Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006R0909

Regolament tal-Kummissjoni (KE) Nru 909/2006 ta’ l- 20 ta' Ġunju 2006 li jemenda l-Anness I u II tar-Regolament (KE) Nru 138/2004 tal-Parlament Ewropew u tal-Kunsill dwar il-kontijiet ekonomiċi għall-agrikoltura fil-Komunità Test b'rilevanza għaż-ŻEE.

ĠU L 168, 21.6.2006, p. 14–15 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 314M, 1.12.2007, p. 38–39 (MT)

⏵Dan id-dokument ġie ppubblikat f’edizzjoni(jiet) speċjali (BG, RO, HR)

Legal status of the document In force

ELI: http://data.europa.eu/eli/reg/2006/909/oj

1.12.2007   

MT

Il-Ġurnal Uffiċjali ta’ l-Unjoni Ewropea

38

REGOLAMENT TAL-KUMMISSJONI (KE) Nru 909/2006

ta’ l-20 ta' Ġunju 2006

li jemenda l-Anness I u II tar-Regolament (KE) Nru 138/2004 tal-Parlament Ewropew u tal-Kunsill dwar il-kontijiet ekonomiċi għall-agrikoltura fil-Komunità

(Test b'rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 138/2004 tal-Parlament Ewropew u tal-Kunsill tas-5 ta' Diċembru 2003 dwar il-kontijiet ekonomiċi għall-agrikolutra fil-Komunità (1), u b'mod partikolari l-Artikolu 2(2) tiegħu,

Billi:

(1)

L-Anness I u II tar-Regolament (KE) Nru 138/2004 stipulaw il-metodoloġija u l-programm tat-trażmissjoni tad-data għall-kontijiet ekonomiċi għall-agrikoltura fil-Komunità (EAA). Minħabba l-bidliet fis-sistema Ewropea tal-kontijiet (ESA 95) dwar ir-reġistrazzjoni ta’ servizzi finanzjarji ta’ intermedjazzjoni mkejla b’mod indirett (FISIM), il-metodoloġija EAA għandha tiġi aġġornata biex iżżomm il-konsistenza ma’ l-ESA, il-qafas ċentrali tal-kontijiet nazzjonali.

(2)

Ir-Regolament (KE) Nru 138/2004 għandu għalhekk jiġi emendat b’dan il-mod.

(3)

Il-miżuri previsti f'dan ir-Regolament huma skond l-opinjoni tal-Kumitat Permanenti għall-Istatistika Agrikola stabbilita bid-Deċiżjoni 72/279/KEE (2),

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 138/2004 huwa emendat skond l-Anness I ta' dan ir-Regolament.

Artikolu 2

L-Anness II tar-Regolament (KE) Nru 138/2004 huwa emendat skond l-Anness II ta' dan ir-Regolament.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 20 ta' Ġunju 2006.

Għall-Kummissjoni

Joaquín ALMUNIA

Membru tal-Kummissjoni

(1)  ĠU L 33, 5.2.2004, p. 1. Regolament kif emendat mir-Regolament tal-Kummissjoni (KE) Nru 306/2005 (ĠU L 52, 25.2.2005, p. 9).

(2)  ĠU L 179, 7.8.1972, p. 1

ANNESS I

L-Anness I tar-Regolament (KE) Nru 138/2004 huwa emendat kif ġej:

(1)

Il-paragrafu 2.096 huwa mħassar.

(2)

Il-paragrafu li ġej huma mdaħħal wara l-paragrafu 2.107:

“(j)   Servizzi finanzjarji ta’ intermedjazzjoni mkejla b’mod indirett (FISIM)

2.107.1.

Skond il-konvenzjoni ta’ l-ESA 95, il-valur tas-Servizzi finanzjarji ta’ intermedjazzjoni mkejla b’mod indirett (FISIM) użati mill-industrija ta’ l-agrikoltura għandu jiġi rreġistrat bħala konsum intermedjarju ta’ l-industrija ta’ l-agrikoltura (cf. ESA 95, Anness I).”

(3)

It-titolu tal-paragrafu 2.108. huwa mibdul b'dan li ġej:

“(k)   Prodotti u servizzi oħra”.

(4)

Il-punt (i) tal-paragrafu 2.108. huwa mibdul b'dan li ġej:

“(i)

Spejjeż bankarji bi ħlas (iżda mhux imgħax għal self bankarju)”.

(5)

Il-paragrafu 3.079. jinbidel b'dan li ġej:

“3.079.

Il-valur tas-servizzi pprovduti mill-intermedjarji finanzjarji allokat fost diversi klijenti, il-pagamenti proprja jew l-irċevuta ta’ l-imgħax lil jew minn intermedjarji finanzjarji jrid jiġi aġġustat biex jiġu eliminati l-marġni li jirrapreżentaw l-ispejjeż impliċiti li saru mill-intermedjarji finanzjarji. Il-valur stmat ta’ dawn l-ispejjeż għandu jitnaqqas mill-imgħax imħallas minn min jissellef mingħand intermedjarji finanzjarji u jiżdied ma’ l-imgħax li jirċievi min jiddepożita. L-ispejjeż huma meqjusa bħala kumpens għas-servizzi li ngħataw mill-intermedjarji finanzjarji lill-klijenti tagħhom u mhux bħala pagament ta' imgħax (cf. 2.107.1. u 2.108. (i); ESA 95, Appendiċi I, 4.51).”.

ANNESS II

L-Anness II tar-Regolament (KEE) Nru 138/2004, il-punt 19.10 “Prodotti u servizzi oħra” huwa mibdul b’dawn iż-żewġ punti li ġejjin:

Punt

Lista tal-varjabbli

Trażmissjoni dwar is-sena ta’ referenza n

Novembru

sena n

(estimi)

Jannar

sena n + 1

(estimi)

Settembru

sena n+1

“19.10

Servizzi finanzjarji ta’ intermedjazzjoni mkejla b’mod indirett (FISIM)

X

X

X

19.11

Prodotti u servizzi oħra.

X

X

X”
Top