32006R0341

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 341/2006 - EN - EUR-Lex

Help

Search tips

Need more search options? Use the Advanced search

Document 32006R0341

341/2006/KE: Regolament tal-Kummissjoni (KE) Nru 341/2006 ta’ l- 24 ta’ Frar 2006 li jadotta l-ispeċifikazzjonijiet dwar il-modulu ad hoc ta’ l-2007 dwar inċidenti fuq il-post tax-xogħol u problemi fis-saħħa li għandhom x'jaqsmu max-xogħol previsti mir-Regolament tal-Kunsill (KE) Nru 577/98 u li jemenda r-Regolament tal-Kummissjoni (KE) Nru 384/2005 Test b’rilevanza għaż-ŻEE.

ĠU L 55, 25.2.2006, p. 9–13 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 330M, 28.11.2006, p. 203–207 (MT)

(BG, RO)
⏵Dan id-dokument ġie ppubblikat f’edizzjoni(jiet) speċjali (BG, RO)
Edizzjoni Speċjali bil-Bulgaru: Kapitolu 05 Volum 008 P. 209 - 213
Edizzjoni Speċjali bir-Rumen: Kapitolu 05 Volum 008 P. 209 - 213

Legal status of the document In force

ELI: http://data.europa.eu/eli/reg/2006/341/oj

HTML

PDF

Official Journal

28.11.2006

Il-Ġurnal Uffiċjali ta’ l-Unjoni Ewropea

203

REGOLAMENT TAL-KUMMISSJONI (KE) Nru 341/2006

ta’ l-24 ta’ Frar 2006

li jadotta l-ispeċifikazzjonijiet dwar il-modulu ad hoc ta’ l-2007 dwar inċidenti fuq il-post tax-xogħol u problemi fis-saħħa li għandhom x'jaqsmu max-xogħol previsti mir-Regolament tal-Kunsill (KE) Nru 577/98 u li jemenda r-Regolament tal-Kummissjoni (KE) Nru 384/2005

(Test b’rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament tal-Kunsill (KE) Nru 577/98 tad-9 ta' Marzu 1998 dwar l-organizzazzjoni ta' stħarriġ kampjun dwar il-forza tax-xogħol fil-Komunità (1), b'mod partikolari l-Artikolu 4(2) tiegħu,

Billi:

(1)

Ir-Regolament tal-Kummissjoni (KE) Nru 384/2005 tas-7 ta’ Marzu 2005 li jadotta l-programm ta' moduli ad hoc, li jkopri s-snin 2007 sa l-2009, għall-istħarriġ kampjun tal-forza tax-xogħol ipprovdut mir-Regolament tal-Kunsill (KE) Nru 577/98 (2) jinkludi modulu ad hoc dwar inċidenti fuq il-post tax-xogħol u problemi fis-saħħa li għandhom x'jaqsmu max-xogħol.

(2)

Ir-Reżoluzzjoni tal-Kunsill Nru 2002/C 161/01 tat-3 ta’ Ġunju 2002 dwar strateġija ġdida tal-Komunità dwar is-saħħa u s-sigurtà fil-post tax-xogħol 2002-2006 (3) sejħet lill-Kummissjoni u lill-Istati Membri biex iżidu x-xogħol fl-armonizzazzjoni ta’ l-istatistiċi dwar inċidenti fuq il-post tax-xogħol u l-mard fuq il-post tax-xogħol, sabiex ikun hemm disponibbli data kumparabbli li minnha tista’ ssir eżaminazzjoni oġġettiva ta’ l-impatt u l-effettività tal-miżuri meħuda taħt l-istrateġija l-ġdida tal-Komunità.

(3)

