This document is an excerpt from the EUR-Lex website
Document 32006R1204
Commission Regulation (EC) No 1204/2006 of 9 August 2006 amending Annex V to Council Regulation (EC) No 1899/2005 as regards the quantitative limits of certain steel products
Regolament tal-Kummissjoni (KE) Nru 1204/2006 tad- 9 ta' Awwissu 2006 li jemenda l-Anness V tar-Regolament tal-Kunsill (KE) 1899/2005 dwar il-limiti kwantitattivi ta’ ċerti prodotti ta’ l-azzar
Regolament tal-Kummissjoni (KE) Nru 1204/2006 tad- 9 ta' Awwissu 2006 li jemenda l-Anness V tar-Regolament tal-Kunsill (KE) 1899/2005 dwar il-limiti kwantitattivi ta’ ċerti prodotti ta’ l-azzar
ĠU L 219, 10.8.2006, p. 5–6
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 314M, 1.12.2007, p. 160–161
(MT)
In force
1.12.2007 |
MT |
Il-Ġurnal Uffiċjali ta’ l-Unjoni Ewropea |
160 |
REGOLAMENT TAL-KUMMISSJONI (KE) Nru 1204/2006
tad-9 ta' Awwissu 2006
li jemenda l-Anness V tar-Regolament tal-Kunsill (KE) 1899/2005 dwar il-limiti kwantitattivi ta’ ċerti prodotti ta’ l-azzar
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1899/2005 tas-27 ta' Ġunju 2005 dwar l-amministrazzjoni ta’ ċerti restrizzjonijiet fuq-importazzjonijiet ta' ċerti prodotti ta’ l-azzar mill-Federazzjoni Russa (1) u b'mod partikolari l-Artikolu 5 tiegħu,
Billi:
(1) |
Il-Komunità Ewropea u l-Federazzjoni Russa ffirmaw ftehim dwar kummerċ f’ċerti prodotti ta’ l-azzar fit-3 ta’ Novembru 2005 (2) (“il-Ftehim”). |
(2) |
L-Artikolu 3(3) tal-Ftehim jipprevedi li kwantitajiet mhux użati f’sena speċifika jistgħu jinġarru għas-sena ta’ wara sa massimu ta’ 7 % tal-limitu relevanti kwantitattiv imsemmi fl-Anness II tal-Ftehim. |
(3) |
Skond l-Artikolu 3(4) tal-Ftehim, jistgħu jsiru trasferimenti bejn gruppi ta’ prodotti sa 7 % tal-limitu kwantitattiv ta’ grupp ta’ prodott speċifiku u trasferimenti bejn kategoriji ta’ prodott jistgħu jsiru sa massimu ta’ 25 000 tunnellata. |
(4) |
Ir-Russja għarrfet lill-Komunità bl-intenzjoni tagħha li tuża d-dispozizzjonijiet ta’ l-Artikolu 3(3) u (4) fil-limiti ta’ żmien imsemmija fil-Ftehim. B’riżultat tat-talba Russa, huwa xieraq li jsiru l-aġġustamenti meħtieġa għal-limiti kwantitattivi għas-sena 2006. |
(5) |
Ir-Regolament (KE) Nru. 1899/2005 għandu jkun emendat skond dan, |
ADOTTAT DAN IR-REGOLAMENT:
Artikolu 1
Il-limiti kwantitattivi għas-sena 2006 msemmija fl-Anness V għar-Regolament (KE) 1899/2005 jinbidlu ma’ dawk imsemmija fl-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ għoxrin jum wara li jkun ippublikat fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 9 ta' Awwissu 2006.
Għall-Kummissjoni
Peter MANDELSON
Membru tal-Kummissjoni
(1) ĠU L 303, 22.11.2005, p. 1.
(2) ĠU L 303, 22.11.2005, p. 39.
ANNESS
LIMITI KWANTITATTIVI GĦAS-SENA 2006
(tunnellata) |
|
Prodotti |
2006 |
SA Prodotti ċatti rrumblati |
|
SA1. Kojls |
995 554 |
SA2. Folji tqal |
201 025 |
SA3. Prodotti oħra ċatti rrumblati |
462 118 |
SA4. Prodotti llegati |
103 015 |
SA 5. Folji quarto llegati |
22 010 |
SA 6. Pjanċi b’kisja u llegati li jsiru permezz ta’ tisfif tal-metall mingħajr l-użu tas-sħana |
109 604 |
SB. Prodotti twal |
|
SB1. Travi |
50 373 |
SB2. Virga tal-wajer |
195 080 |
SB3. Prodotti oħra twal |
289 151 |
Nota: SA u SB huma kategoriji ta’ prodotti SA1 sa SA6 u SB1 sa SB3 huma gruppi ta’ prodotti |