16.6.2006   

MT

Il-Ġurnal Uffiċjali ta’ l-Unjoni Ewropea

99

(1)

Il-mekkaniżmu previst fl-Artikolu 1(4) tar-Regolament tal-Kunsill (KE) Nru 539/2001 (2) irriżulta li mhux adattat biex jittratta sitwazzjonijiet ta’ non-reċiproċità li fihom pajjiż terz elenkat fil-lista fl-Anness II ta’ dak ir-Regolament, jiġifieri pajjiż terz li ċ-ċittadini tiegħu huma eżenti mill-ħtieġa ta’ viża, iżomm jew jintroduċi ħtieġa ta’ viża għal ċittadini minn Stat Membru wieħed jew aktar. Is-solidarjetà ma’ l-Istati Membri li jesperjenzaw sitwazzjonijiet ta’ non-reċiproċità teħtieġ li l-mekkaniżmu eżistenti jiġi adattat sabiex isir effettiv.

(2)

Minħabba l-gravità ta’ tali sitwazzjonijiet ta’ non-reċiproċità, huwa essenzjali li dawn jiġu notifikati mingħajr eċċezzjoni mill-Istat(i) Membru(i) kkonċernat(i). Sabiex jiġi żgurat li l-pajjiż terz in kwistjoni jerġa’ japplika vjaġġar mingħajr viżi għaċ-ċittadini ta’ l-Istati Membri kkonċernati, għandu jiġi pprovdut mekkaniżmu li jgħaqqad miżuri f’livelli u intensitajiet varjabbli li jistgħu jitwettqu bil-ħeffa. Għaldaqstant il-Kummissjoni għandha tieħu passi mal-pajjiż terz mingħajr dewmien, tirrapporta lill-Kunsill u tkun tista’ fi kwalunkwe mument tipproponi li l-Kunsill jadotta deċiżjoni proviżorja li terġa’ ddaħħal il-ħtieġa ta’ viża għaċ-ċittadini tal-pajjiż terz in kwistjoni. L-użu ta’ tali deċiżjoni provviżorja m’għandhiex tagħmilha impossibbli li l-pajjiż terz in kwistjoni jiġi trasferit għall-Anness I tar-Regolament (KE) Nru 539/2001. Għandha wkoll tiġi pprovduta rabta temporali bejn id-dħul fis-seħħ tal-miżura provviżorja u kwalunkwe proposta biex il-pajjiż jiġi trasferit għall-Anness I.

(3)

Deċiżjoni minn pajjiż terz li jintroduċi jew jintroduċi mill-ġdid vjaġġar mingħajr viża għal ċittadini ta’ Stat Membru wieħed jew aktar għandha awtomatikament ittemm id-dħul provviżorju mill-ġdid ta’ ħtieġa ta’ viża deċiża mill-Kunsill.

(4)

Il-mekkaniżmu ta’ solidarjetà emendat jimmira li jilħaq reċiproċità sħiħa fir-rigward ta’ l-Istati Membri kollha u li joħloq mekkaniżmu effettiv u affidabbli sabiex din tiġi żgurata.

(5)

Ir-Regolament (KE) Nru 539/2001 għandu jiġi emendat f'dan is-sens.

(6)

Għandhom jiġu pprovduti arranġamenti transizzjonali fejn, meta dan ir-Regolament jidħol fis-seħħ, l-Istati Membri jkunu soġġetti għal ħtieġa ta’ viża minn pajjiżi terzi elenkati fl-Anness II tar-Regolament (KE) Nru 539/2001.

(7)

Fir-rigward ta’ l-Islanda u n-Norveġja, dan ir-Regolament jikkostitwixxi żvilupp tad-dispożizzjonijiet ta’ l-acquis ta’ Schengen, fis-sens tal-Ftehim konkluż mill-Kunsill ta’ l-Unjoni Ewropea u r-Repubblika ta’ l-Islanda u r-Renju tan-Norveġja dwar l-assoċjazzjoni ta’ dawk iż-żewġ Stati ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen (3), li jaqa’ fi ħdan il-qasam imsemmi fl-Artikolu 1(B) tad-Deċiżjoni tal-Kunsill 1999/437/KE tas-17 ta’ Mejju 1999 dwar ċerti arranġamenti għall-applikazzjoni ta’ dak il-Ftehim (4).

(8)

Ir-Renju Unit u l-Irlanda mhumiex marbuta bir-Regolament (KE) Nru 539/2001. Għalhekk huma mhumiex jieħdu sehem fl-adozzjoni ta’ dan ir-Regolament u mhumiex marbuta bih jew soġġetti għall-applikazzjoni tiegħu.

(9)

Fir-rigward ta’ l-Isvizzera, dan ir-Regolament jikkostitwixxi żvilupp tad-dispożizzjonijiet ta’ l-acquis ta’ Schengen fis-sens tal-Ftehim iffirmat bejn l-Unjoni Ewropea, il-Komunità Ewropea u l-Konfederazzjoni Svizzera dwar l-assoċjazzjoni tal-Konfederazzjoni Svizzera ma’ l-implimentazzjoni, l-applikazzjoni u l-iżvilupp ta’ l-acquis ta’ Schengen (5), li jaqgħu fil-qasam imsemmi fl-Artikolu 1(B) tad-Deċiżjoni 1999/437/KE li jinqara flimkien ma’ l-Artikolu 4(1) tad-Deċiżjoni tal-Kunsill 2004/849/KE (6) u l-Artikolu 4(1) tad-Deċiżjoni tal-Kunsill 2004/860/KE (7),

1.

Il-paragrafu (4) għandu jinbidel b'dan li ġej:

“4.   Fejn pajjiż terz elenkat fl-Anness II jintroduċi ħtieġa ta’ viża għaċ-ċittadini ta’ Stat Membru, id-dispożizzjonijiet li ġejjin għandhom japplikaw:

2.

Għandu jiżdied il-paragradu li ġej:

“5.   Sakemm ir-reċiproċità ta’ l-eżenzjoni ta’ viża tibqa’ ma teżistix ma’ kwalunkwe pajjiż terz elenkat fl-Anness II fir-rigward ta’ kwalunkwe wieħed mill-Istati Membri, il-Kummissjoni għandha tirrapporta lill-Parlament Ewropew u lill-Kunsill qabel l-1 ta’ Lulju ta’ kull sena pari dwar is-sitwazzjoni ta’ non-reċiproċità u għandha, jekk ikun meħtieġ, tissottometti proposti adattati.”