This document is an excerpt from the EUR-Lex website
Document 32006R1184
Council Regulation (EC) No 1184/2006 of 24 July 2006 applying certain rules of competition to the production of, and trade in, agricultural products (Codified version)
1184/2006/KE: Regolament tal-Kunsill (KE) Nru 1184/2006 ta' l- 24 ta’ Lulju 2006 li japplika ċerti regoli ta' kompetizzjoni għall-produzzjoni ta', u l-kummerċ fi, prodotti agrikoli (Verżjoni kodifikata)
1184/2006/KE: Regolament tal-Kunsill (KE) Nru 1184/2006 ta' l- 24 ta’ Lulju 2006 li japplika ċerti regoli ta' kompetizzjoni għall-produzzjoni ta', u l-kummerċ fi, prodotti agrikoli (Verżjoni kodifikata)
ĠU L 214, 4.8.2006, p. 7–9
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 352M, 31.12.2008, p. 463–465
(MT)
In force: This act has been changed. Current consolidated version: 01/01/2014
31.12.2008 |
MT |
Il-Ġurnal Uffiċjali ta’ l-Unjoni Ewropea |
463 |
REGOLAMENT TAL-KUNSILL (KE) Nru 1184/2006
ta' l-24 ta’ Lulju 2006
li japplika ċerti regoli ta' kompetizzjoni għall-produzzjoni ta', u l-kummerċ fi, prodotti agrikoli
(Verżjoni kodifikata)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u partikolarment l-Artikoli 36 u 37 tiegħu,
Wara li kkunsidra l-proposta mill-Kummissjoni,
Wara li kkunsidra l-Opinjoni tal-Parlament Ewropew (1),
Billi:
(1) |
Il-kontenut tar-Regolament tal-Kunsill Nru 26 ta' l-4 ta' April 1962 li japplika ċerti regoli tal-kompetizzjoni għall-produzzjoni u għall-kummerċ ta’ prodotti agrikoli (2) ġie emendat (3). Għal aktar ċarezza u razzjonalità, l-imsemmi Regolament għandu jiġi kkodifikat. |
(2) |
Bis-saħħa ta' l-Artikolu 36 tat-Trattat waħda mill-kwistjonijiet li trid tiġi deċiża taħt il-politika agrikola komuni hi dwar jekk ir-regoli ta' kompetizzjoni mniżżlin fit-Trattat għandhomx jiġu applikati għall-produzzjoni u l-kummerċ ta' prodotti agrikoli. Għaldaqstant, id-dispożizzjonijiet ta' dan ir-Regolament għandhom ikunu ssupplimentati fid-dawl ta' l-iżviluppi f'dik il-politika. |
(3) |
Ir-regoli dwar il-kompetizzjoni relatati mal-ftehim, mad-deċiżjonijiet u mal-prattiċi msemmijin fl-Artikolu 81 tat-Trattat u ma' l-abbuż ta' pożizzjonijiet dominanti għandhom jiġu applikati għall-produzzjoni u l-kummerċ ta' prodotti agrikoli, sakemm l-applikazzjoni tagħhom ma tfixkilx il-funzjonament ta' organizzazzjonijiet nazzjonali ta' swieq agrikoli jew ma theddidx il-ksib ta' l-objettivi tal-politika agrikola komuni. |
(4) |
Għandha tingħata attenzjoni speċjali fil-każ ta' organizzazzjonijiet ta' bdiewa li għandhom l-objettiv partikolari ta' produzzjoni jew kummerċjalizzazzjoni konġunta ta' prodotti agrikoli jew l-użu ta' faċilitajiet konġunti, sakemm tali azzjoni konġunta ma teskludix l-kompetizzjoni jew thedded il-ksib ta' l-objettivi ta' l-Artikolu 33 tat-Trattat. |
(5) |
Sabiex jiġi evitat sew li jiġi kompromess l-iżvilupp ta’ politika agrikola komuni u sew biex tiġi żgurata ċ-ċertezza fil-liġi u t-trattament mhux diskriminatorju ta' l-impriżi konċernati, il-Kummissjoni għandu jkollha kompetenza esklussiva, soġġetta għar-reviżjoni mill-Qorti tal-Ġustizzja, li tistabbilixxi jekk il-kondizzjonijiet previsti fiż-żewġ premessi preċedenti rigward il-ftehim, id-deċiżjonijiet u l-prattiċi msemmija fl-Artikolu 81 tat-Trattat, humiex sodisfatti. |
(6) |
Sabiex jiġu implimentati, bħala parti mill-iżvilupp tal-politika agrikola komuni, ir-regoli dwar l-għajnuna għall-produzzjoni u l-kummerċ ta' prodotti agrikoli, il-Kummissjoni għandha tkun f’pożizzjoni li tfassal lista ta' l-għajnuna eżistenti, ġdida jew proposta, sabiex tagħmel osservazzjonijiet xierqa lill-Istati Membri u sabiex tipproponilhom miżuri xierqa, |
ADOTTA DAN IR-REGOLAMENT:
Artikolu 1
L-Artikoli 81 sa 86 tat-Trattat u d-dispożizzjonijiet għall-implimentazzjoni tagħhom għandhom, soġġetti għall-Artikolu 2 ta’ dan ir-Regolament, japplikaw għall-ftehim, deċiżjonijiet u prattiċi kollha msemmija fl-Artikoli 81(1) u 82 tat-Trattat li jirrigwardaw il-produzzjoni jew il-kummerċ tal-prodotti msemmija fl-Anness I għat-Trattat.