Id-Direttiva tal-Kunsill (KEE) Nru 89/391 tat-12 ta’ Ġunju 1989 dwar l-introduzzjoni tal-miżuri li jinkoraġġixxu titjib fis-saħħa u s-sigurtà tal-ħaddiema fuq il-post tax-xogħol (4), tistipula li min iħaddem irid iżomm lista ta’ l-inċidenti fuq il-post tax-xogħol li jirriżultaw f’li l-ħaddiema ma jkunux tajba għax-xogħol għal aktar minn tlett ijiem u jridu jfasslu, għall-awtoritajiet responsabbli u skond il-liġijiet u/jew il-prattiki nazzjonali, rapporti dwar inċidenti fuq il-postijiet tax-xogħol li jsofru l-ħaddiema tiegħu. Fir-Rakkomandazzjoni tagħha fid-19 ta’ Settembru 2003 rigward l-iskeda Ewropea tal-mard (5) fuq il-post tax-xogħol il-Kummissjoni rrakkomandat li l-Istati Membri għandhom jiżguraw li l-każijiet kollha fuq il-postijiet tax-xogħol jiġu rrapportati u għandhom b'mod progressiv jagħmlu l-istatistiċi tagħhom fuq il-mard fuq il-post tax-xogħol kompatibbli ma' l-iskeda Ewropea, skond ix-xogħol li jsir fis-sistema ta' l-armonizzar ta' l-istatistiċi Ewropej fuq il-mard fuq il-post tax-xogħol. Il-Komunikazzjoni tal-Kummissjoni tal-11 ta’ Marzu 2002 (6) dwar strateġija ġdida tal-Komunità dwar is-saħħa u s-sigurtà fuq il-2002-2006 tissottolinea li l-informazzjoni dwar l-istatistika m'għandhiex tkopri biss inċidenti u mard fuq il-post tax-xogħol, il-kawżi tagħhom u l-konsegwenzi, imma għandha tintroduċi wkoll xi elementi kwantifikabbli relatati mal-fatturi ta' l-ambjent fil-post tax-xogħol li jistgħu joħolqu problemi. Id-data ta’ l-istatistika għandha tkun disponibbli wkoll għal fenomeni emerġenti, bħal ilmenti relatati ma’ l-istress jew problemi muskoluskeletali.

(4)	Huwa meħtieġ ukoll li tiġi aġġornata l-ispeċifikazzjoni tal-kampjun stipulat f'taqsima 1 ta' l-Anness tar-Regolament (KE) Nru 384/2005, sabiex ikun żgurat li l-kampjun disponibbli fil-modulu jiżvela affarijiet kemm jista' jkun.

(5)	Il-miżuri pprovduti f'dan ir-Regolment huma skond l-opinjoni tal-Kumitat tal-Programmi Statistiċi,

ADOTTA DAN IR-REGOLAMENT

Artikolu 1

Lista dettaljata ta’ informazzjoni għandha tinġabar fl-2007 mill-modulu ad hoc dwar inċidenti fuq il-post tax-xogħol u problemi tas-saħħa relatati max-xogħol, meħtieġa għal Taqsima 1 għall-Anness tar-Regolament (KE) Nru 384/2005, għandu jkun kif stabbilit fl-Anness għal dan ir-Regolament.

Artikolu 2

Fit-taqsima 1 ta' l-Anness tar-Regolament (KE) Nru 384/2005, il-punt “Kampjun” huwa mibdul f’ dan li ġej:

“Kampjun

Il-medda ta' età speċifika għall-kampjun ta' dan il-modulu huwa ta' persuni ta’ età ta’ 15-il sena jew akbar.”

Artikolu 3

Dan ir-Regolament għandu jidħol fis-seħħ fis-seba' jum wara l-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, nhar il-24 ta’ Frar 2006.

Għall-Kummissjoni

Joaquin ALMUNIA

Membru tal-Kummissjoni

(1) ĠU L 77, 14.3.1998, p. 3. Regolament hekk kif emendat l-aħħar bir-Regolament (KE) Nru 2257/2003 tal-Parlament Ewropew u tal-Kunsill (ĠU L 336, 23.12.2003, p. 6).

(2) ĠU L 61, 8.3.2005, p. 23.

(3) ĠU C 161, 5.7.2002, p. 1.

(4) ĠU L 183, 29.6.1989, p. 1. Direttiva hekk kif emendata l-aħħar bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).

(5) ĠU L 238, 25.9.2003, p. 28.

(6) KOM(2002) 118 finali tal-l11.3.2002.

ANNESS

STĦARRIĠ TAS-SUQ TAX-XOGĦOL

Speċifikazzjonijiet tal-modulu ad hoc ta' l-2007 dwar korrimenti fuq ix-xogħol u problemi ta' saħħa marbuta max-xogħol

1.	L-Istati Membri u r-reġjuni interessati: kollha

Il-varjabbli għandhom ikunu kkodifikati kif ġej:

In-numerazzjoni tal-varjabbli ta’ l-istħarriġ tas-suq tax-xogħol fil-kolonna “Filtri” tirreferi għar-Regolament tal-Kummissjoni (KE) Nru 430/2005 (1).

