This document is an excerpt from the EUR-Lex website
Document 32006R0342
Commission Regulation (EC) No 342/2006 of 24 February 2006 initiating a new exporter review of Council Regulation (EC) No 428/2005 imposing a definitive anti-dumping duty on imports of synthetic staple fibres of polyesters originating, inter alia , in the People’s Republic of China, repealing the duty with regard to imports from one exporter in this country and making these imports subject to registration
342/2006/KE: Regolament tal-Kummissjoni (KE) Nru 342/2006 ta’ l- 24 ta’ Frar 2006 li jniedi reviżjoni ta’ esportatur ġdid għar-Regolament tal-Kunsill (KE) Nru 428/2005 li jimponi dazju definittiv ta’ l-antidumping fuq l-importazzjonijiet ta’ fibri prinċipali sintetiċi ta’ poliesteri li joriġinaw, inter alia, mir-Repubblika tal-Poplu taċ-Ċina, li jirrevoka d-dazju fir-rigward ta’ l-importazzjonijiet minn esportatur wieħed f’dan il-pajjiż u li jagħmel dawn l-importazzjonijiet suġġetti għar-reġistrazzjoni
342/2006/KE: Regolament tal-Kummissjoni (KE) Nru 342/2006 ta’ l- 24 ta’ Frar 2006 li jniedi reviżjoni ta’ esportatur ġdid għar-Regolament tal-Kunsill (KE) Nru 428/2005 li jimponi dazju definittiv ta’ l-antidumping fuq l-importazzjonijiet ta’ fibri prinċipali sintetiċi ta’ poliesteri li joriġinaw, inter alia, mir-Repubblika tal-Poplu taċ-Ċina, li jirrevoka d-dazju fir-rigward ta’ l-importazzjonijiet minn esportatur wieħed f’dan il-pajjiż u li jagħmel dawn l-importazzjonijiet suġġetti għar-reġistrazzjoni
ĠU L 55, 25.2.2006, p. 14–16
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 330M, 28.11.2006, p. 208–210
(MT)
In force
28.11.2006 |
MT |
Il-Ġurnal Uffiċjali ta’ l-Unjoni Ewropea |
208 |
REGOLAMENT TAL-KUMMISSJONI (KE) Nru 342/2006
ta’ l-24 ta’ Frar 2006
li jniedi reviżjoni ta’ “esportatur ġdid” għar-Regolament tal-Kunsill (KE) Nru 428/2005 li jimponi dazju definittiv ta’ l-antidumping fuq l-importazzjonijiet ta’ fibri prinċipali sintetiċi ta’ poliesteri li joriġinaw, inter alia, mir-Repubblika tal-Poplu taċ-Ċina, li jirrevoka d-dazju fir-rigward ta’ l-importazzjonijiet minn esportatur wieħed f’dan il-pajjiż u li jagħmel dawn l-importazzjonijiet suġġetti għar-reġistrazzjoni
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 dwar il-ħarsien minn importazzjonijiet iddampjati minn pajjiżi li mhumiex membri tal-Komunità Ewropea (“ir-Regolament bażiku”) (1) u b’ mod partikolari l-Artikolu 11(4) tiegħu,
Wara li kkonsultat il-Kumitat Konsultattiv,
Billi:
A. TALBA GĦAL REVIŻJONI
1. |
Il-Kummissjoni rċeviet applikazzjoni għal reviżjoni ta’ “esportatur ġdid” skond l-Artikolu 11(4) tar-Regolament bażiku. L-applikazzjoni tressqet minn Huvis Sichuan (“l-applikant”) produttur esportatur fir-Repubblika tal-Poplu taċ-Ċina (“il-pajjiż ikkonċernat”). |
B. PRODOTT
2. |
