5.6.2007   

MT

Il-Ġurnal Uffiċjali ta’ l-Unjoni Ewropea

862

(1)

L-Artikolu 8(2) tad-Direttiva 91/414/KEE jistipola li Stat Membru jista’, matul perjodu ta' tnax–il sena minn notifika ta' dik id-Direttiva, jawtorizza t-tqegħid fis-suq ta' prodotti għall-ħarsien tal-pjanti li fihom is-sustanzi attivi mhux imniżżla fl-Anness I ta' din id-Direttiva li huma diġà fis-suq sentejn wara d-data ta' notifika, filwaqt li dawn is-sustanzi jkunu qegħdin jiġu eżaminati gradwalment fil-qafas ta' programm ta' ħidma.

(2)

Ir-Regolamenti tal-Kummissjoni (KE) Nru 451/2000 (2) u (KE) Nru 703/2001 (3) jistipolaw regoli fid-dettall għall-implimentazzjoni tat-tieni stadju tal-programm ta' ħidma msemmi fl-Artikolu 8(2) tad-Direttiva 91/414/KEE u jistabbilixxi lista ta' sustanzi attivi li għandhom jiġu evalwati bil-ħsieb li jiġu possibilment inklużi fl-Anness I tad-Direttiva 91/414/KEE. Din il-lista tinkludi d-dimethenamid.

(3)

Għad-dimethenamid l-effetti fuq is-saħħa tal-bniedem u fuq l-ambjent ġew evalwati skond id-dispożizzjonijiet stipolati fir-Regolamenti (KE) Nru 451/2000 u (KE) Nru 703/2001 għal firxa ta' użi proposti min-notifikanti. Aktar minn hekk, dawn ir-regolamenti jinnominaw Stati Membri biex jirrappurtaw li jridu jressqu rapporti ta' valutazzjoni rilevanti u rakkomandazzjonijiet lill-Awtorità Ewropea Dwar is-Sikurezza ta' l-Ikel (EFSA) skond l-Artikolu 8(1) tar-Regolament (KE) Nru 451/2000. Għad-dimethenamid l-Istat Membru li jirrapporta kien il-Ġermanja u l-informazzjoni kollha rilevanti tressqet fis-16 ta' Ottubru 2003.

(4)

Ir-rapport ta' valutazzjoni għadda minn reviżjoni esperta mill-Istati Membri u mill-EFSA u ġie ppreżentat lill-Kummissjoni fil-15 ta' Diċembru 2005 fil-format tal-Konklużjoni ta' l-EFSA fir-rigward tar-reviżjoni esperta dwar il-valutazzjoni tar-riskji tal-pestiċidi fis-sustanza attiva d-dimethenamid (4) Dan ir-rapport ġie rivedut mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa ta' l-Annimali u ġie ffinalizzat fit-23 ta' Mejju 2006 fil-format tar-rapport ta' reviżjoni tal-Kummissjoni għad-dimethenamid.

(5)

Matul il-evalwazzjoni ta' din is-sustanza attiva, ġew identifikati numru ta' dubji. Dan kien b'mod partikolari il-każ fir-rigward tad-destin u l-imġieba ambjentali ta' din is-sustanza attiva li tista' tirriżulta fil-kontaminazzjoni ta' l-ilma ta' taħt l-art kawża tal-formazzjoni ta' komposti mhux identifikati ta' degradazzjoni tal-ħamrija bil-possibilità ta' konċentrazzjonijiet tal-lissija medji annwali ogħla minn 0.1 μg/l. Aktar minn hekk, il-valutazzjoni tar-riskju għall-konsumatur ma tistax tiġi finalizzata minħabba nuqqas ta' data dwar il-prodotti tad-diżintegrazzjoni msemmija hawn fuq.

(6)

Il-Kummissjoni stiednet lin-notifikant biex iressaq il-kummenti tiegħu dwar ir-riżultati tar-reviżjoni esperta u dwar l-intenzjoni tiegħu li jibqa' joffri appoġġ għas-sustanza, jew le. In-notifikant ressaq il-kummenti tiegħu li ġew eżaminati b'attenzjoni. Madanakollu, minkejja l-argumenti mressqa, il-kwestjonijiet imsemmija hawn fuq baqgħu ma ssolvewx, u l-valutazzjonijiet li saru fuq il-bażi ta' l-informazzjoni sottomessa u evalwata matul il-laqgħat ta' l-esperti ta' l-EFSA ma wrewx li jista' jkun mistenni li, fil-kondizzjonijiet ta' l-użu proposti, prodotti għall-protezzjoni tal-pjanti li fihom id-dimethenamid jissodisfaw b'mod ġenerali l-ħtiġijiet stipolati fl-Artikolu 5(1)(a) u (b) tad-Direttiva 91/414/KEE.

(7)

Għalhekk id-dimethenamid ma għandux ikun inkluż fl-Anness I tad-Direttiva 91/414/KEE.

(8)

Għandhom jittieħdu miżuri biex jassiguraw li l-awtorizzazzjonijiet eżistenti għall-prodotti għall-protezzjoni tal-pjanti li jkun fihom id-dimethenamid jiġu irtirati fi żmien perjodu preskritt u ma jkunux imġedda u li ma jingħatawx awtorizzazzjonijiet ġodda għall-prodotti bħal dawn.

(9)

Kull perjodu fuq ir-riħ għar-rimi, il-ħażna, it-tqegħid fis-suq u l-użu tal-ħażniet eżistenti ta' prodotti għall-ħarsien tal-pjanti li jkun fihom id-dimethenamid u li huma permessi mill-Istati Membri, għandu jkun limitat għal perjodu li ma jkunx itwal minn tnax-il xahar biex il-ħażniet eżistenti jkunu jistgħu jintużaw f'mhux aktar minn staġun ta' tkabbir ieħor biss.

(10)

Din id-deċiżjoni ma tippreġudikax lil kwalunkwe azzjoni li l-Kummissjoni tista' tieħu fi stadju aktar tard għal din is-sustanza attiva fi ħdan il-qafas tad-Direttiva tal-Kunsill 79/117/KEE tal-21 ta' Diċembru 1978 li tipprojbixxi t-tqegħid fis-suq u l-użu ta' prodotti għall-ħarsien tal-pjanti li jkun fihom ċerti sustanzi attivi (5), kif emendata l-aħħar bir-Regolament (KE) Nru 850/2004.

(11)

Din id-Deċiżjoni ma tippreġudikax lis-sottomissjoni ta' applikazzjoni għad-dimethenamid skond id-dispożizzjonijiet ta' l-Artikolu 6 (2) tad-Direttiva 91/414/KEE fid-dawl ta' inklużjoni possibbli fl-Anness I tagħha.

(12)

Il-miżuri stipolati f'din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali,

(a)

Awtorizzazzjonijiet għal prodotti għall-ħarsien tal-pjanti li fihom dimethenamid jiġu rtirati sat-22 ta' Ġunju 2007.

(b)

Mit-28 ta' Diċembru 2006 l-ebda awtorizzazzjonijiet għall-prodotti għall-ħarsien tal-pjanti li jkun fihom id-dimethenamid ma tingħata jew tiġġedded taħt id-deroga stipolata fl-Artikolu 8(2) tad-Direttiva 91/414/KEE.