8.5.2007   

MT

Il-Ġurnal Uffiċjali ta’ l-Unjoni Ewropea

1030

(1)

Il-Komunità diġà waqqfet il-produzzjoni u l-konsum tal-chlorofluorocarbons, ta' chlorofluorocarbons oħrajn li huma aloġenati, halons, carbon tetrachloride, 1,1,1-trichloroethane, hydrobromofluorocarbon u bromochloromethane.

(2)

Kull sena l-Kummissjoni tintalab li tiddetermina l-użi essenzjali ta' dawn is-sustanzi kkontrollati, il-kwantitajiet li jistgħu jintużaw u l-kumpaniji li jistgħu jużawhom.

(3)

Id-Deċiżjoni IV/25 tal-Partijiet fil-Protokoll ta' Montreal dwar is-Sustanzi li Jnaqqsu s-Saff ta' l-Ożonu, minn hawn 'il quddiem “il-Protokoll ta' Montreal”, tistipola l-kriterji użati mill-Kummissjoni għad-determinazzjoni ta' kwalunkwe użu essenzjali u tawtorizza l-produzzjoni u l-konsum meħtieġa sabiex tissodisfa l-użi essenzjali tas-sustanzi kkontrollati għal kull Parti.

(4)

Id-Deċiżjoni XV/8 tal-Partijiet tal-Protokoll ta' Montreal tawtorizza l-produzzjoni u l-konsum meħtieġa sabiex tissodisfa l-użi essenzjali tas-sustanzi kkontrollati elenkati fl-Annessi A, B u C (Sustanzi minn Grupp II u III) tal-Protokoll ta' Montreal għall-użu fil-laboratorju u skopijiet analitiċi kif elenkati fl-Anness IV għar-rapport tas-Seba' Laqgħa tal-Partijiet, suġġetti għall-kondizzjonijiet stipolati fl-Anness II għar-rapport tas-Sitt Laqgħa tal-Partijiet, kif ukoll id-Deċiżjonijiet VII/11, XI/15 u XV/5 tal-Partijiet tal-Protokoll ta' Montreal. Id-Deċiżjoni XVII/10 tal-Partijiet tal-Protokoll ta' Montreal tawtorizza l-produzzjoni u l-konsum tas-sustanzi kkontrollati elenkati fl-Anness E tal-Protokoll ta' Montreal meħtieġa biex jissodisfaw l-użi fil-laboratorju u dawk analitiċi tal-methyl bromid.

(5)

Skond il-paragrafu 3 tad-Deċiżjoni XII/2 tal-Partijiet tal-Protokoll ta' Montreal dwar miżuri ta' faċilitazzjoni għat-transizzjoni ta' l-Inalaturi b' Dożar Iffissat (MDIs), l-Istati Membri kollha nnotifikaw (2) lill-Programm dwar l-Ambjent tan-Nazzjonijiet Uniti li l-chlorofluorocarbons mhumiex iktar essenzjali fil-manufattura tas-salbutamol CFC-MDIs għat-tqegħid fis-suq tal-Komunità Ewropea.

L-Awstrija, il-Belġju, l-Estonja, il-Ġermanja, il-Greċja, il-Latvja, il-Litwanja, in-Norveġja, l-Olanda, il-Portugall, ir-Repubblika Ċeka, ir-Repubblika Slovakka u s-Slovenja u l-Ungerija nnotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom ingredjenti attivi li jagħmlu parti mill-kategorija terapewtika ta' “bronkodilataturi beta agonisti b'effett qasir”, speċifikament terbutaline (3), fenoterol, orciprenaline, reproterol, carbuterol, hexoprenaline, pirbuterol, clenbuterol, bitolterol u procaterol.

Il-Belġju, Repubblika Ċeka, l-Estonja, il-Ġermanja, l-Ungerija, il-Latvja, l-Olanda, ir- Repubblika Slovakka, is-Slovenja, u l-Iżvezja nnotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjenti attivi li jagħmlu parti mill-kategorija terapewtika ta' “steroids li jittieħdu bl-inalazzjoni”, speċifikament beclomethasone, dexamethasone, flunisolide, fluticasone, budesonide (4) u triamcinolone.

Id-Danimarka (beclomethasone, fluticasone), Franza (beclomethasone, fluticasone), l-Irlanda (beclomethasone, fluticasone), il-Finlandja (beclometasone, fluticasone), l-Italja (beclomethasone, fluticasone, budesonide), Malta (fluticasone, budesonide), il-Portugall (fluticasone, budesonide), is-Slovenja (beclomethasone, fluticasone, budesonide), Spanja (beclometasone, fluticasone) u r-Renju Unit (fluticasone) innotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjenti attivi li jagħmlu parti mill-kategorija terapewtika ta' “steroids li jittieħdu bl-inalazzjoni” li jidhru fil-parenteżi wara kull Stat Membru.

Il-Belġju, id-Danimarka, l-Estonja il-Finlandja, Franza, il-Ġermanja, il-Greċja, il-Latvja, l-Olanda, ir-Repubblika Ċeka, ir-Repubblika Slovakka, u l-Islovenja nnotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjenti attivi li jagħmlu parti mill-kategorija terapewtika ta' “aġenti kontra l-infjammazzjoni li mhumiex steroids”, speċifikament cromoglicic acid u nedrocromil.

Il-Portugall innotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjent attiv tal-cromoglicic acid. Spanja nnotifikat lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjent attiv in-nedrocromil.

