This document is an excerpt from the EUR-Lex website
Document 32005R1458
Commission Regulation (EC) No 1458/2005 of 8 September 2005 concerning the permanent and provisional authorisations of certain additives in feedingstuffs and the provisional authorisation of new uses of certain additives already authorised in feedingstuffs (Text with EEA relevance)
Regolament tal-Kummissjoni (KE) Nru 1458/2005 tat- 8 ta’ Settembru 2005 dwar l-awtorizzazzjonijiet permanenti u provviżorji ta' ċerti addittivi fl-għalf u l-awtorizzazzjoni provviżorja għal użi ġodda ta' ċerti addittivi li diġà huma awtorizzati għall-għalf Test b’rilevanza għaż-ŻEE.
Regolament tal-Kummissjoni (KE) Nru 1458/2005 tat- 8 ta’ Settembru 2005 dwar l-awtorizzazzjonijiet permanenti u provviżorji ta' ċerti addittivi fl-għalf u l-awtorizzazzjoni provviżorja għal użi ġodda ta' ċerti addittivi li diġà huma awtorizzati għall-għalf Test b’rilevanza għaż-ŻEE.
ĠU L 233, 9.9.2005, p. 3–7
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 287M, 18.10.2006, p. 319–323
(MT)
In force: This act has been changed. Current consolidated version: 19/07/2017
18.10.2006 |
MT |
Il-Ġurnal Uffiċjali ta’ l-Unjoni Ewropea |
319 |
REGOLAMENT TAL-KUMMISSJONI (KE) Nru 1458/2005
tat-8 ta’ Settembru 2005
dwar l-awtorizzazzjonijiet permanenti u provviżorji ta' ċerti addittivi fl-għalf u l-awtorizzazzjoni provviżorja għal użi ġodda ta' ċerti addittivi li diġà huma awtorizzati għall-għalf
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 70/524/KEE tat-23 ta' Novembru 1970 dwar l-addittivi fl-għalf (1), u partikolarment l-Artikoli 3, 9d (1)u 9e(1) tagħha,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar addittivi għall-użu fin-nutriment ta' l-annimali (2), u b'mod partikolari l-Artikolu 25 tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fin-nutriment ta' l-annimali. |
(2) |
L-Artikolu 25 tar-Regolament (KE) Nru 1831/2003 jistabbilixxi l-miżuri ta' tranżizzjoni għall-applikazzjonijiet għall-awtorizzazzjoni ta' addittivi ta' l-għalf imressqa skond id-Direttiva 70/524 qabel id-data ta' l-applikazzjoni tar-Regolament Nru 1831/2003. |
(3) |
L-applikazzjonijiet għall-awtorizzazzjoni ta' l-addittivi elenkati fl-Annessi għal dan ir-Regolament tressqu qabel id-data ta' l-applikazzjoni tar-Regolament (KE) Nru 1831/2003. |
(4) |
Kummenti tal-bidu dwar dawk l-applikazzjonijiet, kif previst fl-Artikolu 4(4) tad-Direttiva 70/524/KEE, tressqu lill-Kummissjoni qabel id-data ta' l-applikazzjoni tar-Regolament (KE) Nru 1831/2003. Applikazzjonijiet bħal dawn għalhekk ser jibqgħu jitqiesu skond l-Artikolu 4 tad-Direttiva 70/524/KEE. |
(5) |
L-użu tal-preparazzjoni ta' enżimi ta' endo-1,3(4)-beta-glucanase prodotta mill-Aspergillus niger (MUCL 39199) kien awtorizzat provviżorjament, għall-ewwel darba, għat-tiġieġ għat-tismin, mir-Regolament tal-Kummissjoni (KE) Nru 1436/98 (3). Data ġdida ġiet imressqa b'appoġġ għall-applikazzjoni għall-awtorizzazzjoni mingħajr limitu ta' żmien ta' dik il-preparazzjoni ta' enżimi. L-evalwazzjoni turi li l-kundizzjonijiet stipulati fl-Artikolu 3a tad-Direttiva 70/524/KEE għal awtorizzazzjoni bħal din huma sodisfatti. Għalhekk, l-użu ta' dik il-preparazzjoni ta' enżimi, kif speċifikat fl-Anness I, għandu jkun awtorizzat mingħajr limitu ta' żmien. |
(6) |
L-użu tal-preparazzjoni ta' enżimi ta' endo-1,3(4)-beta-glucanase prodotta mill-Aspergillus aculeatus (CBS 589.94), endo-1,4-beta-glucanase prodotta mit-Trichoderma longibrachiatum (CBS 592.94), alpha-amylase prodotta mill-Bacillus amyloliquefaciens (DSM 9553), u endo-1,4-beta-xylanase prodotta mit-Trichoderma viride (NIBH FERM BP 4842) hu awtorizzat provviżorjament, għat-tiġieġ għat-tismin, mingħajr limitu ta' żmien, mir-Regolament tal-Kummissjoni (KE) Nru 358/2005 (4), u provviżorjament għad-dundjani għat-tismin mir-Regolament tal-Kummissjoni (KE) Nru 2013/2001 (5). Data ġdida ġiet imressqa b'appoġġ għal applikazzjoni sabiex l-awtorizzazzjoni ta' l-użu ta' din il-preparazzjoni ta' enżimi tiġi estiża għat-tiġieġ li jbidu. L-Awtoritá Ewropea għas-Sikurezza ta’ l-Ikel (EFSA) tat opinjoni dwar l-użu ta’ din il-preparazzjoni li tikkonkludi li din mhijiex ta’ riskju għal din il-kategorija addizzjonali ta’ l-annimali. L-evalwazzjoni turi li l-kundizzjonijiet stabbiliti fl-Artikolu 9e(1) tad-Direttiva 70/524/KEE għal awtorizzazzjoni ta' dik il-preparazzjoni għal dak l-użu huma sodisfatti. Għalhekk, l-użu ta' dik il-preparazzjoni ta' enżimi, kif speċifikat fl-Anness II, għandu jkun awtorizzat provviżorjament għal erba' snin. |
(7) |
L-użu tal-preparazzjoni ta’ enżimi ta’ endo-1,4-beta-xylanase prodotta mit-Trichoderma longibrachiatum (ATCC 2105), endo-1,3(4)-beta-glucanase prodotta mit- Trichoderma longibrachiatum (ATCC 2106) huwa awtorizzat għat-tiġieġ għat-tismin mingħajr limitu ta’ żmien mir-Regolament tal-Kummissjoni (KE) Nru 833/2005 (6). Data ġdida ġiet imressqa b'appoġġ għal applikazzjoni sabiex l-awtorizzazzjoni ta' l-użu ta' din il-preparazzjoni ta' enżimi tiġi estiża għat-tiġieġ li jbidu. L-EFSA tat opinjoni dwar l-użu ta’ din il-preparazzjoni li tikkonkludi li din mhijiex ta’ riskju għal din il-kategorija addizzjonali ta’ l-annimali. L-evalwazzjoni turi li l-kundizzjonijiet stabbiliti fl-Artikolu 9e(1) tad-Direttiva 70/524/KEE għall-awtorizzazzjoni ta' dik il-preparazzjoni għal dak l-użu huma sodisfatti. Għalhekk, l-użu ta' dik il-preparazzjoni ta' enżimi, kif speċifikat fl-Anness II, għandu jkun awtorizzat provviżorjament għal erba' snin. |
(8) |
Tressqet dejta b’appoġġ għall-applikazzjoni għall-awtorizzazzjoni għall-użu tal-preparazzjoni ta’ enżimi ta’ endo-1,4-beta-xylanase, prodott Aspergillus niger (CBS 109.713) għat-tiġieġ għat-tismin. L-EFSA tat opinjoni dwar l-użu ta’ din il-preparazzjoni li tikkonkludi li din mhijiex ta’ riskju għall-kunsumatur, l-utent, il-kategorija ta’ l-annimali jew l-ambjent. L-evalwazzjoni turi li l-kundizzjonijiet stabbiliti fl-Artikolu 9e(1) tad-Direttiva 70/524/KEE għall-awtorizzazzjoni ta' dik il-preparazzjoni għal dak l-użu huma sodisfatti. Għalhekk, l-użu ta' dik il-preparazzjoni ta' enżimi, kif speċifikat fl-Anness II, għandu jkun awtorizzat provviżorjament għal erba' snin. |
(9) |
L-evalwazzjoni ta' dawk l-applikazzjonijiet turi li ċerti proċeduri għandhom ikunu meħtieġa sabiex il-ħaddiema jkunu protetti mill-esponiment għall-addittivi elenkati fl-Annessi. Protezzjoni bħal din għandha tkun assigurata permezz ta' l-applikazzjoni tad-Direttiva tal-Kunsill 89/391/KEE tat-12 ta' Ġunju 1989 dwar l-introduzzjoni ta' miżuri għall-inkoraġġiment tat-titjib tas-sikurezza u s-saħħa tal-ħaddiema fuq il-post tax-xogħol (7). |
(10) |
Il-miżuri previsti f'dan ir-Regolament huma fi qbil ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
Il-preparazzjoni li tagħmel parti mill-grupp “Enżimi”, kif elenkati fl-Anness I, huma awtorizzati għall-użu mingħajr limitu ta' żmien bħala addittiv fin-nutriment ta' l-annimali skond il-kundizzjonijiet stipulati f' dak l-Anness I
Artikolu 2
Il-preparazzjonijiet li huma parti mill-grupp “Enżimi”, kif speċifikat fl-Anness I, huma awtorizzati għall-użu għal erba' snin bħala addittiv fin-nutriment ta' l-annimali taħt il-kundizzjonijiet stipulati f'dak l-Anness.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar it-8 ta’ Settembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 270, 14.12.1970, p. 1. Id-Direttiva kif emendata l-aħħar mir-Regolament tal-Kummissjoni (KE) Nru 1800/2004 (ĠU L 317, 16.10.2004, p. 37).
(2) ĠU L 268, 18.10.2003, p. 29. Ir-Regolament kif emendat mir-Regolament (KE) Nru 378/2005 (ĠU L 59, 5.9.2005, p. 8).
(3) ĠU L 191, 7.7.1998, p. 15.
(5) ĠU L 272, 13.10.2001, p. 24.
(7) ĠU L 183, 29.6.1989, p. 1. Id-Direttiva kif emendata mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
ANNESS I
Nru KE |
Addittiv |
Formula kimika, deskrizzjoni |
Speċi jew kategorija ta' annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem tal-perjodu ta' awtorizzazzjoni |
||||||||||||
Unitajiet ta' attività/kg ta' għalf sħiħ |
||||||||||||||||||||
Enżimi |
||||||||||||||||||||
E 1634 |
Endo-1,3(4)-beta-glucanase EC 3.2.1.6 |
Preparazzjoni ta’ endo-1,3(4)-beta-glucanase prodotta minn Aspergillus niger (MUCL 39199) li fiha attività minima ta':
|
Tiġieġ għat-tismin |
— |
25 AGL |
— |
|
Mingħajr limitu ta' żmien |
(1) 1 AGL huwa l-ammont ta' enżimi li jillibera 5.55 mikromole ta' reducing sugars (ekwivalent ta' maltożju) minn beta-glucan tax-xgħir fil-minuta f' pH ta' 4.6 u 30 °C.
ANNESS II
Nru (jew Nru KE) |
Addittiv |
Formula kimika, deskrizzjoni |
Speċi jew kategorija ta' annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem tal-perjodu ta' awtorizzazzjoni |
||||||||||||||||||||||
Unitajiet ta' attività/kg ta' għalf sħiħ |
||||||||||||||||||||||||||||||
Enżimi |
||||||||||||||||||||||||||||||
54 |
Endo-1,3(4)-beta-glucanase EC 3.2.1.6 Endo-1,4-beta-glucanase EC 3.2.1.4 Alpha-amylase EC 3.2.1.1 Endo-1,4-beta-xylanase EC 3.2.1.8 |
Il-preparazzjoni ta' endo-1,3(4)-beta-glucanase prodotta mill-Aspergillus aculeatus (CBS 589.94), endo-1,4-beta-glucanase prodotta mit-Trichoderma longibrachiatum (CBS 592.94), alpha-amylase prodotta mill-Bacillus amyloliquefaciens (DSM 9553), u endo-1,4-beta-xylanase prodotta mit-Trichoderma viride (NIBH FERM BP 4842) li għandha attività minima ta':
|
Tiġieġ li jbidu |
— |
Endo-1,3(4)-beta-glucanase: 500 U |
— |
|
Data [din għandha timtela mis-servizz li jippubblika l-att fil-ĠU: 4 snin mid-dħul fis-seħħ ta' dan ir-regolament] |
||||||||||||||||||||||
endo-1,4-beta-glucanase: 6 000 U |
— |
|||||||||||||||||||||||||||||
alpha-amylase: 20 U |
— |
|||||||||||||||||||||||||||||
endo-1,4-beta-xylanase: 10 500 U |
— |
|||||||||||||||||||||||||||||
60 |
Endo-1,4-beta-xylanase EC 3.2.1.8 Endo-1,3(4)-beta-glucanase EC 3.2.1.6 |
Preparazzjoni ta' li għandha attività minima ta': Fil-forma likwida:
|
Dundjani għat-tismin |
— |
Endo-1,4-beta-xylanase1 250 U |
— |
|
Data [din għandha timtela mis-servizz li jippubblika l-att fil-ĠU: 4 snin mid-dħul fis-seħħ ta' dan ir-regolament] |
||||||||||||||||||||||
endo-1,3(4)-beta-glucanase: 12 U |
— |
|||||||||||||||||||||||||||||
62 |
Endo-1,4-beta-xylanase EC 3.2.1.8 |
Preparazzjoni ta' endo-1,4-beta-xylanase prodotta mill li għandha attività minima ta':
|
Tiġieġ għat-tismin |
— |
200 TXU |
— |
|
Data [din għandha timtela mis-servizz li jippubblika l-att fil-ĠU: 4 snin mid-dħul fis-seħħ ta' dan ir-regolament] |
(1) 1 U huwa l-ammont ta' enżimi li jillibera 0.0056 mikromole ta' reducing sugars (ekwivalent ta' glukożju) minn beta-glucan tax-xgħir fil-minuta f' pH ta' 7.5 u 30 °C.
(2) 1 U huwa l-ammont ta' enżimi li jillibera 0.0056 mikromole ta' reducing sugars (ekwivalent ta' glukożju) minn carboxymethylcellulose fil-minuta f' pH ta' 4.8 u 50 °C.
(3) 1 U huwa l-ammont ta' enżimi li jillibera 1 mikromole ta' glucosidic linkages minn polimeri tal-lamtu “cross-linked” li ma jinħallux fl-ilma fil-minuta f' pH ta' 7.5 u 37 °C.
(4) 1 U huwa l-ammont ta' enżimi li jillibera 0.0067 mikromole ta' reducing sugars (ekwivalent ta' ksilożju) minn xylan ta' l-injam tal-betula fil-minuta f' pH ta' 5.3 u 50 °C.
(5) 1 U huwa l-ammont ta' enżimi li jillibera 1 mikromole ta' reducing sugars (ekwivalent ta' ksilożju) minn xylan ta' l-oat spelt fil-minuta f' pH ta' 5.3 u 50 °C.
(6) 1 U is the amount of enzyme which liberates 1 micromole of reducing sugars (glucose equivalents) from barley beta-glucan per minute at pH 5,0 and 30 °C.
(7) 1 TXU huwa l-ammont ta' enżimi li jillibera 5 mikromole ta' reducing sugars (ekwivalent ta' ksilożju) mill-arabinoksilan tal-qamħ fil-minuta f' pH ta' 3.5 u 55 °C.