Edizzjoni Speċjali bil-Bulgaru: Kapitolu 04 Volum 008 P. 3 - 4
Edizzjoni Speċjali bir-Rumen: Kapitolu 04 Volum 008 P. 3 - 4
Edizzjoni speċjali bil-Kroat: Kapitolu 04 Volum 010 P. 38 - 39
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32004D0815
2004/815/EC: Council Decision of 19 November 2004 amending the declaration by the European Community on the exercise of competence and voting rights submitted to the General Fisheries Commission for the Mediterranean
Deċiżjoni tal-Kunsill tad- 19 ta' Novembru 2004 li temenda d-dikjarazzjoni mill-Komunità Ewropea dwar l-eżerċizzju ta' kompetenza u drittijiet tal-vot preżentata lill-Kummissjoni Ġenerali tas-Sajd għall-Mediterran
Deċiżjoni tal-Kunsill tad- 19 ta' Novembru 2004 li temenda d-dikjarazzjoni mill-Komunità Ewropea dwar l-eżerċizzju ta' kompetenza u drittijiet tal-vot preżentata lill-Kummissjoni Ġenerali tas-Sajd għall-Mediterran
ĠU L 357, 2.12.2004, pp. 30–31
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 153M, 7.6.2006, pp. 223–224
(MT)
In force
Language
HTML
PDF
Official Journal
|
7.6.2006 |
MT |
Il-Ġurnal Uffiċjali ta’ l-Unjoni Ewropea |
223 |
DEĊIŻJONI TAL-KUNSILL
tad-19 ta' Novembru 2004
li temenda d-dikjarazzjoni mill-Komunità Ewropea dwar l-eżerċizzju ta' kompetenza u drittijiet tal-vot preżentata lill-Kummissjoni Ġenerali tas-Sajd għall-Mediterran
(2004/815/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 37 tiegħu, flimkien ma' l-ewwel sentenza ta’ l-Artikolu 300(2) u ma' l-ewwel subparagrafu tat-tielet paragrafu tiegħu,
Wara li kkunsidra l-proposta mill-Kummissjoni, (1)
Wara li kkunsidra l-opinjoni tal-Parlament Ewropew, (2)
Billi:
|
(1) |
Il-Komunità Ewropea hi membru tal-Kummissjoni Ġenerali tas-Sajd għall-Mediterran (GFCM); meta aderiet għal din l-organizzazzjoni, il-Komunità ddepożitat dikjarazzjoni waħda dwar l-eżerċizzju mill-Komunità ta' kompetenza u drittijiet tal-vot (3). |
|
(2) |
Fil-laqgħa tagħha mit-13 sas-16 ta' Ottubru 1997 il-GFCM adottat l-emendi għat-test tal-ftehim li jistabbilixxi budget awtonomu. |
|
(3) |
Bid-Deċiżjoni tal-Kunsill tas-17 ta' Lulju 2000 il-Komunità aċċettat l-emenda għall-Ftehim li jistabbilixxi l-Kummissjoni Ġenerali tas-Sajd għall-Mediterran sabiex jiġi stabbilit budget awtonomu għal dik l-organizzazzjoni (1). |
|
(4) |
L-emendi relattivi għal budget awtonomu daħlu fis-seħħ fid-29 ta' April 2004. |
|
(5) |
L-implimentazzjoni ta' budget awtonomu għall-GFCM jimplika li l-Komunità ser tipprovdi kontribut finanzjarju għal dak il-budget; minħabba l-volum ta' dan il-kontribut jeħtieġ li tiġi adottata d-dikjarazzjoni ta' kompetenza u drittijiet tal-vot depożitata fil-ħin ta' l-adeżjoni tal-Komunità mal-GFCM, |
IDDEĊIEDA KIF ĠEJ:
Artikolu uniku
1. Il-Komunità Ewropea għandha temenda d-dikjarazzjoni waħda ta' kompetenza u drittijiet tal-vot preżentata lill-Kummissjoni Ġenerali tas-Sajd għall-Mediterran meta taderixxi għal din l-organizzazzjoni, li għandha tiġi mibdula bid-dikjarazzjoni mill-Komunità Ewropea dwar l-eżerċizzju ta' kompetenza u drittijiet tal-vot skond l-Artikolu II(6) tal-Ftehim tal-GFCM kontenut fl-Anness ma' din id-Deċiżjoni.
