This document is an excerpt from the EUR-Lex website
Document 32005D0500
2005/500/EC: Commission Decision of 12 July 2005 laying down special conditions for imports of fishery products from Grenada (notified under document number C(2005) 2545) (Text with EEA relevance)
2005/500/KE: Deċiżjoni tal-Kummissjoni tat- 12 ta’ Lulju 2005 li tistabbilixxi kondizzjonijiet speċjali għall-importazzjoni ta' prodotti tas-sajd mill-Grenada (notifikata taħt dokument numru C(2005) 2545) Test b'rilevanza għaż-ŻEE.
2005/500/KE: Deċiżjoni tal-Kummissjoni tat- 12 ta’ Lulju 2005 li tistabbilixxi kondizzjonijiet speċjali għall-importazzjoni ta' prodotti tas-sajd mill-Grenada (notifikata taħt dokument numru C(2005) 2545) Test b'rilevanza għaż-ŻEE.
ĠU L 183, 14.7.2005, p. 104–108
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 349M, 12.12.2006, p. 227–231
(MT)
No longer in force, Date of end of validity: 30/04/2007; Imħassar b' 32006R1664
12.12.2006 |
MT |
Il-Ġurnal Uffiċjali ta’ l-Unjoni Ewropea |
227 |
DEĊIŻJONI TAL-KUMMISSJONI
tat-12 ta’ Lulju 2005
li tistabbilixxi kondizzjonijiet speċjali għall-importazzjoni ta' prodotti tas-sajd mill-Grenada
(notifikata taħt dokument numru C(2005) 2545)
(Test b'rilevanza għaż-ŻEE)
(2005/500/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunitajiet Ewropej,
Wara li kkunsidrat id-Direttiva tal-Kunsill 91/493/KEE tat-22 ta' Lulju 1991 li tistabbilixxi l-kondizzjonijiet sanitarji għall-produzzjoni u t-tqegħid fis-suq ta' prodotti tas-sajd (1), u b'mod partikolari l-Artikolu 11(1) tagħha,
Billi:
(1) |
Twettqet spezzjoni fil-Grenada f'isem il-Kummissjoni biex jiġu vverifikati l-kundizzjonijiet li fihom il-prodotti ta' l-industrija tas-sajd jiġu prodotti, maħżuna u mibgħuta lejn il-Komunità. |
(2) |
Il-kundizzjonijiet fil-leġislazzjoni tal-Grenada dwar l-ispezzjoni sanitarja u l-monitoraġġ tal-prodotti ta' l-industrija tas-sajd jistgħu jitqiesu l-istess bħal dawk li hemm stipulati fid-Direttiva 91/493/KEE. |
(3) |
Partikolarment, id-“Dipartiment tas-Saħħa Pubblika (DSP) taħt il-Ministeru tas-Saħħa u l-Ambjent (MSA)” hu kapaċi jivverifika b’mod effettiv l-implimentazzjoni tar-regoli fis-seħħ. |
(4) |
Id-DSP-MSA ipprovda assigurazzjonijiet uffiċjali dwar il-konformità ma' l-istandards tal-kontrolli sanitarji u l-monitoraġġ ta' prodotti tas-sajd kif stipulati fil-Kapitolu V ta' l-Anness għad-Direttiva 91/493/KEE u dwar it-twettiq tar-rekwiżiti iġjeniċi ekwivalenti għal dawk stabbiliti b'dik id-Direttiva. |
(5) |
Jixraq li jiġu stabbiliti dispożizzjonijiet dettaljati dwar il-prodotti tas-sajd importati fil-Komunità mill-Grenada, skond id-Direttiva 91/493/KEE. |
(6) |
Jeħtieġ ukoll li titfassal lista ta' stabbilimenti approvati, bastimenti-fabbrika, jew imħażen tal-friża, u lista ta' bastimenti tal-friża mgħammra skond ir-rekwiżiti tad-Direttiva tal-Kunsill 92/48/KEE tas-16 ta' Ġunju 1992 li tistabbilixxi r-regoli ta' iġjene minimi applikabbli għall-prodotti tas-sajd maqbuda fuq ċerti bastimenti skond l-Artikolu 3(a)(i) tad-Direttiva 91/493/KEE (2). Dawk il-listi għandhom jitfasslu fuq il-bażi ta' komunikazzjoni mid-DSP-MSA lill-Kummissjoni. |
(7) |
Jixraq li din id-Deċiżjoni tiġi applikata 45 jum wara l-pubblikazzjoni tagħha li jipprovdu l-perjodu tranżitorju meħtieġ. |
(8) |
Il-miżuri li hemm f'din id-Deċiżjoni huma fi qbil ma' l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
Id-“Dipartiment tas-Saħħa Pubblika (DSP) taħt il-Ministeru tas-Saħħa u l-Ambjent (MSA)” għandu jkun l-awtorità kompetenti fil-Grenada identifikata għall-għanijiet tal-verifika u ċ-ċertifikazzjoni tal-konformità tal-prodotti tas-sajd mar-rekwiżiti tad-Direttiva 91/493/KEE.
Artikolu 2
Il-prodotti tas-sajd importati fil-Komunità mill-Grenada għandhom jissodisfaw ir-rekwiżiti stipulati fl-Artikoli 3, 4 u 5.
Artikolu 3
1. Kull kunsinna għandha tkun akkumpanjata minn ċertifikat sanitarju oriġinali innumerat skond il-mudell stipulat fl-Anness I u li jkun jikkostitwixxi folja waħda, mimlija, iffirmata u ddatata kif suppost.
2. Iċ-ċertifikat sanitarju għandu jitfassal f’għallinqas waħda mil-lingwi uffiċjali ta' l-Istat Membru fejn ikunu qed jitwettqu l-kontrolli.
3. Iċ-ċertifikat sanitarju għandu jinkludi l-isem, il-kariga u l-firma tar-rappreżentant tal-DSP-MSA, u t-timbru uffiċjali ta' dan ta' l-aħħar b'kulur differenti minn dak ta' l-approvazzjonijiet.
Artikolu 4
Il-prodotti tas-sajd għandhom jiġu minn stabbilimenti, bastimenti fabbriki, jew imħażen tal-friża approvati, jew minn bastimenti tal-friża rreġistrati elenkati fl-Anness II.
Artikolu 5
Il-pakketti kollha għandhom ikunu mmarkati bil-kelmiet “GRENADA” u bin-numru ta' approvazzjoni/reġistrazzjoni ta' l-istabbiliment, il-bastiment fabbrika, il-maħżen tal-friża jew il-bastiment tal-friża ta' l-oriġini b'ittri li ma jitħassrux, għajr għal każijiet ta' prodotti tas-sajd iffriżati bl-ingrossa u intenzjonati għall-manifattura ta' ikel ippriservat.
Artikolu 6
Din id-Deċiżjoni għandha tapplika mit-28 ta’ Awwissu 2005.
Artikolu 7
Din id-Deċiżoni hija indirizzata lill-Istati Membri.
Magħmul fi Brussell, nhar it-12 ta’ Lulju 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 268, 24.9.1991, p. 15. Direttiva kif ġiet emendata l-aħħar bir-Regolament (KE) Nru 806/2003 (ĠU L 122, 16.5.2003, p. 1).
(2) ĠU L 187, 7.7.1992, p. 41.
ANNESS I
ĊERTIFIKAT SANITARJU
għall-prodotti ta' l-industrija tas-sajd mill-Grenada u maħsuba għall-esportazzjoni lejn il-Komunità Ewropea li jeskludu molluski bivalvi, ekinodermi, tunikati u gastropodi tal-baħar f’kull għamla
Test ta 'immaġni Test ta 'immaġniANNESS II
LISTA TA' STABBILIMENTI U BASTIMENTI
Nru ta' l-approvazzjoni |
Isem |
Belt Reġjun |
Skadenza ta' l-Approvazzjoni |
Kategorija |
Rimarki |
||||||
001 |
Grenada Commercial Fisheries Ltd. |
St. George's |
|
PP |
A |
||||||
002 |
Caribbean Sefoods Ltd. |
St. George's |
|
PP |
A |
||||||
005 |
Minerva (Cardinal Olliverre) |
Carriacou |
|
ZV |
|
||||||
006 |
Comment (Devon Mitchell) |
Petit Martinique |
|
ZV |
|
||||||
009 |
Mascot (Don Blair) |
Petit Martinique |
|
ZV |
|
||||||
0010 |
Content I (Chad Charles) |
Petit Martinique |
|
ZV |
|
||||||
0011 |
Content II (Francis Decoteau) |
Petit Martinique |
|
ZV |
|
||||||
0012 |
White Stallion (Gerard Bethel) |
Petit Martinique |
|
ZV |
|
||||||
Categorie Legend:
Tifsira tal-Kategorija:
|