8.5.2007   

MT

Il-Ġurnal Uffiċjali ta’ l-Unjoni Ewropea

560

(1)

L-influwenza tat-tjur hija marda virali infettiva fit-tjur ta' l-irziezet u f'għasafar oħra, li tikkawża mwiet u tfixkil li malajr jistgħu jiżviluppaw fi proporzjonijiet epiżootiċi li kapaċi jwasslu għal theddida serja għas-saħħa ta' l-annimali u dik pubblika u jnaqqsu sew il-qligħ mit-trobbija tat-tjur ta' l-irziezet. Hemm riskju li l-aġent tal-marda jista' jiddaħħal fl-Istati Membri permezz tal-kummerċ internazzjonali fit-tjur ħaj u ċerti għasafar oħra u prodotti minnhom.

(2)

L-Iżrael innotifika lill-Kummissjoni dwar tifqigħat ta' influwenza tat-tjur b'patoġeniċità għolja kkawżata mill-virus mis-sottotip H5N1 tal-virus ta' l-influwenza A.

(3)

Id-Deċiżjoni tal-Kummissjoni 2006/227/KE tas-17 ta' Marzu 2006 dwar ċerti miżuri provviżorji ta' protezzjoni li għandhom x'jaqsmu ma' suspett ta' influwenza tat-tjur ta' patoġeniċità għolja fl-Iżrael (3) ġiet adottata wara dik in-notifika mill-Iżrael.

(4)

Fid-dawl tar-riskju għas-saħħa ta' l-annimali ta' introduzzjoni tal-marda fil-Komunità, huwa xieraq li tiġi sospiża l-importazzjoni tat-tjur ħaj, ratiti, tat-tjur tal-kaċċa mrobbi u selvaġġ u tal-bajd tat-tifqis ta' dawk l-ispeċijiet mill-Iżrael.

(5)

Peress li l-Istati Membri huma awtorizzati għall-importazzjoni ta' trofej tal-kaċċa u bajd għall-konsum uman, l-importazzjoni fil-Komunità ta' dawn il-prodotti għandha tiġi sospiża wkoll minħabba r-riskju li tinvolvi għas-saħħa ta' l-annimali involuti.

(6)

Ikun xieraq ukoll li l-importazzjoni fil-Komunità mill-Iżrael tiġi sospiża fir-rigward tal-laħam frisk tat-tjur, ratiti u tjur tal-kaċċa mrobbi u selvaġġ u l-importazzjoni ta' laħam ikkapuljat, laħam isseparat mekkanikament, preparazzjonijiet tal-laħam u prodotti tal-laħam li jikkonsistu fi, jew li fihom, laħam ta' dawn l-ispeċijiet, kif ukoll ċerti prodotti oħra ta' l-għasafar.

(7)

Ikun xieraq li jiġu previsti miżuri li japplikaw għal partijiet ta' l-Iżrael skond is-sitwazzjoni epidemjoloġika.

(8)

Ċerti prodotti li ġejjin mit-tjur ta' l-irziezet, ratiti u tjur tal-kaċċa mrobbi u selvaġġ maqtul jew ikkaċċat qabel il-15 ta' Frar 2006 għandhom ikomplu jiġu awtorizzati, filwaqt li jitqies il-perjodu ta' l-inkubazzjoni tal-marda.

(9)

Id-Deċiżjoni tal-Kummissjoni 2005/432/KE tat-3 ta' Ġunju 2005 li tistipula l-kundizzjonijiet tas-saħħa ta' l-annimali u tas-saħħa pubblika u mudelli ta' ċertifikat għall-importazzjoni ta' prodotti tal-laħam għall-konsum mill-bniedem minn pajjiżi terzi u li tirrevoka d-Deċiżjonijiet 97/41/KE, 97/221/KE and 97/222/KE (4) tistipula lista ta' pajjiżi terzi li minnhom l-Istati Membri jistgħu jawtorizzaw l-importazzjoni ta' ċerti prodotti tal-laħam u tistabbilixxi sistemi ta' trattament li huma meqjusa effikaċi fid-diżattivazzjoni tal-patoġeni rispettivi. Bħala prevenzjoni tar-riskju tat-trażmissjoni tal-mard permezz ta' prodotti bħal dawn, jeħtieġ li jiġu applikati trattamenti adegwati skond l-istatus ta' saħħa tal-pajjiż ta' l-oriġini u l-ispeċi li minnha l-prodott huwa dderivat. Għalhekk, jidher xieraq li l-importazzjoni ta' prodotti tal-laħam tat-tjur, ratiti u tjur tal-kaċċa mrobbi u selvaġġ li joriġinaw fl-Iżrael u li huma pproċessati sa temperatura ta' talanqas 70 °C fil-prodott kollu kemm hu għandhom jibqgħu awtorizzati.

(10)

Il-kundizzjonijiet għall-importazzjoni tar-rix huma stabbiliti fid-Deċiżjoni tal-Kummissjoni 2006/7/KE tad-9 ta' Jannar 2006 dwar ċerti miżuri ta' protezzjoni fir-rigward ta' importazzjonijiet ta' rix minn ċerti pajjiżi terzi (5). Għaldaqstant mhux meħtieġ li tiġi prevista projbizzjoni speċifika fuq l-importazzjonijiet mill-Iżrael ta' rix mhux ipproċessat.

(11)

Għall-għan ta' kjarifika tal-leġiżlazzjoni Komunitarja huwa xieraq li tkun revokata d-Deċiżjoni tal-Kummissjoni 2006/227/KE u tkun sostitwita minn din id-Deċiżjoni.

(12)

Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali,

(a)

tjur ħaj, ratiti, tjur tal-kaċċa mrobbi u selvaġġ, u bajd għat-tifqis ta' dawk l-ispeċijiet li jkun ġejjin mill-partijiet ta' l-Iżrael elenkati fil-Parti A ta' l-Anness;

(b)

dawn il-prodotti li ġejjin mill-partijiet ta' l-Iżrael elenkati fil-Parti B ta' l-Anness:

(a)

fil-punt 9.1, kolonna B ta' l-attestazzjoni tas-saħħa ta' l-annimali fiċ-ċertifikat veterinarju mfassal skond il-mudell stabbilit fl-Anness III tad-Deċiżjoni 2005/432/KE:

“Prodotti tal-laħam trattati skond id-Deċiżjoni tal-Kummissjoni K(2006)1245 finali”

(b)

fil-punt 8.2, fiċ-ċertifikat veterinarju mfassal skond il-mudell stabbilit fl-Anness IV tad-Deċiżjoni 2005/432/KE:

“Prodotti tal-laħam trattati skond id-Deċiżjoni tal-Kummissjoni K(2006)1245 finali”