This document is an excerpt from the EUR-Lex website
Document 32005D0242
2005/242/: Commission Decision of 16 March 2005 on a Community financial contribution for Germany and Finland for their programmes for strengthening inspection infrastructures for plant-health checks on plants and plant products coming from third countries (notified under document number C(2005) 674)
Id-Deċiżjoni tal-Kummissjoni tas- 16 ta' Marzu 2005 dwar kontribuzzjoni finanzjarja tal-Komunità għall-Ġermanja u l-Finlandja għall-programmi tagħhom sabiex isaħħu infrastrutturi ta' spezzjoni għall-iċċekkjar tas-saħħa tal-pjanti fuq pjanti u prodotti tal-pjanti li ġejjin minn pajjiżi terzi (innotifikata taħt in-numru tad-dokument C(2005) 674)
Id-Deċiżjoni tal-Kummissjoni tas- 16 ta' Marzu 2005 dwar kontribuzzjoni finanzjarja tal-Komunità għall-Ġermanja u l-Finlandja għall-programmi tagħhom sabiex isaħħu infrastrutturi ta' spezzjoni għall-iċċekkjar tas-saħħa tal-pjanti fuq pjanti u prodotti tal-pjanti li ġejjin minn pajjiżi terzi (innotifikata taħt in-numru tad-dokument C(2005) 674)
ĠU L 74, 19.3.2005, p. 71–73
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, p. 205–207
(MT)
In force
18.10.2005 |
MT |
Il-Ġurnal Uffiċjali ta’ l-Unjoni Ewropea |
205 |
ID-DEĊIŻJONI TAL-KUMMISSJONI
tas-16 ta' Marzu 2005
dwar kontribuzzjoni finanzjarja tal-Komunità għall-Ġermanja u l-Finlandja għall-programmi tagħhom sabiex isaħħu infrastrutturi ta' spezzjoni għall-iċċekkjar tas-saħħa tal-pjanti fuq pjanti u prodotti tal-pjanti li ġejjin minn pajjiżi terzi
(innotifikata taħt in-numru tad-dokument C(2005) 674)
(It-testi bil-Finlandiż, bil-Ġermaniżi u bl-Iżvediż biss huma awtentiċi)
(2005/242/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar miżuri ta' ħarsien kontra l-introduzzjoni fil-Komunità ta' organiżmi li jagħmlu ħsara lil pjanti jew lil prodotti tal-pjanti, kif ukoll kontra t-tixrid tagħhom fil-Komunità (1), u b'mod partikolari l-Artikolu 13c (5) tagħha,
Billi:
(1) |
Id-Direttiva 2000/29/KE tistipola l-kontribuzzjoni finanzjarja tal-Komunità li għandha tingħata lill-Istati Membri sabiex issaħħu l-infrastrutturi ta' spezzjoni għall-iċċekkjar tas-saħħa tal-pjanti fuq il-pjanti u l-prodotti tal-pjanti li ġejjin minn pajjiżi terzi. |
(2) |
Kemm il-Ġermanja kif ukoll il-Finlandja stabbilixxew programm sabiex isaħħu l-infrastrutturi ta' spezzjoni għall-iċċekkjar tal-pjanti u l-prodotti tal-pjanti li ġejjin minn pajjiżi terzi. Applikaw għall-allokazzjoni ta' kontribuzzjoni finanzjarja tal-Komunità għall-dawk il-programmi skond ir-Regolament tal-Kummissjoni (KE) Nru 998/2002 tal-11 ta' Ġunju 2002 li jistabbilixxi regoli ddettaljati għall-implimentazzjoni tad-dispożizzjonijiet relatati ma' l-allokazzjoni ta' kontribuzzjoni finanzjarja tal-Komunità għal Stati Membri sabiex isaħħu infrastrutturi ta' spezzjoni għall-iċċekkjar tas-saħħa tal-pjanti għall-pjanti u l-prodotti tal-pjanti li ġejjin minn pajjiżi terzi. (2) |
(3) |
L-informazzjoni teknika prevista mill-Ġermanja u l-Finlandja tat setgħa lill-Kummissjoni sabiex tanalizza b'mod preċiż u komprensiv. Il-Kummissjoni ħejjiet lista ta' karigi eliġibbli ta' spezzjoni li jsaħħu programmi, li jagħtu dettalji ta' l-ammont propost ta' kontribuzzjoni finanzjarja tal-Komunità għal kull programm. L-informazzjoni kienet ukoll eżaminata mill-Kumitat Permanenti dwar is-Saħħa tal-Pjanti. |
(4) |
Kull programm inkluż f'dik il-lista kien valutat għall-approvazzjoni b'mod individwali Il-Kummissjoni kkonkludiet li l-kundizzjonijiet u l-kriterji stipolati fid-Direttiva 2000/29/KE u r-Regolament (KE) Nru 998/2002 għall-għotja ta' kontribuzzjoni finanzjarja tal-Komunità, intlaħqu. |
(5) |
Skond dan, huwa xieraq li tkun allokata kontribuzzjoni finanzjarja tal-Komunità sabiex tkopri l-infiq ta' dawk il-programmi mill-Ġermanja u l-Finlandja. |
(6) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DEĊIŻJONI:
Artikolu 1
1. L-allokazzjoni ta' kontribuzzjoni finanzjarja tal-Komunità bil-għan li tkopri n-nefqa li se ġġarrab il-Ġermanja għall-programm tagħha għat-tisħiħ tal-karigi ta' spezzjoni hija hawnhekk approvata.
