This document is an excerpt from the EUR-Lex website
Document 32005L0087
Commission Directive 2005/87/EC of 5 December 2005 amending Annex I to Directive 2002/32/EC of the European Parliament and of the Council on undesirable substances in animal feed as regards lead, fluorine and cadmium (Text with EEA relevance)
2005/87/KE: Direttiva tal-Kummissjoni 2005/87/KE tal- 5 ta’ Diċembru 2005 li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar sustanzi mhux mixtieqa fl-għalf għall-bhejjem fir-rigward taċ-ċomb, il-fluworu u l-kadmju Test b’rilevanza ghaż-ŻEE.
2005/87/KE: Direttiva tal-Kummissjoni 2005/87/KE tal- 5 ta’ Diċembru 2005 li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar sustanzi mhux mixtieqa fl-għalf għall-bhejjem fir-rigward taċ-ċomb, il-fluworu u l-kadmju Test b’rilevanza ghaż-ŻEE.
ĠU L 321M, 21.11.2006, p. 321–326
(MT) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 318, 6.12.2005, p. 19–24
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
In force
21.11.2006 |
MT |
Il-Ġurnal Uffiċjali ta’ l-Unjoni Ewropea |
321 |
DIRETTIVA TAL-KUMMISSJONI 2005/87/KE
tal-5 ta’ Diċembru 2005
li temenda l-Anness I tad-Direttiva 2002/32/KE tal-Parlament Ewropew u tal-Kunsill dwar sustanzi mhux mixtieqa fl-għalf għall-bhejjem fir-rigward taċ-ċomb, il-fluworu u l-kadmju
(Test b’rilevanza ghaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2002/32/KE tal-Parlament Ewropew u tal-Kunsill tas-7 ta’ Mejju 2002 dwar il-prodotti mhux mixtieqa fl-għalf għall-bhejjem (1), u b'mod partikolari l-Artikolu 8(1) tagħha,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru ta’ l-2003 dwar l-addittivi għall-użu fin-nutriment ta’ l-annimali (2), u b’mod partikolari it-tielet sentenza ta’ l-Artikolu 13(2) tiegħu,
Billi:
(1) |
Id-Direttiva 2002/32/KE tistipola li l-użu ta’ prodotti li huma intenzjonati għall-għalf tal-bhejjem li fihom livelli ta’ sustanzi mhux mixtieqa li jaqbżu l-livelli massimi stipolati fl-Anness I miegħu huwa pprojbit. |
(2) |
Meta d-Direttiva 2002/32/KE ġiet adottata, il-Kummissjoni ddikjarat li d-dispożizzjonijiet stipolati fl-Anness I għal dik id-Direttiva għandhom jiġu riveduti fuq il-bażi ta’ l-assessjar tar-riskju xjentifiku aġġornat u billi tittieħed in konsiderazzjoni l-projbizzjoni ta’ kull dilwizzjoni ta’ prodotti kkontaminati li mhumiex f’konformità li huma intenzjonati għall-għalf tal-bhejjem. |
(3) |
Il-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-Awtorità Ewropea dwar is-Sigurtà ta’ l-Ikel (EFSA) adotta opinjoni fuq talba tal-Kummissjoni relatata maċ-ċomb bħala sustanza mhux mixtieqa fl-għalf għall-bhejjem fit-2 ta' Ġunju 2004. |
(4) |
Il-kontaminazzjoni ta’ l-ikel biċ-ċomb hija materja ta’ tħassib li tikkonċerna s-saħħa pubblika. Iċ-ċomb jakkumula sa ċertu punt fit tessut tal-kliewi u tal-fwied, it-tessuti tal-muskoli fihom ammonti residwali żgħar ħafna ta’ ċomb u l-preżenza fil-ħalib ta’ l-omm hija limitata. Għalhekk l-ikel li joriġina minn annimali m’huwiex sors ewlieni ta’ espożizzjoni tal-bniedem għaċ-ċomb. |
