EUR-Lex Access to European Union law
This document is an excerpt from the EUR-Lex website
Document 32004H0705
2004/705/EC: Commission Recommendation of 11 October 2004 on the monitoring of background levels of dioxins and dioxin-like PCBs in foodstuffs (notified under document number C(2004) 3462)Text with EEA relevance
Rakkomandazzjoni tal-Kummissjoni tat- 11 ta' Ottubru 2004 dwar il-monitoraġġ ta' l-ammont tad-diossini u PĊBs li jixbhu d-diossina fil-prodotti ta' l-ikel (innotifikata fid-dokument bin-numru C(2004) 3462) Test b'relevanza għaż-ŻEE.
Rakkomandazzjoni tal-Kummissjoni tat- 11 ta' Ottubru 2004 dwar il-monitoraġġ ta' l-ammont tad-diossini u PĊBs li jixbhu d-diossina fil-prodotti ta' l-ikel (innotifikata fid-dokument bin-numru C(2004) 3462) Test b'relevanza għaż-ŻEE.
ĠU L 321, 22.10.2004, p. 45–52
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 267M, 12.10.2005, p. 232–239
(MT)
|
12.10.2005 |
MT |
Il-Ġurnal Uffiċjali ta’ l-Unjoni Ewropea |
232 |
RAKKOMANDAZZJONI TAL-KUMMISSJONI
tat-11 ta' Ottubru 2004
dwar il-monitoraġġ ta' l-ammont tad-diossini u PĊBs li jixbhu d-diossina fil-prodotti ta' l-ikel
(innotifikata fid-dokument bin-numru C(2004) 3462)
[Test b'rilevanza għaż-ŻEE]
(2004/705/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea, u b'mod partikolari t-tieni inċiż ta' l-Artikolu 211 tiegħu,
Billi,
|
(1) |
Ir-Regolament tal-Kummissjoni (KE) Nru 466/2001 tat-8 ta' Marzu 2001 li jistipula l-ogħla livelli għal ċerti sustanzi kontaminanti f'ċerti prodotti ta' l-ikel (1) jistabbilixxi l-ogħla livelli tad-diossini fil-prodotti ta' l-ikel. |
|
(2) |
Għalkemm minn perspettiva tossikoloġika, kwalunkwe livell għandu japplika għad-diossini, furans u PĊBs bħad-diossina, ġew stipulati l-ogħla livelli għad-diossini u l-furans u mhux għall-PĊBs bħad-diossina, minħabba l-informazzjoni limitata ħafna li teżisti dwar il-prevalenza ta' dawn ta' l-aħħar. Ir-Regolament hawn fuq imsemmi, għall-ewwel darba jipprovdi għal verifika ta' l-ogħla livelli sa mhux aktar tard mill-31 ta' Diċembru 2004, fid-dawl ta' l-informazzjoni ġdida dwar il-preżenza tad-diossini u PĊBs bħad-diossina, b'mod partikolari bil-għan ta' l-inklużjoni ta' PĊBs bħad-diossina fil-livelli li għandhom jiġu stipulati. |
|
(3) |
Ir-Regolament (KE) 466/2001 jipprovdi għal verifika ulterjuri ta' l-ogħla livelli għad-diossini u għall-PĊBs bħad-diossina sa mhux aktar tard mill-31 ta' Diċembru 2006 bil-għan li l-ogħla livelli jitnaqqsu b'mod sinifikanti. |
|
(4) |
Huwa meħtieġ li tiġi ġġenerata informazzjoni affidabbli madwar il-Komunità Ewropea dwar il-preżenza tad-diossini, furans u PĊBs bħad-diossina fl-aktar medda wiesgħa ta' prodotti ta' l-ikel sabiex ikun hemm stampa ċara tax-xejriet kronoloġiċi tal-preżenza ta' dawn is-sustanzi fil-prodotti ta' l-ikel. |
|
(5) |
Ir-relazzjoni bejn il-preżenza tad-diossini, furans, PĊBs bħad-diossina u PĊBs mhux bħad-diossina hija importanti imma sa ċertu punt mhux magħrufa. Huwa għalhekk xieraq li fejn possibli jiġu analizzati l-kampjuni magħżula anki għal PĊBs bħad-diossina. |
|
(6) |
