This document is an excerpt from the EUR-Lex website
Document 32004L0087
Commission Directive 2004/87/EC of 7 September 2004 amending Council Directive 76/768/EEC, concerning cosmetic products, for the purpose of adapting Annex III thereto to technical progress Text with EEA relevance
Direttiva tal-Kummissjoni 2004/87/KE tas- 7 ta' Settembru 2004 li temenda d-Direttiva tal-Kunsill 76/768/KEE, li tikkonċerna l-prodotti kosmetiċi, bil-għan li tadatta l-Anness III tagħha għall-progress tekniku Test b’rilevanza għaż-ŻEE.
Direttiva tal-Kummissjoni 2004/87/KE tas- 7 ta' Settembru 2004 li temenda d-Direttiva tal-Kunsill 76/768/KEE, li tikkonċerna l-prodotti kosmetiċi, bil-għan li tadatta l-Anness III tagħha għall-progress tekniku Test b’rilevanza għaż-ŻEE.
ĠU L 287, 8.9.2004, p. 4–4
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 183M, 5.7.2006, p. 117–117
(MT)
No longer in force, Date of end of validity: 11/07/2013
5.7.2006 |
MT |
Il-Ġurnal Uffiċjali ta' l-Unjoni Ewropea |
117 |
DIRETTIVA TAL-KUMMISSJONI 2004/87/KE
tas-7 ta' Settembru 2004
li temenda d-Direttiva tal-Kunsill 76/768/KEE, li tikkonċerna l-prodotti kosmetiċi, bil-għan li tadatta l-Anness III tagħha għall-progress tekniku
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri rigward prodotti kosmetiċi (1), u b’mod partikolari l-Artikolu 8(2) tagħha,
Wara li kkonsultat lill-Kumitat Xjentifiku dwar il-Prodotti Kosmetiċi u Prodotti Mhux ta’ l-Ikel maħsuba għall-Konsumaturi,
Billi:
(1) |
F’April 2002, il-Kummissjoni inkludiet f’Parti 2 ta’ l-Anness tad-Direttiva 76/768/KEE 60 żebgħa tax-xagħar taħt in-numri ta’ referenza 1 sa 60. Peress li iktar informazzjoni dwar is-sigurtà ta’ dawk iż-żebgħat tax-xagħar kienet meħtieġa sabiex il-Kumitat Xjentifiku dwar il-Prodotti Kosmetiċi u Prodotti Mhux ta’ l-Ikel maħsuba għall-Konsumaturi (SCCNFP) itemm l-evalwazzjoni ta’ riskju ta’ dawk is-sustanzi, dawk iż-żebgħat tax-xagħar ingħataw permess proviżorju biex jintużaw fil-prodotti kosmetiċi sat-30 ta’ Settembru 2004. |
(2) |
F’Diċembru 2002, l-SCCNFP niżżlet ir-rekwiżiti bażiċi biex issir evalwazzjoni ta’ riskju moderna għaż-żebgħa tax-xagħar. Wara l-proċess ta’ konsultazzjoni ma’ l-iStati Membri u mal-persuni interessati sar ftehim f’Diċembru 2003 li d-data ta’ Lulju 2005 kienet addattata għall-preżentazzjoni lill-SCCNFP ta’ l-informazzjoni addizzjonali dwar iż-żebgħat tax-xagħar li jissodisfaw ir-rekwiżiti ġodda. Għaldaqstant, il-perijodu li għalih dawk iż-żebgħat tax-xagħar kienu inklużi f’Parti 2 ta’ l-Anness III tad-Direttiva 76/768/KEE għandu jkun estiż. |
(3) |
Id-Direttiva 76/768/KEE għandha tkun għalhekk emendata skond dan. |
(4) |
Il-miżuri msemmija f’din id-Direttiva huma skond l-opinjoni tal-Kumitat Permanenti dwar il-Prodotti Kosmetiċi, |
ADOTTAT DIN ID-DIRETTIVA:
Artikolu 1
F’Parti 2 ta’ l-Anness III tad-Direttiva 76/768/KEE, id-data “30.9.2004” fil-kolonna g għan-numri ta’ referenza 1 sa 60 hija mibdula bi “31.12.2005”.
Artikolu 2
1. L-Istati Membri għandhom idaħħlu fis-seħħ dawn il-liġijiet, regolamenti u dispożizzjonijiet amministrattivi meħtieġa biex ikunu konformi ma’ din id-Direttiva sa l-1 ta’ Ottubru 2004, l-iktar tard. Għandhom minnufih jikkomunikaw lill-Kunsill it-test ta’ dawk id-dispożizzjonijiet u tabella tal-korrelazzjoni bejn dawk id-dispożizzjonijiet u din id-Direttiva.
Meta l-Istati Membri jaddottaw dawk id-dispożizzjonijiet, għandu jkun fihom riferenza għal din id-Direttiva jew għandhom ikunu akkumpanjati minn tali riferenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir tali riferenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jaddottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fit-tielet jum wara l-pubblikazzjoni tagħha fil-Ġurnal Uffiċjali ta’ l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussel, nhar is-7 ta' Settembru 2004.
Għall-Kummissjoni
Olli REHN
Membru tal-Kummissjoni
(1) ĠU L 262, tas-27.9.1976, p. 169. Direttiva kif emendata l-aħħar bid-Direttiva 2003/83/KE (ĠU L 238, 25.9.2003, P.23).