This document is an excerpt from the EUR-Lex website
Document 32006D0497
2006/497/CFSP Political and Security Committee Decision BiH/9/2006 of 27 June 2006 on the appointment of an EU Force Commander for the European Union Military Operation in Bosnia and Herzegovina
Deċiżjoni tal-Kumitat Politiku u ta' Sigurtà BiH/9/2006 tas- 27 ta’ Ġunju 2006 dwar il-ħatra ta' Kmandant tal-Forza ta' l-UE għall-Operazzjoni Militari ta' l-Unjoni Ewropea fil-Bosnja u Ħerzegovina
Deċiżjoni tal-Kumitat Politiku u ta' Sigurtà BiH/9/2006 tas- 27 ta’ Ġunju 2006 dwar il-ħatra ta' Kmandant tal-Forza ta' l-UE għall-Operazzjoni Militari ta' l-Unjoni Ewropea fil-Bosnja u Ħerzegovina
ĠU L 196, 18.7.2006, p. 25–25
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 76M, 16.3.2007, p. 88–88
(MT)
In force
16.3.2007 |
MT |
Il-Ġurnal Uffiċjali ta’ l-Unjoni Ewropea |
88 |
DEĊIŻJONI TAL-KUMITAT POLITIKU U TA' SIGURTÀ BIH/9/2006
tas-27 ta’ Ġunju 2006
dwar il-ħatra ta' Kmandant tal-Forza ta' l-UE għall-Operazzjoni Militari ta' l-Unjoni Ewropea fil-Bosnja u Ħerzegovina
(2006/497/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea u b'mod partikolari t-tielet paragrafu ta' l-Artikolu 25 tiegħu,
Wara li kkunsidra l-Azzjoni Konġunta tal-Kunsill 2004/570/PESK tat-12 ta' Lulju 2004 dwar l-operazzjoni militari ta' l-Unjoni Ewropea fil-Bosnja u Ħerzegovina (1), u b'mod partikolari l-Artikolu 6 tagħha,
Billi:
(1) |
Skond l-Artikolu 6 ta' l-Azzjoni Konġunta 2004/570/PESK, il-Kunsill awtorizza lill-Kumitat Politiku u ta' Sigurtà (KPS) sabiex jieħu deċiżjonijiet ulterjuri dwar il-ħatra tal-Kmandant tal-Forza ta' l-UE. |
(2) |
Skond id-Deċiżjoni tal-KPS, BiH/6/2005, il-Maġġur Ġeneral Gian Marco CHIARINI nħatar Kmandant tal-Forza ta' l-UE għall-operazzjoni militari ta' l-Unjoni Ewropea fil-Bosnja u Ħerzegovina. |
(3) |
Il-Kmandant ta' l-Operazzjoni ta' l-UE rrakkomanda l-ħatra tal-Viċi Ammiral Hans-Jochen Witthauer bħala l-Kmandant il-ġdid tal-Forza ta' l-UE għall-operazzjoni militari ta' l-Unjoni Ewropea fil-Bosnja u Herzegovina. |
(4) |
Il-Kumitat Militari ta' l-UE appoġġa n-nomina. |
(5) |
Konformement ma' l-Artikolu 6 tal-Protokoll dwar il-pożizzjoni tad-Danimarka anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka ma tipparteċipax fl-elaborazzjoni u fl-implementazzjoni ta' deċiżjonijiet u azzjonijiet ta' l-Unjoni Ewropea li għandhom implikazzjonijiet ta' difiża. |
(6) |
Il-Kunsill Ewropew ta' Kopenhagen fit-12 u t-13 ta' Diċembru 2002 adotta Dikjarazzjoni li stqarret li l-arranġamenti “Berlin Plus” u l-implementazzjoni tagħhom sejrin japplikaw biss għal dawk l-Istati Membri ta' l-UE li huma wkoll membri tan-NATO jew Partijiet għall-“Isħubija għall-Paċi”, u li konsegwentement ikkonkludew ftehim bilaterali ta' sigurtà man-NATO, |
IDDEĊIEDA KIF ĠEJ:
Artikolu 1
Il-Viċi Ammiral Hans-Jocken Witthauer huwa b'dan maħtur Kmandant tal-Forzi ta' l-UE għall-operazzjoni militari ta' l-Unjoni Ewropea fil-Bosnja u Ħerzegovina.
Artikolu 2
Din id-Deċiżjoni għandha tibda jkollha effett fil-5 ta' Diċembru 2006.
Magħmul fi Brussel, 27 ta’ Ġunju 2006.
Għall-Kumitat Politiku u ta' Sigurtà
Il-President
F.J. KUGLITSCH
(1) ĠU L 252, 28.7.2004, p. 10.