Artikolu 2
1. L-Artikolu 81(1) tat-Trattat ma għandux japplika għal tali ftehim, deċiżjonijiet u prattiċi msemmija fl-Artikolu 1 ta' dan ir-Regolament li huma parti integrali minn organizzazzjoni ta' suq nazzjonali jew li huma meħtieġa għall-kisba ta' l-objettivi mniżżla fl-Artikolu 33 tat-Trattat.
B’mod partikolari, dan m'għandux japplika għall-ftehim, deċiżjonijiet u prattiċi tal-bdiewa, l-assoċjazzjonijiet tal-bdiewa, jew l-assoċjazzjonijiet ta' dawn l-assoċjazzjonijiet li jappartjienu lil Stat Membru wieħed u li jirrigwardaw il-produzzjoni jew il-bejgħ ta' prodotti agrikoli jew l-użu ta' faċilitajiet konġunti għall-ħażna, it-trattament jew l-ipproċessar ta' prodotti agrikoli, u li skond dawn ma hemm l-ebda obbligu li jintalbu prezzijiet identiċi, għajr jekk il-Kummissjoni ssib li l-kompetizzjoni hija b’hekk eskluża jew li l-objettivi ta' l-Artikolu 33 tat-Trattat huma mhedda.
2. Wara li tikkonsulta lill-Istati Membri u tisma’ lill-impriżi jew lill-assoċjazzjonijiet ta' l-impriżi kkonċernati u lil kull persuna fiżika jew ġuridika oħra li hi tqis xierqa, il-Kummissjoni għandu jkollha l-kompetenza esklussiva, soġġetta għar-reviżjoni mill-Qorti tal-Ġustizzja, li tistabbilixxi, permezz ta' deċiżjoni li għandha tiġi ppubblikata, liema ftehim, deċiżjonijiet jew prattiċi jissodisfaw il-kondizzjonijiet speċifikati fil-paragrafu 1.
Il-Kummissjoni għandha hekk tiddetermina fuq inizjattiva tagħha stess jew fuq talba ta' awtorità kompetenti ta' Stat Membru jew ta’ impriża jew assoċjazzjoni ta' impriżi interessati.
3. Il-pubblikazzjoni għandha tiddikjara l-ismijiet tal-partijiet u l-kontenut prinċipali tad-deċiżjoni. Għandha tqis l-interess leġittimu ta' l-impriżi f'dik li hija l-protezzjoni tas-sigrieti kummerċjali tagħhom.
Artikolu 3
Id-dispożizzjonijiet ta' l-Artikolu 88(1) u ta' l-ewwel sentenza ta' l-Artikolu 88(3) tat-Trattat għandhom japplikaw għall-għajnuna mogħtija għall-produzzjoni jew għall-kummerċ tal-prodotti mniżżlin fil-lista fl-Anness I għat-Trattat.
Artikolu 4
Ir-Regolament Nru 26 għandu jitħassar.
Referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness II.
Artikolu 5
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 24 ta’ Lulju 2006.
Għall-Kunsill
Il-President
M. PEKKARINEN
(1) Opinjoni tal-Parlament Ewropew tas-27 ta' April 2006 (għada mhix ippubblikata fil-Ġurnal Uffiċjali).
(2) ĠU 30, 20.4.1962, p. 993/62. Regolament kif emendat bir-Regolament Nru 49 (ĠU 53, 1.7.1962, p. 1571/62).
(3) Ara l-Anness I.
ANNESS I
Regolament imħassar flimkien ma’ l-emenda tiegħu
Regolament tal-Kunsill Nru 26 |
|
Regolament tal-Kunsill Nru 49 |
L-Artikolu 1(1)(g) biss |
ANNESS II
Tabella ta’ korrelazzjoni
Regolament Nru 26 |
Dan ir-Regolament |
Artikolu 1 |
Artikolu 1 |
Artikolu 2(1) |
Artikolu 2(1) |
Artikolu 2(2) |
Artikolu 2(2), l-ewwel subparagafu |
Artikolu 2(3) |
Artikolu 2(2), it-tieni subparagrafu |
Artikolu 2(4) |
Artikolu 2(3) |
Artikolu 3 |
— |
Artikolu 4 |
Artikolu 3 |
— |
Artikolu 4 |
Artikolu 5 |
Artikolu 5 |
— |
Anness I |
— |
Annes II |