(5) |
Jidher li l-bhejjem ta’ l-ifrat u n-nagħaġ huma l-iktar speċi ta’ annimali sensittivi fir-rigward tat-tossiċità taċ-ċomb akuta. Intossifikazzjonijiet individwali ġew irrappurtati, li jirriżultaw minn diġezzjoni ta’ materjal ta’ l-għalf li joriġina minn żoni mniġġsa jew d-diġezzjoni aċċidentarja ta’ egħjun taċ-ċomb. Iżda l-livelli misjuba fil-materjali ta’ l-għalf għall-bhejjem kummerċjali fl-Unjoni Ewropea ma jwasslu għal ebda sintomi ta’ tossiċità klinika. |
(6) |
Id-dispożizzjonijiet legali eżistenti fir-rigward taċ-ċomb fil-prodotti li huma intenzjonati għall-għalf tal-bhejjem huma ġeneralment xierqa sabiex jaċċertaw li dawn il-prodotti ma jippreżentaw ebda periklu għas-saħħa tal-bniedem, ta’ l-annimali jew effetti ħżiena fuq il-produzzjoni tal-bhejjem. |
(7) |
Il-bhejjem ta’ l-ifrat u n-nagħaġ jidhru li huma l-iktar speċi ta’ annimali sensittiva u l-għalf l-aħdar jifforma parti kbira tar-razzjon ta’ kuljum tagħhom, huwa importanti li tiġi stipulata analiżi bil-ħsieb ta' aktar riduzzjoni possibbli fil-ġejjieni tal-livelli massimi ta’ ċomb fl-għalf aħdar. |
(8) |
Aktar minn hekk, huwa xieraq li jiġu stabbiliti l-livelli massimi ta’ ċomb għall-addittivi li jagħmlu parti mill-grupp funzjonali ta’ l-elementi traċċa, l-aġenti kontra t-tagħqid u dawk għas-solidifikazzjoni u għall-komponenti ta’ qabel it-taħlit. Il-livell massimu stabbilit għall-komponenti ta’ qabel it-taħlit jieħu in konsiderazzjoni l-addittivi bl-ogħla livell ta’ ċomb u mhux is-sensittività għaċ-ċomb ta’ l-ispeċi differenti ta’ l-annimali. Sabiex jiġu protetti s-saħħa ta’ l-annimali u tal-pubbliku, hija għalhekk ir-responsabbiltà tal-produttur tal-komponenti ta’ qabel it-taħlit li jaċċerta li, flimkien mal-konformità mal-livelli massimi fil-komponenti ta’ qabel it-taħlit, l-istruzzjonijiet għall-użu tal-komponenti ta’ qabel it-taħlit ikunu f’konformità mal-livelli massimi għall-għalf tal-bhejjem kumplimentarju u komplut. |
(9) |
Il-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-EFSA adotta opinjoni fuq talba tal-Kummissjoni relatata mal-fluworu bħala sustanza mhux mixtieqa fl-għalf għall-bhejjem fit-22 ta' Settembru 2004. |
(10) |
Il-fluworu jakkumula b’ mod partikolari fit-tessut li jikkalċifika. Kantrarjament, it-trażmissjoni f’tessut li jittiekel inkluż il-ħalib u l-bajd hija limitata. Għalhekk, il-konċentrazzjonijiet tal-fluworu fl-ikel li joriġina mill- annimali jikkontribwixxi biss marġinalment għall-espożizzjoni tal-bniedem. |
(11) |
Fl-Unjoni Ewropea, il-livelli tal-fluworu fil-mergħat, fil-pjanti erbaċej u fl-għalf kompost huma ġeneralment baxxi u għalhekk l-espożizzjoni sussegwenti ta’ l-annimali għall-fluworu hija ġeneralment iktar baxxa mill-livelli li jikkawżaw effetti detrimentali. Iżda, f’ċerti żoni ġeografiċi distinti u li huma inċidentalment qrib siti industrijali b’emissjoni ta’ fluworu għolja, l-espożizzjoni eċċessiva għall-fluworu hija assoċjata ma’ annormalitajiet dentali u skeletrali. |