Il-prodott taħt reviżjoni huwa fibri prinċipali sintetiċi tal-poliesteri, mhux mimxutin, mqardxin, jew ipproċessati mod ieħor għall-għażil li joriġinaw mir-Repubblika tal-Poplu taċ-Ċina (‘il-prodott ikkonċernat’), attwalment ikklassifikati fi ħdan il-kodiċi NM 5503 20 00. Dan il-kodiċi NM jingħata biss bħala informazzjoni. |
C. MIŻURI EŻISTENTI
3. |
Il-miżuri attwalment fis-seħħ huma dazju anti-dumping definittiv impost mir-Regolament tal-Kunsill (KE) Nru 428/2005 (2) li taħtu l-importazzjonijiet fil-Komunità tal-prodott ikkonċernat li joriġina fir-Repubblika tal-Poplu taċ-Ċina, u li ġie prodott mill-applikant, huma suġġetti għal dazju anti-dumping definittiv ta’ 49,7 % bl-eċċezzjoni ta’ kumpaniji partikolarment imsemmija li huma suġġetti għal rati ta’ dazju individwali. |
D. RAĠUNIJIET GĦAR-REVIŻJONI
4. |
L-applikant jallega li l-kumpanija topera taħt il-kondizzjonijiet ta’ ekonomija tas-suq kif definit fl-Artikolu 2(7)(c) tar-Regolament bażiku, jew bħala alternattiva jiddikjara trattament individwali skond l-Artikolu 9(5) tar-Regolament bażiku, li l-prodott ikkonċernat ma ġiex esportat lill-Komunità tul il-perjodu ta’ investigazzjoni, li fuqu ġew imsejsa l-miżuri ta’ l-antidumping, jiġifieri l-perjodu mill-1 ta’ Jannar 2003 sal-31 ta’ Diċembru 2003 (“il-perjodu oriġinali ta’ investigazzjoni”) u li dan mhuwiex irrelatat ma ebda mill-produtturi esportaturi tal-prodott li huma suġġetti għall-miżuri ta’ l-antidumping imsemmija hawn fuq. |
5. |
L-applikant barra minn hekk jallega li l-prodott ikkonċernat beda jiġi esportat lill-Komunità wara t-tmiem tal-perjodu oriġinali ta' investigazzjoni. |
E. PROĊEDURA
6. |
Produtturi Komunitarji li huma magħrufa li huma mħassba ġew mgħarrfa bl-applikazzjoni ta’ hawn fuq u ngħataw l-opportunità biex jikkummentaw. Ma waslu l-ebda kummenti. |
7. |
Wara li eżaminat l-evidenza disponibbli, il-Kummissjoni tikkonkludi li hemm evidenza biżżejjed biex tiġġustifika l-bidu ta’ reviżjoni ta’ “esportatur ġdid”, skond l-Artikolu 11(4) tar-Regolament bażiku, bil-ħsieb li jiġi ddeterminat jekk l-applikant huwiex jopera taħt kondizzjonijiet ta' ekonomija tas-suq kif definit fl-Artikolu 2(7)(c) tar-Regolament bażiku jew alternattivament jekk l-applikant jissodisfax ir-rekwiżiti li jkollu dazju individwali stabbilit skond l-Artikolu 9(5) tar-Regolament bażiku u, jekk huwa hekk, il-marġini individwali ta' dumping ta' l-applikant u, kemmildarba jinstab li seħħ id-dumping, il-livell ta’ dazju li għalih għandhom ikunu suġġetti l-importazzjoni tal-prodotti kkonċernati lejn il-Komunità. |
8. |
Jekk jiġi deċiż li l-applikant jissodisfa r-rekwiżiti biex jiġi stabbilit dazju individwali, jista’ jkun meħtieġ li ssir emenda fuq ir-rata ta’ dazju applikabbli bħalissa għall-importazzjonijiet tal-prodott ikkonċernat mill-kumpaniji mhux imsemmija fl-Artikolu 1(2) tar-Regolament (KE) Nru 428/2005.
