Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32005R1608

1608/2005/KE: Regolament tal-Kummissjoni (KE) Nru 1608/2005 tat- 30 ta' Settembru 2005 li jemenda r-Regolament tal-Kummissjoni (KEE) Nru 3149/92 li jippreskrivi regoli dettaljati għar-riforniment ta’ ikel mill-ħażna ta’ intervent għall-benefiċċju tal-persuni l-aktar fil-bżonn fil-Komunità

ĠU L 256, 1.10.2005, p. 13–14 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 330M, 9.12.2008, p. 234–235 (MT)

⏵Dan id-dokument ġie ppubblikat f’edizzjoni(jiet) speċjali (BG, RO)

Legal status of the document No longer in force, Date of end of validity: 03/10/2010; Impliċitament imħassar minn 32010R0807

ELI: http://data.europa.eu/eli/reg/2005/1608/oj

9.12.2008   

MT

Il-Ġurnal Uffiċjali ta’ l-Unjoni Ewropea

234

REGOLAMENT TAL-KUMMISSJONI (KE) Nru 1608/2005

tat-30 ta' Settembru 2005

li jemenda r-Regolament tal-Kummissjoni (KEE) Nru 3149/92 li jippreskrivi regoli dettaljati għar-riforniment ta’ ikel mill-ħażna ta’ intervent għall-benefiċċju tal-persuni l-aktar fil-bżonn fil-Komunità

IL-KUMMISSJONI TAL-KOMUNITAJIET EWROPEJ,

wara li kkunsidrat it-trattat li jistabbilixxi l-Komunità Ewropea,

wara li kkunsidrat ir-Regolament tal-Kunsill (KEE) Nru 3730/87 tal-10 ta’ Diċembru 1987 li jistabbilixxi regoli ġenerali għar-rifornimenti tal-ikel minn stokkijiet tal-intervent lil organizzazzjonijiet indikati għad-distribuzzjoni lil persuni li huma l-iżjed fil-bżonn fil-Komunità (1), u b'mod partikolari l-Artikolu 6 tiegħu,

billi:

(1)

L-Artikolu 4 tar-Regolament tal-Kummissjoni (KEE) Nru 3149/92 (2) jiddetermina r-regoli dettaljati għas-sejħiet għall-offerti rigward l-organizzazzjoni tal-provvisti fl-Istati Membri li jipparteċipaw fil-miżura tal-Komunità għad-distribuzzjoni tal-ikel minn ħażniet ta' intervent għall-benefiċċju ta' persuni l-aktar fil-bżonn.

(2)

Il-prodotti li għandhom jiġu rtirati mill-ħażniet tal-intervent fil-kuntest tal-pjan annwali jistgħu jiġu pprovduti fl-istat li jkunu fih jew jiġu ttrasformati għall-manifattura ta' oġġetti tal-ikel, jew jistgħu jiġu rtirati bħala ħlas tar-riforniment jew il-manifattura ta' oġġetti tal-ikel użati fis-suq tal-Komunità. Għal dan it-tip ta' riforniment, għandhom jiġu ppreċiżati l-prodotti disponibbli fil-ħażniet tal-intervent li jistgħu jiġu rtirati bi ħlas għall-manifattura ta' prodotti taċ-ċereali u ta' prodotti tal-ħalib.

(3)

Biex iwieġbu aħjar għall-bżonnijiet ta' organizzazzjonijiet tal-karità u biex jespandu l-firxa ta' prodotti tal-ikel fornuti, ikun xieraq li jiġi speċifikat li l-prodotti minn ħażniet ta' intervent jistgħu jiġu inkorporati fi prodotti oħra għall-għanijiet tal-fabbrikazzjoni tal-ikel.

