DEĊIŻJONI TAL-KUNSILL

ta' l-14 ta’ Frar 2006

li taħtar membru Ġermaniż tal-Kumitat Ekonomiku u Soċjali Ewropew

(2006/97/KE, Euratom)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 259 tiegħu,

Wara li kkunsidra t-Trattat li jistabbilixxi l-Komunità Ewropea dwar l-Enerġija Atomika, u b'mod partikolari l-Artikolu 167 tiegħu,

Wara li kkunsidra d-Deċiżjoni tal-Kunsill 2002/758/KE tas-17 ta' Settembru 2002 li taħtar il-membri tal-Kumitat Ekonomiku u Soċjali għall-perijodu mill-21 ta' Settembru 2002 sa l-20 ta' Settembru 2006 (1),

Wara li kkunsidra n-nomina ppreżentata mill-Gvern Ġermaniż,

Wara li kkunsidra l-Opinjoni tal-Kummissjoni Ewropea,

Billi:

Post ta' membru fil-Kumitat Ekonomiku u Soċjali Ewropew sar vakanti wara r-riżenja tas-Sur Alfred GEISSLER, li dwarha l-Kunsill kien informat fid-19 ta' Lulju 2005,

IDDEĊIEDA KIF ĠEJ:

Artikolu 1

Is-Sur Wilfried Woller huwa b'dan maħtur membru tal-Kumitat Ekonomiku u Soċjali Ewropew minflok is-Sur Alfred GEISSLER għall-bqija tal-mandat tiegħu, jiġifieri sa l-20 ta' Settembru 2006.

Artikolu 2

Din id-Deċiżjoni għandha tiġi ppubblikata f’Il-Ġurnal Uffiċjali ta' l-Unjoni Ewropea.

Għandha tieħu effett mid-data ta' l-adozzjoni tagħha.

(1)  ĠU L 253, 21.9.2002, p. 9.