|
F. REVOKA TAD-DAZJU FIS-SEĦĦ U REĠISTRAZZJONI TA’IMPORTAZZJONIJIET
9. |
Skond l-Artikolu 11(4) tar-Regolament bażiku, id-dazju ta’ l-antidumping fis-seħħ għandu jiġi rrevokat rigward l-importazzjonijiet tal-prodott ikkonċernat li huma prodotti u mibjugħa għall-esportazzjoni lill-Komunità mill-applikant. Fl-istess ħin, importazzjonijiet bħal dawn għandhom ikunu suġġetti għar-reġistrazzjoni skond l-Artikolu 14 (5) tar-Regolament bażiku, biex ikun żgurat li, jekk ir-reviżjoni tirriżulta f’sejba ta’ dumping fir-rigward ta’ l-applikant, jistgħu jiġu imposti dazji ta’ l-antidumping b’lura mid-data tat-tnedija ta’ din ir-reviżjoni. L-ammont tar-responsabilitajiet futuri possibbli ta’ l-applikant ma jistax jiġi stmat f’dan l-istadju tal-proċedura. |
G. LIMITI TA’ ŻMIEN
10. |
Fl-interess ta' amministrazzjoni soda, għandhom jiġu ddikjarati l-limiti taż-żmien li fihom:
|
H. NUQQAS TA’ KOPERAZZJONI
11. |
F’każijiet fejn xi parti interessata tirrifjuta l-aċċess jew ma tipprovdix l-informazzjoni meħtieġa fil-limiti ta’ żmien, jew b’mod sinifikanti tfixkel l-investigazzjoni, is-sejbiet, affermattivi jew negattivi, jistgħu jsiru skond l-Artikolu 18 tar-Regolament bażiku, abbażi tal-fatti disponibbli. |
12. |
Fejn jinstab li xi parti interessata tkun tat informazzjoni falza jew li tista' tfixkel, l-informazzjoni għandha titwarrab u jitqiesu, skond l-Artikolu 18 tar-Regolament bażiku, il-fatti disponibbli. Jekk parti interessata ma tikkooperax jew tikkoopera parzjalment biss, u r-riżultati huma għalhekk imsejsa fuq fatti disponibbli konformi ma' l-Artikolu 18 tar-Regolament bażiku, ir-riżultat jista' jkun anqas favorevoli għal dik il-parti milli kieku kkooperat. |
ADOTTAT DAN IR-REGOLAMENT:
Artikolu 1
Hawnhekk qed titnieda reviżjoni tar-Regolament tal-Kunsill (KE) Nru 428/2005 skond l-Artikolu 11(4) tar-Regolament tal-Kunsill (KE) Nru 384/96 biex jiġi ddetermiat jekk u sa liema punt l-importazzjonijiet ta’ fibri prinċipali sintetiċi tal-poliesteri, mhux mimxutin, imqardxin jew ipproċessati mod ieħor għall-għażil li jaqgħu fi ħdan il-kodiċi NM 5503 20 00 li joriġinaw fir-Repubblika tal-Poplu taċ-Ċina, prodotti minn Huvis Sichuan (Kodiċi addizzjonali TARIC A736) u mibjugħa għall-esportazzjoni lill-Komunità għandhom ikunu suġġetti għad-dazju ta’ l-antidumping impost mir-Regolament tal-Kunsill (KE) Nru 428/2005.
Artikolu 2
Id-dazju ta’ l-antidumping impost mir-Regolament tal-Kunsill (KE) Nru 428/2005 huwa hawnhekk irrevokat fir-rigward ta’ l-importazzjonijiet identifikati fl-Artikolu 1.
Artikolu 3
L-awtoritajiet tad-dwana ta’ l-Istati Membri huma hawnhekk ordnati, skond l-Artikolu 14 (5) tar-Regolament tal-Kunsill (KE) Nru 384/96, biex jieħdu l-passi meħtieġa biex jirreġistraw l-importazzjonijiet identifikati fl-Artikolu 1. Ir-reġistrazzjoni tiskadi disa’ xhur wara d-data tad-dħul fis-seħħ tar-Regolament attwali.
