn dawk l-Istati Membri. |
(3) |
Ir-Regolament (KE) Nru 2037/2000 għandu għalhekk jiġi emendat għaldaqstant, |
ADOTTAW DAN IR-REGOLAMENT:
Artikolu 1
Il-punt li ġej għandu jiġi miżjud ma' l-Artikolu 4(3)(i) tar-Regolament (KE) Nru 2037/2000:
“(i) |
B'deroga mill-punt (h), kull produttur u importatur fir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja għandu jiżgura li l-livell kalkulat ta' idroklorofluworokarbonji li huwa jqiegħed fis-suq jew juża għalih innifsu ma għandux jaqbeż, bħala perċentwal tal-livelli kalkulati mniżżla fil-punti (b), (d), (e) u (f), il-medja tas-sehem perċentwali mis-suq fl-2002 u l-2003.” |
.
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Għandu japplika mill-1 ta’ Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, nhar is-6 ta’ Settembru 2006.
Għall-Parlament Ewropew
Il-President
J. BORRELL FONTELLES
Għall-Kunsill
Il-President
P. LEHTOMÄKI
(1) ĠU C 110, 9.5.2006, p. 33.
(2) Opinjoni tal-Parlament Ewropew tas-27 ta' April 2006 (għadha mhux pubblikata fil-Ġurnal Uffiċjali), u d-Deċiżjoni tal-Kunsill tas-27 ta' Ġunju 2006.
(3) ĠU L 244, 29.9.2000, p. 1. Regolament kif emendat l-aħħar bir-Regolament (KE) Nru 29/2006 (ĠU L 6, 11.1.2006, p. 27).