Il-Belġju, Ċipru, id-Danimarka, l-Estonja, il-Finlandja, il-Ġermanja, il-Greċja, l-Irlanda, il-Latvja, Malta, l-Olanda, ir-Repubblika Ċeka, ir-Repubblika Slovakka, Spanja, r-Renju Unit, l-Ungerija u l-Iżvezja nnotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjenti attivi li jagħmlu parti mill-kategorija terapewtika ta' “bronkodilataturi antikolinerġiċi”, speċifikament ipatropium bromide u oxitropium bromide.

Il-Portugall innotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjent attiv ta' l-ipatropium bromide.

Il-Ġermanja nnotifikat lill-UNEP li l-użu tas-CFCs mhux ikkunsidrat essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjenti attivi li jagħmlu parti mill-kategorija terapewtika tal-“bronkodilataturi beta agonisti ta" effett għal żmien twil’, speċifikament il-formeterol u s-salmeterol.

L-Italja nnotifikat lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom l-ingredjent attiv tal-formeterol.

Il-Ġermanja u l-Olanda nnotifikaw lill-UNEP li l-użu tas-CFCs mhux ikkunsidrat bħala essenzjali fil-manufattura ta' l-MDIs għat-tqegħid fis-suq tal-Komunità Ewropea li fihom taħlit ta' l-ingredjenti attivi.

L-Artikolu 4(4) (1) (b) tar-Regolament (KE) Nru 2037/2000 jipprevjeni li jintużaw jew li jitqiegħdu fis-suq is-CFCs sakemm mhumiex ikkunsidrati essenzjali skond il-kundizzjonijiet deskritti fl-Artikolu 3(1) ta' dak ir-Regolament. Dawn id-determinazzjonijiet meqjusa mhux essenzjali għalhekk naqqsu d-domanda għas-CFCs fl-użu fl-MDIs li jitqiegħdu fis-suq tal-Komunità Ewropea. Aktar minn hekk, l-Artikolu 4(6) tar-Regolament (KE) Nru 2037/2000 jipprevjeni li prodotti ta' CFC-MDI jiġu importati jew li jitqiegħdu fuq is-suq sakemm is-CFCs f'dawn il-prodotti ma jiġux ikkunsidrati essenzjali skond il-kundizzjonijiet deskritti fl-Artikolu 3(1).

(6)

Il-Kummissjoni ppubblikat Notifika (5) fit-08 ta’ Lulju 2005 lil dawk il-kumpaniji fil-Komunità tal-25 Stat Membru li talbu għall-kunsiderazzjoni mill-Kummissjoni għall-użu ta' sustanzi kkontrollati għall-użi essenzjali fil-Komunità fl-2006 u rċeviet dikjarazzjonijiet dwar l-użi essenzjali tas-sustanzi kkontrollati għall-2006.

(7)

Għall-finijiet ta' l-aċċertament li l-kumpaniji interessati u l-operaturi jistgħu jkomplu jibbenefikaw fiż-żmien previst mis-sistema ta' liċenzjar, huwa xieraq li d-deċiżjoni preżenti għandha tapplika mill-1 ta' Jannar 2006.

(8)

Il-miżuri previsti f'din id-Deliżjoni huma skond l-opinjoni tal-Kumitat ta' Ġestjoni stabbilit skond l-Artikolu 18(1) tar-Regolament (KE) Nru 2037/2000/KE.

(1)

L-allokazzjoni tal-kwoti għal użi mediċi essenzjali għall-chlorofluorocarbons 11, 12, 113, 114 u 115 għandha ssir lill-kumpaniji indikati fl-Anness II.

(2)

L-allokazzjoni tal-kwoti għal użi essenzjali fil-laboratorju għall-chlorofluorocarbons 11, 12, 113, 114 u 115 u ta' chlorofluorocarbons li huma kompletament aloġenati għandha ssir lill-kumpaniji indikati fl-Anness III.

(3)

L-allokazzjoni tal-kwoti għall-użi essenzjali fil-laboratorju għall-halons għandha ssir lill-kumpaniji indikati fl-Anness IV.

(4)

L-allokazzjoni tal-kwoti għall-użi essenzjali fil-laboratorju għall-carbon tetrachloride għandha ssir lill-kumpaniji indikati fl-Anness V.

(5)

L-allokazzjoni tal-kwoti għall-użi essenzjali fil-laboratorju għall-1,1,1-trcihloroethane għandha ssir lill-kumpaniji indikati fl-Anness VI.

(6)

L-allokazzjoni tal-kwoti għall-użi kritiċi fil-laboratorju u dawk analitiċi għall-methyl bromide għandha ssir lill-kumpaniji indikati fl-Anness VII.

(7)

L-allokazzjoni tal-kwoti għall-użi essenzjali fil-laboratorju għall-hydrobromofluorocarbons għandha ssir lill-kumpaniji indikati fl-Anness VIII.

(8)

L-allokazzjoni tal-kwoti għall-użi essenzjali fil-laboratorju għall-bromochloromethane għandha ssir lill-kumpaniji indikati fl-Anness IX.

(9)

Il-kwoti ta' użi essenzjali għall-chlorofluorocarbons 11, 12, 113 u 115, chlorofluorocarbons aloġenati kompletament oħrajn, carbon tetrachloride, 1,1,1-trichloroethane, hydrobromofluorocarbons u bromochloromethane għandhom ikunu kif stipolati fl-Anness X.