5.6.2007   

MT

Il-Ġurnal Uffiċjali ta’ l-Unjoni Ewropea

811

(1)

Skond id-Direttiva 2000/29/KE, jista' jingħata kontribut finanzjarju mill-Komunita' lill-Istati Membri biex ikopru n-nefqa marbuta direttament mal-miżuri meħtieġa li jkunu ttieħdu jew huma ppjanati li jittieħdu bl-iskop li jiġġieldu kontra organiżmi ta' ħsara introdotti minn pajjiżi terzi jew minn żoni oħra fil-Komunità, biex jeqirduhom jew, jekk dan ma jkunx possibbli, biex jirrestrinġuhom.

(2)

Skond id-Deċiżjonijiet tal-Kummissjoni 2001/811/KE (2), 2002/889/KE (3), 2003/787/KE (4) u 2004/772/KE (5), diġà ngħata kontribut finanzjarju lill-Portugall mill-Komunità għal miżuri bil-għan li jikkontrollaw il-Bursaphelenchus xylophilus (Steiner et Buhrer) Nickle et al. (nematodu ta' l-injam ta' l-arżnu), minn hawn 'il quddiem “NIA”, fis-snin 1999-2003, jiġifieri, għall-itwal żmien possibbli. Mill-2003, fil-Portugall ġie implimentat “pjan ta' eradikazzjoni għal nofs it-terminu” sabiex jikkontrolla t-tifrix tan-NIA bil-għan li jeradikah.

(3)

Madankollu, l-Artikolu 23(6) tad-Direttiva 2000/29/KE jipprovdi għall-possibbiltà li tiġi implimentata azzjoni ulterjuri, jekk dan ikun meħtieġ għall-ġlieda kontra n-NIA.

(4)

F'April 2006, il-Portugall ippreżenta lill-Kumitat Permanenti dwar is-Saħħa tal-Pjanti (minn hawn 'il quddiem, “il-Kumitat”) sommarju tar-riżultati ta' l-istħarriġ u l-kampanja ta' kontroll imwettqa bejn l-1 ta' Novembru 2005 u l-1 ta' April 2006 fiż-żona demarkata għan-NIA fil-Portugall. Ir-riżultati wrew li, minkejja l-miżuri li ttieħdu fis-snin preċedenti, iż-żona fejn jinsab in-NIA kibret konsiderevolment.

(5)

Il-Kummissjoni u l-Kumitat ikkonkludew li l-pjan ta' eradikazzjoni għat-terminu mezzan kellu jiġi rivedut mill-Portugall u li tinħtieġ azzjoni urġenti, inkluża kampanja intensifikata ta' stħarriġ u definizzjoni mill-ġdid taż-żona demarkata.

(6)

F'Mejju 2006, il-Portugall ippreżenta pjan ta' azzjoni lill-Kumitat bil-miżuri li għandhom jitwettqu għall-ġlieda kontra iktar tifrix tan-NIA (6). Dawn il-miżuri jinkludu delimitazzjoni aġġornata taż-żona demarkata, l-eradikazzjoni tas-siġar kollha li qed jiddeterjoraw f'dik iż-żona, it-tkomplija tal-monitoraġġ u l-ħolqien ta' faxxa ħielsa mis-siġar kollha ospitanti tal-vettur tan-nematodu ta' l-injam ta' l-arżnu, jiġifieri “faxxa ta' konteniment fitosanitarju” li twaqqaf it-tifrix tan-NIA lil Stati Membri oħra, u b'hekk tħarishom mit-telf devastanti ta' foresti ta' l-arżnu u minn restrizzjonijiet possibbli fuq il-kummerċ minn pajjiżi terzi. Partikolarment, il-pjan ta' azzjoni jiddefinixxi l-partijiet tat-territorju fejn se tkun stabbilita l-faxxa ta' konteniment fitosanitarju. Verżjoni finali ta' dan il-pjan ta' azzjoni ġiet approvata mill-Kumitat f'Lulju 2006.

(7)

F'Lulju 2006, il-Portugall introduċa programm għal azzjonijiet ulterjuri kontra n-NIA u stima tal-baġit li tirreferi għal dan il-programm sabiex jirċievi kontribut finanzjarju mill-Komunità. Il-partijiet differenti tat-territorju Portugiż fejn se jkollhom isiru l-azzjonijiet, li jiddeterminaw iż-żona ġeografika li se tibbenefika minn kontribut finanzjarju mill-Komunità, huma definiti fil-pjan ta' azzjoni msemmi hawn fuq.

