Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32005D0567

    2005/567/KE: Deċiżjoni tal-Kummissjoni tat- 8 ta’ Lulju 2005 Li tissospendi l-proċedura ta’ eżami rigward l-ostakoli għall-kummerċ li jikkonsistu f’miżuri imposti u fi prassi tar-Repubblika Orjentali ta’ l-Urugwaj li jolqtu l-kummerċ ta’ l-iScotch whisky

    ĠU L 190, 22.7.2005, p. 27–27 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
    ĠU L 349M, 12.12.2006, p. 246–246 (MT)

    ⏵Dan id-dokument ġie ppubblikat f’edizzjoni(jiet) speċjali (BG, RO, HR)

    Legal status of the document In force

    ELI: http://data.europa.eu/eli/dec/2005/567/oj

    12.12.2006   

    MT

    Il-Ġurnal Uffiċjali ta’ l-Unjoni Ewropea

    246

    DEĊIŻJONI TAL-KUMMISSJONI

    tat-8 ta’ Lulju 2005

    li tissospendi l-proċedura ta’ eżami rigward l-ostakoli għall-kummerċ li jikkonsistu f’miżuri imposti u fi prassi tar-Repubblika Orjentali ta’ l-Urugwaj li jolqtu l-kummerċ ta’ l-iScotch whisky

    (2005/567/KE)

    IL-KUMMISSJONI TAL-KOMUNITAJIET EWROPEJ,

    Wara li kkunsidrat it-Trattat li jistabbilixxi l-Komunità Ewropea,

    Wara li kkunsidrat ir-Regolament tal-Kunsill (KE) Nru 3286/94 tat-22 ta Diċembru 1994 li jistipula l-proċeduri tal-Komunità fil-qasam tal-politika kummerċjali komuni sabiex jiżgura t-tħaddim tad-drittijiet tal-Komunità skond ir-regoli internazzjonali tal-kummerċ, b'mod partikolari dawk stabbiliti taħt l-awspiċji ta' l-Organizzazzjoni Dinjija tal-Kummerċ (1), u b'mod partikolari l-Artikolu 11(2) tagħha,

    Billi:

    (1)

    Fit-2 ta’ Settembru 2004, l-Assoċjazzjoni ta’ l-iScotch Whisky (SWA) ressqet ilment skond l-Artikolu 4 tar-Regolament KE Nru 3286/94 (minn hawn 'il quddiem “ir-Regolament”)

    (2)

    L-SWA stqarret li l-esportazzjoni tal-Komunità ta’ whisky lejn ir-Repubbika Orjentali ta’ l-Urugwaj kienu mxekkla minn għadd ta’ ostakoli għall-kummerċ fi ħdan it-tifsira ta’ l-Artikolu 2(1) tar-Regolament.

    (3)

    L-ostakoli għall-kummerċ allegatament kienu kollha marbuta mas-sistema interna tat-taxxa tas-sisa ta’ l-Urugwaj.

    (4)

    Wara konsultazzjoni xierqa mal-Kumitat Konsultattiv stabbilit mir-Regolament, il-Kummissjoni ddeċidiet li l-ilment kien fih biżżejjed evidenza biex tiġġustifika l-ftuħ ta’ proċedura ta' eżami. Avviż ta’ Ftuħ ta' proċedura ta’ eżami kien għalhekk ippubblikat fil-Ġurnal Uffiċjali ta’ l-Unjoni Ewropea fit-23 ta’ Ottubru 2004 (2).

    (5)

    Matul l-investigazzjoni, il-Gvern ta’ l-Urugwaj sostna li lest ifittex soluzzjoni permezz ta’ soluzzjoni nnegozjata għall-kwistjonijiet imressqa fl-ilment, u ppropona:

    (a)

    Li jirtira r-rekwiżit li l-wiski ikollu anqas minn tliet snin sabiex ikun inkluż fl-inqas kategorija tat-taxxa. Il-miżura tidħol fis-seħħ mill-1 ta’ Lulju 2005,

    (b)

    Li japplika l-istess trattament għall-wiski domestiku u dak impurtat fir-rigward tar-rekwiżit li titwaħħal strixxa ta' timbri. Ir-Repubblika Orjentali ta’ l-Urugwaj se temenda r-regolamenti tagħha sat-30 ta’ Ġunju 2005 u l-miżura se tidħol fis-seħħ wara perjodu tranżizzjonali ta’ 90 jum,

    (c)

    Li jmexxi ’l quddiem bidla fl-istruttura tat-taxxa IMESI sabiex tikkonforma mas-sistemi tat-taxxa l-aktar użati fuq livell internazzjonali. Din il-bidla tgħin biex tiġi indirizzata l-kwistjoni ta’ l-allegazzjoni ta’ nuqqas ta’ trasparenza u prevedibbiltà. Il-proċess ta’ riforma huwa mistenni li jiġi ffinalizzat sa tmiem l-2006.

    (6)

    Il-Kummissjoni għalhekk tikkunsidra li huwa xieraq li l-proċedura tiġi sospiża.

    (7)

    Il-Komunità se tissorvelja l-implimentazzjoni tas-soluzzjoni nnegozjata u se twaqqaf il-proċedura meta l-Gvern ta’ l-Urugwaj ikun wettaq l-impenji tiegħu.

    (8)

    Il-miżuri previsti f'din id-Deċiżjoni huma skond l-opinjoni tal-Kumitat Konsultattiv.

    IDDEĊIDIET DAN LI ĠEJ:

    Artikolu uniku

    Il-proċedura ta’ eżami rigward l-ostakoli għall-kummerċ, li jikkonsistu f’miżuri imposti u fi prassi tar-Repubblika Orjentali ta’ l-Urugwaj li jolqtu l-kummerċ ta’ l-iScotch whisky, hija hawnhekk sospiża.

    Magħmul fi Brussell, nhar it-8 ta’ Lulju 2005.

    Għall-Kummissjoni

    Peter MANDELSON

    Membru tal-Kummissjoni

    (1)  ĠU L 349, 31.12.1994, p. 71. Regolament emendat mir-Regolament (KE) Nru 356/95, ĠU L 41, 23.2.1995, p. 3.

    (2)  ĠU C 261, 23.10.2004, p. 3.

    Top