(1)

Il-Kunsill, bir-Regolamenti (KE) Nru 1676/2001 (3) u Nru 2597/1999 (4) impona miżuri anti-dumping u kumpensatorji rispettivament fuq il-film tal-polyethylene terephthalate (PET) li joriġina, inter alia, fl-Indja.

(2)

Bir-Regolamenti (KE) Nru 1975/2004 (5) u Nru 1976/2004 (6), il-Kunsill estenda dawn il-miżuri għall-film tal-PET ikkunsinnati minn Iżrael u mill-Brażil (“il-miżuri estiżi”) ħlief għall-importazzjoni prodotta minn kumpanija Brażiljana waħda, Terphane Ltda, u kumpanija Iżraeljana waħda, Jolybar Ltd, imsemmija speċifikament f’kull wieħed min dawk ir-Regolamenti.

(3)

Fl-10 ta’ Diċembru 2004 (7), il-Kummissjoni bdiet reviżjoni ta’ l-iskadenza tal-miżuri ta’ kontrobilanċ definittivi fuq il-bażi ta’ l-Artikolu 18 tar-Regolament bażiku kontra s-sussidji. Ir-revoka tal-kontinwita tal-miżuri estiżi se tiddependi fuq x’jinsab fl-investigazzjoni.

(4)

Wara li l-Kummissjoni rċeviet talba għall-eżenzjoni mill-miżuri estiżi skond l-Artikoli 11(40 u 13(4) tar-Regolament bażiku anti-dumping u l-Artikoli 20 u 23(3) tar-Regolament bażiku kontra s-sussidji. L-applikazzjoni kienet iddepożitata minn Hanita Coatings Rural Cooperative Association Ltd, Kibbutz Hanita, 22885, Israel (“Hanita”), produttur fl-Iżrael (“il-pajjiż ikkonċernat”).

(5)

Il-Kummissjoni eżaminat l-evidenza ppreżentata minn Hanita u kienet tal-fehma li kienet biżżejjed biex tiġġustifika l-bidu ta’ investigazzjoni skond l-Artikoli 11(4) u 13(4) tar-Regolament bażiku anti-dumping u l-Artikoli 20 u 23(3) tar-Regolament bażiku kontra s-sussidji. Bil-għan li tiddetermina l-possibbiltà li teżenta lil Hanita mill-miżuri estiżi. Wara konsultazzjoni mal-Kumitat ta’ Konsulenza, u wara li l-industrija tal-Komunità kkonċernata kienet ingħatat l-opportunità li tikkummenta, il-Kummissjoni bdiet, bir-Regolament (KE) Nru 1370/2005 (8), revizjoni tar-Regolamenti (KE) Nru 1975/2004 u 1976/2004 fir-rigward ta’ Hanita.

(6)

Ir-Regolament li jagħti bidu għar-reviżjoni jħassar id-dazju anti-dumping impost bir-Regolament (KE) Nru 1975/2004 fir-rigward ta’ l-importazjoni tal-prodott taħt l-investigazzjoni ikkunsinnat minn Iżrael min-naħa ta’ Hanita. Fl-istess ħin, skond l-Artikolu 14(5) tar-Regolament bażiku anti-dumping, l-awtoritajiet doganali kienu ordnati jieħdu l-passi xierqa biex jirreġistraw din l-importazzjoni.

(7)

Il-prodott ikkonċernat huwa, kif iddefinit fl-investigazzjoni oriġinali, film tal-polyethylene terephthalate (PET) li joriġina fl-Indja, normalment iddikjarat taħt il-kodiċi NM ex 3920 62 19 u ex 3920 62 90 (“il-prodott ikkonċernat”).

(8)

Hija l-fehma illi l-prodott ikkonċernat u l-film tal-PET ikkunsinnat minn Iżrael lill-Komunità taħt il-kodiċi NM ex 3920 62 19 u ex 3920 62 90 (“il-prodott taħt reviżjoni”) għandhom l-istess karatteristiċi tekniċi, fiżiċi u kimiċi bażiċi u l-istess użu. Għalhekk, huma meqjusa bħala prodotti li jixxiebhu fil-kuntest ta’ l-Artikolu 1(4) tar-Regolament bażiku anti-dumping u l-Artikolu 1(5) tar-Regolament bażiku kontra s-sussidji.

(9)

Il-Kummissjoni infurmat uffiċjalment lil Hanita u lir-rappreżentanti tal-pajiż ikkonċernat bil-bidu tar-reviżjoni. Il-partijiet interessati ġew mistiedna jesprimu l-fehmiet tagħhom u kienu mgħarrfa bil-possibiltà li jitolbu laqgħa biex jinstemgħu. Madankollu, ma saret l-ebda talba bħal din.

(10)

Il-Kummissjoni bagħtet ukoll lista ta’ mistoqsijiet lil Hanita u rċeviet tweġiba sodisfaċenti fiż-żmien rilevanti li kien stipulat. Il-Kummissjoni fittxet u vverifikat l-informazzjoni kollha meqjusa bħala meħtieġa għall-iskop tar-reviżjoni. Saret żjara ta’ verifika fil-bini ta’ Hanita.

