This document is an excerpt from the EUR-Lex website
Document 32005D0653
2005/653/CFSP: Political and Security Committee Decision Darfur/1/2005 of 29 July 2005 appointing a Military Adviser to the European Union Special Representative for Sudan
Deċiżjoni tal-Kumitat Politiku u ta' Sigurtà Darfur/1/2005 tad- 29 ta' Lulju 2005 li taħtar Konsulent Militari għar-Rappreżentant Speċjali ta' l-Unjoni Ewropea għas-Sudan
Deċiżjoni tal-Kumitat Politiku u ta' Sigurtà Darfur/1/2005 tad- 29 ta' Lulju 2005 li taħtar Konsulent Militari għar-Rappreżentant Speċjali ta' l-Unjoni Ewropea għas-Sudan
ĠU L 168M, 21.6.2006, p. 281–281
(MT)
ĠU L 241, 17.9.2005, p. 57–57
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
In force
|
21.6.2006 |
MT |
Il-Ġurnal Uffiċjali ta' l-Unjoni Ewropea |
281 |
DEĊIŻJONI TAL-KUMITAT POLITIKU U TA' SIGURTÀ DARFUR/1/2005
tad-29 ta' Lulju 2005
li taħtar Konsulent Militari għar-Rappreżentant Speċjali ta' l-Unjoni Ewropea għas-Sudan
(2005/653/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu ta' l-Artikolu 25 tiegħu,
Wara li kkunsidra l-Azzjoni Konġunta 2005/557/PESK tal-Kunsill tat-18 ta' Lulju 2005 dwar l-azzjoni ta' sostenn ċivili-militari ta' l-Unjoni Ewropea għall-missjoni ta' l-Unjoni Afrikana fir-reġjun ta' Darfur fis-Sudan (1), u b'mod partikolari l-Artikolu 4 tiegħu,
Billi
|
(1) |
Fit-18 ta' Lulju 2005 l-Kunsill adotta l-Azzjoni Konġunta 2005/556/PESK li taħtar Rappreżentant Speċjali ta' l-Unjoni Ewropea (EUSR) għas-Sudan (2) |
|
(2) |
L-EUSR jiżgura l-koordinazzjoni u l-koerenza tal-kontributi ta’ l-UE lill-AMIS. Taħt l- awtorità ta' l-EUSR, Ċellula ta' Koordinazzjoni ta' l-UE f'Addis Ababa (ACC), li tinkludi konsulent politiku, konsulent militari u konsulent tal-pulizija, tamministra l-koordinazzjoni ta' kuljum ma' l-atturi rilevanti kollha ta' l-UE u maċ-Ċentru ta' Kontroll Amministrattiv u ta' Maniġġar (ACMC) fil-katina ta' kmand ta' l-Unjoni Afrikana f'Addis Ababa sabiex jiġu żgurati l-koerenza u s-sostenn tempestiv ta' l-UE lill-AMIS II. |
|
(3) |
Il-Konsulent Militari ta' l-EUSR jgħin sabiex tiġi żgurata l-koerenza tal-komponent militari ta' l-azzjoni ta' sostenn ta' l-UE f'Addis Ababa u huwa responsabbli għall-amministrazzjoni tal-koordinament ta' kuljum tal-komponent militari ta' l-azzjoni ta' sostenn ta' l-UE ma' l-ACMC. |
|
(4) |
Is-Segretarju Ġenerali/Rappreżentant Għoli, wara r-rakkomandazzjoni mill-EUSR, ippropona li l-Kurunell Philippe Mendez jiġi maħtur bħala Konsulent Militari għall-EUSR. |
|
(5) |
Konformement ma' l-Artikolu 4 ta' l-Azzjoni Konġunta 2005/557/PESK, il-Kunsill awtorizza l-Kumitat Politiku u ta' Sigurtà (PSC) sabiex jaħtar Konsulent Militari għall-EUSR. |
|
(6) |
Konformement ma' l-Artikolu 6 tal-Protokoll dwar il-posizzjoni tad-Danimarka anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka ma tipparteċipax fit-tfassil u fl-implementazzjoni ta’ deċiżjonijiet u azzjonijiet ta’ l-Unjoni Ewropea li għandhom implikazzjonijiet ta’ difiża, |
IDDEĊIEDA KIF ĠEJ:
Artikolu 1
Il-Kurunell Philippe Mendez huwa b'dan maħtur Konsulent Militari għall-EUSR għas-Sudan.
Artikolu 2
Din id-Deċiżjoni għandha ssir effettiva fid-data ta’ l-adozzjoni tagħha.
Magħmula fi Brussel, nhar id-29 ta' Lulju 2005.
Għall-Kumitat Politiku u Ta' Sigurtà
Il-President
J. KING
(1) ĠU L 188, 20.7.2005, p. 46.
(2) ĠU L 188, 20.7.2005, p. 43.