21.6.2006   

MT

Il-Ġurnal Uffiċjali ta' l-Unjoni Ewropea

365

(1)

Skond id-Direttiva 2000/53/KE il-Kummissjoni hija meħtieġa tivvaluta l-użu taċ-ċomb, tal-merkurju, tal-kadmju jew tal-kromju eżavalenti li huma projbiti taħt l-Artikolu 4(2)(a) ta' dik id-Direttiva.

(2)

Il-Kummissjoni wettqet il-valutazzjonijiet tekniċi u xjentifiċi meħtieġa u waslet għal għadd ta' konklużjonijiet.

(3)

Ċerti eżenzjonijiet mill-projbizzjoni m’għandhomx jiġu mtawla ladarba jista’ jiġi evitat l-użu taċ-ċomb, tal-merkurju, tal-kadmju jew tal-kromju eżavalenti f’dawk l-applikazzjonijiet.

(4)

Ċerti materjali u komponenti li fihom iċ-ċomb, il-merkurju, il-kadmju jew il-kromju eżavalenti għandhom ikunu eżenti jew jibqgħu jkunu eżenti mill-projbizzjoni ta’ l-Artikolu 4(2)(a) minħabba li għadu inevitabbli l-użu ta’ dawn is-sustanzi f’dawk il-materjali u komponenti speċifiċi. F’xi każijiet ikun il-każ li tiġi riveduta d-data ta’ skadenza ta’ dawn l-eżenzjonijiet sabiex jiġi determinat jekk l-użu tas-sustanzi projbiti jibqax inevitabbli fil-ġejjieni.

(5)

Fil-każ ta’ l-aluminju maħsub sabiex jinħadem bil-makkinarju, b’kontenut ta’ ċomb sa 1,5% tal-piż, deskritt fil-punt (2)(a) ta' l-Anness, il-Kummissjoni sejra tivvaluta, sa l-1 ta' Lulju 2007, jekk id-data ta' skadenza għal dik l-eżenzjoni għandhiex tiġi riveduta b'konnessjoni mad-disponibbiltà tas-sostituti taċ-ċomb.

(6)

Fil-każ ta’ bearing shells u bushes taċ-ċomb, deskritti fil-punt (4) ta’ l-Anness, il-Kummissjoni sejra tivvaluta, sa l-1 ta’ Lulju 2007, jekk id-data ta’ skadenza għandhiex tiġi riveduta sabiex jiġi żgurat li t-teknoloġija mingħajr ċomb tista’ tintuża fil-magni u t-trażmissjonijiet kollha mingħajr ħsara għall-funzjonament korrett tagħhom.

(7)

Fil-każ ta’ l-użu tal-kromju eżavalenti fil-kisi għall-prevenzjoni tal-korrużjoni konness ma’ muntaġġi bi skorfini u boltijiet għal applikazzjonijiet tax-chassis, deskritt fil-punt (13)(b) ta’ l-Anness, il-Kummissjoni sejra tivvaluta, sa l-1 ta’ Lulju 2007, jekk id-data ta’ skadenza ta’ dik l-eżenzjoni għandhiex tiġi riveduta sabiex jiġi żgurat li l-ebda partijiet mekkaniċi essenzjali ma jkunu jistgħu aċċidentalment jinħallu minn ma xulxin tul il-ħajja tal-vettura.

(8)

Fil-każ ta’ l-użu tal-kadmju fil-batteriji għal vetturi elettriċi, deskritt fil-punt (17) ta' l-Anness, il-Kummissjoni sejra tivvaluta, sa tmien l-2007, jekk id-data ta' skadenza ta' dik l-eżenzjoni għandhiex tiġi riveduta sabiex tiġi żgurata d-disponibbiltà ta' teknoloġiji alternattivi tal-batteriji u ta' vetturi elettriċi.

(9)

Id-Direttiva 2000/53/KE għandha għalhekk tiġi emendata kif meħtieġ,