Ir-Rakkomandazzjoni tal-Kummissjoni 2002/201/KE ta' l-4 ta' Marzu 2002 dwar it-tnaqqis tal-preżenza tad-diossini, furans u PĊBs fl-għalf ta' l-annimali u fil-prodotti ta' l-ikel (2) tirrakkomanda li l-Istati Membri jwettqu monitoraġġ każwali tal-preżenza tad-diossini, furans u PĊBs bħad-diossina fil-prodotti ta' l-ikel, fi proporzjon mal-produzzjoni u l-konsum tal-prodotti ta' l-ikel. Dan il-monitoraġġ għandu jitwettaq billi jsegwi linji ta' gwida dettaljati stabbiliti mill-Kumitat Permanenti dwar il-Katina Alimentari u s-Saħħa ta' l-Annimali. Sabiex jiżguraw grad għoli ta' uniformità madwar l-Unjoni Ewropea, dawn il-linji ta' gwida għandhom jinkludu dispożizzjonijiet inter alia li għandhom x'jaqsmu mal-frekwenza minima u kif għandhom jiġu rrapurtati r-riżultati. |
|
(7) |
Huwa importanti li din l-informazzjoni tiġi rrapurtata lill-Kummissjoni fuq bażi regolari. Il-Kummissjoni ser tiżgura l-kumpilazzjoni ta' din l-informazzjoni f'database li ser tkun pubblikament disponibbli biex tiġi kkonsultata. |
|
(8) |
Ir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja, u s-Slovakkja ngħaqdu mal-Komunità Ewropea fl-1 ta' Mejju 2004. Huwa xieraq li l-Istati Membri ġodda jieħdu sehem fil-programm ta' monitoraġġ kemm jista' jkun malajr. Huwa madankollu magħruf li huwa xieraq li jitbassar arranġament transitorju għall-Istati Membri u li għalissa ebda frekwenza minima dettaljata għall-monitoraġġ każwali tal-preżenza tad-diossini, furans u PĊBs bħad-diossina fil-prodotti ta' l-ikel hija rakkomandata għall-Istati Membri ġodda. |
HAWNHEKK TIRRAKKOMANDA:
|
1. |
Li l-Istati Membri mis-sena 2004 'l quddiem sal-31 ta' Diċembru 2006 jwettqu l-monitoraġġ tal-preżenza tad-diossini, furans u PĊBs bħad-diossina fil-prodotti ta' l-ikel li jużaw il-frekwenza minima rrakkomandata tal-kampjuni li għandhom jiġu analizzati annwalment, kif muri fit-tabella ta' l-Anness 1 bħala gwida. Il-frekwenza tal-kampjuni għandha tiġi vverifikati kull sena fid-dawl ta' l-esperjenza miksuba. |
|
2. |
Li r-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja jieħdu sehem kemm jista' jkun malajr fil-programm ta' monitoraġġ dwar il-preżenza tad-diossini, furans u PĊBs bħad-diossina fil-prodotti ta' l-ikel. Il-frekwenza tal-kampjuni li għandhom jiġu analizzati annwalment mir-Repubblika Ċeka, l-Estonja, Ċipru, il-Latvja, il-Litwanja, l-Ungerija, Malta, il-Polonja, is-Slovenja u s-Slovakkja ser tkun stabbilita mis-sena 2005 'l quddiem. |
|
3. |
L-Istati Membri fuq bażi regolari jipprovdu lill-Kummissjoni għall-kumpilazzjoni f'database waħda d-data bl-informazzjoni u fil-format kif muri f'Anness II. Huwa xieraq li tiġi pprovduta wkoll l-informazzjoni li nkisbet fl-aħħar snin bis-saħħa ta' l-użu ta' metodu ta' analiżi bi qbil mal-ħtiġijiet stipulati mid-Direttiva tal-Kummissjoni 2002/69/KE tad-29 ta' Lulju li tistipula l-metodi ta' kif jittieħdu l-kampjuni u l-metodi ta' analiżi għall-kontroll uffiċjali ta' diossini u d-determinazzjoni ta' PĊBs bħad-diossina fi prodotti ta' l-ikel (3) kif ukoll il-livelli riflessi . |
|
4. |
Li l-Istati Membri, jekk possibli, jwettqu wkoll l-analiżi fuq PĊBs mhux bħad-diossina fl-istess kampjuni. |
Magħmula fi Brussell, 11 ta' Ottubru 2004.
