This document is an excerpt from the EUR-Lex website
Document 32005R0179
Commission Regulation (EC) No 179/2005 of 2 February 2005 amending Regulation (EC) No 1917/2000 with regard to the transmission of data to the Commission
Regolament tal-Kummissjoni (KE) Nru 179/2005 tat- 2 ta' Frar 2005 li jemenda r-Regolament (KE) Nru 1917/2000 dwar it-trasmissjoni ta’ informazzjoni lill-Kummissjoni
Regolament tal-Kummissjoni (KE) Nru 179/2005 tat- 2 ta' Frar 2005 li jemenda r-Regolament (KE) Nru 1917/2000 dwar it-trasmissjoni ta’ informazzjoni lill-Kummissjoni
ĠU L 275M, 6.10.2006, p. 126–126
(MT) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 30, 3.2.2005, p. 6–6
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
No longer in force, Date of end of validity: 27/11/2005; Imħassar b' 32005R2098
6.10.2006 |
MT |
Il-Ġurnal Uffiċjali ta’ l-Unjoni Ewropea |
126 |
REGOLAMENT TAL-KUMMISSJONI (KE) Nru 179/2005
tat-2 ta' Frar 2005
li jemenda r-Regolament (KE) Nru 1917/2000 dwar it-trasmissjoni ta’ informazzjoni lill-Kummissjoni
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 1172/95 tat-22 ta’ Mejju 1995 dwar l-istatistiċi dwar il-kummerċ ta’ merkanzija tal-Komunità u l-Istati Membri tagħha ma’ pajjiżi li mhumiex membri (1), u b’mod partikolari l-Artikoli 11 u 13 tiegħu,
Billi:
(1) |
Ir-Regolament tal-Parlament Ewropew u tal-Kunsill (KE) Nru 638/2004 tal-31 ta’ Marzu 2004 dwar l-istatistiċi tal-Komunità dwar il-kummerċ ta’ merkanzija bejn l-Istati Membri u li jħassar ir-Regolament tal-Kunsill (KEE) Nru 3330/91 (2), li japplika mill-1 ta’ Jannar 2005, jistabbilixxi qafas komuni għall-produzzjoni sistematika ta' statistiċi tal-Komunità dwar il-kummerċ ta' merkanzija bejn l-Istati Membri. |
(2) |
Sabiex il-perijodu għat-trasmissjoni għal kummerċ estern jiġi jaqbel mal-perijodu ta' trasmissjoni għall-informazzjoni aggregata dwar il-kummerċ fi ħdan il-Komunità, ta' l-ewwel għandu jitnaqqas minn 6 ġimgħat għal 40 jum. |
(3) |
Kif ingħad b’mod regolari mill-Kunsill, il-monitoraġġ ta’ l-Unjoni Ekonomika u Monetarja teħtieġ li l-istatistiċi dwar il-kummerċ jitwasslu b’mod mgħaġġel. |
(4) |
Ir-Regolament tal-Kummissjoni (KE) Nru 1917/2000 tas-7 ta’ Settembru 2000 li jqiegħed ċerti dispożizzjonijiet għall-implimentazzjoni tar-Regolament tal-Kunsill (KE) Nru 1172/95 dwar l-istatistiċi dwar il-kummerċ estern (3) għandu għalhekk ikun emendat. |
(5) |
Il-miżuri stipulati f’dan ir-Regolament huma fi qbil mal-fehma tal-Kumitat dwar l-istatistiċi dwar il-kummerċ tal-merkanzija ma’ pajjiżi terzi, |
ADOTTAT DAN IR-REGOLAMENT:
Artikolu 1
Artikolu 32 tar-Regolament (KE) Nru 1917/2000 jinbidel b’dan li ġej:
“Artikolu 32
1. L-Istati Membri għandhom jiġbru:
(a) |
riżultati aggregati definiti, għal kull influss, bħala l-valur totali tal-kummerċ ma’ pajjiżi li mhumiex membri u l-lista maqsuma skond il-prodotti skond it-Taqsimiet ta’ l-Istandard Internazzjonali għall-Klassifikazzjoni tal-Kummerċ, Reviżjoni 3; |
(b) |
riżultati dettaljati li għalihom hemm referenza fl-Artikolu 10(1) tar-Regolament bażiku. |
2. L-Istati Membri għandhom jgħaddu l-informazzjoni lill-Kummissjoni mingħajr dewmien, kif ġej:
(a) |
fi qbil mal-paragrafu 1(a), mhux aktar tard minn 40 jum wara l-aħħar tal-perijodu ta’ referenza |
(b) |
fi qbil mal-paragrafu 1(b), mhux aktar tard minn 42 jum wara l-aħħar tal-perijodu ta’ referenza” |
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.
Għandu japplika mill-1 ta’ Marzu 2005.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar it-2 ta' Frar 2005.
Għall-Kummissjoni
Joaquin ALMUNIA
Membru tal-Kummissjoni
(1) ĠU L 118, 25.5.1995, p. 10. Regolament kif emendat l-aħħar mir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(3) ĠU L 229, 9.9.2000, p. 14. Regolament kif emendat mir-Regolament (KE) Nru 1669/2001 (ĠU L 224, 21.8.2001, p. 3).