Edizzjoni Speċjali bil-Bulgaru: Kapitolu 03 Volum 071 P. 163 - 166
Edizzjoni Speċjali bir-Rumen: Kapitolu 03 Volum 071 P. 163 - 166
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32006D0272
2006/272/EC: Commission Decision of 5 April 2006 amending Decision 2004/453/EC as regards Sweden and the United Kingdom (notified under document number C(2006) 1259) (Text with EEA relevance)
Deċiżjoni tal-Kummissjoni tal- 5 ta’ April 2006 li temenda d-Deċiżjoni 2004/453/KE fir-rigward ta' l-Iżvezja u r-Renju Unit (innotifikata taħt dokument numru C(2006) 1259) Test b'rilevanza għaż-ŻEE.
Deċiżjoni tal-Kummissjoni tal- 5 ta’ April 2006 li temenda d-Deċiżjoni 2004/453/KE fir-rigward ta' l-Iżvezja u r-Renju Unit (innotifikata taħt dokument numru C(2006) 1259) Test b'rilevanza għaż-ŻEE.
ĠU L 99, 7.4.2006, p. 31–34
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 118M, 8.5.2007, p. 578–581
(MT)
No longer in force, Date of end of validity: 14/05/2010
Language
HTML
PDF
Official Journal
|
8.5.2007 |
MT |
Il-Ġurnal Uffiċjali ta’ l-Unjoni Ewropea |
578 |
DEĊIŻJONI TAL-KUMMISSJONI
tal-5 ta’ April 2006
li temenda d-Deċiżjoni 2004/453/KE fir-rigward ta' l-Iżvezja u r-Renju Unit
(innotifikata taħt dokument numru C(2006) 1259)
(Test b'rilevanza għaż-ŻEE)
(2006/272/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 91/67/KEE tat-28 ta' Jannar 1991 li tikkonċerna l-kondizzjonijiet tas-saħħa ta' l-annimali li jirregolaw it-tqegħid fuq is-suq ta' l-annimali u prodotti ta' l-akkwakultura (1), u b'mod partikolari l-Artikolu 12(3), u l-Artikolu 13(3) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u żootekniku applikabbli għall-kummerċ intra-Kommunitarju ta' ċerti annimali ħajjin u prodotti bil-ħsieb tat-tlestija tas-suq intern (2), u partikolarment l-Artikolu 10 (4) tagħha,
Billi:
|
(1) |
Id-Deċiżjoni tal-Kummissjoni 2004/453/KE tad-29 ta' April 2004 li timplimenta d-Direttiva tal-Kunsill dwar miżuri kontra ċertu mard f'annimali ta' l-akkwakultura (3) stabbiliet garanziji addizzjonali għal ċertu mard tal-ħut. |
|
(2) |
It-territorju kollu ta' l-Iżvezja ġie ddikjarat ħieles min-nekrożi pankreatika li tinfetta (IPN), skond ir-rekwiżiti stabbiliti fl-Anness I mad-Deċiżjoni 2004/453/KE. |
|
(3) |
Sa mill-adozzjoni tad-Deċiżjoni 2004/453/KE, l-Iżvezja nnotifikat tifqigħat ta' IPN fiż-żoni mal-kosta. Ġiet irrapportata tifqigħa waħda f'ħut selvaġġ. Tifqigħa oħra ġiet irrapportata f'ħut ikkultivat fejn, skond ir-rapport epidemjoloġiku, l-aktar sors li probabbilment jiġi infettat huwa l-ħut selvaġġ. B'hekk, iż-żoni mal-kosta ta' l-Iżvezja m'għadhomx jaqdu r-rekwiżiti għall-istatus ta' ħelsien mill-mard għall-IPN, stabbilit fl-Anness I mad-Deċiżjoni. Il-partijiet kontinentali tat-territorju, madankollu, jibqgħu ħielsa mill-marda. |
|
(4) |
Dawn iż-żewġ tifqigħat m'għandhomx jipprevjenu lill-Iżvezja milli żżomm il-programm tal-IPN għaż-żoni mal-kosta u li tintroduċi miżuri ta' qerda jekk l-IPN tiġi dijanjostikata f'ħut ikkultivat jew dak selvaġġ, bi qbil mal-programm imressaq lill-Kummissjoni qabel l-adozzjoni tad-Deċiżjoni 2004/453/KE. |
|
(5) |
Id-Deċiżjoni 2004/453/KE teħtieġ li tinżamm sorveljanza mmirata fiż-żoni dikjarati ħielsa mill-mard fi Stati Membri fejn partijiet biss mit-territorju huma ddikjarati ħielsa mill-mard. Meta dan ir-rekwiżit jiġi adottat, huwa ma jantiċipax is-sitwazzjoni speċjali fejn l-Irlanda u l-Irlanda ta' Fuq ġew iddikjarati ħielsa mill-istess marda jew mard, filwaqt li xi partijiet tar-Renju Unit ma ġewx iddikjarati ħielsa minn dak il-mard. |
|
(6) |
Jixraq li r-Renju Unit jitħalla jtemm is-sorveljanza mmirata għal ċertu mard li għalih l-Irlanda ta' Fuq ġiet iddikjarata ħielsa mill-mard, bil-kundizzjoni li l-Irlanda tiġi wkoll iddikjarata ħielsa mill-istess mard. |
|
(7) |
Id-Deċiżjoni 2004/453/KE għandha għalhekk tiġi emendata skond dan. |
|
(8) |
Il-miżuri previsti f'dan ir-Regolament huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Annessi II, II u V mad-Deċiżjoni 2004/453/KE qegħdin jiġu emendati kif ġej:
|
1. |
L-Anness I, Kapitoli II hu sostitwit bit-test ta' l-Anness I ta' din id-Deċiżjoni. |
|
2. |
L-Anness II, Kapitoli II hu sostitwit bit-test ta' l-Anness II ta' din id-Deċiżjoni. |
|
3. |
Fl-Anness V, il-punt A.5 huwa sostitwit b'dan li ġej:
|
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, nhar il-5 ta’ April 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 46, 19.2.1991, p. 1. Direttiva kif emendata l-aħħar mid-Direttiva 806/2003/KE (ĠU L 122, 16.5.2003, p. 1).