2. L-allokazzjoni ta' kontribuzzjoni finanzjarja tal-Komunità bil-għan li tkopri n-nefqa li se ġġarrab il-Finlandja għall-programm tagħha għat-tisħiħ tal-karigi ta' spezzjoni hija hawnhekk approvata.
Artikolu 2
1. L-ammont totali ta' kontribuzzjoni finanzjarja hekk kif previst fl-Artikolu 1 se jkun ta' 94 470 euro.
2. Il-kontribuzzjoni finanzjarja massima mill-Komunità għal kull Stat Membru kkonċernat għandha tkun kif ġej:
a) |
36 875 euro: il-Ġermanja; |
b) |
57 595 euro: il-Finlandja. |
3. Il-kontribuzzjoni finanzjarja massima tal-Komunità għal kull programm għat-tisħiħ tal-karigi ta' spezzjoni se jkunu hekk kif stipolati fl-Anness.
Artikolu 3
Il-kontribuzzjoni finanzjarja tal-Komunità għal kull programm hekk kif stipolata fl-Anness se titħallas biss meta:
a) |
tkun ingħatat evidenza tax-xiri u/jew titjib tat-tagħmir u/jew faċilitajiet elenkati fil-programm mill-Istat Membru kkonċernat lill-Kummissjoni b'dokumentazzjoni xierqa; u |
b) |
tkun tressqet talba għall-ħlas tal-kontribuzzjoni finanzjarja tal-Komunità mill-Istati Membri kkonċernati lill-Kummissjoni, skond id-dispożizzjonijiet previsti fl-Artikolu 3 tar-Regolament (KE) Nru 998/2002. |
Artikolu 4
Din id-Deċiżjoni hija indirizzata lir-Repubblika Federali tal-Ġermanja u r-Repubblika Finlandiża.
Magħmula fi Brussell, fis-16 ta' Marzu 2005.
Għall-Kummissjoni
Markos KYPRIANOU
Membru tal-Kummissjoni
(1) ĠU L 169, ta' l-10.7.2000, p. 1. Id-Direttiva kif l-aħħar emendata bid-Direttiva tal-Kummissjoni 2004/102/KE tal-5 ta’ Ottubru 2004 (ĠU L 309, tas-6.10.2004, p. 9).
(2) ĠU L 152, tat-12.6.2002, p. 16. Ir-Regolament kien ippubblikat bħala Regolament 997/2002/KE iżda n-numru kien korrett b'corigendum (ĠU L 153, tat-13.6.2002, p. 18).
ANNESS
PROGRAMMI GĦAT-TISĦIĦ TAL-KARIGI TA' SPEZZJONI
Programmi b'kontribuzzjoni finanzjarja li tikkorrispondi magħhom
Stat Membru |
Ismijiet tal-karigi ta' spezzjoni (isem ta' l-unità amministrattiva) |
Nefqa eleġibbli (EUR) |
Kontribuzzjoni Finanzjarja Massimatal-Komunità (EUR) |
Il-Ġermanja |
Bayern, München-Flughafen |
1 500 |
750 |
Bayern, München-Flughafen |
1 500 |
750 |
|
Bremen, Bremen Stadt, punti ta' dħul nri 5.1 sa 5.7 |
1 700 |
850 |
|
Bremen, Bremerhaven, punti ta' dħul nri 5.8 u 5.9 |
1 700 |
850 |
|
Hessen, Frankfurt Flughafen |
36 750 |
18 375 |
|
Niedersachsen, Emden |
5 200 |
2 600 |
|
Niedersachsen, Brake u Nordenham |
7 700 |
3 850 |
|
Niedersachsen, Wilhelmshaven |
5200 |
2 600 |
|
Mecklenburg-Vorpommern, Rostock |
1 700 |
850 |
|
Mecklenburg-Vorpommern, Wismar |
1 700 |
850 |
|
Mecklenburg-Vorpommern, Sassnitz-Mukran |
1 700 |
850 |
|
Sachsen, Flughafen Dresden |
1 750 |
875 |
|
Sachsen, Flughafen Halle/Leipzig |
1 750 |
875 |
|
Thüringen,Erfurt-Kühnhausen |
3 900 |
1 950 |
|
Il-Finlandja |
Lappeenranta |
61 702 |
30 851 |
Niirala/Joensuu |
16 963 |
8 481 |
|
Oulu |
12 418 |
6 209 |
|
Kouvola |
8 436 |
4 218 |
|
Pori-Rauma |
4 674 |
2 337 |
|
Vainikkala |
1 445 |
722 |
|
Kajaani |
4 218 |
2 109 |
|
Parikkala |
945 |
472 |
|
Lieksan Inari |
945 |
472 |
|
Vartius |
1 948 |
974 |
|
Kortesalmi |
750 |
375 |
|
Uukuniemi |
750 |
375 |
|
Il-kontribuzzjoni finanzjarja totali tal-Komunità (EUR) |
94 470 |