Kolonna	Kodiċi	Deskrizzjoni	Filtri/kummenti
INĊIDENTI FUQ IL-POST TAX-XOGĦOL LI ĠRALHOM PERSUNI LI ĦADMU FL-AĦĦAR 12-IL XAHAR
209		Korriment(i) inċidentali, barra mard li seħħ matul l-aħħar 12-il xahar, fuq il-post tax-xogħol jew waqt ix-xogħol	(Kol. 24 = 1 , 2 ) jew (Kol. 84 = 1 u Kol. 85/88 u Kol. 89/90 mhux qabel sena qabel id-data ta’ l-intervista)
	0	Xejn
	1	Wieħed
	2	Tnejn jew aktar
	9	Mhux applikabbli (Kol. 24 = 3 -9 u (Kol. 84 ≠ 1 jew (Kol. 85/88 u Kol. 89/90 aktar minn sena qabel id-data ta’ l-intervista, jew vojta)))
	vojt	Ebda tweġiba
210		Niżżel l-aktar korriment inċidentali riċenti fuq il-post tax-xogħol jew waqt ix-xogħol	Kol. 209 = 1 -2
	1	Inċident tat-traffiku
	2	Inċident ieħor apparti tat-traffiku
	9	Mhux applikabbli (Kol. 209=0, 9, vojt)
	vojt	Ebda tweġiba
211/212		Data meta l-persuna setgħet tmur lura għax-xogħol wara l-aktar korriment inċidentali riċenti	Kol. 209 = 1 -2
	00	Għadha ma daħlitx għax-xogħol għax għadha ma ġietx f’tagħha wara l-inċident, imma mistennija terġa’ tidħol għax-xogħol aktar 'il quddiem
	01	Mhix mistennija terġa’ tidħol għax-xogħol minħabba l-inċident
	02	Ebda żmien barra x-xogħol jew fl-istess jum ta' l-inċident
	03	Il-jum ta’ wara l-inċident
	04	Wara t-tieni imma qabel il-ħames jum wara l-inċident
	05	Wara l-ħames jum imma qabel ġimagħtejn wara l-inċident
	06	Wara ġimagħtejn imma qabel xahar wara l-inċident
	07	Wara xahar imma qabel tliet xhur wara l-inċident
	08	Wara tliet xhur imma qabel sitt xhur wara l-inċident
	09	Wara sitt xhur imma qabel disa’ xhur wara l-inċident
	10	Disa’ xhur jew aktar wara l-inċident
	99	Mhux applikabbli (Kol. 209=0, 9, jew vojt)
	vojt	Ebda tweġiba
213		Ix-xogħol li kien qed isir meta seħħ l-aktar korriment inċidentali riċenti (il-kodiċi l-ewwel li japplika)	Kol. 209 = 1 -2
	1	Ix-xogħol (l-ewwel) prinċipali attwali
	2	It-tieni xogħol attwali
	3	L-aħħar xogħol (għal persuna mhux impjegata)
	4	Xogħol sena ilu
	5	Xi xogħol ieħor
	9	Mhux applikabbli (Kol. 209 = 0 , 9 , vojt)
	vojt	Ebda tweġiba
PROBLEMI TA’ SAĦĦA RELATATI MAX-XOGĦOL F’DAWN L-AĦĦAR 12-IL XAHAR (apparti korrimenti inċidentali)
214		Mard, diżabbilta(jiet) jew problemi fiżiċi jew psikoloġiċi oħra, apparti korrimenti inċidentali, li ġraw lil persuna matul dawn l-aħħar 12-il xahar (mid-data ta’ l-intervista) u li seħħ (seħħu) jew saru agħar minħabba x-xogħol	(Kol. 24 = 1 , 2 jew Kol. 84 = 1 )
	0	Xejn
	1	Wieħed
	2	Tnejn jew aktar
	9	Mhux applikabbli (Kol. 24 = 3 -9 u Kol. 84 ≠1 )
	vojt	Ebda tweġiba
215/216		Tip ta' l-aktar ilment serju ikkawżat jew magħmul agħar bix-xogħol	Kol. 214 = 1 -2
	00	Problemi ta’ l-għadam, tal-ġogi jew tal-muskoli li prinċipalment jaffettwaw l-għonq, l-ispallejn, id-dirgħajn jew l-idejn.
	01	Problemi ta’ l-għadam, tal-ġogi jew tal-muskoli li prinċipalment jaffettwaw il-ġenbejn, ir-riġlejn jew is-saqajn
	02	Problemi ta’ l-għadam, tal-ġogi jew tal-muskoli li prinċipalment jaffettwaw id-dahar
	03	Problemi ta’ nifs jew fil-pulmuni
	04	Problemi tal-ġilda
	05	Problemi tas-smigħ
	06	Tensjoni, dipressjoni jew ansjetà