(2) ĠU L 224, 18.8.1990, p. 29. Direttiva kif emendata l-aħħar mid-Direttiva 2002/33/KE tal-Parlament Ewropew u tal-Kunsill (ĠU L 315, 19.11.2002, p. 14).
(3) ĠU L 156, 30.4.2004, p. 5; verżjoni korretta fil-ĠU L 202, 7.6.2004, p. 4.
ANNESS I
“Kapitolu II
Territorji b'ħelsien approvat minn ċertu mard li tirreferi għalihom il-Kolonna 1, il-Lista III ta' l-Anness A tad-Direttiva tal-Kunsill 91/67/KEE
|
Marda |
Stat Membru |
Territorju jew partijiet mit-territorju |
|
Viremija tar-rebbiegħa tal-karpjuni (Spring viraemia of carp SVC) |
id-Danimarka |
It-territorju kollu |
|
il-Finlandja |
It-territorju kollu; iż-żona tal-ġbir ta' l-ilma tal-Vuoksi għandha tkun ikkunsidrata bħala żona bafer. |
|
|
l-Irlanda |
It-territorju kollu |
|
|
l-Iżvezja |
It-territorju kollu |
|
|
ir-Renju Unit |
It-territorji ta' l-Irlanda ta' Fuq, l-Isle of Man, Jersey u Guernsey. |
|
|
Mard fil-kliewi ikkaġunat mill-batterja (BKD) |
l-Irlanda |
It-territorju kollu |
|
ir-Renju Unit |
It-territorji ta' l-Irlanda ta' Fuq, l-Isle of Man, u Jersey. |
|
|
Nekrożi pankreatika li tinfetta (IPN) |
il-Finlandja |
Il-partijiet kontinentali tat-territorju; iż-żoni tal-ġbir ta' l-ilma tal-Vuoksi u tal-Kemijoki għandhom ikunu kkunsidrati bħala żoni bafer. |
|
l-Iżvezja |
Il-partijiet kontinentali tat-territorju |
|
|
ir-Renju Unit |
It-territorju ta' l-Isle of Man. |
|
|
Infezzjoni bil-Gyrodactylus salaris |
il-Finlandja |
Iż-żoni tal-ġbir ta' l-ilma tat-Tenojoki u tan-Näätämönjoki; iż-żoni tal-ġbir ta' l-ilma tal-Paatsjoki, Luttojoki, u Uutuanjoki għandhom ikunu kkunsidrati bħala żoni bafer. |
|
l-Irlanda |
It-territorju kollu |
|
|
ir-Renju Unit |
It-territorji tal-Gran Brittanja, l-Irlanda ta' Fuq, l-Isle of Man, Jersey u Guernsey.” |
ANNESS II
“Kapitolu II
Territorji bi programmi approvati ta ' kontroll u qerda ta' ċertu mard li tirreferi għalihom il-Kolonna 1, il-Lista III ta' l-Anness A tad-Direttiva 91/67/KEE
|
Marda |
Stat Membru |
Territorju jew partijiet mit-territorju |
|
Viremija tar-rebbiegħa tal-karpjuni (Spring viraemia of carp SVC) |
ir-Renju Unit |
It-territorji tal-Gran Brittanja |
|
Mard fil-kliewi ikkaġunat mill-batterja (BKD) |
il-Finlandja |
Il-partijiet kontinentali tat-territorju. |
|
l-Iżvezja |
Il-partijiet kontinentali tat-territorju. |
|
|
ir-Renju Unit |
It-territorji tal-Gran Brittanja |
|
|
Nekrożi pankreatika li tinfetta |
l-Iżvezja |
Il-partijiet mal-kosta tat-territorju” |