(12) |
Id-dispożizzjonijiet legali eżistenti fir-rigward tal-fluworu fil-prodotti li huma intenzjonati għall-għalf tal-bhejjem huma xierqa sabiex jaċċertaw li dawn il-prodotti ma jippreżentaw ebda periklu għas-saħħa tal-bniedem, ta’ l-annimali jew effetti ħżiena fuq il-produzzjoni tal-bhejjem. |
(13) |
Il-proċedura ta’ estrazzjoni użata għandha influwenza kbira ħafna fuq ir-riżultat analitiku u huwa għalhekk xieraq li tiġi stabbilita l-proċedura ta’ estrazzjoni. Proċeduri ekwivalenti b’effiċjenza ta' estrazzjoni li ġiet dimostrata li hija l-istess jistgħu jintużaw. |
(14) |
Il-livell tal-fluworu fil-krotaċej tal-baħar bħalma huma l-annimali li jissejħu frott il-baħar għandu jiġi emendat sabiex jittieħdu in konsiderazzjoni tekniki ġodda ta’ proċessar biex jittejbu l-kwalità nutrittiva u jitnaqqas it-telf tal-bijomassa iżda li jirriżultaw ukoll f’livelli ogħla ta’ fluworu fil-prodott aħħari. |
(15) |
Id-Direttiva tal-Kummissjoni 84/547/KE tas-26 ta’ Ottubru 1984 temenda l-Annessi għad-Direttiva tal-Kunsill 70/542/KEE li jikkonċernaw l-addittivi fl-għalf tal-bhejjem (3) tistabbilixxi livell massimu ta' fluworu fil-vermiculite (E561). L-ambitu tad-Direttiva 2002/32/KE jipprovdi għall-possibbiltà ta’ stabbiliment ta’ livelli massimi ta’ sustanzi mhux mixtieqa fl-addittivi fl-għalf tal-bhejjem u r-regoli li jiggvernaw is-sustanzi mhux mixtieqa għandhom jinġabru f’test wieħed għal aktar ċarezza. |
(16) |
Il-Bord Xjentifiku dwar l-aġenti ta’ kontaminazzjoni fil-Katina Alimentari ta’ l-EFSA adotta opinjoni fuq talba tal-Kummissjoni relatata mal-kadmju bħala sustanza mhux mixtieqa fl-għalf għall-bhejjem fit-2 ta' Ġunju 2004. |
(17) |
Il-kontaminazzjoni ta’ l-ikel bil-kadmju hija materja ta’ tħassib li tikkonċerna s-saħħa pubblika. L-akkumulazzjoni tal-kadnju fit-tessuti ta’ l-annimali hija funzjoni tal-konċentrazzjoni fid-dieta u t-tul ta’ żmien ta’ l-espożizzjoni. Il-ħajja qasira ta’ annimali bħalma huma l-ħnieżer għat-tismin u t-tjur timminimizza r-riskju ta’ konċentrazzjonijiet mhux mixtieqa tal-kadmju fit-tessuti li jittieklu ta’ dawn l-annimali. Iżda ir-ruminanati u ż-żwiemel jistgħu jiġu esposti matul il-ħajja tagħhom għall-kadmju li huwa preżenti fil-mergħat. F’reġjuni distinti dan jista’ jirriżulta f’ akkumulazzjoni mhux mixtieqa tal-kadmju partikolarment fil-kliewi. |
(18) |
Il-kadmju huwa tossiku għall-ispeċi ta’ l-annimali kollha. F’bosta speċi ta’ annimali domestiċi, li jinkludu l-ħnieżer li huma kkunsidrati l-iktar speċi sensittiva, l-iktar sintomi kliniċi evidenti mhumiex probabbli li jiġu osservati jekk il-konċentrazzjonijiet tal-kadmju fid-dieta tibqa’ taħt il-5mg/kg ta’ għalf. |