Għall-Kummissjoni
David BYRNE
Membru tal-Kummissjoni
(1) ĠU L 77, tas-16.3.2001, p. 1. Kif emendat l-aħħar mir-Regolament tal-Kummissjoni (KE) Nru 684/2004 tat-13 ta' April (ĠU L 106, tal-15.4.2004, p. 6).
(2) ĠU L 67, tad-9.3.2002, p. 69.
(3) ĠU L 209, tas-6.8.2002, p. 5, kif emendat mid-Direttiva tal-Kummissjoni 2004/44/KE tat-13 ta' April 2004 (ĠU L 113, ta' l-20.4.2004, p. 17).
ANNESS I
Tabella: Ħarsa ġenerali lejn in-numru minimu rakkomandat ta' kampjuni ta' ikel biex jiġu analizzati kull sena. Id-distribuzzjoni tal-kampjuni hija bbażata fuq il-produzzjoni f'kull pajjiż. Attenzjoni partikolari hija mogħtija lill-prodotti ta' l-ikel mistennija li jkollhom varjazzjoni kbira fil-livelli tad-diossini, furans u PCBs bħad-diossina. Dan huwa partikolarment il-każ għall-ħut.
Test ta 'immaġni
Qabda (għall-Istati Membri >10 kampjuni rrakkomandati
Id-Danimarka 15-il kampjun 
4 aringi, 4 mytilus edulis (blue mussel), 7 oħrajn
Spanja 33 kampjun 
7 palamiti, 4 sardin, 5 tonn tal-pinen sofor, 2 żgombri, 2 klamari tal-pinen qosra, 13 oħrajn
Franza 18-il kampjun 
3 palamiti 3 tonn tal-pinen sofor, 2 sardin, 2 bakkaljaw, 2 aringi, 6 oħrajn
L-Olanda 14-il kampjun 
4 sardinellas, 2 żgombri, 3 aringi, 2 makkarell u 3 oħrajn
L-Iżvezja 10 kampjuni 
5 aringi, 4 sardin (sprat), u 1 merluzz
Ir-Renju Unit 24 kampjun 
6 makkarell, 4 aringi, 3 bakkaljaw (haddock), 2 merluzz, u 9 oħrajn
Prodotti ta' l-akwakultura (għall-Istati Membri >5 kampjuni rrakkomandati
Id-Danimarka 5 kampjuni 
4 troti u 1 sallura
Il-Ġermanja 5 kampjuni 
2 tamal, 2 troti u 1 karpjun
Il-Greċja 7 kampjuni 
3 awrata, 2 spnotta, 1 mytilidae (mussel) u 1 ieħor
Spanja 16-il kampjun 
8 mytilidae, 3 troti, 1 awrata, 1 gajdra (oyster), 1 tonn u 2 oħrajn
Franza 16-il kampjuni 
8 gajdriet, 4 mytilidae, 3 troti u 1 karpjun
L-Italja 14-il kampjun 
6 mytilidae, 3 arzella, 3 troti, 1 spnotta, 1 awrata
L-Olanda 7 kampjuni 
4 mytilidae, 1 sallura, 1 gajdra, u 1 catfish
Ir-Renju Unit 12-il kampjuni 
9 salamun, 2 troti u 1 mytilidae
ANNESS II
A. A.Noti ta' spjegazzjoni għall-formola għar-Riżultati Analitiċi tad-diossini, furans u PCBs bħad-diossina u PCBs oħra li jinsabu fl-ikel
1. Informazzjoni ġenerali dwar il-kampjuni analizzati
|
Pajjiż |
isem l-Istat Membru fejn twettaq il-monitoraġġ |
|
Sena |
is-sena li fiha twettaq il-monitoraġġ. |
|
Prodott |
il-prodott ta' l-ikel analizzat — iddeskrivi l-prodott ta' l-ikel bil-mod l-aktar preċiż possibli |
|
Fażi ta' kummerċjalizzazzjoni |
il-post fejn il-prodott (kampjun) inġabar |
|
Tessut |
il-parti tal-prodott analizzat, eż. xaħam jew muskolu |
|
Espressjoni tar-riżultati |
Ir-riżultati għandhom jitfissru fuq il-bażi li fuqhom il-livelli massimi għandhom jiġu stabbiliti (Ir-Regolament tal-Kunsill 2375/2001). Fil-każ ta' l-analiżi ta' PCBs mhux bħad-diossina, huwa rakkomandat ħafna li l-livelli jitfissru fuq l-istess bażi. |
|
Tip ta' kampjuni |
kampjuni każwali — riżultati analitiċi minn kampjuni mmirati jistgħu jiġu rrapurtati wkoll imma jrid jiġi indikat b'mod ċar li l-kampjunar kien immirat u mhux neċessarjament jirrifletti l-livelli normali. |
|
Metodi |
irreferi għall-metodu użat |
|
Akkreditat |
speċifika jekk il-metodu analitiku huwiex akkreditat jew le. |
|
Inċertezza ( %) |
il-persentaġġi ta' l-inċertezza mħaddna fil-metodu analitiku. |
2. Informazzjoni Ġenerali dwar il-kampjuni analizzati
|
Numru tal-Kampjun |
in-numru tal-kampjuni ta' l-istess tip ta' prodott analizzat. Jekk għandek riżultati ta' aktar kampjuni milli għandek immarkati fil-kolonni, sempliċement żid kolonni ġodda b'numru fil-qiegħ tal-formola. |
|
Metodu ta' produzzjoni |
konvenzjonali/organiku (dettaljat kemm jista' jkun) |
|
Żona |
safejn huwa rilevanti, id-distrett jew ir-reġjun fejn inġabar il-kampjun, jekk possibli b'indikazzjoni fil-każ ta' żona rurali, żona urbana, żona industrijali, port, baħar miftuħ, eċċ. Eż. Brussel — żona urbana, Mediterran — baħar miftuħ. |
|
Numru ta' sub-kampjuni |
jekk il-kampjun analizzat huwa pooled sample, in-numru ta' sub-kampjuni (numru ta' individwi) għandu jkun innotifikat. Jekk ir-riżultat analitiku huwa bbażat fuq kampjun wieħed, 1 għandu jiġi nnotifikat. In-numru ta' sub-kampjuni f' ġabra ta' kampjuni jista' jvarja, jiġifieri jekk jogħġbok speċifika dan għal kull kampjun. |
|
Kontenut tax-xaħam ( %) |
il-persentaġġ ta' kontenut ta' xaħam fil-kampjun |
|
Kontenut ta' umdità ( %) |
il-persentaġġ ta' kontenut ta' umdità fil-kampjun (jekk disponibbli). |
3. Riżultati
|
Diossini, furans, PCBs bħad-diossina |
ir-riżultati ta' kull konġeneru għandu jkun irrapurtat f' ppt — nanogrammi/kg (ng/kg) |
|
PCBs mhux bħad-diossina |
ir-riżultati ta' kull konġeneru għandu jkun irrapurtat f' ppb — mikrogrammi/kilo (μg/kg). |
|
LOQ |
Il-limitu ta' kwantifikazzjoni f' pg/kg jew μg/kg (għal PCBs mhux bħad-diossina) |
|
LOD |
Il-limitu ta' determinazzjoni f' pg/kg jew μg/kg (għal PCBs mhux bħad-diossina) |
Għall-konġeneri analizzati imma inqas mil-LOD (limitu ta' determinazzjoni), fil-kaxxa tar- riżultati għandu jitniżżel bħala < LOD (il-LOD għandu jkun irrappurtat bħala valur).
Għall-konġeneri analizzati imma inqas mil-LOQ (limitu ta' kwantifikazzjoni), fil-kaxxa tar-riżultati għandu jitniżżel bħala < LOQ (il-LOQ għandu jkun irrappurtat bħala valur).
Għall-konġeneri PCB analizzati flimkien mal-PCB-7 u l-PCBs bħad-diossina, in-numru tal-konġeneru PCB jeħtieġ jiġi miżjud mal-formula, eż. 31, 99, 110, eċċ. Jekk il-kampjun huwa analizzat għal aktar PCBs konġeneri milli hemm fillieri mmarkati, sempliċement żid fillieri ġodda fil-qiegħ tal-formula.
4. Rimarki
Apparti l-metodu użat ta' l-estrazzjoni tal-lipidi, dan l-ispazju għandu jiġi wżat ukoll biex jitniżżlu rimarki rilevanti addizjonali għall-informazzjoni mogħtija.
Test ta 'immaġni
Test ta 'immaġni