7.6.2006   

MT

Il-Ġurnal Uffiċjali ta’ l-Unjoni Ewropea

285

(1)

L-għan prinċipali tad-Deċiżjoni 2002/463/KE (3) huwa li tippromwovi l-koperazzjoni amministrattiva fil-oqsma tal-fruntieri esterni, il-viżi, l-asil u l-immigrazzjoni.

(2)

Fil-Komunikazzjoni tagħha lill-Parlament Ewropew u lill-Kunsill tat-3 ta’ Ġunju 2003 dwar l-iżvilupp ta’ politika Komuni dwar l-immigrazzjoni illegali, id-dħul klandestin u t-traffikar tal-bnedmin, il-fruntieri esterni u r-ritorn ta’ residenti illegali l-Kummissjoni tissuġġerixxi l-possibbiltà li jiġi rivedut il-programm ARGO li jipprovdi sostenn finanzjarju lil proġetti nazzjonali fil-qasam tal-fruntieri esterni billi jiġu indirizzati punti dgħajfa strutturali speċifiċi f’postijiet strateġiċi tal-fruntieri li għandhom jiġu identifikati bi qbil ma’ l-Istati Membri abbażi ta’ kriterji oġġettivi.

(3)

Il-Kunsill Ewropew ta’ Tessaloniki stieden lill-Kummissjoni biex teżamina l-possibbiltà li jiġu approprjati fondi taħt l-intestatura 3 tal-perspettivi finanzjarji sabiex jiġu indirizzati, matul il-perijodu 2004-2006, l-aktar ħtiġijiet strutturali urġenti u biex tiġi koperta definizzjoni usa’ ta’ solidarjetà li tkun tinkludi, inter alia, sostenn Komunitarju fl-amministrazzjoni tal-fruntieri esterni.

(4)

L-awtorità tal-budget  (4) żiedet b’mod sostanzjali l-approprjazzjonijiet allokati lill-programm ARGO għall-2004, bil-ħsieb ta’ amministrazzjoni aħjar tal-fruntieri esterni.

(5)

Sabiex issir promozzjoni ta’ l-għanijiet ġenerali tal-programm ARGO huwa xieraq li jiżdied in-numru ta’ azzjonijiet li għandhom jiġu proposti fil-qasam tal-fruntieri esterni u li jiġu kkunsidrati tipi ġodda ta’ azzjoni.

(6)

Sabiex isir aktar aċċessibbli għall-amministrazzjonijiet nazzjonali, l-Istati Membri għandhom ikunu jistgħu jipproponu azzjonijiet li mhux neċessarjament jinvolvu Stati Membri oħra, iżda li jagħtu kontribut lill-għanijiet ġenerali u jsostnu l-attivitajiet fil-qasam tal-fruntieri esterni kif stabbilit fid-Deċiżjoni Nru 2002/463/KE.

(7)

Għandu jiġi stabbilit limitu massimu indikattiv fuq l-approprjazzjonijiet disponibbli assenjati għal azzjonijiet minn Stat Membru uniku.

(8)

Id-disposizzjonijiet dwar il-konsultazzjoni tal-Kumitat ARGO fid-Deċiżjoni Nru. 2002/463/KE għandhom ikunu allineati mar-Regolament Finanzjarju l-ġdid applikabbli għall-budget ġenerali ta' l-Unjoni Ewropea (5).

(9)

Skond l-Artikoli 1 u 2 tal-Protokoll dwar il-posizzjoni tad-Danimarka anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, id-Danimarka mhix qed tipparteċipa fl-adozzjoni ta’ din id-Deċiżjoni, u għalhekk mhix marbuta biha jew suġġetta għall-applikazzjoni tagħha.

(10)

Skond l-Artikolu 3 tal-Protokoll dwar il-posizzjoni tar-Renju Unit u l-Irlanda anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, ir-Renju Unit innotifika x-xewqa tiegħu li jieħu sehem fl-adozzjoni u l-applikazzjoni ta’ din id-Deċiżjoni.

(11)

Skond l-Artikolu 1 tal-Protokoll dwar il-posizzjoni tar-Renju Unit u l-Irlanda anness mat-Trattat dwar l-Unjoni Ewropea u mat-Trattat li jistabbilixxi l-Komunità Ewropea, l-Irlanda mhix qed tipparteċipa fl-adozzjoni ta’ din id-Deċiżjoni. B’riżultat ta’ dan, u mingħajr preġudizzju għall-Artikolu 4 ta’ l-imsemmi Protokoll, id-disposizzjonijiet ta’ din id-Deċiżjoni ma japplikawx għall-Irlanda.

(12)

Id-Deċiżjoni Nru 2002/463/KE għandha għalhekk tiġi emendata f'dan is-sens,

1)

Fl-Artikolu 10 jiddaħħal il-paragrafu li ġej:

“1a.   Azzjonijiet imsemmija fl-Artikolu 8 u proposti minn aġenzija nazzjonali ta’ Stat Membru wieħed li jimplimentaw waħda mill-attivitajiet fil-qasam ta’ politika msemmi fl-Artikolu 4, għandhom ikunu eliġibbli għal ko-finanzjament taħt il-programm ARGO, bil-kundizzjoni li:

2)

L-Artikolu 11 huwa emendat kif ġej:

3)

L-Artikolu 12 huwa emendat kif ġej: