—

id-definizzjoni tal-proċeduri għal ċensiment amministrattiv għal finijiet elettorali, sabiex tiġi stabbilita lista elettorali affidabbli u trasparenti, u l-bidu ta' operazzjonijiet ta' ċensiment,

—

l-adozzjoni mill-Kunsill tal-Ministri tat-test ta' Abbozz ta' liġi dwar emendi Kostituzzjonali li għandhom jiġu sottomessi għal referendum fil-25 ta' Ġunju 2006,

—

il-ħatra ta' Walis ġodda (gvernaturi reġjonali) u ta' Hakems (prefetti), u ċirkolari mibgħuta lill-awtoritajiet reġjonali u lokali mal-ħatra tagħhom dwar in-newtralità ta' l-amministrazzjoni ċentrali u territorjali,

—

l-adozzjoni ta' ordni fis-26 ta' Jannar 2006 li temenda l-Kodiċi tal-komuni u tintroduċi l-prinċipju tal-kandidaturi indipendenti,

—

il-bidu ta' konsultazzjoni mal-partiti politiċi dwar il-miżuri li għandhom jiġu adottati fir-rigward tar-reviżjoni tal-forom ta' skrutinju, inkluż l-aċċess għan-nisa għall-mandati elettorali u l-adozzjoni ta' bulletin uniku,

—

l-iżvilupp ta' programm ta' sensibilizzazzjoni u ta' edukazzjoni ċivika u l-bidu tal-kampanja rispettiva fil-preżenza ta' l-awtoritajiet amministrattivi, il-Kummissjoni Elettorali Indipendenti Nazzjonali, il-partiti politiċi, l-organizzazzjonijiet tas-soċjetà ċivili u l-istampa,

—

l-istabbiliment ta' grupp ta' ħidma fi ħdan il-Ministeru tal-Ġustizzja, biex jistudja l-konformità mal-Kostituzzjoni ta' testi relatati mad-drittijiet u l-libertajiet demokratiċi, u jagħmel il-proposti meħtieġa,

—

l-istabbiliment b'digriet u l-istallazzjoni ta' Kummissjoni Nazzjonali Konsultattiva għar-riforma tas-settur ta' l-istampa u dak awdjoviżiv, li tat ir-rapport proviżorju tagħha lill-Prim Ministru,

—

it-trażmissjoni lill-Gvern ta' abbozz ta' ordni dwar l-istabbiliment ta' Kummissjoni Nazzjonali tad-Drittijiet tal-Bniedem,

—

Ċirkolari mibgħuta mill-Ministeru tal-Ġustizzja u l-Ministeru ta' l-Intern lill-awtoritajiet ta' prosekuzzjoni u lill-awtoritajiet ta' amministrazzjoni territorjali kollha filwaqt li jistednuhom biex jirriċerkaw, isibu u jittrasmettu minnufih lill-ġustizzja il-każijiet kollha li jistgħu jinvolvu l-esplojtazzjoni diretta jew indiretta tal-persuni, kif ukoll l-organizzazzjoni ta' ġurnata ta' riflessjoni bil-ħsieb li jiġu identifikati miżuri li jistgħu jeliminaw il-konsegwenzi ta' l-iskjavitù,

—

l-adozzjoni mill-Kunsill tal-Ministri ta' abbozzi ta' ordni li jawtorizzaw l-adeżjoni għall-Konvenzjoni tan-NU kontra l-Korruzzjoni u li jawtorizzaw ir-ratifika tal-Konvenzjoni Afrikana kontra l-Korruzzjoni,

—

l-istabbiliment ta' Kumitat Nazzjonali ta' l-EITI (Inizjattiva Trasparenti għall-Industriji Estrattivi) kif ukoll l-approvazzjoni ta' ordni li tistabbilixxi l-Fond nazzjonali tad-dħul ta' l-idrokarboni u li jiddefinixxi l-proċeduri ta' ġestjoni ta' dan id-dħul.

—

il-preparazzjoni u ż-żamma ta' elezzjonijiet liberi u trasparenti abbażi ta' listi elettorali affidabbli u kompluti u abbażi ta' sistemi elettorali u kostitwenzi elettorali ġusti u li huma maqbula mal-partiti politiċi,

—

ir-rispett għall-pluraliżmu fis-settur awdjoviżiv, b'mod partikolari, il-ħolqien ta' radjijiet liberi barra l-bliet u r-reviżjoni tal-liġi ta' l-istampa,

—

il-promozzjoni tad-drittijiet tal-bniedem, b'mod partikolari, permezz ta' sforzi kontinwi biex tinħoloq Kummissjoni indipendenti għad-drittijiet tal-bniedem, u r-ritorn tar-refuġjati u l-integrazzjoni mill-ġdid tad-drittijiet tagħhom;

—

l-applikazzjoni tal-leġislazzjoni dwar il-projbizzjoni ta' l-iskjavitù u t-trattament xieraq tal-problemi kollha li jirriżultaw minn dan il-flaġell,

—

ir-riforma tal-ġustizzja,

—

it-titjib kontinwu tas-sistemi tal-governanza, inkluża l-pubblikazzjoni aġġornata tad-data ta' l-istatistika ta' l-ekonomija u tal-budget,

—

l-implimentazzjoni effettiva ta' l-inizjattiva EITI fis-setturi tal-minjieri u l-esplojtazzjoni tal-idrokarboni u l-applikazzjoni ta' l-istess prinċipji ta' governanza tajba fis-setturi marbuta mal-ġestjoni tar-riżorsi naturali u, b'mod partikolari, tas-sajd.

—

l-attivitajiet ta' kooperazzjoni fis-seħħ taħt id-9 Fond Ewropew għall-Iżvilupp u tal-FEŻ preċedenti ser jitkomplew sakemm il-kondizzjonijiet speċifiċi tal-konvenzjonijiet ta' finanzjament attwali jiġu osservati,

—

il-preparazzjoni u l-implimentazzjoni ta' proġetti ta' sostenn istituzzjonali b'appoġġ għall-proċess ta' tranżizzjoni, li l-tnedija tagħhom ġiet deċiża fil-bidu tal-konsultazzjonijiet, ser jitkomplew,

—

il-preparazzjoni u l-implimentazzjoni tal-miżuri previsti fid-9 FEŻ u l-FEŻ preċedenti fl-oqsma l-oħra tal-kooperazzjoni Komunitarja ser jitkomplew ukoll,

—

l-attivitajiet ta' programmar ta' l-10 FEŻ ser jiġu mnedija skond l-iskedi ta' żmien imfassla mis-servizzi kompetenti tal-Kummissjoni Ewropea. Il-konklużjoni ta' l-stadji differenti tal-proċess ta' pprogrammar ser tkun iddeterminata miż-żamma ta' referendum kostituzzjonali u l-elezzjonijiet ippjanati f'kondizzjonijiet soddisfaċenti u skond l-iskedi ta' żmien stabbiliti mill-awtoritajiet transizzjonali;

—

id-Dokument ta' Strateġija ta' l-10 FEŻ għall-Pajjiż għall-Mawritanja ma jistax jiġi ffirmat qabel il-konferma li l-pajjiż effettivament irritorna għall-ordni kostituzzjonali wara elezzjonijiet presidenzjali u parlamentari liberi u trasparenti u li jkunu wasslu għal korpi ġodda eletti demokratikament.