(19) |
Id-dispożizzjonijiet legali eżistenti fir-rigward tal-kadmju fil-prodotti li huma intenzjonati għall-għalf tal-bhejjem huma xierqa sabiex jaċċertaw li dawn il-prodotti ma jippreżentaw ebda periklu għas-saħħa tal-bniedem u ta’ l-annimali jew ma jaffettwawx ħażin il-produzzjoni tal-bhejjem. |
(20) |
Ebda livell massimu ma ġie stabbilit attwalment għall-ikel tal-pets u materjali ta’ l-għalf ta’ oriġini minerali għajr il-fosfati. Huwa xieraq li jiġi stabbilit livell massimu għal dawn il-prodotti li huma intenzjonati għall-għalf ta’ l-annimali. Huwa xieraq li jiġi emendat il-livell massimu attwali tal-kadmju fl-għalf tal-ħut sabiex jittieħdu in konsiderazzjoni l-iżviluppi reċenti fil-formulazzjoni ta’ l-għalf tal-ħut li jinkludi proporzjonijiet ogħla ta' żjut tal-ħut u ta’ għalf mill-ħut. Aktar minn hekk, huwa xieraq li jiġu stabbiliti l-livelli massimi tal-kadmju għall-addittivi li jagħmlu parti mill-grupp funzjonali ta’ l-elementi traċċa, l-aġenti għat-tagħqid u kontra s-solidifikazzjoni u għall-komponenti ta’ qabel it-taħlit. Il-livell massimu stabbilit għall-komponenti ta’ qabel it-taħlit jieħu in konsiderazzjoni l-addittivi bl-ogħla livell ta’ kadmju u mhux is-sensittività għall-kadmju ta’ l-ispeċi differenti ta’ annimali. Kif stipolat mill-Artikolu 16 tar-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fin-nutriment ta' l-annimali, sabiex jiġu protetti s-saħħa ta' l-annimali u tal-pubbliku, hija r-responsabbiltà tal-produttur tal-komponenti ta’ qabel it-taħlit li jaċċerta li, flimkien mal-konformità mal-livelli massimi tal-komponenti ta’ qabel it-taħlit, l-istruzzjonijiet għall-użu tal-komponenti ta’ qabel it-taħlit ikunu f’konformità mal-livelli massimi għall-oġġetti ta’ l-għalf għall-bhejjem kumplimentarji u sħaħ |
(21) |
Id-Direttiva 2002/32/KE u d-Direttiva 84/547/KEE għandhom għalehkk jiġu emendati skond dan. |
(22) |
Il-miżuri previsti f'din id-Direttiva huma konformi ma' l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DAN IR-REGOLAMENT:
Artikolu 1
L-Anness I għad-Direttiva 2002/32/KE huwa emendat kif stipolat fl-Anness għal din id-Direttiva.
Artikolu 2
Mingħajr preġudizzju għall-kondizzjonijiet l-oħrajn għall-awtorizzazzjoni ta’ l-addittiv vermiculite, li jagħmel parti mill-grupp ta’ aġenti għat-tagħqid, kontra s-solidifikazzjoni u l-koagulanti, stipolati fid-Direttiva 70/524/KEE, il-kontenut massimu ta’ fluworu għandu jiġi stipolat kif iffissat fl-Anness għal din id-Direttiva.
Artikolu 3
1. L-Istati Membri għandhom iġibu fis-seħħ il-liġijiet, ir-regolamenti, u d-dispożizzjonijiet amministrattivi neċessarji biex ikunu f’konformità ma’ din id-Direttiva sa mhux iktar tard minn tnax–il xahar mid-dħul fis-seħħ. Għandhom mingħajr dew mien jipprovdu lill-Kummissjoni bit-test ta' dawn id-dispożizzjonijiet u tabella korrispendenti bejn dawn id-dispożizzjonijiet u din id-Direttiva.
