1.8.2007   

MT

Il-Ġurnal Uffiċjali ta’ l-Unjoni Ewropea

212

(1)

L-Artikolu 13(a) tad-Deċiżjoni tal-Kunsill 2001/923/KE (2) tipprevedi li sat-30 ta’ Ġunju 2005 l-Kummissjoni kella tibgħat rapport lill-Parlament Ewropew u lill-Kunsill, li jkun indipendenti mill-amministratur tal-programm, li jevalwa r-relevanza, l-effiċjenza u l-effikaċja tal-programm u komunikazzjoni dwar jekk dan il-programm għandux jitkompla u jkun adattat, flimkien ma’ proposta xierqa.

(2)

Ir-rapport ta' evalwazzjoni previst fl-Artikolu 13 ta' dik id-Deċiżjoni ħareġ fit-30 ta' Novembru 2004. Dan ikkonkluda li l-programm laħaq l-objettivi tiegħu u rrakkomanda t-tkomplija tiegħu.

(3)

L-ammont finanzjarju ta' referenza, skond it-tifsira tal-punt 38 tal-Ftehim Interistituzzjonali tas-17 ta' Mejju 2006, bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-ġestjoni finanzjarja soda (3) huwa inkluż f'din id-Deċiżjoni għat-tul taż-żmien kollu tal-programm, mingħajr b'hekk ma jiġu affettwati l-poteri ta' l-awtorità baġitarja kif inhuma definiti fit-Trattat.

(4)

It-tkomplija tal-programm tirrifletti l-ħtieġa li jibqgħu għaddejjin l-attivitajiet ta’ sorveljanza, taħriġ u assistenza teknika meħtieġa għall-appoġġ tal-protezzjoni tal-euro kontra l-iffalsifikar, billi jipprovdu qafas stabbli għall-ippjanar tal-programmi ta’ l-Istati Membri, b’mod partikolari tul perijodu li matulu pajjiżi ġodda jadottaw il-munita unika.

(5)

F’dan l-ispirtu, fit-8 ta’ April 2005 l-Kummissjoni ssottomettiet proposta għat-tkomplija tal-programm “Pericles” (4) sal-31 ta’ Diċembru 2011.

(6)

Sakemm ikun hemm ftehim finali dwar il-Qafas Finanzjarju tal-Komunità għas-snin 2007-2013, il-Kunsill iddeċieda li jestendi l-programm Pericles għas-sena 2006.

(7)

Fid-dikjarazzjoni tiegħu tat-30 ta' Jannar 2006, il-Kunsill ikkonsidra li l-programm Pericles għandu natura pluriennali u li għandu jiġi estiż sa l-2011. Għal dan l-għan huwa stieden lill-Kummissjoni tippreżenta proposta għall-estensjoni tal-programm għall-perjodu li jibda mill-2007, hekk kif jintlaħaq ftehim dwar il-Qafas Finanzjarju għall-2007-2013.

(8)

Huwa xieraq li l-programmi Komunitarji jkunu konformi mal-Qafas Finanzjarju tal-Komunità.

(9)

Sabiex jiġu evitati soprappożizzjonijiet tiġi żgurata konsistenza u komplimentarjetà ta' azzjonijiet taħt il-programm Pericles, huwa importanti li jiġu żviluppati sinerġiji bejn azzjonijiet iffinanzjati mill-Kummissjoni, il-Bank Ċentrali Ewropew u l-Europol.

(10)

B'konsegwenza, u minħabba l-ħtieġa għal taħriġ u assistenza kontinwi għall-protezzjoni tal-euro, il-programm Pericles għandu jiġi estiz sal-31 ta’ Diċembru 2013. Id-Deċiżjoni 2001/923/KE għandha għalhekk tiġi emendata kif meħtieġ,

1.

Fl-Artikolu 1(2), l-aħħar sentenza qed tiġi mibdula b’dan li ġej:

“Għandu jopera mill-1 ta' Jannar 2002 sal-31 ta' Diċembru 2013.”;

2.

Is-sub-paragrafu li ġej għandu jiżdied fl-aħħar ta' l-Artikolu 6:

“L-ammont ta’ referenza finanzjarju għall-implimentazzjoni tal-programm ta’ azzjoni Komunitarju għall-perijodu mill-1 ta’ Jannar 2007 sal-31 ta’ Diċembru 2013 għandu jkun ta’ EUR 7 000 000.”;

3.

L-Artikolu 13(3) għandu jiġi emendat kif ġej: