32005R1158

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Regolament - 1158/2005 - EN - EUR-Lex

Document 32005R1158

Help

Ir-Regolament (KE) Nru 1158/2005 tal-Parlament Ewropew u tal-Kunsill tas-6 ta' Lulju 2005 li jemenda r-Regolament tal-Kunsill (KE) Nru 1165/98 li jikkonċerna l-istatistika għal żmien qasir

ĠU L 191, 22.7.2005, p. 1–15 (ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV)

(BG, RO, HR)
⏵Dan id-dokument ġie ppubblikat f’edizzjoni(jiet) speċjali (BG, RO, HR)
Edizzjoni Speċjali bil-Bulgaru: Kapitolu 13 Volum 049 P. 87 - 101
Edizzjoni Speċjali bir-Rumen: Kapitolu 13 Volum 049 P. 87 - 101
Edizzjoni speċjali bil-Kroat: Kapitolu 13 Volum 051 P. 101 - 115

Legal status of the document No longer in force, Date of end of validity: 31/12/2023; Impliċitament imħassar minn 32019R2152

ELI: http://data.europa.eu/eli/reg/2005/1158/oj

HTML

PDF

Official Journal

22.7.2005

Il-Ġurnal Uffiċjali ta’ l-Unjoni Ewropea

IR-REGOLAMENT (KE) Nru 1158/2005 TAL-PARLAMENT EWROPEW U TAL-KUNSILL

tas-6 ta' Lulju 2005

li jemenda r-Regolament tal-Kunsill (KE) Nru 1165/98 li jikkonċerna l-istatistika għal żmien qasir

IL-PARLAMENT EWROPEW U L-KUNSILL TA' L-UNJONI EWROPEA,

Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 285(1) tiegħu,

Wara li kkunsidraw il-proposta mill-Kummissjoni,

Wara li kkunsidraw l-opinjoni tal-Bank Ċentrali Ewropew (1),

Waqt li jaġixxu skond il-proċedura stabbilita fl-Artikolu 251 tat-Trattat (2),

Billi:

(1)	Ir-Regolament (KE) Nru 1165/98 (3) stabbilixxa qafas bażiku komuni għall-ġbir, il-kumpilazzjoni, it-trasmissjoni u l-valutazzjoni ta' statistika Komunitarja dwar in-negozju għall-finijiet ta' l-analiżi taċ-ċiklu ekonomiku.

(2)

L-implimentazzjoni tar-Regolament (KE) Nru 1165/98 imwettqa permezz tar-Regolamenti tal-Kummissjoni (KE) Nru 586/2001 (4), (KE) Nru 588/2001 (5), u (KE) Nru 606/2001 (6), rispettivament dwar id-definizzjoni ta' Gruppi Industrijali Ewlenija, id-definizzjoni ta' varjabbli u l-għoti ta' derogi lill-Istati Membri, ħolqot korp ta' esperjenza prattika li tippermetti li miżuri għal titjib ulterjuri fl-istatistika għal żmien qasir jiġu identifikati.

(3)	Fil-Pjan ta' Azzjoni tiegħu dwar ir-Rekwiżiti ta' Statistika ta' l-EMU u f'rapporti sussegwenti dwar progress dwar l-implimentazzjoni ta' dak il-Pjan, il-Kunsill ta' l-Ecofin identifika aspetti fundamentali oħra għat-titjib ta' l-istatistika koperta mir-Regolament (KE) Nru 1165/98.

(4)

Għall-politika monetarja tiegħu, il-Bank Ċentrali Ewropew (BĊE) jeħtieġ li l-istatistika għal żmien qasir tiġi żviluppata iżjed kif inhu ddikjarat fid-dokument tiegħu Rekwiżiti ta' Statistika tal-BĊE fil-qasam ta' l-Istatistika Ekonomika Ġenerali, u b'mod partikolari, jeħtieġ aggregati f'waqthom, affidabbli u ta' sinifikat għaż-żona ta' l-euro.

(5)	Il-Kumitat tal-Programm Statistiku, stabbilit bid-Deċiżjoni tal-Kunsill 89/382/KEE EURATOM (7), identifika Indikaturi Ekonomiċi Ewropej Prinċipali (PEEI) li jmorru lil hinn mill-kamp ta' applikazzjoni tar-Regolament (KE) Nru 1165/98.

(6)	Huwa għalhekk meħtieġ li jiġi emendat ir-Regolament (KE) Nru 1165/98 f'oqsma ta' importanza partikolari għall-politika monetarja u għall-istudju taċ-ċiklu tan-negozju.

(7)	Il-miżuri previsti f'dan ir-Regolament huma konformi ma' l-opinjoni tal-Kumitat tal-Programm Statistiku.

(8)	L-implimentazzjoni ta' l-istrateġija ta' Lisbona għat-tkabbir u l-impieg tinkludi t-tnaqqis ta' piżijiet mhux meħtieġa fuq in-negozji u d-disseminazzjoni ta' teknoloġiji ġodda,

ADOTTAW DAN IR-REGOLAMENT:

L-Artikolu 1

Ir-Regolament (KE) Nru 1165/98 huwa b'dan emendat kif ġej:

(1)

L-Artikolu 4(2) għandu jinbidel kif ġej:

(a)

Il-punt li ġej għandu jiżdied mas-subparagrafu waħdieni:

“d)

parteċipazzjoni fi skemi Ewropej ta' ġbir ta' kampjuni kkordinati mill-Eurostat sabiex jiġu prodotti estimi Ewropej.

Id-dettalji ta' l-iskemi msemmija fl-ewwel subparagrafu għandhom ikunu kif speċifikat fl-Annessi. L-approvazzjoni u l-implimentazzjoni tagħhom għandhom ikunu rregolati mill-proċedura stipulata fl-Artikolu 18.

Skemi Ewropej ta' ġbir ta' kampjuni għandhom jiġu stabbiliti meta skemi nazzjonali ta' ġbir ta' kampjuni ma jilħqux ir-rekwiżiti Ewropej. Barra min hekk, l-Istati Membri jistgħu jagħżlu li jieħdu sehem fi skemi Ewropej ta' ġbir ta' kampjuni meta dawn l-iskemi joħolqu possibbiltajiet għal tnaqqis sostanzjali fl-ispejjeż tas-sistema statistika jew tal-piż li jrid iġorr in-negozju biex jilħaq ir-rekwiżiti Ewropej. Il-parteċipazzjoni fi skema Ewropea ta' ġbir ta' kampjuni għandha tissodisfa l-kondizzjonijiet ta' Stat Membru għall-forniment tal-varjabbli kkonċernat skond l-għan ta' skema bħal din. Skemi Ewropej ta' kampjuni jistgħu jindirizzaw il-kondizzjonijiet, il-livell ta' dettall u l-iskadenzi għat-trasmissjoni ta' data.”

(b)

Is-subparagrafu li ġej għandu jiżdied:

“Stħarriġiet obligatorji għandhom ikunu wżati biex tinkiseb informazzjoni li mhix diġà disponibbli (fit-termini ta' żmien meħtieġa) f'għejun oħra, bħal reġistri. L-istħarriġiet għandhom jitwettqu bl-użu ta' kwestjonarji elettroniċi u kwestjonarji li jkunu fuq il-web fejn dan ikun applikabbli.”;

(2)

L-Artikolu 10 għandu jinbidel b'dan li ġej:

(a)

il-paragrafu 3 għandu jinbidel b'dan li ġej:

“3.	Il-kwalità tal-varjabbli għandha tiġi eżaminata regolarment billi jitqabblu ma' informazzjoni statistika oħra, u tali tqabbil għandu jsir minn kull Stat Membru u l-Kummissjoni (Eurostat). Barra minn hekk għandhom jiġu verifikati għal konsistenza interna.”

(b)

il-paragrafu 4 għandu jinbidel b'dan li ġej:

“4.

Il-valutazzjoni tal-kwalità għandha titwettaq billi jitqabblu l-benefiċċji tad-disponibbiltà tad-data ma' l-ispejjeż tal-ġbir u l-piż fuq in-negozji, speċjalment fuq l-intrapriżi żgħar. Għall-finijiet ta' din il-valutazzjoni, l-Istati Membri għandhom jittrasmettu lill-Kummissjoni, fuq talba tagħha, l-informazzjoni neċessarja skond metodoloġija komuni Ewropea żviluppata mill-Kummissjoni f'koperazzjoni mill-qrib ma' l-Istati Membri.”;

L-Artikolu 12(1) għandu jinbidel b'dan li ġej:

“1.	Il-Kummissjoni, wara konsultazzjoni mal-Kumitat tal-Programm Statistiku, għandha tippubblika sa 11 ta' Frar 2006 manwal metodoloġiku ta' parir li jispjega r-regoli stipulati fl-Annessi u li jkun fih ukoll gwida dwar l-istatistika għal żmien qasir.”;

L-Artikolu 14(2) għandu jinbidel b'dan li ġej:

“2.

Il-Kummisjoni għandha, sa 11 ta' Awissu 2008 u kull tliet snin wara, tippreżenta rapport lill-Parlament Ewropew u lill-Kunsill dwar l-istatistika kkumpilata skond dan ir-Regolament u b'mod partikolari dwar ir-rilevanza u l-kwalità tagħha u r-reviżjoni ta' indikaturi. Ir-rapport għandu jindirizza speċifikament ukoll l-ispiża tas-sistema statistika u l-piż fuq in-negozju minħabba dan ir-Regolament b'relazzjoni mal-benefiċċji tiegħu. Għandha tirrapporta dwar l-aħjar prattiċi biex jitnaqqas il-piż fuq in-negozju u għandha tindika modi biex jitnaqqsu l-piż u l-ispejjeż.”;

Il-punt li ġej għandu jiżdied ma' l-Artikolu 17:

“(j)	l-istabbiliment ta' skemi Ewropej ta' ġbir ta' kampjuni (L-Artikolu 4).”;

6)	L-Annessi A sa D għandhom ikunu emendati kif jidher fl-Anness.

L-Artikolu 2

Dan ir-Regolament għandu jidħol fis-seħħ fl-għoxrin jum wara dak li fih ikun ġie ppubblikat fil-Ġurnal Uffiċjali ta' l-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Strasburgu, nhar is-6 ta' Lulju 2005.

Għall-Parlament Ewropew

Il-President

J. BORRELL FONTELLES

Għall-Kunsill

Il-President

J. STRAW

(1) ĠU C 158, tal-15.6.2004, p. 3.

(2) Opinjoni tal-Parlament Ewropew tat-22 ta' Frar 2005 (għadha mhix ippubblikata fil-Ġurnal Uffiċjali). Deċiżjoni tal-Kunsill tas-6 ta' Ġunju 2005.

(3) ĠU L 162, tal-5.6.1998, p. 1. Regolament kif emendat bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, tal-31.10.2003, p. 1).

(4) ĠU L 86, tas-27.3.2001, p. 11.

(5) ĠU L 86, tas-27.3.2001, p. 18.

(6) ĠU L 92, tat-2.4.2001, p. 1.

(7) ĠU L 181, tat-28.6.1989, p. 47.

L-ANNESS

PARTI (A)

L-Anness a għar-regolament (KE) nru 1165/98 huwa b'dan emendat kif ġej:

Kamp ta' applikazzjoni

It-test taħt l-intestatura (a) (“Kamp ta' applikazzjoni”) jinbidel b'li ġej:

“Dan l-Anness japplika għall-attivitajiet kollha elenkati fis-Sezzjonijiet Ċ sa E tan-NACE, jew skond kif ikun il-każ, għall-prodotti kollha elenkati fis-Sezzjonijiet Ċ sa E tas-CPA.”

Lista ta' varjabbli

It-test taħt l-intestatura (ċ) (“Lista ta' varjabbli”) jinbidel b'li ġej:

Il-varjabbli li ġej hu miżjud mal-paragrafu 1:

“Varjabbli	Isem
340	Prezzijiet ta' importazzjoni”

Il-paragrafu (2) jinbidel b'li ġej:

“2.

L-informazzjoni dwar prezzijiet ta' produzzjoni għal swieq mhux domestiċi (Nru 312) u għal prezzijiet ta' importazzjoni (Nru 340) tista' tiġi kkumpilata bl-użu ta' valuri unitarji għal prodotti li joriġinaw minn kummerċ esteru jew għejun oħra sakemm ma jkun hemm l-ebda deterjorazzjoni sinifikattiva fil-kwalità meta kkumparat ma' informazzjoni speċifika dwar prezzijiet. Il-Kummissjoni għandha tiddetermina, skond il-proċedura stipulata fl-Artikolu 18, il-kondizzjonijiet biex tiġi żgurata l-kwalità neċessarja tad-data.”

Il-paragrafu (9) jinbidel b'li ġej:

“9.

L-informazzjoni dwar il-prezzijiet ta' produzzjoni u l-prezzijiet ta' importazzjoni (Nri 310, 311, 312 u 340) mhix meħtieġa għall-gruppi li ġejjin tan-NACE u tas-CPA: 12.0, 22.1, 23.3, 29.6, 35.1, 35.3, 37.1, 37.2. Il-lista tal-gruppi tista' tiġi riveduta sa 11 ta' Awissu 2008 skond il-proċedura stipulata fl-Artikolu 18.”

Il-paragrafu 10 li ġej hu miżjud:

“10.	Il-varjabbli dwar il-prezzijiet ta' importazzjoni (Nru 340) hu kkalkulat abbażi ta' prodotti CPA. L-unitajiet ta' attività ekonomika ta' importazzjoni jistgħu jiġu klassifikati barra mill-attivitajiet tas-Sezzjonijiet Ċ sa E tan-NACE.”

Forma

It-test taħt l-intestatura (d) (“Forma”) jinbidel b'li ġej:

“1.	Il-varjabbli kollha għandhom jiġu trasmessi f'forma mhux aġġustata, jekk disponibbli.

Barra minn hekk, il-varjabbli ta' produzzjoni (Nru 110) u l-varjabbli tas-sigħat maħduma (Nru 220) għandhom jiġu trasmessi f'forma aġġustata ta' ġranet ta' xogħol. Kull fejn varjabbli oħra juru effetti ta' ġranet ta' xogħol, l-Istati Membri jistgħu wkoll jittrasmettu dawk il-varjabbli f'forma aġġustata ta' ġranet ta' xogħol. Il-lista ta' varjabbli li għandha tiġi trasmessa f'forma aġġustata ta' ġranet ta' xogħol tista' tiġi emendata skond il-proċedura stipulata fl-Artikolu 18.

Barra minn hekk, l-Istati Membri jistgħu jittrasmettu l-varjabbli b'aġġustamenti staġunali u jistgħu wkoll jittrasmettu l-varjabbli fil-forma ta' ċikli ta' tendenzi. Huwa biss jekk id-data mhijiex trasmessa f'dawn il-forom, li l-Kummissjoni (Eurostat) tista' tipproduċi u tippubblika sensieli b'aġġustamenti staġunali u ċikli ta' tendenzi għal dawn il-varjabbli.

4.	Il-Varjabbli Nri 110, 310, 311, 312 u 340 għandhom jiġu trasmessi bħala indiċi. Il-varjabbli l-oħra kollha għandhom jiġu trasmessi bħala indiċi jew bħala ċifri assoluti.”.

Perijodu ta' referenza

Il-varjabbli li ġej hu miżjud taħt l-intestatura (e) (“Perijodu ta' referenza”):

“Varjabbli	Perijodu ta' referenza
340	xahar”

Livell ta' dettall

It-test taħt l-intestatura (f) (“Livell ta' dettall”), jinbidel kif ġej:

Il-paragrafi 1 u 2 jinbidlu b'li ġej:

“1.

Il-varjabbli kollha, ħlief il-varjabbli tal-prezz ta' importazzjoni (Nru 340), għandhom jiġu trasmessi fil-livell ta' Sezzjoni (ittra waħda), Sotto-sezzjoni (żewġ ittri) u Diviżjoni (żewġ ċifri) tan-NACE. Il-varjabbli 340 għandu jiġi rrapportat fil-livell ta' Sezzjoni (ittra waħda), Sotto-sezzjoni (żewġ ittri) u Diviżjoni (żewġ ċifri) tas-CPA.

Barra minn hekk, għas-Sezzjoni D tan-NACE, l-indiċi tal-produzzjoni (Nru 110) u l-indiċi tal-prezzijiet ta' produzzjoni (Nri 310, 311, 312) għandhom jiġu trasmessi fil-livelli ta' 3 ċifri u 4 ċifri tan-NACE. L-indiċijiet trasmessi għall-produzzjoni u għall-prezzijiet ta' produzzjoni fil-livelli ta' 3 ċifri u 4 ċifri għandhom jirrappreżentaw mill-inqas 90 % tal-valur miżjud totali għal kull Stat Membru tas-Sezzjoni D tan-NACE f'sena bażi partikolari. Il-varjabbli m'għandhomx għalfejn jiġu trasmessi f'dawn il-livelli dettaljati minn dawk l-Istati Membri li l-valur miżjud totali tagħhom tas-Sezzjoni D tan-NACE f'sena ta' bażi partikolari jirrappreżenta inqas minn 4 % tat-total tal-Komunità Ewropea.”;

Il-paragrafu 4 jinbidel b' li ġej:

“4.

Barra minn hekk, il-varjabbli kollha ħlief il-varjabbli tal-valur tal-bejgħ u l-ordnijiet ġodda (Nri 120, 121, 122, 130, 131, 132) għandhom jiġu trasmessi għat-total ta' l-industrija definita bħala s-Sezzjonijiet Ċ sa E tan-NACE u għall-gruppi industrijali ewlenin (MIGs) kif definiti fir-Regolament tal-Kummissjoni (KE) Nru 586/2001 (*).

(*) ĠU L 86, tas-27.3.2001, p. 11.”;"

Il-paragrafi li ġejjin huma miżjuda:

“5.	Il-varjabbli tal-valur tal-bejgħ (Nri 120, 121, 122) għandhom jiġu trasmessi għat-total ta' l-industrija definita bħala s-Sezzjonijiet Ċ sa D tan-NACE u għall-gruppi industrijali ewlenin bl-eċċezzjoni tal-MIGs definiti għal attivitajiet relatati ma' l-enerġija.

Il-varjabbli ta' l-ordnijiet ġodda (Nri 130, 131, 132) għandhom jiġu trasmessi għat-total tal-manifattura, is-Sezzjoni D tan-NACE u għal sett ridott ta' MIGs ewlenin li jkopri l-lista tad-Diviżjonijiet tan-NACE definiti fil-paragrafu 8 taħt l-intestatura (ċ) (‘Lista ta' varjabbli’) ta' dan l-Anness.

Il-varjabbli tal-prezz ta' importazzjoni (Nru 340) għandu jiġi trasmess għat-total tal-prodotti industrijali, is-Sezzjonijiet Ċ sa E tas-CPA u għall-MIGs definiti skond ir-Regolament (KE) Nru 586/2001 minn gruppi ta' prodotti tas-CPA. Dan il-varjabbli m'għandux għalfejn jiġi trasmess minn dawk l-Istati Membri li ma adottawx l-euro bħala l-munita tagħhom.

8.	Għall-varjabbli tal-prezz ta' importazzjoni (Nru 340), il-Kummissjoni tista' tiddetermina skond il-proċedura stipulata fl-Artikolu 18, it-termini għall-applikazzjoni ta' skema Ewropea ta' kampjuni kif definita fil-punt (d) ta' l-ewwel subparagrafu ta' l-Artikolu 4(2).

Il-varjabbli dwar is-swieq mhux domestiċi (Nri 122, 132 u 312) għandhom jiġu trasmessi skond id-distinzjoni bejn iż-żona ta' l-euro u ż-żona mhux ta' l-euro. Id-distinzjoni għandha tiġi applikata għat-total ta' l-industrija definita bħala s-Sezzjonijiet Ċ sa E tan-NACE, il-MIGs, il-livell ta' Sezzjoni (ittra waħda), Sotto-sezzjoni (żewġ ittri) u Diviżjoni (żewġ ċifri) tan-NACE. L-informazzjoni dwar in-NACE mhix meħtieġa għall-varjabbli 122. Barra minn hekk, il-varjabbli tal-prezz ta' importazzjoni (Nru 340) għandu jiġi trasmess skond id-distinzjoni bejn iż-żona ta' l-euro u ż-żona mhux ta' l-euro. Id-distinzjoni għandha tiġi applikata għat-total ta' l-industrija definita bħala s-Sezzjonijiet Ċ sa E tas-CPA, il-MIGs, il-livell ta' Sezzjoni (ittra waħda), Sotto-sezzjoni (żewġ ittri) u Diviżjoni (żewġ ċifri) tas-CPA. Għad-distinzjoni bejn iż-żona ta' l-euro u ż-żona mhux ta' l-euro, il-Kummissjoni tista' tiddetermina skond il-proċedura stipulata fl-Artikolu 18, it-termini għall-applikazzjoni ta' skema Ewropea ta' ġbir ta' kampjuni kif definiti fil-punt (d) ta' l-ewwel subparagrafu ta' l-Artikolu 4(2). L-iskema Ewropea ta' kampjuni tista' tillimita l-kamp ta' applikazzjoni tal-varjabbli tal-prezz ta' importazzjoni għall-importazzjoni ta' prodotti minn pajjiżi li mhumiex fiż-żona ta' l-euro. Id-distinzjoni bejn iż-żona ta' l-euro u ż-żona mhux ta' l-euro għall-varjabbli 122, 132, 312 u 340 m'għandhiex għalfejn tiġi trasmessa minn dawk l-Istati Membri li ma adottawx l-euro bħala l-munita tagħhom.

10.

Dawk l-Istati Membri li l-valur miżjud tagħhom fis-Sezzjonijiet Ċ, D u E tan-NACE f'sena bażi partikolari jirrappreżenta inqas minn 1 % tat-total tal-Komunità Ewropea jridu jittrasmettu biss data għat-total ta' l-industrija, il-MIGs, u l-livell ta' Sezzjoni tan-NACE, jew il-livell ta' Sezzjoni tas-CPA.”.

Termini perentorji għat-trasmissjoni ta' data

It-test taħt l-intestatura (g) (“Skadenzi għat-trasmissjoni ta' data”) hu emendat b'li ġej:

(1)

Fil-paragrafu 1, xi varjabbli huma emendati, jew miżjuda, kif ġej:

“Varjabbli	Skadenzi
110	xahar u 10 ijiem kalendarji
(…)	(…)
210	xahrejn
(…)	(…)
340	xahar u 15-il jum kalendarju ;”

Il-Paragrafu 2 jinbidel b' li ġej:

“2.

L-iskadenzi jistgħu jkunu sa 15-il jum kalendarju itwal għal data dwar il-livelli tal-Grupp u l-Klassi tan-NACE jew il-livelli tal-Grupp u l-Klassi tas-CPA.

Għal dawk l-Istati Membri li l-valur miżjud tagħhom fis-Sezzjonijiet Ċ, D u E tan-NACE f'sena bażi partikolari jirrappreżenta inqas minn 3 % tat-total tal-Komunità Ewropea, l-iskadenza tista' tkun sa 15-il jum kalendarju itwal għal data dwar it-total ta' l-industrija, il-MIGs, il-livell tas-Sezzjoni u d-Diviżjoni tan-NACE, jew il-livell tas-Sezzjoni u d-Diviżjoni tas-CPA.”.

Studji pilota

Taħt l-intestatura (h) (“Studji Pilota”), il-punti 2 u 3 huma mħassra.

L-ewwel perijodu ta' referenza

Taħt l-intestatura (i) (“L-ewwel perijodu ta' referenza”), il-paragrafi li ġejjin huma miżjuda:

“L-ewwel perijodu ta' referenza għat-trasmissjoni tad-distinzjoni tal-varjabbli dwar is-swieq mhux domestiċi bejn iż-żona euro u ż-żona mhux ta' l-euro m'għandux ikun iżjed tard minn Jannar 2005.

L-ewwel perijodu ta' referenza għall-varjabbli 340 m'għandux ikun iżjed tard minn Jannar 2006 bil-kondizzjoni li tkun applikata sena bażi mhux iżjed tard mill-2005.”.

Perijodu ta' transizzjoni

Taħt l-intestatura (j) (“Perijodu ta' transizzjoni”), il-paragrafi li ġejjin huma miżjuda:

“3.	Jista' jingħata perijodu ta' transizzjoni li jintemm fi 11 ta' Awissu 2007 għall-varjabbli 340 u għad-distinzjoni bejn iż-żona ta' l-euro u ż-żona mhux ta' l-euro għall-varjabbli 122, 132, 312 u 340 skond il-proċedura stipulata fl-Artikolu 18.

4.	Jista' jingħata perijodu ta' transizzjoni li jintemm fi 11 ta' Awissu 2007 għat-tibdil ta' l-iskadenzi għat-trasmissjoni ta' data għall-varjabbli 110 skond il-proċedura stipulata fl-Artikolu 18.

5.	Jista' jingħata perijodu ta' transizzjoni li jintemm fi 11 ta' Awissu 2006 għat-tibdil ta' l-iskadenzi għat-trasmissjoni ta' data għall-varjabbli 210 skond il-proċedura stipulata fl-Artikolu 18.”.

PARTI (B)

L-anness B għar-regolament (KE) nru 1165/98 hu emendat kif ġej:

Lista ta' varjabbli

It-test taħt l-intestatura (ċ) (“Lista ta' varjabbli”) huwa b'dan emendat kif ġej:

il-Paragrafu 5 jinbidel bit-test li ġej:

“5.	Huwa biss jekk il-varjabbli ta' l-ispejjeż ta' kostruzzjoni (Nri 320, 321, 322) ma jkunux disponibbli, li dawn jistgħu jiġu approssimati mill-varjabbli tal-prezzijiet ta' produzzjoni (Nru 310). Din il-prattika għandha tiġi permessa sa 11 ta' Awissu 2010.”;

Il-paragrafu li ġej hu miżjud:

“6.

L-Istati Membri għandhom iwettqu studji istitwiti mill-Kummissjoni u stabbiliti b'konsultazzjoni ma' l-Istati Membri. L-istudji għandhom jitwettqu b'kont meħud tal-benefiċċji mill-ġbir tad-data b'relazzjoni ma' l-ispiża għall-ġbir u l-piż fuq in-negozju, sabiex:

(a)	tiġi stmata l-fattibbiltà ta' varjabbli trimestrali tal-prezzijiet ta' produzzjoni (Nru 310) fil-kostruzzjoni;

(b)	tiġi definita metodoloġija xierqa għall-ġbir ta' data u l-ikkalkular ta' l-indiċi.

Il-Kummissjoni għandha sa mhux iżjed tard minn 11 ta' Awissu 2006 tipproponi definizzjoni li għandha tiġi applikata għall-varjabbli tal-prezz ta' produzzjoni.

L-Istati Membri għandhom jippreżentaw rapport lill-Kummissjoni dwar ir-riżultati ta' l-istudji mhux iżjed tard minn 11 ta' Awissu 2007.

Filwaqt li taġixxi skond il-proċedura stipulata fl-Artikolu 18, il-Kummissjoni għandha tiddeċiedi sa mhux iżjed tard minn 11 ta' Awissu 2008 jekk hix ser tinvoka l-Artikolu 17(b) biex tissostitwixxi l-varjabbli ta' l-ispejjeż ta' kostruzzjoni bil-varjabbli tal-prezz ta' produzzjoni b'effett mis-sena bażi 2010.”.

Forma

It-test taħt l-intestatura (d) (“Forma”) jinbidel b'li ġej:

“1.	Il-varjabbli kollha għandhom jiġu trasmessi f'forma mhux aġġustata, jekk disponibbli.

Barra minn hekk, il-varjabbli dwar il-produzzjoni (Nru 110, 115, 116) u l-varjabbli tas-sigħat maħduma (Nru 220) għandhom jiġu trasmessi f'forma aġġustata ta' ġranet ta' xogħol. Kull fejn varjabbli oħra juru effetti ta' ġranet ta' xogħol, l-Istati Membri jistgħu wkoll jittrasmettu dawk il-varjabbli f'forma aġġustata ta' ġranet ta' xogħol. Il-lista ta' varjabbli li għandha tiġi trasmessa f'forma aġġustata ta' ġranet ta' xogħol tista' tiġi emendata skond il-proċedura stipulata fl-Artikolu 18.

Barra minn hekk, l-Istati Membri jistgħu jittrasmettu l-varjabbli bl-aġġustamenti staġunali u jistgħu wkoll jittrasmettu l-varjabbli fil-forma ta' ċikli ta' tendenzi. Huwa biss jekk id-data mhix trasmessa f'dawn il-forom, li l-Kummissjoni (Eurostat) tista' tipproduċi u tippublika sensieli b'aġġustamenti staġunali u ċikli ta' tendenzi għall-varjabbli.

4.	Il-varjabbli 110, 115, 116, 320, 321 u 322 għandhom jiġu trasmessi bħala indiċi. Il-varjabbli 411 u 412 għandhom jiġu trasmessi bħala valuri assoluti. Il-varjabbli l-oħra kollha għandhom jiġu trasmessi bħala indiċi jew bħala ċifri assoluti.”.

Perijodu ta' referenza

It-test taħt l-intestatura (e) (“Perijodu ta' referenza”), jinbidel b'li ġej:

“Perijodu ta' referenza ta' xahar għandu japplika għall-varjabbli 110, 115 u 116. Perijodu ta' referenza ta' mhux inqas minn tliet xhur għandu japplika għall-varjabbli l-oħra kollha f'dan l-Anness.

Dawk l-Istati Membri li l-valur miżjud tagħhom fis-Sezzjoni F tan-NACE f'sena bażi partikolari jirrappreżenta inqas minn 1 % tat-total tal-Komunità Ewropea jistgħu jfornu biss il-varjabbli 110, 115 u 116 b'perijodu ta' referenza ta' tliet xhur.”.

Livell ta' dettall

Taħt l-intestatura (f) (“Livell ta' dettall”), il-paragrafu li ġej hu miżjud:

“6.	Dawk l-Istati Membri li l-valur miżjud tagħhom fis-Sezzjoni F tan-NACE f'sena bażi partikolari jirrappreżenta inqas minn 1 % tat-total tal-Komunità Ewropea jistgħu jittrasmettu biss data għat-total tal-kostruzzjoni (livell ta' Sezzjoni tan-NACE).”.

Skadenzi għat-trasmissjoni ta' data

Taħt l-intestatura (g) (“Termini perentorji għat-trasmissjoni ta' data”) il-varjabbli 110, 115, 116 u 210 jinbidlu b'li ġej:

“Varjabbli	Skadenzi
110	xahar u 15 il-jum kalendarju
115	xahar u 15 il-jum kalendarju
116	xahar u 15 il-jum kalendarju
(…)	(…)
210	xahrejn.”

Studji pilota

Taħt l-intestatura (h) (“Studji Pilota”), il-punti 1 u 3 huma mħassra.

L-ewwel perijodu ta' referenza

Taħt l-intestatura (i) (“L-ewwel perijodu ta' referenza”), it-test li ġej hu miżjud:

“L-ewwel perijodu ta' referenza għat-trasmissjoni tal-varjabbli 110, 115, u 116 b'perijodu ta' referenza ta' kull xahar ma jkunx iżjed tard minn Jannar 2005.”.

Perijodu ta' transizzjoni

Taħt l-intestatura (j) (“Perijodu ta' transizzjoni”), il-paragrafi li ġejjin huma miżjuda:

“3.	Jista' jingħata perijodu ta' transizzjoni li jintemm fi 11 ta' Awissu 2007 biex jiġi emendat il-perijodu ta' referenza għall-varjabbli 110, 115, u 116 skond il-proċedura stipulata fl-Artikolu 18.

4.	Jista' jingħata perijodu ta' transizzjoni li jintemm fi 11 ta' Awissu 2007 għat-tibdil ta' l-iskadenzi għat-trasmissjoni tad-data għall-varjabbli 110, 115, 116 u 210 skond il-proċedura stipulata fl-Artikolu 18.”.

PARTI (Ċ)

L-anness Ċ għar-regolament (KE) nru 1165/98 huwa b'dan emendat kif ġej:

Lista tal-varjabbli

Taħt l-intestatura (ċ) (“Lista tal-varjabbli”), il-paragrafu li ġej hu miżjud:

“4.

(a)	tiġi stmata l-fattibbiltà tat-trasmissjoni ta' varjabbli trimestrali ta' sigħat maħduma (Nru 220) għan-negozju bl-imnut u għat-tiswija;

(b)	tiġi stmata l-fattibbiltà tat-trasmissjoni ta' varjabbli trimestrali ta' pagi u salarji grossi (Nru 230) għan-negozju bl-imnut u għat-tiswija;

(ċ)	tiġi definita metodoloġija xierqa għall-ġbir ta' data u l-ikkalkular ta' l-indiċi.

L-Istati Membri għandhom jippreżentaw rapport lill-Kummissjoni dwar ir-riżultati ta' l-istudji mhux iżjed tard minn 11 ta' Awissu 2007.

Filwaqt li taġixxi skond il-proċedura stipulata fl-Artikolu 18, il-Kummissjoni għandha tiddeċiedi sa mhux iżjed tard minn 11 ta' Awissu 2008 jekk hix ser tinvoka l-Artikolu 17(b), sabiex jiġu nklużi l-varjabbli ta' sigħat maħduma (Nru 220) u l-varjabbli ta' pagi u salarji grossi (Nru 230) b'effett mis-sena bażi 2010.”.

Forma

Taħt l-intestatura (d) (“Forma”), il-paragrafi 1 sa 2 jinbidlu b'li ġej:

“1.	Il-varjabbli kollha għandhom jiġu trasmessi f'forma mhux aġġustata, jekk disponibbli.

Il-varjabbli tal-valur tal-bejgħ (Nru 120) u l-varjabbli tal-volum tal-bejgħ (Nru 123) għandhom ukoll jiġu trasmessi f'forma aġġustata ta' ġurnata tax-xogħol. Kull fejn varjabbli oħra juru effetti ta' ġranet ta' xogħol, l-Istati Membri jistgħu wkoll jittrasmettu dawk il-varjabbli f'forma aġġustata ta' ġranet ta' xogħol. Il-lista ta' varjabbli li għandha tiġi trasmessa f'forma aġġustata għal ġranet ta' xogħol tista' tiġi emendata skond il-proċedura stipulata fl-Artikolu 18.”.

Livell ta' dettall

It-test taħt l-intestatura (f) (“Livell ta' dettall”), huwa emendat kif ġej:

Il-Paragrafu 1 jinbidel b'li ġej:

“1.

Il-varjabbli tal-valur tal-bejgħ (Nru 120) u l-varjabbli tad-deflator tal-bejgħ/volum ta' bejgħ (Nri 330/123) għandhom jiġu trasmessi skond il-livelli ta' dettall definiti fil-paragrafi 2, 3 u 4. Il-varjabbli ta' persuni impjegati (Nru 210) għandu jiġi trasmess skond il-livell ta' dettall imfisser fil-paragrafu 4.”;

Il-paragrafu li ġej hu miżjud:

“5.

Dawk l-Istati Membri li l-volum tal-bejgħ fid-Diviżjoni 52 tan-NACE f'sena bażi partikolari jirrappreżenta inqas minn 1 % tat-total tal-Komunità Ewropea, għandhom jittrasmettu biss il-varjabbli tal-volum ta' bejgħ (Nru 120) u l-varjabbli tad-deflator tal-bejgħ/volum ta' bejgħ (Nri 330/123) skond il-livelli ta' dettall imfissra fil-paragrafi 3 u 4.”.

Termini perentorji għat-trasmissjoni ta' data

It-test taħt l-intestatura (g) (“Termini perentorji għat-trasmissjoni ta' data”) hu mibdul b'li ġej:

“1.

Il-varjabbli għandhom jiġu trasmessi għall-valur tal-bejgħ (Nru 120) u d-deflator tal-bejgħ/volum ta' bejgħ (Nri 330/123) fi żmien xahrejn fil-livelli ta' dettall speċifikati fil-paragrafu 2 taħt l-intestatura (f) ta' dan l-Anness. L-iskadenza tista' tkun sa 15-il jum itwal għal dawk l-Istati Membri li l-valur tal-bejgħ tagħhom fid-Diviżjoni 52 f'sena bażi partikolari jirrappreżenta inqas minn 3 % tat-total tal-Komunità Ewropea.

Il-varjabbli għandhom jiġu trasmessi għall-valur tal-bejgħ (Nru 120) u d-deflator tal-bejgħ/volum ta' bejgħ (Nri 330/123) fi żmien xahar għal-livell ta' dettall speċifikat fil-paragrafi 3 u 4 taħt l-intestatura (f) ta' dan l-Anness. L-Istati Membri jistgħu jagħżlu li jipparteċipaw għall-varjabbli tal-valur tal-bejgħ u d-deflator tal-bejgħ/volum ta' bejgħ Nri 120 u 330/123 b'kontribuzzjonijiet skond l-allokazzjoni ta' skema Ewropea ta' ġbir ta' kampjuni kif definita fil-punt (d) ta' l-ewwel subparagrafu ta' l-Artikolu 4(2). It-termini ta' l-allokazzjoni għandhom jiġu determinati skond il-proċedura stipulata fl-Artikolu 18.

Il-varjabbli tan-numru ta' persuni impjegati għandu jiġi trasmess fi żmien xahrejn wara t-tmiem tal-perijodu ta' referenza. L-iskadenza tista' tkun sa 15-il jum itwal għal dawk l-Istati Membri li l-valur tal-bejgħ tagħhom fid-Diviżjoni 52 f'sena bażi partikolari jirrappreżenta inqas minn 3 % tat-total tal-Komunità Ewropea.”.

Studji pilota

Taħt l-intestatura (h) (“Studji Pilota”), il-punti 2 u 4 huma mħassra.

Perijodu ta' transizzjoni

Taħt l-intestatura (j) (“Perijodu ta' transizzjoni”), il-paragrafu li ġej hu miżjud:

“4.	Jista' jingħata perijodu ta' transizzjoni li jintemm mhux iżjed tard minn 11 ta' Awissu 2006 għat-tibdil tat-termini perentorji għat-trasmissjoni ta' data tal-varjabbli 210 skond il-proċedura stipulata fl-Artikolu 18.”.

PARTI (D)

L-anness D għar-regolament (KE) nru 1165/98 huwa b'dan emendat kif ġej:

Lista tal-varjabbli

It-test taħt l-intestatura (ċ) (“Lista tal-varjabbli”) huwa b'dan emendat kif ġej:

fil-paragrafu 1, il-varjabbli li ġej hu miżjud:

“Varjabbli	Isem
310	Prezzijiet ta' produzzjoni;”

Il-paragrafi li ġejjin huma miżjuda:

“3.	Il-varjabbli tal-prezz ta' produzzjoni (Nru 310) ikopri s-servizzi forniti lil klijenti li huma intrapriżi jew persuni li jirrappreżentaw intrapriżi.

L-Istati Membri għandhom iwettqu studji istitwiti mill-Kummissjoni u stabbiliti b'konsultazzjoni ma' l-Istati Membri. L-istudji għandhom jitwettqu b'kont meħud tal-benefiċċji mill-ġbir ta' data b'relazzjoni ma' l-ispiża għall-ġbir u l-piż fuq in-negozju, sabiex:

(a)	tiġi stmata l-fattibbiltà tat-trasmissjoni ta' varjabbli trimestrali ta' sigħat maħduma (Nru 220) għal servizzi oħra;

(b)	tiġi stmata l-fattibbiltà tat-trasmissjoni ta' varjabbli trimestrali ta' pagi u salarji grossi (Nru 230) għal servizzi oħra;

(ċ)	tiġi definita metodoloġija xierqa għall-ġbir ta' data u l-ikkalkular ta' l-indiċi;

(d)	jiġi definit livell xieraq ta' dettall. Id-data għandha tiġi maqsuma skond attivitajiet ekonomiċi definiti minn Sezzjonijiet tan-NACE u skond diżaggregazzjonijiet ulterjuri, mhux lil hinn mil-livell ta' Diviżjonijiet (il-livell ta' żewġ ċifri) jew ir-raggruppamenti ta' Diviżjonijiet tan-NACE.

L-Istati Membri għandhom jippreżentaw rapport lill-Kummissjoni dwar ir-riżultati ta' l-istudji mhux iżjed tard minn 11 ta' Awissu 2007.

Filwaqt li taġixxi skond il-proċedura stipulata fl-Artikolu 18, il-Kummissjoni għandha tiddeċiedi sa mhux iżjed tard minn 11 ta' Awissu 2008 jekk hix ser tinvoka l-Artikolu 17(b) sabiex jiġu nklużi l-varjabbli ta' sigħat maħduma (Nru 220) u l-varjabbli ta' pagi u salarji grossi (Nru 230) b'effett mis-sena bażi 2010.”.

Forma

It-test taħt l-intestatura (d) (“Forma”) huwa b'dan emendat kif ġej:

Il-paragrafi 1 u 2 jinbidlu b'li ġej:

“1.	Jekk disponibbli, il-varjabbli kollha għandhom jiġu trasmessi f'forma mhux aġġustata.

Il-varjabbli tal-valur tal-bejgħ (Nru 120) għandu wkoll jiġi trasmess f'forma aġġustata ta' ġurnata tax-xogħol. Kull fejn varjabbli oħra juru effetti ta' ġranet ta' xogħol, l-Istati Membri jistgħu wkoll jittrasmettu dawk il-varjabbli f'forma aġġustata ta' ġranet ta' xogħol. Il-lista tal-varjabbli li għandha tiġi trasmessa f'forma aġġustata ta' ġranet ta' xogħol tista' tiġi emendata skond il-proċedura stipulata fl-Artikolu 18.”;

Il-Paragrafu 4 jinbidel b' li ġej:

“4.	Il-varjabbli tal-prezz ta' produzzjoni (Nru 310) għandu jiġi trasmess bħala indiċi. Il-varjabbli l-oħra kollha għandhom jiġu trasmessi bħala indiċi jew bħala ċifri assoluti.”.

