9.12.2008   

MT

Il-Ġurnal Uffiċjali ta’ l-Unjoni Ewropea

236

(1)

L-Artikolu 4(2), l-ewwel subparagrafu tar-Regolament (KE) Nru 866/2004 jipprovdi li l-oġġetti kompletament miġjuba miż-żoni tar-Repubblika ta' Ċipru li mhumiex taħt il-kontroll effettiv tal-Gvern tar-Repubblika ta' Ċipru jew li sarilhom l-aħħar proċessar sostanzjali u ekononomikament ġustifikat, jew li jaħdmu f'impriża mgħammra għal dak l-iskop fl-oqsma li mhumiex suġġetti għad-dazji jew imposti doganali li jkollhom effett ekwivalenti meta jiġu introdotti fiż-żoni taħt il-kontroll effettiv tal-Gvern tar-Repubblika ta' Ċipru, sakemm ikunu ta' tip eliġibbli għal rifużjoni fuq l-esportazzjoni jew miżuri ta' intervent.

(2)

L-Artikolu 4(2) tar-Regolament (KE) Nru 866/2004 ġie emendat mir-Regolament tal-Kunsill (KE) Nru 293/2005 (2) biex jestendi l-aċċess għar-reġim bla dazju msemmi hawn fuq, każ b'każ, għal ċertu prodotti tat-tip eliġibbli għal rifużjonijiet fuq l-esportazzjoni jew miżuri ta' intervent, sakemm il-kundizzjonijiet u l-arranġamenti għal dak l-aċċess jiżgura li l-interessi finanzjarji tal-Komunità jistgħu jkunu mħarsa b'mod effettiv.

(3)

Il-faċilitazzjoni tal-moviment tal-frott taċ-ċitru tikkontribwixxi għall-proċess tal-iżvilupp ekonomiku fiż-żoni li ma jaqgħux taħt il-kontroll effettiv tal-Gvern tar-Repubblika ta' Ċipru, minħabba l-interess fost l-operaturi ekonomiċi f'Ċipru fis-suq taċ-ċitru prodott f'dawk iż-żoni fis-suq Komunitarju.

(4)

Ir-Regolament tal-Kunsill (KE) Nru 2200/96 tat-28 ta' Ottubru 1996 dwar l-organizzazzjoni komuni tas-suq tal-frott u l-ħxejjex (3), ir-Regolament tal-Kunsill (KE) Nru 2202/96 tat-28 ta' Ottubru 1996 li introduċa skema ta' għajnuna Komunitarja għall-produtturi ta' ċertu frott taċ-ċitru (4) u r-Regolament tal-Kummissjoni (KE) Nru 2111/2003 tal-1 ta' Diċembru 2003 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 2202/96 li jintroduċi skema ta' għajnuna Komunitarja għal produtturi ta' ċerti frott taċ-ċitru (5) jipprovdu għal verifiki biex jiżguraw il-konformità mar-regoli Komunitarji fis-setturi tal-frott u l-ħxejjex. B’segwitu għar-Regolamenti, il-Gvern tar-Repubblika ta' Ċipru għandu jiżgura permezz ta' sorveljanza tajba li l-prodotti koperti b'dan ir-Regolament ma jkunux suġġett għar-rifużjonijiet fuq l-esportazzjoni jew miżuri ta' intervent.

(5)

Peress li l-livell ta' rifużjonijiet imħallsin għall-esportazzjoni taċ-ċitru mill-Komunità huma baxxi, ir-riskju ta' frodi bil-miżuri pprovduti f'dan ir-Regolament huwa limitat. Madankollu, il-Gvern tar-Repubblika ta' Ċipru għandu jiżgura li tinżamm il-konformità mar-regola tal-oriġini tal-Komunità kif stipulata fit-tieni inċiż ta' l-Artikolu 35(9) tar-Regolament (KE) Nru 2200/96 u fl-Artikolu 11(2) tar-Regolament tal-Kummissjoni (KE) Nru 800/1999 tal-15 ta' April 1999 li jistabbilixxi regoli komuni dettaljati għall-applikazzjoni ta’ sistema tar-rifużjonijiet fuq l-esportazzjoni ta’ prodotti agrikoli (6).

(6)

Skont l-Artikolu 8 tar-Regolament tal-Kummissjoni (KE) Nru 1480/2004 tal-10 ta' Awwissu 2004 li jistipola regoli speċifiċi dwar oġġetti li jaslu miż-żoni mhux taħt il-kontroll effettiv tal-Gvern ta’ Ċipru lejn iż-żoni fejn il-Gvern jeżerċita kontroll effettiv (7), il-kamra tal-kummerċ Ċiprijotta Torka u l-awtoritajiet tar-Repubblika ta' Ċipru għandhom jikkomunikaw lill-Kummissjoni t-tagħrif li jippermetti lill-Kummissjoni tissorvelja l-andament tan-negozju minn naħa għall-oħra tal-“linja l-ħadra”.

(7)

Minħabba f'hekk, ma jidhirx neċessarju li jiġu stabbiliti aktar kondizzjonijiet għall-aċċess mingħajr dazju għall-frott taċ-ċitru miksub fiż-żoni li ma jaqgħux taħt il-kontroll effettiv tal-Gvern ta' Ċipru.

(8)

Il-miżuri pprovduti għal dan fir-Regolament jaqblu mal-opinjoni tal-Kumitat ta' Tmexxija għall-Frott u l-Ħaxix Frisk,