18.10.2006   

MT

Il-Ġurnal Uffiċjali ta’ l-Unjoni Ewropea

324

(1)

Bosta mluħa tal-jodju, li huma adittivi li jagħmlu parti mill-grupp ta’ l-elementi traċċa, ġew awtorizzati mid-Direttiva tal-Kunsill 70/524/KEE (2) kif ġie emendat mid-Direttiva tal-Kunsill 96/7/KE (3). Dawn l-adittivi ġew notifikati bħala prodotti eżistenti bbażati fuq l-Artikolu 10 tae-Regolament (KE) Nru 1831/2003 u huma soġġetti għall-varjazzjonijiet u għall-proċeduri fl-applikazzjoni ta’ dik id-dispożizzjoni.

(2)

Il-kontenut massimu ta’ l-element traċċa Jodju-I li huwa awtorizzat bħalissa fl-għalf għall-bhejjem huwa ta’ 4ppm għall-ekwini, 20 ppm għall-ħut u 10 ppm għal speċi jew kategoriji ta’ annimali oħrajn.

(3)

Ir-Regolament (KE) Nru 1831/2003 jipprovdi għall-possibbiltà ta’ modifika ta’ l-awtorizzazzjoni ta’ adittiv wara opinjoni ta’ l-Awtorità Ewropea dwar is-Sigurtà ta’ l-Ikel (“l-Awtorità”) dwar jekk l-awtorizzazzjoni għadhiex tilħaq il-kondizzjonijiet stipolati f’ dak ir-Regolament.

(4)

Il-Kummissjoni staqsiet lill-Awtorità biex tevalwa l-kondizzjonijiet fiżjoloġiċi għall-jodju għall-ispeċi ta’ l-annimali differenti li jissemmew fid-Direttiva 70/524/KEE u sabiex tagħti parir dwar l-effetti ta’ ħsara possibbli fuq is-saħħa tal-bniedem jew ta’ l-annimali jew fuq l-ambjent, meta wżat fil-livelli kurrenti awtorizzati. Minn din it-talba, l-Awtorità adottat fil-25 ta’ Jannar ta’ l-2005 opinjoni dwar l-użu tal-jodju fl-għalf għall-bhejjem.

(5)

L-opinjoni ta’ l-Awtorità tikkonkludi li l-mudell ta’ kalkoli għallta’ l-agħar xenarju bil-ħalib u l-bajd, bbażata fuq il-livell massimu kurrenti tal-jodju fl-għalf għall-bhejjem, juri li l-Ogħla Livell (UL) għall-adulti u għall-adolexxenti jista’ jinqabeż.

(6)

Għalhekk, il-kontenut massimu tal-Jodju-I fl-għalf għall-bhejjem f’ dwan iż-żewġ tipi ta’ produzzjoni, jiġifieri għall-baqar li jagħtu l-ħalib u għat-tiġieġ li jbidu, għandu jitbaxxa sabiex jitnaqqsu r-riskji ta’ effetti ta’ ħsara fuq is-saħħa tal-bniedem.

(7)

Huwa neċessarju li jkun hemm tnax-il xhar bħala perjodu tranżitorju sabiex jippermettu l-istokkijiet ezistenti ta' l-għalf għall-bhejjem skond il-kundizzjonijiet ta' qabel stabbiliti bi qbil mad-Direttiva 70/524/KE.

(8)

Il-miżuri previsti f’dan ir-Regolament huma skond l-opinjoni tal-Kumitat Permanenti fuq il-Katina Alimentari u s-Saħħa ta’ l-Annimali,