Edizzjoni Speċjali bil-Bulgaru: Kapitolu 03 Volum 073 P. 253 - 253
Edizzjoni Speċjali bir-Rumen: Kapitolu 03 Volum 073 P. 253 - 253
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32006R1044
Commission Regulation (EC) No 1044/2006 of 7 July 2006 amending Regulation (EC) No 1019/2002 on marketing standards for olive oil
1044/2006/KE: Regolament tal-Kummissjoni (KE) Nru 1044/2006 tas- 7 ta' Lulju 2006 li jemenda r-Regolament (KE) Nru 1019/2002 dwar l-istandards ta’ marketing għaż-żejt taż-żebbuġa
1044/2006/KE: Regolament tal-Kummissjoni (KE) Nru 1044/2006 tas- 7 ta' Lulju 2006 li jemenda r-Regolament (KE) Nru 1019/2002 dwar l-istandards ta’ marketing għaż-żejt taż-żebbuġa
ĠU L 187, 8.7.2006, p. 20–20
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 312M, 22.11.2008, p. 114–114
(MT)
No longer in force, Date of end of validity: 02/02/2012; Imħassar b' 32012R0029
Language
HTML
PDF
Official Journal
|
22.11.2008 |
MT |
Il-Ġurnal Uffiċjali ta’ l-Unjoni Ewropea |
114 |
REGOLAMENT TAL-KUMMISSJONI (KE) Nru 1044/2006
tas-7 ta' Lulju 2006
li jemenda r-Regolament (KE) Nru 1019/2002 dwar l-istandards ta’ marketing għaż-żejt taż-żebbuġa
IL-KUMMISSJONI TAL- KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill Nru 865/2004/KEE tad-29 ta' April 2004 dwar l-organizzazzjoni komuni tas-suq taż-żejt taż-żebbuġa u żebbuġ tal-mejda u li jemenda r-Regolament (KEE) Nru 827/68 (1), u b'mod partikolari l-Artikolu 5(3) tiegħu,
Billi:
|
(1) |
Ir-Regolament tal-Kummissjoni (KE) Nru 1019/2002 (2) jipprovdi għal skema ta’ tismija ta' ċerti referenzi fakultattivi għaż-żjut taż-żebbuġa. Skont l-Artikolu 5(c) tar-Regolament (KE) Nru 1019/2002, l-indikazzjonijiet tal-proprjetajiet organolettiċi taż-żjut verġni taż-żebbuġa jistgħu jidhru fuq it-tikketta biss jekk ikunu bbażati fuq ir-riżultati ta' metodu ta' analiżi stipulat fir-Regolament tal-Kummissjoni (KEE) Nru 2568/91 tal-11 ta' Lulju 1991 dwar il-karatteristiċi taż-żejt taż-żebbuġa u l-fdal taż-żejt taż-żebbuġa u dwar il-metodi ta' analiżi rilevanti (3). |
|
(2) |
Skont l-għaxar inċiż tal-Artikolu 2(1) tar-Regolament (KEE) Nru 2568/91, il-karatterisitċi organolettiċi għandhom jiġu evalwati skont il-metodu stipulat fl-Anness XII ta’ dak ir-Regolament. L-attributi pożittivi elenkati f’dak l-Anness biss jistgħu jintużaw. Madankollu, minħabba l-għadd żgħir ħafna ta’ attributi organolettiċi elenkati f’dak l-Anness, il-kummerċjanti qed jiltaqgħu ma' diffikultajiet huma u jiddeskrivu l-karatteristiċi organolettiċi taż-żjut verġni taż-żebbuġa tagħhom fuq it-tikketti. |
|
(3) |
Il-ħidmiet tal-Kunsill Internazzjonali taż-Żebbuġ (ICO) bil-għan li jinstabu metodi ġodda ta’ valutazzjoni organolettika sabiex tkun tista' titwessa' l-firxa tal-attributi pożittivi taż-żjut verġni taż-żebbuġa, issa ntemmu għaż-żjut verġni taż-żebbuġa li jgawdu minn isem ta' l-oriġini protett. Għadha għaddejja ħidma għal żjut verġni taż-żebbuġa mingħajr isem ta' l-oriġini protett. |
|
(4) |
Sabiex ikun permess il-vokabularju iktar eżawrjenti meħtieġ għal deskrizzjoni aħjar tal-firxa wiesa' ta’ varjetajiet u togħmiet ta’ żjut verġni taż-żebbuġa mingħajr isem ta' l-oriġini protett, għandha tiġi ffisata data ġdida ta’ skadenza li tkun biżżejjed biex ikun jista’ jiġi implimentat metodu ġdid ta’ valutazzjoni organolettika li jwessa' l-firxa ta’ attributi pożittivi taż-żjut verġni taż-żebbuġa, bl-eċċezzjoni ta’ dawk b'isem ta' l-oriġini protett. |
|
(5) |
Jeħtieġ għalhekk li d-data tal-applikabbiltà tal-Artikolu 5(c) tar-Regolament (KE) Nru 1019/2002 titressaq għal data oħra, li taħbat mad-data ta’ meta tibda s-sena ta’ tqegħid fis-suq 2008/2009. |
|
(6) |
Għaldaqstant, jeħtieġ li r-Regolament (KE) Nru 1019/2002 jiġi emendat. |
|
(7) |
Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għaż-Żejt taż-Żebbuġa u ż-Żebbuġ għall-Ikel, |
ADOTTAT DAN IR-REGOLAMENT:
Artikolu 1
Fl-Artikolu 12(2) tar-Regolament (KE) Nru 1019/2002, it-tielet subparagrafu jinbidel b'dan li ġej:
“L-Artikolu 5(c) jgħodd mill-1 ta' Lulju 2008.”
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 7 ta' Lulju 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 161, 30.4.2004, p. 97. Verżjoni kkoreġuta ĠU L 206, 9.6.2004, p. 37.
(2) ĠU L 155, 14.6.2002, p. 27. Ir-Regolament kif emendat l-aħħar bir-Regolament (KE) Nru 406/2004 (ĠU L 67, 5.3.2004, p. 10).
(3) ĠU L 248, 5.9.1991, p. 1. Ir-Regolament kif emendat l-aħħar bir-Regolament (KE) Nru 1989/2003 (ĠU L 295, 13.11.2003, p. 57).