(11)

L-investigazzjoni kopriet il-perjodu mill-1 ta’ Jannar 2004 sat-30 ta’ Ġunju 2005 (“l-IP”). Id-data nġabret mill-2001 sa l-aħħar ta’ l-IP sabiex tkun investigata kull bidla fix-xejra tal-kummerċ.

(12)

L-investigazzjoni kkonfermat illi Hamita ma kinitx esportat il-prodott taħt reviżjoni lill-Komunità matul il-perijodu ta’ l-investigazzjoni li wasslet għall-miżuri estiżi, i.e. l-1 ta’ Jannar sal-31 ta’ Diċembru 2003. L-ewwel esportazzjoni tal-prodott minn Hanita saret wara l-estensjoni tal-miżuri.

(13)

Barra dan, skond l-evidenza dokumentata ppreżentata, Hanita kienet kapaċi turi b’mod sodisfaċenti illi hija ma kellha l-ebda rabta diretta jew indiretta ma’ xi wieħed mill-produtturi Indjani li jesportaw jew ma’ kumpaniji Iżraeljani soġġetti għall-miżuri anti-dumping u kumpensatorji fis-seħħ.

(14)

Kif issemma’ digà fil-premessa (12), l-ewwel darba li Hanita esportat il-prodott taħt reviżjoni lill-Komunità kien wara l-estensjoni tal-miżuri. Hanita tittrasforma u taqta’ l-film tal-PET li tixtri u tipproduċi firxa ta’ prodotti, uħud minnhom jaqgħu taħt l-istess kodiċi NM bħall-prodott ikkonċernat. Il-film tal-PET ipproċessat minn Hanita u esportat lill-Komunità ma jintużalu xejn minnu li ġej mill-Indja. Għalhekk huwa deċiż illi din il-prattika ma tikkostitwix mezz ta’ kif taħrab mil-liġi.

(15)

B’konformità mad-deċiżjoni hawn fuq imsemmija illi Hanita nstabet li ma kinitx sabet mezz kif iddur mal-miżuri fis-seħħ, il-kumpanija għandha tkun eżenti mill-miżuri estiżi.

(16)

Ir-reġistrazzjoni ta’ l-importazzjoni ta’ film tal-PET ikkunsinnat minn Iżrael min-naħa ta’ Hanita, kif imposta mir-Regolament tal-bidu, għandha tintemm. Skond l-Artikolu 14(5) tar-Regolament bażiku anti-dumping, li jipprovdi illi għandhom ikunu applikati miżuri kontra l-importazzjoni rreġistrata mid-data tar-reġistrazzjoni, l-ebda dazju anti-dumping m’għandu jinġabar fuq l-importazzjoni ta’ film tal-PET ikkunsinnat minn Iżrael min-naħa ta’ Hanita li daħal fil-Komunità taħt ir-reġistrazzjoni imposta mir-Regolament tal-bidu.

(17)

L-eżenzjoni mill-miżuri estiżi maħruġa fuq il-film tal-PET maħdum minn Hanita għandha, skond l-Artikolu 13(4) tar-Regolament bażiku anti-dumping u l-Artikolu 23(3) tar-Regolament bażiku kontra s-sussidji, tibqa’ valida taħt il-kondizzjoni li ma jkunx stabbilit illi l-eżenzjoni kienet ingħatat fuq il-bażi ta’ informazzjoni falza jew qarrieqa ppreżentata mill-kumpanija kkonċernata. Jekk prima facie l-evidenza turi mod ieħor, jista’ jingħata bidu għall-investigazzjoni mill-Kummissjoni biex ikun deċiż jekk ikunx iġġustifikat l-irtirar ta’ l-eżenzjoni.

(18)

L-eżenzjoni mill-miżuri estiżi fuq l-importazzjoni ta’ film tal-PET mingħand Hanita kienet stabbilita fuq il-bażi tad-deċiżjonijiet tar-reviżjoni attwali. Din l-eżenzjoni għalhekk tapplika esklussivament għall-importazzjoni ta’ film tal-PET ikkunsinnat minn Iżrael u maħdum minn dik l-entità ġuridika speċifika. Il-film tal-PET importat li jkun maħdum jew ikkunsinnat minn kumpanija mhux imsemmija b’mod speċifiku fl-Artikolu 1(1) tar-Regolamenti (KE) Nru 1975/2004 u (KE) Nru 1976/2004 b’isimha u l-indirizz tagħha, inklużi l-entitajiet konnessi ma’ dawk imsemmija b’mod speċifiku, ma jistgħux jibbenefikaw mill-eżenzjoni u għandhom ikunu suġġetti għar-rata tad-dazju residwali kif imposta mir-Regolamenti tal-Kunsill (KE) Nru 1676/2001 u (KE) Nru 2571/1999.

(19)

Hanita u l-partijiet interessati l-oħrajn kienu kollha infurmati bil-fatti u l-kunsiderazzjonijiet li fuq il-bażi tagħhom kien maħsub li tingħata eżenzjoni lil Hanita mill-miżuri estiżi u l-ebda kumment ma ntbagħat.