EUR-Lex Access to European Union law
This document is an excerpt from the EUR-Lex website
Document 32005D0197
2005/197/EC: Commission Decision of 9 March 2005 approving the 2005 technical action plan for improving agricultural statistics (notified under document number C(2005) 531)
Id-Deċiżjoni tal-Kummissjoni tad- 9 ta' Marzu 2005 li tapprova l-pjan ta' azzjoni teknika ta' l-2005 sabiex tittejjeb l-istatistika ta' l-agrikoltura (innotifikata taħt in-numru tad-dokument C(2005) 531)
Id-Deċiżjoni tal-Kummissjoni tad- 9 ta' Marzu 2005 li tapprova l-pjan ta' azzjoni teknika ta' l-2005 sabiex tittejjeb l-istatistika ta' l-agrikoltura (innotifikata taħt in-numru tad-dokument C(2005) 531)
ĠU L 65, 11.3.2005, p. 30–32
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, p. 155–157
(MT)
No longer in force, Date of end of validity: 11/12/2010
18.10.2005 |
MT |
Il-Ġurnal Uffiċjali ta’ l-Unjoni Ewropea |
155 |
ID-DEĊIŻJONI TAL-KUMMISSJONI
tad-9 ta' Marzu 2005
li tapprova l-pjan ta' azzjoni teknika ta' l-2005 sabiex tittejjeb l-istatistika ta' l-agrikoltura
(innotifikata taħt in-numru tad-dokument C(2005) 531)
(2005/197/KE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill Nru 96/411/KE tal-25 ta' Ġunju 1996 dwar it-titjib ta' l-istatistika ta' l-agrikoltura tal-Komunità (1), u b' mod partikolari l-Artikolu 4(1) u l-Artikolu 6(2) tagħha,
Billi:
(1) |
Skond id-Deċiżjoni Nru 96/411/KE, il-Kummissjoni tistabbilixxi pjan ta' azzjoni teknika għall-istatistika ta' l-agrikoltura kull sena. |
(2) |
Skond id-Deċiżjoni Nru 96/411/KE, il-Komunità tikkontribwixxi għall-ispejjeż imġarrba mill-Istati Membri fit-twettieq ta' l-adattamenti għal sistemi nazzjonali ta' statistika jew għall-ispejjeż ta' xogħol ta' tħejjija għal bżonnijiet ġodda jew li jiżdiedu li huma parti mill-pjan ta' azzjoni teknika. |
(3) |
Huwa essenzjali li tittejjeb l-informazzjoni dwar l-istruttura ta' l-azjendi agrikoli għall-implimentazzjoni tal-politika relatata tal-Komunità. |
(4) |
Hemm ħtieġa sabiex tkun imsaħħa s-sistema ta' l-istatistika agrikola u sabiex tissokta l-ħidma appoġġjata mill-pjanijiet ta' azzjoni. Din id-darba ir-reġistri ta' statistika ta' l-irziezet, li huma rekwiżit għar-riċerki kollha ta' l-irziezet u li huma diffikultà kbira fil-biċċa l-kbira ta' l-Istati Membri, huma l-medda ewlenija tal-pjan ta' azzjoni annwali. |
(5) |
Il-miżuri previsti f'din id-Deċiżjoni huma bi qbil ma' l-opinjoni tal-Kumitat Permanenti dwar l-Istatistika ta' l-Agrikoltura, |
ADOTTAT DIN ID-DEĊIŻJONI:
Artikolu 1
Il-pjan ta' azzjoni teknika ta' l-2005 għat-titjib ta' l-istatistika agrikola (TAPAS 2005), hekk kif stipulat fl-Anness, huwa approvat.
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, fid-9 ta' Marzu 2005.
Għall-Kummissjoni
Joaquin ALMUNIA
Membru tal-Kummissjoni
(1) ĠU L 162, ta' l-1.7.1996, p. 14. Id-Deċiżjoni kif emendata l-aħħar bid-Deċiżjoni 787/2004/KE tal-Parlament Ewropew u tal-Kunsill (ĠU L 138, tat-30.4.2004, p. 12).