Artikolu 4
1. Il-partijiet interessati, jekk ir-rappreżentanzi tagħhom għandhom jitqiesu waqt l-investigazzjoni, għandhom jagħmlu lilhom infushom magħrufa lill-Kummissjoni, jippreżentaw fehmiethom bil-miktub u jressqu t-tweġibiet tagħhom għall-kwestjonarju msemmi fi premessa 8(a) ta’ dan ir-Regolament, jew kull tagħrif ieħor, sakemm ma jiġix speċifikat mod ieħor, fi żmien 40 jum tad-dħul fis-seħħ ta’ dan ir-Regolament.
Il-partijiet interessati jistgħu wkoll japplikaw bil-miktub biex jinstemgħu mill-Kummissjoni fi żmien l-istess limitu ta' 40 jum.
2. Il-partijiet involuti fl-investigazzjoni jistgħu jekk jixtiequ, jikkummentaw dwar jekk l-Istati Uniti ta’ l-Amerika hijiex xierqa li titqies bħala pajjiż terz b’ekonomija tas-suq għall-għan li jiġi stabbilit valur normali fir-rigward tar-Repubblika Popolari taċ-Ċina, u għandhom iressqu l-kummenti tagħhom fi żmien 10 ijiem mid-data tad-dħul fis-seħħ ta’ dan ir-Regolament.
3. Talbiet issostanzjati kif xieraq għal status ta' ekonomija tas-suq għandhom jaslu għand il-Kummissjoni fi żmien 21 jum mid-data tad-dħul fis-seħħ ta' dan ir-Regolament.
4. Kull sottomissjoni jew talba magħmula mill-partijiet interessati trid issir bil-miktub (mhux b’format elettroniku, sakemm ma jkunx speċifikat mod ieħor) u trid tindika l-isem, l-indirizz, l-indirizz elettroniku (l-email), it-telefown u n-numru tal-faks tal-parti interessata. Kull sottomissjoni bil-miktub, li tinkludi l-informazzjoni mitluba f’dan ir-Regolament, it-tweġibiet tal-kwestjonarju u l-korrispondenza pprovduta mill-partijiet interessati fuq bażi kunfidenzjali għandha tkun ittikkettjata bħala “Ristretta (3)” u, skond l-Artikolu 19(2) tar-Regolament tal-Kunsill, għandha tkun akkumpanjata b’verżjoni mhux kunfidenzjali, li għandha tkun ittikkettjata “GĦALL-SPEZZJONI MILL-PARTIJIET INTERESSATI”.
Kull informazzjoni li għandha x’taqsam mal-kwistjoni u/jew kwalunkwe talba għall-seduta għandha tintbagħat f’dan l-indirizz li ġej:
European Commission |
Directorate General for Trade |
Directorate B |
Office: J-79 5/16 |
B-1049 Brussels |
Faks (32 2) 295 65 05 |
Artikolu 5
Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar il-24 ta’ Frar 2006.
Għall-Kumissjoni
Peter MANDELSON
Membru tal-Kummissjoni
(1) ĠU L 56, 6.3.1996, p. 1. Ir-Regolament kif emendat l-aħħar mir-Regolament (KE) Nru 2117/2005 (ĠU L 340, 23.12.2005, p. 17).
(2) ĠU L 71, 17.3.2005, p. 1, kif emendat l-aħħar bir-Regolament (KE) Nru 1333/2005 (ĠU L 211, 13.8.2005, p. 1).
(3) Dan ifisser li d-dokument hu biss għall-użu intern. Hu protett skond l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (ĠU L 145, 31.5.2001, p. 43). Dan huwa dokument kunfidenzjali skond l-Artikolu 19 tar-Regolament tal-Kunsill (KE) Nru 384/96 (ĠU L 56, 6.3.1996, p. 1) u l-Artikolu 6 tal-Ftehim tad-WTO dwar l-Implimentazzjoni ta' l-Artikolu VI tal-GATT 1994 (Ftehim ta’ l-Antidumping).