Perijodu ta' referenza

Taħt l-intestatura (e) (“Perijodu ta' referenza”), is-subparagrafi li ġejjin huma miżjuda:

“L-Istati Membri għandhom iwettqu studji istitwiti mill-Kummissjoni u stabbiliti b'konsultazzjoni ma' l-Istati Membri. L-istudji għandhom jitwettqu b'kont meħud tal-benefiċċji ta' perijodu ta' referenza mnaqqas b'relazzjoni ma' l-ispiża għall-ġbir u l-piż fuq in-negozju sabiex tiġi stmata l-fattibbiltà tat-tnaqqis tal-perijodu ta' referenza għall-varjabbli tal-valur tal-bejgħ (Nru 120) minn wieħed trimestrali għal perijodu ta' referenza ta' xahar.

L-Istati Membri għandhom jippreżentaw rapport dwar ir-riżultati ta' l-istudji lill-Kummissjoni mhux iżjed tard minn 11 ta' Awissu 2007.

Filwaqt li taġixxi skond il-proċedura stipulata fl-Artikolu 18, il-Kummissjoni għandha tiddeċiedi sa mhux iżjed tard minn 11 ta' Awissu 2008 jekk hix ser tinvoka l-Artikolu 17(b) in konnessjoni ma' reviżjoni tal-kumpilazzjoni tal-varjabbli tal-valur tal-bejgħ.”.

Livell ta' dettall

It-test taħt l-intestatura (f) (“Livell ta' dettall”), huwa b'dan emendat kif ġej:

Il-paragrafi 3 u 4 jinbidlu b'li ġej:

“3.

Għad-Diviżjonijiet 50, 51, 64 u 74 tan-NACE, il-varjabbli tal-valur tal-bejgħ jista' jiġi trasmess fil-livell ta' żewġ ċifri biss minn dawk l-Istati Membri li l-valur tal-bejgħ tagħhom f'dawk id-diviżjonijiet tan-NACE f'sena bażi partikolari jirrappreżenta inqas minn 4 % tat-total tal-Komunità Ewropea.

4.	Għas-Sezzjoni I tan-NACE, il-varjabbli tan-numru ta' persuni impjegati (Nru 210) jista' jiġi trasmess fil-livell tas-Sezzjoni biss minn dawk l-Istati Membri li l-valur miżjud totali tagħhom fis-Sezzjoni I f'sena bażi partikolari jirrappreżenta inqas minn 4 % tat-total tal-Komunità Ewropea.”.

Il-paragrafi li ġejjin huma miżjuda:

“5.

Il-varjabbli tal-prezz ta' produzzjoni (Nru 310) għandu jiġi trasmess skond l-attivitajiet u r-raggruppamenti li ġejjin tan-NACE:

60.24, 63.11, 63.12, 64.11, 64.12 f'4 ċifri;

61.1, 62.1, 64.2 fi 3 ċifri;

72.1 sa 72.6 fi 3 ċifri;

is-somma ta' 74.11 sa 74.14;

is-somma ta' 74.2 sa 74.3;

74.4 sa 74.7 fi 3 ċifri;

In-NACE 74.4 jista' jiġi indikat b'mod approssimativ minn indikazzjonijiet pubbliċitarji.

In-NACE 74.5 ikopri l-prezz totali ta' ħaddiema reklutati u persunal ipprovdut.

6.	Il-lista ta' attivitajiet u raggruppamenti tista' tiġi emendata sa mhux iżjed tard minn 11 ta' Awissu 2008 skond il-proċedura stipulata fl-Artikolu 18.

7.	Għad-Diviżjoni 72, il-varjabbli tal-prezz ta' produzzjoni (Nru 310) jista' jiġi trasmess fil-livell ta' żewġ ċifri biss minn dawk l-Istati Membri li l-valur tal-bejgħ tagħhom f'dawk id-diviżjonijiet tan-NACE f'sena bażi partikolari jirrappreżenta inqas minn 4 % tat-total tal-Komunità Ewropea.”.

Skadenzi għat-trasmissjoni ta' data

It-test taħt l-intestatura (g) (“Termini perentorji għat-trasmissjoni ta' data”) jinbidel b'li ġej:

“Il-varjabbli għandhom, wara li jintemm il-perijodu ta' referenza, jiġu trasmessi sa' l-iskadenzi li ġejjin:

Varjabbli	Skadenzi
120	Xahrejn
210	Xahrejn
310	3 xhur”

L-ewwel perijodu ta' referenza

Taħt l-intestatura (i) (“L-ewwel perijodu ta' referenza”), it-test li ġej hu miżjud:

“L-ewwel perijodu ta' referenza għat-trasmissjoni tal-varjabbli tal-prezz ta' produzzjoni Nru 310 m'għandux ikun iżjed tard mill-ewwel trimestru ta' l-2006. Tista' tingħata deroga ta' sena ulterjuri għall-ewwel perijodu ta' referenza skond il-proċedura stipulata fl-Artikolu 18, bil-kundizzjoni li tiġi applikata sena bażi li ma tkunx iżjed tard mill-2006.”.

Perijodu ta' transizzjoni

Taħt l-intestatura (j) (“Perijodu ta' transizzjoni”), il-paragrafi li ġejjin huma miżjuda:

“Jista' jingħata perijodu ta' transizzjoni li jintemm sa mhux iżjed tard minn 11 ta' Awissu 2008 għall-varjabbli Nru 310 skond il-proċedura stipulata fl-Artikolu 18. Perijodu ta' transizzjoni ulterjuri ta' sena jista' jiġi konċess għall-implimentazzjoni tal-varjabbli Nru 310 għad-Diviżjonijiet tan-NACE 63 u 74 skond il-proċedura stipulata fl-Artikolu 18. Barra minn dawk il-perijodi ta' transizzjoni, jista' jingħata perijodu ta' transizzjoni ulterjuri ta' sena, skond il-proċedura stipulata fl-Artikolu 18, lil dawk l-Istati Membri li l-valur tal-bejgħ tagħhom fl-attivitajiet tan-NACE msemmija taħt l-intestatura (a) ‘Kamp ta' applikazzjoni’ f'sena bażi partikolari jirrappreżenta inqas minn 1 % tat-total tal-Komunità Ewropea.

Jista' jingħata perijodu ta' transizzjoni li jintemm mhux iżjed tard minn 11 ta' Awissu 2006 għat-tibdil tat-termini perentorji għat-trasmissjoni ta' data għall-varjabbli 120 u 210 skond il-proċedura stipulata fl-Artikolu 18.”.

Top