ANNESS
PJAN TA' AZZJONI TEKNIKA 2005 SABIEX TITTEJJEB L-ISTATISTIKA TA' L-AGRIKOLTURA
(TAPAS 2005)
Dawn il-miżuri koperti bil-pjan ta' azzjoni teknika 2005 għat-titjib ta' l-istatistika agrikola għandhom l-għan li jiżviluppaw jew itejbu l-istatistika f' dawn l-oqsma li ġejjin:
a) |
reġistri ta' statistika ta' l-irziezet, |
b) |
riċerki fuq l-irżiezet iż-żgħar (riċerki ta' l-unitajiet żgħar). |
Il-Kummissjoni se tagħmel kontribuzzjoni finanzjarja lil proġetti żviluppati bħala parti minn dawn il-miżuri li mhijiex se taqbeż l-ammonti murija fit-Tabella A għal kull Stat Membru.
Il-miżuri proposti mill-Istati Membri jikkonċernaw:
1) Reġistri ta' statistika ta' l-irziezet
Id-disponibilità ta' reġistru aġġornat ta' l-azjendi agrikoli hija bażi għal sistema koerenti u integrata ta' statistika agrikola kif ukoll, jekk koordinata ma' reġistri nazzjonali tan-negozji, għodda li tikkontribwixxi għall-integrazzjoni ta' l-informazzjoni agrikola ma' dik ta' setturi oħra.
Reġistru validu jipprovdi qafas bażiku għall-għażla ta' kampjun. Jekk tkun kompleta u tinkludi informazzjoni xierqa, tista' tippermetti d-disinn effettiv ta' kampjun flimkien ma', per eżempju, stratifikazzjoni skond id-daqs, it-tip ta' attività jew il-lok. Tista' wkoll tqajjem il-kwistjoni ta' rendibilità ta' ċensimenti agrikoli sħaħ. Ir-reġistri jipprovdu wkoll informazzjoni siewja għad-demografija ta' azjendi agrikoli.
Reġistru armonizzat għandu wkoll jiftaħ il-bieb għall-għażla ta' kapjuni u stħarriġ ta' l-UE li jipprovdi stimi ta' min jorbot fuqhom fil-livell ta' l-UE u li jnaqqas b' mod sostanzjali l-piż li għandhom dawk li jwieġbu l-istħarriġ.
2) Stħarriġ fuq unitajiet żgħar
“Unitajiet żgħar” huma importanti, fir-rigward ta' numri u sehem fil-produzzjoni agrikola, b'mod speċjali fl-Istati Membri l-ġodda. F'uħud minn dawn il-pajjiżi, unitajiet żgħar mhumiex dejjem koperti b' mod adegwat fl-istħarriġ agrikolu, u dan jista' għalhekk iwassal għall-esklużjoni ta' numru kbir ta' unitajiet involuti fil-produzzjoni tal-prodotti agrikoli.
Fil-qafas ta' l-azzjonijiet tat-TAPAS 2005 fuq unitajiet żgħar, il-Eurostat tistenna kontribuzzjonijiet, inter alia, dwar dawn il-mistoqsijiet li ġejjin.
X' għandha tkun id-definizzjoni ta' unitajiet żgħar?
X' għandha tkun l-iċken għatba sabiex dawn it-tip ta' unitajiet ikunu inklużi fir-Reġistri ta' l-Istatistika ta' l-Irziezet?
Sa liema punt għandhom ikunu koperti l-unitajiet iż-żgħar li huma inklużi f' dawn it-tip ta' reġistri (fir-rigward ta' frekwenza, karatteristiċi)?
Tabella A
PJAN TA' AZZJONI TEKNIKA 2005
EU 25
Kontribuzzjoni finanzjarja massima tal-Komunità lill-ispiża mġarrba
(f'eluf ta' euro) |
|||
Pajjiżi |
Reġistru ta' rziezet |
Unitajiet żgħar |
TOTAL |
CZ |
60 000 |
|
60 000 |
DE |
243 000 |
|
243 000 |
EE |
53 856 |
|
53 856 |
IT |
311 440 |
|
311 440 |
CY |
42 000 |
|
42 000 |
LV |
64 069 |
18 083 |
82 152 |
LT |
|
9 000 |
9 000 |
HU |
|
29 700 |
29 700 |
AT |
446 639 |
|
446 639 |
PL |
45 000 |
|
45 000 |
PT |
175 844 |
|
175 844 |
SI |
|
113 400 |
113 400 |
SK |
54 000 |
45 000 |
99 000 |
UK |
187 000 |
|
187 000 |
Total |
1 682 849 |
215 183 |
1 898 032 |