Meta l-Istati Membri jadottaw dawn id-disposizzjonijiet, dawn għandhom jinkludu referenza għal din id-Direttiva jew ikunu akkumpanjati minn referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha issir referenza bħal din.
2. L-Istati Membri għandhom jikkomunikaw lill-Kummissjoni t-testi tad-dispożizzjonijiet tal-liġi nazzjonali li huma jadottaw fil-qasam kopert b’din id-Direttiva.
Artikolu 4
Din id-Direttiva għandha tidħol fis-seħħ fl-għoxrin jum wara l-publikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 5
Din id-Direttiva hija indirizzata lill-Istati Membri.
Magħmul fi Brussell, nhar il-5 ta’ Diċembru 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 140, tat-30.5.2002, p. 10. Direttiva kif ġiet l-aħħar emendata bid-Direttiva 2005/8/KE (ĠU L27, tad-29.1.2005, p. 44).
(2) ĠU L 268, tat-18.10.2003, p. 29. Regolament kif l-aħħar emendat mir-Reglament tal-Kummissjoni (KE) Nru 378/2005 (ĠU L 59, tal-5.3.2005, p. 8).
(3) ĠU L 297, tal-15.11.1984, p. 40.
ANNESS
L-Anness I għad-Direttiva 2002/32/KE hu emendat kif ġej:
(1) |
Filliera 2, ċomb, jinbidel b’li ġej:
|
(2) |
Filliera 3, Fluworu, jinbidel b’li ġej:
|
(3) |
Filliera 6, kadmju, jinbidel b’li ġej:
|
(*) Livelli massimi jirreferu għad-determinazzjoni analitika taċ-ċomb, fejn l-estrazzjoni ssir fl-aċdu nitriku (5 % w/w) għal 30 minuta f’ temperatura tat-tgħolija. Proċeduri ta’ estrazzjoni ekwivalenti jistgħu jiġu applikati fejn jista’ jiġi dimostrat li l-proċedura ta’ estrazzjoni applikata jkollha l-istess effiċenza ta' estrazzjoni.
(**) l-għalf aħdar jinkldi prodotti li huma intenzjonati għall-għalf ta’ l-annimali, inkluż it-tiben, il-ħaxix ta’ l-għalf maħżun, il-ħaxix frisk, eċċ
(***) Il-livelli għandhom jiġu riveduti sal-31 ta’ Diċembru 2007 bil-għan li jitnaqqsu l-livelli massimi.”
(****) Livelli massimi jirreferu għad-determinazzjoni analitika tal-fluworu, fejn l-estrazzjoni ssir bl-aċdu idrokloriku 1 N għal 20 minuta f’temperatura ambjentali. Proċeduri ta’ estrazzjoni ekwivalenti jistgħu jiġu applikati fejn jista’ jiġi dimostart li l-proċedura ta’ estrazzjoni użata tagħti l-istess effiċjenza ta’ estrazzjoni.
(*****) Il-livelli għandhom jiġu riveduti sal-31 ta’ Diċembru 2007 bil-għan li jitnaqqsu l-livelli massimi.”
(******) Livelli massimi jirreferu għad-determinazzjoni analitika tal-kadmju, fejn l-estrazzjoni ssir fl-aċdu nitriku (5 % w/w) għal 30 minuta f’ temperatura tat-tgħolija. Proċeduri ta’ estrazzjoni ekwivalenti jistgħu iġu applikati fejn jista’ jiġi dimostrat lil-proċedura ta’ estrazzjoni applikata jkollha l-istess effiċenza ta' estrazzjoni.
(*******) Il-livelli għandhom jiġu riveduti sal-31 ta’ Diċembru 2007 bil-għan li jitnaqqsu l-livelli massimi.”