(8)

Il-programm ipprovdut mill-Portugall ippermetta lill-Kummissjoni tanalizza s-sitwazzjoni bir-reqqa u b'mod komprensiv u biex tikkonkludi li l-kundizzjonijiet għall-għoti ta' kontribut finanzjarju Komunitarju, kif stipulat fl-Artikolu 23(6) tad-Direttiva, ġew sodisfatti. Il-kontribut finanzjarju Komunitarju għandu jingħata għan-nefqa taħt dak il-programm li ttejjeb il-ħarsien fitosanitarju tal-bqija tal-Komunità kontra tifrix ulterjuri tan-NIA miż-żona demarkata. Konsegwentement, dak il-kontribut għandu jingħata għall-azzjonijiet kollha marbuta direttament mal-ħolqien ta' faxxa ta' konteniment fitosanitarju bħala żona ħielsa mill-ospitanti tal-vetturi tan-NIA.

(9)

Ġeneralment, il-kontribuzzjoni finanzjarja tal-Komunità tista' tkopri mhux iktar minn 50 % tan-nefqa eleġibbli. Madankollu, fejn azzjoni ulterjuri bħal din, hija maħsuba essenzjalment biex tħares territorji oħra tal-Komunità minbarra dak ta' l-Istat Membru kkonċernat, dak il-kontribut jista' jkun ikbar. Meta wieħed iqis ir-rilevanza kbira tan-NIA għall-pjanti u injam koniferu, ir-rapidità li biha tinfirex il-marda, il-pożizzjoni ta' Stat Membru ieħor viċin taż-żona infestata u l-impatt possibbli fuq l-industrija Ewropea tal-foresti u l-kummerċ dinji ta' l-injam, dik il-kundizzjoni hija sodifatta fir-rigward tal-miżuri marbuta mal-ħolqien ta' faxxa ta' konteniment fitosanitarju, kif ipprovdut fil-pjan ta' azzjoni Portugiż. Għaldaqstant, jixraq li jkun allokat kontribut finanzjarju Komunitarju ta' 75 %.

(10)

Skond l-Artikolu 3(2)(a) tar-Regolament tal-Kunsill (KE) Nru 1290/2005 tal-21 ta' Ġunju 2005 dwar l-iffinanzjar tal-politika agrikola komuni (7), miżuri għas-saħħa tal-pjanti għandhom jiġu ffinanzjati mill-Fond Agrikolu Ewropew għall-Garanzija. Għall-finijiet tal-kontroll finanzjarju ta' dawn il-miżuri, għandhom japplikaw l-Artikoli 9, 36 u 37 tar-Regolament 1290/2005.

(11)

L-azzjonijiet marbuta mal-ħolqien ta' faxxa ta' konteniment fitosanitarju bħala żona ħielsa mill-vettur tan-NIA għandhom jikkonformaw mal-leġiżlazzjoni ambjentali applikabbli tal-Komunità.

(12)

Il-miżuri pprovduti f'din id-Deċiżjoni huma fi qbil ma' l-opinjoni tal-Kumitat Permanenti dwar is-Saħħa tal-Pjanti.

(a)

jista' jiġi konkluż mir-rapporti dwar il-progress tekniku, li għandhom jiġu pprovduti mill-Portugall lill-Kummissjoni fil-15 ta' Jannar u l-15 ta' April 2007, u mill-missjonijiet ta' spezzjoni mwettqa mill-Uffiċċju Alimentari u Veterinarju tal-Kummissjoni li l-miżuri msemmija fl-Anness I ġew implimentati mill-Portugall sa mhux aktar tard mill-31 ta' Marzu 2007, f'mod xieraq biex jilħaq l-għanijiet imsemmija fl-Artikolu 1, u

(b)

Il-Portugull ressaq talba uffiċjali għall-ħlas lill-Kummissjoni sa mhux iktar tard mill-31 ta' Awwissu 2007, akkumpanjata minn rapport finanzjarju u rapport finanzjarju tekniku kif ikpprovdut fl-Artikolu 5.

(a)

rapport tekniku finali li juri l-implimentazzjoni ta' l-azzjonijiet kollha msemmija fl-Anness I u d-data ta' tlestija rispettiva tagħhom;

(b)

rapport finanzjarju, ippreżentat fl-għamla stipulata fl-Anness II, li juri n-nefqa marbuta mal-miżuri varji li għalihom ikun intalab kontribut finanzjarju Komunitarju flimkien mad-dokumentazzjoni xierqa, bħal fatturi jew irċevuti.