(4)

Skont l-Artikolu 47(1) tar-Regolament tal-Kunsill (KE) Nru 1254/1999 tas-17 ta' Mejju 1999 dwar l-organizzazzjoni tas-suq taċ-ċanga u l-vitella (3), l-intervent pubbliku fis-settur tal-laħam taċ-ċanga u tal-vitella bħala strument permanenti ta' appoġġ għas-suq ma' baqax jeżisti mill-1 ta' Lulju 2002. B'hekk huwa meħtieġ li r-Regolament (KEE) Nru 3149/92 jiġi adattat għal din is-sitwazzjoni ġdida.

(5)

Konsegwentement jeħtieġ li r-Regolament (KEE) Nru 3149/92 jiġi emendat.

(6)

Il-miżuri pprovduti f'dan ir-Regolament huma skont l-opinjoni tal-Kumitati ta' Ġestjoni kkonċernati,

ADOTTAT DAN IR-REGOLAMENT:

Artikolu 1

Ir-Regolament (KEE) Nru 3149/92 hu emendat kif ġej:

1)

L-Artikolu 4 hu emendat kif ġej:

a)

Fil-paragrafu 1, punt b), it-tielet supbaragrafu għandu jinbidel bit-test li ġej:

“Madankollu, f'każ li fil-ħażniet ta' intervent ma jkunx disponibbli r-ross, il-Kummissjoni tista' tawtorizza t-tneħħija ta' ċereali mill-ħażniet ta' intervent bi ħlas għar-riforniment ta' ross u prodotti derivati mir-ross mobilizzati fuq is-suq.”

b)

fil-paragrafu 2, punt a), il-paragrafu li ġej għandu jiżdied wara t-tielet paragrafu:

“Fil-każ imsemmi fit-tieni paragrafu, it-tielet inċiż, u meta l-provvista tkun tinvolvi r-ross jew il-prodotti tar-ross bi skambju għal ċereali meħuda mill-ħażniet tal-intervent, is-sejħa għall-offerti għandha tispeċifika li l-prodott li għandu jittieħed huwa ċereali li qed jinżamm minn aġenzija ta' intervent.”

c)

il-paragrafu 2a hu mibdul bit-test li ġej:

“2a   Il-prodotti mill-intervent jistgħu jiġu inkorporati jew miżjuda ma' prodotti oħra mobilizzati fis-suq għall-fabbrikazzjoni tal-ikel li jrid jiġi pprovdut għall-għanijiet ta' implimentazzjoni tal-pjan. F'dawn il-każijiet, prodotti minn ħażniet ta' intervent iridu jirrappreżentaw tal-anqas 40 % tal-piż nett tal-prodott tal-ikel li jrid jiġi provvdut.

Fil-każ imsemmi fl-ewwel paragrafu, is-sejħa għall-offerti għandha tindika espressament l-obbligu li l-prodotti minn ħażniet ta' intervent iridu jirrappreżentaw tal-anqas 40 % tal-piż nett tal-prodott tal-ikel li jrid jiġi provvdut.”

2)

Fl-Artikolu 5(1), it-tieni paragrafu għandu jitħassar.

3)

L-anness għandu jitħasser.

Artikolu 2

Dan ir-Regolament għandu jidħol fis-seħħ fl-1 ta' Ottubru 2005.

Dan ir-Regolament huwa mandatorju fl-elementi kollha tiegħu u japplika direttament fl-Istati Membri kollha.

Magħmul fi Brussell, 30 ta' Settembru 2005.

Għall-Kummissjoni

Mariann FISCHER BOEL

Membru tal-Kummissjoni

(1)  ĠU L 352, 15.12.1987, p. 1. Ir-Regolament kif emendat l-aħħar bir-Regolament (KE) Nru 2535/95 (ĠU L 260, 31.10.1995, p. 3).

(2)  ĠU L 313, 30.10.1992, p. 50. Ir-Regolament kif emendat l-aħħar bir-Regolament (KE) Nru 1903/2004 (ĠU L 328, 30.10.2004, p. 77).

(3)  ĠU L 160, 26.6.1999, p. 21. Ir-Regolament kif emendat l-aħħar bir-Regolament (KE) Nru 1782/2003 (ĠU L 270, 21.10.2003, p. 1).

Top