2. Il-President tal-Kunsill qiegħed hawnhekk jiġi awtorizzat jinnotifika d-dikjarazzjoni emendata mill-Komunità Ewropea lid-Direttur-Ġenerali ta' l-Organizzazzjoni għall-Ikel u l-Agrikoltura.
Magħmula fi Brussel, nhar id-19 ta' Novembru 2004.
Għall-Kunsill
Il-President
J. P. H. DONNER
(1) ĠU C 15, 20.1.1999, p. 13.
(2) ĠU C 150, 28.5.1999, p 153.
(3) Deċiżjoni tal-Kunsill 98/416/KE tas-16 ta' Ġunju 1998 dwar l-adeżjoni tal-Komunità Ewropea għall-Kummissjoni Ġenerali tas-Sajd għall-Mediterran (ĠU L 190, 4.7.1998 p. 34).
ANNESS
Dikjarazzjoni waħda tal-Komunità Ewropea dwar l-eżerċizzju ta' kompetenza u drittijiet tal-vot skond l-Artikolu II (6) tal-Ftehim tal-GFCM
Din id-dikjarazzjoni tispeċifika l-kompetenza tal-Komunità Ewropea u l-Istati Membri tagħha fi kwistjonijiet koperti mill-Ftehim li jistabbilixxi l-GFCM.
1. Kompetenza esklussiva tal-Komunità Ewropea.
Għal punti fuq l-aġenda li jittrattaw il-konservazzjoni u l-immaniġġar ta' riżorsi ħajjin tal-baħar, il-Komunità Ewropea għandha kompetenza esklussiva u drittijiet tal-vot.
2. Kompetenza ta' l-Istati Membri.
Għal punti fuq l-aġenda li jittrattaw kwistjonijiet ta' organizzazzjoni (kwistjonijiet legali u proċedurali), l-Istati Membri tal-Komunità Ewropea għandhom kompetenza u drittijiet tal-vot.
3. Kompetenza maqsuma.
|
(a) |
Għal punti fuq l-aġenda li jittrattaw statistika u akwakultura, il-kompetenza tiġi maqsuma bejn il-Komunità Ewropea u l-Istati Membri tagħha. Il-Komunità Ewropea għandha drittijiet tal-vot. |
|
(b) |
Għal punti fuq l-aġenda li jittrattaw ir-riċerka u l-għajnuna għall-iżvilupp, il-kompetenza tiġi maqsuma bejn il-Komunità Ewropea u l-Istati Membri tagħha. L-Istati Membri għandhom drittijiet tal-vot. |
|
(ċ) |
Għal punti fuq l-aġenda li jittrattaw il-kunsiderazzjoni ta' rapporti u koperazzjoni ma' organizzazzjonijiet oħra, il-kompetenza tiġi maqsuma bejn il-Komunità Ewropea u l-Istati Membri tagħha, skond l-istess prinċipji ta' distribuzzjoni ta' kompetenza bħal dawk stabbiliti f'din id-Dikjarazzjoni. |
|
(d) |
Għal punti fuq l-aġenda li jittrattaw kwistjonijiet tal-budget, il-kompetenza tiġi maqsuma bejn il-Komunità Ewropea u l-Istati Membri tagħha. Il-Komunità Ewropea għandha drittijiet tal-vot. |
Din id-dikjarazzjoni tibdel id-dikjarazzjoni preċedenti ta' l-1 ta' Diċembru 2004 u tapplika għall-laqgħat tal-GFCM kollha sakemm ma ssirx stqarrija speċifika mill-Komunità Ewropea fir-rigward ta' kwalunkwe laqgħa jew punt fuq l-aġenda.
Jekk tinbidel il-firxa tal-kompetenza maqsuma bejn il-Komunità Ewropea u l-Istati Membri tagħha, din id-dikjarazzjoni għandha tiġi supplimentata jew modifikata.