Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32006R0576

576/2006/KE: Regolament tal-Kummissjoni (KE) Nru 576/2006 tas- 7 ta' April 2006 li jemenda r-Regolament (KE) Nru 1433/2003 li jistipula regoli ddettaljati għall-applikazzjoni tar-Regolament tal-Kunsill (KE) Nru 2200/96 fir-rigward ta’ fondi operattivi, programmi operattivi u għajnuna finanzjarja

ĠU L 100, 8.4.2006, p. 4–4 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 312M, 22.11.2008, p. 23–23 (MT)

⏵Dan id-dokument ġie ppubblikat f’edizzjoni(jiet) speċjali (BG, RO)

Legal status of the document No longer in force, Date of end of validity: 31/12/2007; Impliċitament imħassar minn 32007R1580

ELI: http://data.europa.eu/eli/reg/2006/576/oj

22.11.2008   

MT

Il-Ġurnal Uffiċjali ta’ l-Unjoni Ewropea

23

REGOLAMENT TAL-KUMMISSJONI (KE) Nru 576/2006

tas-7 ta' April 2006

li jemenda r-Regolament (KE) Nru 1433/2003 li jistipula regoli ddettaljati għall-applikazzjoni tar-Regolament tal-Kunsill (KE) Nru 2200/96 fir-rigward ta’ fondi operattivi, programmi operattivi u għajnuna finanzjarja

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 2200/96 tat-28 ta’ Ottubru 1996 dwar l-organizzazzjoni komuni tas-suq fir-rigward tal-frott u l-ħaxix (1), u b'mod partikolari l-Artikolu 48 tiegħu,

Billi:

(1)

Il-Punt 2 tal-Anness I tar-Regolament (KE) Nru 1433/2003 (2) jistabbilixxi li l-ispejjeż speċifiċi għall-produzzjoni organika, integrata jew esperimentali, għall-materjal ta’ ħarsien għall-pjanti organiċi, għall-miżuri ambjentali, inklużi l-ispejjeż ġenerati mill-ġestjoni ambjentali tal-ippakkjar u l-miżuri tat-titjib fil-kwalità, inkluż il-miċelju ċċertifikat u l-pjanti u ż-żrieragħ tal-kategoriji “żerriegħa bażi” u “żerriegħa ċċertifikata” jistgħu jitqiesu bħala miżuri fakoltattivi eliġibbli għal programmi operattivi għal massimu ta' għaxar snin għal kull azzjoni.

(2)

L-esperjenza wriet li kien hemm rata għolja ta’ użu ta’ dawn il-miżuri mill-organizzazzjonijiet ta’ produtturi fil-biċċa l-kbira tal-Istati Membri. Dawn l-organizzazzjonijiet ta' produtturi għalhekk qiesu bis-sħiħ it-tħassib ambjentali u ta' kwalità fil-programmi operattivi tagħhom. Huwa għalhekk previst li jitneħħa l-limitu attwali ta’ għaxar snin għal kull azzjoni fir-rigward ta' dawn il-miżuri.

(3)

Ir-Regolament (KE) Nru 1433/2003 għandu għalhekk jiġi emendat skont dan.

(4)

Il-miżuri stipulati f’dan ir-Regolament huma skont l-opinjoni tal-Kumitat tal-Ġestjoni għall-Frott u l-Ħaxix Frisk,

ADOTTAT DAN IR-REGOLAMENT:

Artikolu 1

Fil-punt 2 tal-Anness I tar-Regolament (KE) Nru 1433/2003, il-kliem li jintroduċi l-ewwel subparagrafu qed jitbiddel b’dan li ġej:

“2.

Spejjeż speċifiċi għal:”

Artikolu 2

Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 7 ta' April 2006.

Għall-Kummissjoni

Mariann FISCHER BOEL

Membru tal-Kummissjoni

(1)   ĠU L 297, 21.11.1996, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 47/2003 (ĠU L 7, 11.1.2003, p. 64).

(2)   ĠU L 203, 12.8.2003, p. 25. Ir-Regolament kif emendat l-aħħar bir-Regolament (KE) Nru 2190/2004 (ĠU L 373, 21.12.2004, p. 21).

Top