	07	Uġigħ ta' ras u/jew strapazz ta’ l-għajnejn
	08	Mard tal-qalb jew attakk tal-qalb, jew problemi oħra relatati mas-sistemi taċ-ċirkolazzjoni
	09	Mard infettiv (vajrus, batterji jew tip ieħor ta’ infezzjoni)
	10	Tipi ta’ ilmenti oħra
	99	Mhux applikabbli (Kol. 214 = 0 , 9 , vojt)
	vojt	Ebda tweġiba
217		Jekk l-aktar ilment serju ikkawżat jew li mar għall-agħar bix-xogħol, illimitax l-abilità li jitwettqu attivitajiet normali fil-ħajja ta’ kuljum fil-post tax-xogħol jew barra l-post tax-xogħol	Kol. 214 = 1 -2
	0	Le
	1	Iva, sa ċertu punt
	2	Iva, b’mod konsiderevoli
	9	Mhux applikabbli (Kol. 214 = 0 , 9 , vojt)
	vojt	Ebda tweġiba
218/219		Numru ta ġranet barra x-xogħol matul l-aħħar 12-il xahar minħabba l-aktar ilment serju kkawżat jew li sar agħar minħabba x-xogħol	Kol. 214 = 1 -2
	00	Il-persuna ma ġietx għax x-xogħol matul l-aħħar 12-il xahar, imma għal raġunijiet li m'humiex relatati ma' l-ilment ikkawżat jew li mar għall-agħar minħabba x-xogħol (eż. ħarġet bil-pensjoni)
	01	Mhix mistennija terġa’ lura għax-xogħol minħabba din il-marda
	02	Anqas minn ġurnata jew ebda ħin barra x-xogħol
	03	Għall-anqas ġurnata imma anqas minn erbat ijiem
	04	Għall-anqas erbat ijiem imma anqas minn ġimagħtejn
	05	Għall-anqas ġimagħtejn imma anqas minn xahar
	06	Għall-anqas xahar imma anqas minn tliet xhur
	07	Għall-anqas tliet xhur imma anqas minn sitt xhur
	08	Għall-anqas sitt xhur imma anqas minn disa’ xhur
	09	Għall-anqas disa’ xhur
	99	Mhux applikabbli (Kol. 214 = 0 , 9 , vojt)
	vojt	Ebda tweġiba
220		Ix-xogħol li kkawża jew ġiegħel imur għall-agħar l-aktar ilment serju (il-kodiċi l-ewwel li japplika)	Kol. 214 = 1 -2 u (Kol. 85/88 mhux qabel tmien snin qabel is-sena ta’ l-intervista)
	1	Ix-xogħol (l-ewwel) prinċipali attwali
	2	It-tieni xogħol attwali
	3	L-aħħar xogħol (għal persuna mhux impjegata)
	4	Xogħol sena ilu
	5	Xi xogħol ieħor
	9	Mhux applikabbli (Kol. 214 = 0 , 9 , vojt)
	vojt	Ebda tweġiba
FATTURI FUQ IX-XOGĦOL LI JISTGĦU JAFFETTWAW B’MOD NEGATTIV IL-BENESSERI MENTALI JEW IS-SAĦĦA FIŻIKA
221		Jekk fil-post tax-xogħol il-persuna hija esposta għal dawn il-fatturi li jistgħu jaffettwaw b'mod negattiv il-benesseri mentali	Kol. 24 = 1 , 2
	0	Le
	1	Iva, prinċipalment għall-fastidju jew bullying
	2	Iva, prinċipalment għall-vjolenza jew theddid ta' vjolenza
	3	Iva, prinċipalment minħabba pressjoni ta’ xogħol jew wisq xogħol
	9	Mhix applikabbli (Kol 24 = 3 -9 )
	vojt	Ebda tweġiba
222		Jekk fil-post tax-xogħol il-persuna hija esposta għal dawn il-fatturi li jistgħu jaffettwaw b'mod negattiv is-saħħa fiżika	Kol. 24 = 1 , 2
	0	Le
	1	Iva, prinċipalment kimiċi, trabijiet, fwar, dħaħen jew gassijiet.
	2	Iva, prinċipalment għal storbju jew vibrazzjoni
	3	Iva, prinċipalment minħabba pożizzjonijiet diffiċli ta' xogħol, movimenti ta’ xogħol jew minħabba li trid timmaniġġja tagħbijiet tqal.
	4	Iva, minħabba r-riskju ta’ inċident
	9	Mhux applikabbli (Kol 24 = 3 -9 )
	vojt	Ebda tweġiba

(1) ĠU L 71, 17.3.2005, p. 36

Top

Choose the experimental features you want to try